Leita í fréttum mbl.is

Eiturlyfjalaust Ísland

árið  2000. Var það ekki Steingrímur Hermannsson og Framsóknarflokkurinn sem voru með þetta fyrir einhverjar kosningarnar?

Ekki hefur Framsóknarflokkurinn staðið fyrir mörgum afrekum á þessu sviði síðan þetta var svo ég viti til.

Nú er hinsvegar kominn fram leiðtogi sem ætlar að klára málið. Inga Sæland segir svo í dag og notar til þess spakmæli frá Gunnari Thoroddsen:

"...Mér líður virkilega illa að vera einn af þjóðkjörnum fulltrúum og þurfa að horfa upp á þessa vá án þess að geta virkilega barið í borðið og tekið á málunum eins og skot. Það er ekki eftir neinu að bíða.

Ég lýsi eftir þjóðarátaki í baráttunni gegn fíkniefnafaraldrinum. Þar þarf samræmt átak margra ráðuneyta, ríkisstjórnar, alþingis, sveitarstjórna og allrar þjóðarinnar. Oft hefur verið þörf en nú er nauðsyn að viðurkenna staðreyndir, tölurnar ljúga ekki. Við vitum um dauðsföllin, við vitum um flóð fíkniefna til landsins. Við vitum að sem sameinuð þjóð þá getum við brotið þessa óheillaþróun á bak aftur. Vakning og vilji er það sem þarf."

Er ekki viljinn það eina sem þarf og það eina sem skortir hjá þeim sem vill dópa sig?

Er þetta ekki hreinn barnaskapur eins og lýsir sér í lögunum um vændið þar sem salan er lögleg en kaupin ólögleg. Hvað myndi gerast ef sami háttur væri hafður á með dópið?

Eru ekki Píratar með skoðanir á þessu dópmálaflokki sem líklega stendur slíkum flokki nær en öðrum?

Vændislögin eru þvílík fjallheimska að varla er hægt að skilja að vitiborið fólk eigi að hafa samið þá vitleysu.

Af hverju er ekki ÁTVR falið að selja fleiri tegundir af dópi en bara brennivín? Útrýma glæpagengjunum og ná til fíklanna með góð ráð og leiðbeiningar? Erum við ekki þegar að blanda okkur í sprautunálabísnessinn með opinberu fé?

Ég er hræddur um að upphlaup eins og Inga Sæland talar fyrir verði lítið áhrifameira en gamla slagorðið um eiturlyfjalaust Ísland árið 2000 í stað raunsæis þessum málum eins og vændinu.


« Síðasta færsla | Næsta færsla »

Athugasemdir

1 Smámynd: Jóhann Elíasson

Ég er ekki viss en ég held að Halldór Ásgrímsson hafi átt þennan stórkostlega brandara....

Jóhann Elíasson, 29.10.2019 kl. 17:00

2 identicon

Ekki Steingrimur Hermannsson

Böðvar Guðmundsson (IP-tala skráð) 29.10.2019 kl. 21:46

3 Smámynd: Sigurður I B Guðmundsson

Vonandi verður Ísland Framsóknarlaust árið 2020!!

Sigurður I B Guðmundsson, 29.10.2019 kl. 22:24

4 Smámynd: Jónatan Karlsson

Góðan daginn Halldór.

Mannskepnan virðist ætíð leita eftir einhverjum ráðum til að komast frá hörmungum eða leiðindum grámyglu hversdagsins og beita til þess fjölbreyttum ráðum eins og við þekkjum.

Sumir okkar hér geta notið áfengis, á meðan aðrir geta alls ekki komið áfallalaust að því, auk þess að heilu þjóðunum er harðbannað að snerta það, í sömu andrá að þegnarnir geta ýmist reykt tuggið eða snúsað mörg af þeim efnum sem harðbönnuð eru hér.

Það hlýtur að vera áfall fyrir heiðarlegar íslenskar fyllibyttur, að nú eru aðeins lítill hluti nýrra vistmanna sjúkrahúss SÁÁ svo kallaðir alkohólistar.

Líklega væri best að leyfa allt dópið og láta okkur síðan sjálf um að taka ábyrgð á lífi okkar.

Jónatan Karlsson, 30.10.2019 kl. 07:17

5 Smámynd: Halldór Jónsson

Það er líklegra heldur en eiturlyfjalaust 2020 Sigurður B. En Maddaman er nú lífseig eins og dópið.

Já Jónatan, brennivínið er orðið bara tiltölulega saklaust miðað við margt annað.

Já Jóhann, þeir eru nú ósköp líkir hver öðrum þessir Frammarar. En þeir eru nú samt margir góðir vinir mínir og ég hef oft lúmskt gaman af þeim.

Halldór Jónsson, 30.10.2019 kl. 09:48

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (18.5.): 600
  • Sl. sólarhring: 948
  • Sl. viku: 5476
  • Frá upphafi: 3196926

Annað

  • Innlit í dag: 550
  • Innlit sl. viku: 4517
  • Gestir í dag: 496
  • IP-tölur í dag: 482

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband