Siglufjörður

hefur komið í sviðsljósið í sjónvarpi nýlega. Fyrst voru afbragðs þættir um samgöngur og hverju jarðgöngin breyttu fyrir fyrir þetta einstaka pláss. Svo kom Egill Helgason með afbragðs þætti sína um síldarárin og sannaði enn enn sinni hæfileika sína til að gera sjónvarpsþætti þegar hann vill það við hafa sem bera af venjulega vinstrasilfrinu eins og gull af eiri.

Þátturinn um Strákagöngin undirstrikuðu hvílík nauðsyn samgöngur eru fyrir þetta land. Fjarðarheiðargöng eru því framkvæmd sem ekki má dragast að byrja á. Þau munu framkalla sambærilega byltingu fyrir atvinnulíf Austfjarða og Héðinsfjarðar-og Strákagöngin gerðu fyrir Siglufjörð þó þar hafi fjármögnunin gleymst að vanda.

Athugasemdir

[GÍSLI HOLGERSSON - ICELAND (IP-tala skráð) 22.1.2020 kl. 11:09]

Fyrsta ferð mín á Siglufjörð var 1951 með góðum Hafnfirðingum sem höfðu ráðið sig á skipið Dagnýu. Ég varð 15 ára þennan sama dag 25.júni, þegar við keyrðum upp og yfir Siglufjarðar-skarð. Skarðið fékk bæn og blessun biskups, en aldrei varð slys á þessari leið. Eina sjóferð mín og ógleymanlegt sumar.

STRÁKAGÖNGIN opnuðu 1967 og breyttu miklu fyrir Siglufjörð. Ég er sammála góðum göngum,sem víðast á landinu okkar til öryggis fyrir heimamenn og afurðir okkar. Sanngjarnt er að greiða gjald fyrir notkun jarðgangna, EN FORÐUMST ALLA VEGATOLLA, SEM GERA LANDIÐ OKKAR HUNDLEIÐINLEGT?.

Egill Helgason er snjall í viðtalsþáttum. HANN þegir meðan góðir viðmælendur tala. Þættirnir um Siglufjörð eru GÓÐIR.