Hart sótt að Trump

víða um heim. Nú bætist Samfylkingin með Guðmundi Steingrímssyni í hóp andskota hans.

Guðmundur skrifar í örvæntingu um framboðsmál demókratanna. 

Hann segir m.a.:

,,," Ég drekk í mig fréttir af forvali Demókrataflokksins og les pistla um dusilmennið Trump eins og reyfara. Hverju sætir? Jú, Bandaríkin eru svo nálægt manni. Og eftir að hafa sökkt mér í þetta sé ég ekki betur en að það sé eiginlega stríð í gangi í Bandaríkjunum. Það geisar þar menningarleg styrjöld. Hún er sem betur fer háð með orðum en ekki tólum, en hatrömm er hún. Mér finnst nánast eins og maður þurfi að bregða sér vestur eftir og taka þátt. Bera út bæklinga í hús í einhverju úthverfinu. Mér finnst ég skilja hvernig ungu fólki leið sem Bandaríkin ákvað að fara til Spánar í gamla daga og berjast fyrir lýðræðinu við heri Franco einræðisherra.

Stríðið í Bandaríkjunum snýst um jafn mikilvæga hluti. Málsvarar hins opna og umburðarlynda samfélags — þar sem gildi eins og sannleikur, heiðarleiki, sanngirni, tjáningarfrelsi, upplýstar ákvarðanir og jöfn tækifæri eru í hávegum höfð — eiga í magnaðri orrahríð við erindreka sérhagsmuna sem víla ekki fyrir sér að spinna alls konar lygavefi, hunsa vísindalegar staðreyndir, ala á hatri og mölbrjóta alla múra heiðarlegrar háttsemi til þess að fá vilja sínum framgengt, sem er að halda völdum í þágu sinna eigin hagsmuna...

Ja þvílík örvænting er í Guðmundi og demókrötum. Hillary Clinton lét myrða merkismanninn Gaddafi á viðbjóðslegan hátt. Voru "sannleikur, heiðarleiki, sanngirni, tjáningarfrelsi, upplýstar ákvarðanir og jöfn tækifæri " þar í framlínu með pappírstætaranum Pelosi Pokahontas?

 

 

 

..."Stærsta hagkerfi heims er sem sagt um þessar mundir stjórnað af stjórnmálaflokki sem ber öll einkenni mjög furðulegs sértrúarsafnaðar. Það er korter í að þessi flokkur haldi því fram að jörðin sé flöt og að rökin fyrir því séu „af því bara“.

Útlitið er ekki bjart, en megi Demókrötum auðnast að sameina sjálfa sig gegn þessu yfirgengilega rugli því þetta ástand varðar ekki bara Bandaríkin heldur okkur öll. Amy, Bernie, Elisabeth, Michael, Pete eða Joe. Hver sem sigrar í forvalinu.

Þið megið ekki klikka á þessu! Ég brjálast."

Þetta kallar maður að hafa verki með því.

En Guðmundur Steingrímsson má hugga sig við eitt: Hann og Samfylkingin geta ekki brjálast af augljósum ástæðum.

En Trump stendur af sér allar aðsóknir og verður forseti næstu fjögur árin svo að Guðmundur gerir vel í að venja sig við þá tilhugsun.

Athugasemdir

[Tómas Ibsen Halldórsson, 11.2.2020 kl. 14:48]

Demókratar sem og íslenskir kratar fara úr límingunum yfir því að fá ekki að stjórna. Þeim finnst þeir einir eigi að stjórna og ef einhverjum dirfist að vinna þá í kosningum eru þeir úthrópaðir, eins og Trump vestur í USA. Það eina sem Trump hefur unnið sér til saka er að hafa unnið Hildiríði Klintjárn í kosningum vestur þar. Hvílíkur ofstopamaður að hafa leyft sér slíkt.

[Grímur (IP-tala skráð) 11.2.2020 kl. 18:38]

Afhverju spyr enginn Formann Samfylkingarinnar hvað honum finnist um verkfall Eflingar og ummæli Dags?

Sumum virðist alltaf hlíft af fréttamönnum RUV sem birta falsfréttir um Trump nær daglega

[Jón Steinar Ragnarsson, 12.2.2020 kl. 02:43]

Vinstrimönnum svíður þetta leiðinlega lýðræði þar sem meirihlutinn ræður ferð næstu fjögur ár. Þeir skilja hugtakið bara alls ekki.

Varðandi Pocahontas, þá er það frambjóðandin Elisabeth Warren sem fékk það viðurnefni vegna þess að hún laug því til í fjölda ára að hún væri af indíánaættum. Eftir genapróf kom í ljós að það er líklega minna indíánablóð í henni en nokkrum öðrum ameríkana. Hún hefur farið frjálslega með "sannleikann" í fleiri skipti. Nánast daglega.

[Helga Kristjánsdóttir, 12.2.2020 kl. 07:44]

Heitustu fylgjendur Ný-Kratisma(úr vísnahorni Jóns Björnssonar) lýsa gremju sinni svo opinskátt að vanlíðan þeirra verður trauðla véfengd. Við lesum pólitískar fréttir frá þessum bjargvættum Evrópu frá algjörri hnignum (World War2) og vonum að þeir verði ekki kommonismanum að bráð.Þetta skynja kjósendur sem flykkjast fagnandi á fundi Donalds Trump þúsund og tugþúsundum saman.