Gunnar Smári Egilsson

sem sumir kenna við fjögurra-blaða Smára,hefur tilkynnt um framboðsundirbúning Sósíalistaflokks síns.

Gunnar þessi var fyrrum handgenginn Jón Ásgeiri og stórkapítalinu. bjó í Arnarnesinu með öðru stórmenni, en hefur nú söðlað um og er orðinn sannfærður sósíalisti með stjórnmálaflokk um sig.

Þetta er mjög sannfærandi framboð og líklegt til árangurs þar sem nokkuð tómarúm hefur myndast þar sem áður var Sjálfstæðisflokkurinn án þess að þeim flokki hafi tekist að koma sósíalismanum ómenguðum til skila í samkeppni  við V.G. sem hefur mjög slaknað í þeirri baráttu.

Það verðu spennandi að sjá hverskonar stjórnmálaminni kjósendur Gunnars Smára nýsósíalista hafa þegar kosið verður.

Athugasemdir

[Grímur (IP-tala skráð) 19.1.2020 kl. 12:55]

Hann mun keyra á  slagorðinu að "skipta eigi kökunni jafnar" svo mest mun hann taka af Samfylkingunni þau atkvæði sem finnst sjálfsagt að hinir eigi að borga fyrir sérþarfir jaðarhópa

[Halldór Jónsson, 19.1.2020 kl. 16:58]

Já, ekkert mun hann leggja til sjálfur frekar en aðrir félagshyggjumenn, svo mikið er víst. Annarra fé er það sem þetta lið gengur á.Þeir vilja ekki að þú ráðstafir einhverju sem þú ert með í vasanum, þeikr vita betur en þú í hverju máli kommatittirnir. 

[Halldór Jónsson, 19.1.2020 kl. 17:20]

Manifesto Fjögurra-blaða Smárans, sem var nú hér áður stundum kallaður auðvaldsþý af öfundarmönnum:

"Framboð Sósíalistaflokksins er nauðsynlegt til að koma hagsmuna- og réttlætisbaráttu verkalýðsins og annarra fátækra og kúgaðra hópa á dagskrá landsmálanna. Framboð Sósíalistaflokksins skal verða borið fram af hinum kúguðu, stefna flokksins skal vera kröfugerð hinna kúguðu og kosningabarátta flokksins skal miða að því að virkja hin kúguðu til þátttöku, upprisu og aðgerða.

Stjórnmálin hafa brugðist almenningi og alþýðunni. Alþýðan sjálf þarf að rísa upp og taka völdin af hinum fáu. Við erum fjöldinn og okkar er valdið. Við munum byggja upp samfélag út frá okkar hagsmunum, okkar væntingum og okkar siðferði. Við sættum okkur ekki við að búa innan samfélags sem byggt var upp til að vernda völd og auð fárra.“

 

Arnarness-og útgáfupeningarnir líklega búnir.