Halldór Jónsson

19.12.2019 | 16:11

Kolefnisbullið krassar

samkvæmt athugun Bjarna Jónssonar rafmagnsverkfræðings. Hann skrifar m.a. svo:

Að halda hlýnun undir 2°C er ekki hægt úr þessu

Samkvæmt reiknilíkani IPCC er tómt mál úr þessu að tala um að takmarka hlýnun andrúmslofts við 1,5°C-2,0°C, eins og stefnumörkun Parísarsamkomulagsins 2015 hljóðaði upp á.

Ástæðan er sú, að árlega hefur losun á heimsvísu aukizt um 1,5 % síðan þá og nemur nú 43 mrdt/ár CO2. Þá gengur hvorki né rekur að þróa viðunandi tækni við að fjarlægja koltvíildi úr andrúmsloftinu, en á næstu 80 árum þarf að fjarlægja mrdt 730 af CO2 úr andrúmsloftinu samkvæmt miðgildi útreikninga IPCC, og einnig að minnka árlega losun um 7,6 % á hverju ári, þar til nettó-losun verður engin.

M.v. undirtektir á alþjóðlegri loftslagsráðstefnu í desember 2019, COP 25, næst þessi minnkun losunar ekki á næstunni.

Afköstin við að fjarlægja CO2 eru nú aðeins um 40 Mt/ár eða 0,4 % af því, sem nauðsyn er samkvæmt IPCC. Öll þessi barátta er vonlaus, eins og barátta Don Kíkóta við vindmyllurnar var á sinni tíð.

Skynsamlegra er að veita fé í aðlögun að hlýnun um 3°C til viðbótar við hlýnunina frá kuldaskeiði "Litlu ísaldar" (0,8°C), t.d. með því að búa innviði landsins undir meiri öfgar í veðurfari, sem okkur er sagt, að búast megi við.

Forsætisráðherra sagði á Alþingi 17.12.2019, að búast mætti við óveðri eins því, sem hrjáði norðanvert landið 10.-12. desember 2019, á 10 ára fresti.

Samkvæmt þekktum lotubundnum hitastigssveiflum á jörðunni mun samt e.t.v. á þessu árþúsundi kólna aftur mun meir en þessari hlýnun nemur. Til lengri tíma verður þá kuldinn skæðari óvinur lífs á norðurhveli en hitinn.

Morgunblaðið hefur gert góða grein fyrir straumum og stefnum í loftslagsmálum, og þann 27. nóvember 2019 flutti það frétt undir ískyggilegri fyrirsögn:

"Losunin eykst enn og nú stefnir í 3,2 stiga hlýnun":

Miðað við allt sem kemur frá ráðamönnum okkar, og ekki hvað síst frá forsætisráðherranum okkar um gjöld á almenning vegna losunar CO2, þá er maður eiginlega hættur að nenna að steyta sig yfir þessu kolefnisbulli öllu saman.Meðan jafnmikið stígur upp úr Kötlugíg af CO2 á sólarhring og allir Íslendingar losa af því góða efni,og það á meðan meðan hún lætur vera að gjósa, alveg án þess að taka önnur íslensk eldfjöll með í reikninginn eða þá hinn miklu stærri Mið-Atlantshafshrygg,þá er augsýnilegt flestum sem nenna að hugsa, að kolefnisbullið er krassað.

Hvað sem Katrín Jakobsdóttir og Umhverfisráðherrann sem enginn kaus segja, þá bara vex CO2 í andrúmsloftinu og Kínverjar bæta við einu kolakyntu raforkuveri á viku hverri.Sem betur fer er það svo lítið að það hefur engin áhrif til hlýnunar andrúmslofts og einu gildir þó kolefnisbullið krassi eins og Bjarni Jónsson útlistar.

Flokkur: Stjórnmál og samfélag | Facebook

Athugasemdir

Samkvæmt þeim tölum, sem stofnanir Sameinuðu þjóðanna byggja á, e aukningu co2 í andrúmsloftinu á okkar tímum er engan veginn hægt að rekja til eldvirkni á jörðinni, enda er útblástur af hennar völdum aðeins brot af hinum stanslausa, vaxandi og gríðarlega útblæstri af manna völdum, meðal annars frá tæplega eitt þúsund milljónum bíla í heiminum og milljón flugvélum.

Ómar Ragnarsson, 19.12.2019 kl. 16:55

Milljón flugvéla talan, sem ég hef nefnt, var tekin úr fræsðuþætti BBC um farþegaflug í heiminun, þar sem upplýst var að flugvélarnar á ferðinni í veröldinni væru þúsund sinnum færri en bílarnir.

En ég var nú rétt í þessu að fá ábendingu frá afar öflugum flugfróðleiksmanni þess efnis að flugvélarnar, sem eru á lofti í heiminum séu 38 þúsund, en flestar þeirra fljúga að vísu stóran hluta sólarhringsins.

Ómar Ragnarsson, 19.12.2019 kl. 21:33