Engum þykir vænt um sparifé

fólkið talar aldrei neitt um nema lánskjör og útlánsvexti. Sparifé virðist óþekkt hugtak.

Samt skrifar Hrafn Magnússon svo:

"Eldri borgurum er gert ókleift að geyma sparifé sitt inn á bankareikningum. Skiptir þá engu máli hvort reikningurinn er verðtryggður eða óverðtryggður.
Sparnaður eldra fólks er mikilvægur. Hann er hugsaður til að mæta óvæntum útgjöldum, svo sem vegna viðhalds húsnæðis eða bifreiðar, svo nærtæk dæmi séu tekin.
Einnig vilja eldri borgarar líkt og annað fólk getað lifað innihaldsríku lífi, farið til útlanda, í leikhús og sinnt öðrum menningarviðburðum.
Þá er rík þörf hjá eldri borgurum að eiga í handraðanum sparifé sem grípa má til, ef hjálpa þarf börnum eða barnabörnum vegna óvæntra áfalla, svo sem vegna langvarandi veikinda eða fjárhagsvandræða.
Sparnaður eldra fólks er hins vegar í mörgum tilvikum þrískattlagður.

Í fyrsta lagi eru vextir af óbundnum bankareikningum undir verðbólgustigi.

Í öðru lagi er fjármagnstekjuskatturinn 22% af nafnvöxtum. Skatturinn er því líka tekinn af verðbólgunni, eins furðulegt og það er.

Í þriðja lagi lækka eftirlaunin hjá almannatryggingum um 45% af vaxtatekjunum."

Bankar neita mönnum um óbundna verðtryggða reikninga til skemmri tíma en 3 mánaða. Af hverju má maður ekki leggja inn á verðtryggðan reikning með 0% vöxtum til að geta gripið til síðar? Af hverju þarf að binda peninginn í 3 mánuði? 

Engum virðist þykja vænt um sparifé heldur bara lán,skerðingar  og útlánsvexti.

 

Athugasemdir

[GÍSLI HOLGERSSON - ICELAND (IP-tala skráð) 22.2.2020 kl. 12:46]

BANKARNIR stýra EYÐSLUNNI með lánsfé. SPARSEMIN er ÓÞEKKT. ÞÓ man ég sparisjóðsbækur til barna á fermingar og afmælisdögum. 

Höldum vinnu að ungu fólki með skólanum og HÆTTUM námslánum. Það voru betri "lausnir" til sveita og í sjávarþorpum, en mjög margir gætu létt undir með kostnaðinn í skólum. REGLUSEMI mun aukast með "vinnu" í atvinnulífinu.

TRYGGJUM og KENNUM SPARSEMI frá UNGA ALDRI.