Þórhildur Sunna

var í Silfrinu með sína tegund af speki og skoðanir á ráðstöfunum ríkisstjórnarinnar.Þar vantar meðal annars grænar lausnir að hennar mati heyrðist mér.  

Ein af hennar tillögum heyrðust mér vera Borgaralaun.

Já, því ekki að skoða þá hugmynd?

Það voru skilst mér um 232.000 störf á landinu alls í desember 2019. Opinberir starfsmenn eru um þriðjungur af þeim og fá sitt kaup þar.  Ef við segjum að 2/3 þeirra sem eftir eru séu í launuðum störfum þá gætu verið afgangs einhver 50.000 manns sem ekki hafa laun neins staðar. Mætti áreiðanlega finna þá samkvæmt skattframtölum og lífeyrissjóðagögnum.

Ef við greiðum 50.000 manns 200.000 kall á mánuði meðan við bíðum eftir að faraldurinn gangi hjá, kostar það 10 milljarða á mánuði. Bótaþegar og gróðapungar drægjust frá þannig að kannski er þetta ekki svona mikið? Yrði þetta ekki fljótvirkara heldur en tillögur Þorgerðar Katrínar í sama Silfrinu um að ríkið veiti opinberu fé  í rannsókna og þróunarstarfsemi til smárra og meðalstórra fyrirtækja? 

Kannski er þetta ekkert vitlausara en annað hjá Þórhildi Sunnu?

 

 

Athugasemdir

[Jóhann Elíasson, 5.4.2020 kl. 15:17]

Ég fékk nú "kjánahroll" bæði þegar hún talaði um "grænar" aðgerðir og ekki skánaði það þegar hún talaði um að aðgerðir ríkisstjórnarinnar hefðu verið KARLLÆGAR.......

[Þorsteinn Siglaugsson, 5.4.2020 kl. 15:32]

Þegar um er að ræða skyndiáfall í efnahagslífinu er tómt mál að tala um einhverjar grænar lausnir og styrki í rannsóknar- og þróunarstarf. Þróunarstyrkjapólitíkin snýst um að fyrst eyði fyrirtækin mörgum mánuðum í að útbúa umsóknir sem svo tekur einhverja embættismenn aftur marga mánuði að dunda sér við að velja úr.

Það er einfaldlega tvennt sem þarf að gera núna, og það verður að gera strax, og með sem allra minnstum afskiptum embættismanna:

1. Tryggja fólki sem missir vinnuna lífsafkomu meðan þessar efnahagsþrengingar ganga yfir.

2. Koma í veg fyrir eftir því sem hægt er að fyrirtækin fari á hausinn. Þetta má gera hvort sem er með lánum eða, í tilfelli smærri fyrirtækja, beinum styrkjum.