Drífa Snædal

og dr. Benedikt Jóhannesson voru í Silfrinu hjá Fanneyju áðan. Þar komu málefni Icelandair til umræðu og hvernig ætti að taka á því máli.

Frú Drífa kom fram sem gersamlega botnfrosin verkalýðshetja af gamla skólanum sem engu tauti verður við komið. Ólíklegt er að hægt sé að rökræða við slíka manneskju með nokkru móti um eitt eða neitt þegar vandamálin vofa yfir sem víðast í þjóðfélaginu.

 

Þarna í Silfrinu  voru þau Drífa og Benedikt beðin að velta því  fyrir sér hvað hægt væri að gera í máefnum Flugleiða. Hvort ætti að moka fé í félagið sem fyrir er með öllum sínum skuldbindingum eða byrja á nýju félagi með hreint borð? 

Svar Drífu er að ófávíkjanleg krafa ASÍ sé að allir starfsmenn verði ráðnir inn á ný með starfsaldurslista og réttindum. Hún krafðist banns við verktöku við ýmis störf í þjóðfélaginu. Þó eru mörg störf í þjóðfélaginu eins og til dæmis  ferðamennsku þannig að vandséð væri að geti verið til nema á því formi svo sem leiðsögn við breytilegar aðstæður og fleira slíkt má telja.

Í ljósi svona eintrjáningsmennsku eins og forseti ASÍ opinberarar er allt tal um nauðsyn og möguleika íslenskra flugferða út í bláinn.Ekkert verður samið nema ég ráði ein öllu eru skilaboðin.

Mér sagt að Icelandair skuldi starfsmönnum tuga flugferða alls flotans á frímiðum  og gríðarlegt magn af útistandandi vildarpunktum sem það hefur sett út í auglýsingaskyni.

Kjarasamningar þessa félags eru sagðir hafa þróast til þessarar niðurstöðu í gegnum áratugina með tilheyrandi verkfallaaðgerðum og einhliða kúgunar.  Slíkt félag með fortíðarklyfjar á erfitt með að standa í samkeppni við ný félög með hrein borð. Þau fara bara reglulega á hausinn og nýir kraftaverkamenn koma til sögunnar og segja woff og pleij.

Innan Icelandair er gríðarleg þekking og reynsla samankomin. Heil auðlind þjóðar.Það er skelfilegt ef ekki verður hægt að nýta þetta áfram innan íslensks félags. Sama hvort eru flugvirkjar, flugmenn eða flugfreyjur. Það er slæmt ef menn velja frekar ekkert flug heldur en að slaka til eins og mér skilst að flugmenn hafi gert.

Mér sýnist að eigi að endurreisa rekstur Icelandair verði að strika yfir margt úr fortíðinni sem myndi sliga reksturinn. Það verður sjálfsagt erfitt að kyngja til að byrja með en ef þetta tosast í gang þá breytist margt undraskjótt eins og við upplifðum eftir hrunið.

Miklu máli skiptir fyrir endurreisn flugsins og atvinnulífs heimsins hvernig til tekst í þróun bóluefna gegn pestum sem á okkur herja. Því eins og áður er bara eitt sem máli skiptir í lífi hvers manns: Heilsan. En svo mælti vinur minn Ingimar K.Sveinbjörnsson þegar hans heilsa hafði kvatt.

Öreindalíffræðin má því vel vera að verði sú vísindagrein sem mesta athygli muni fá á næstu árum.

En með einstefnu og verkalýðkröfuhörku fornaldar eins og fram koma hjá frú  Drífu Snædal tefjast allar ráðstafanir mun lengur en ella hefði verið.

 

 

 

Athugasemdir

[Sigurður Antonsson (IP-tala skráð) 17.5.2020 kl. 13:46]

Forysta ASÍ og VR ala á stéttarhatri og átökum með RÚV sendiboðum sem spila verðbólguvalsinn. Atvinnurekstur minni og stærri fyrirtækja sem standa undir velferðinni er reglulega ásakaður.

Taktík Jóhönnustjórnar. Alið á stéttarbaráttu og verðbólgu sem er einkenni íslensk efnahagslífs. Verðbólgukrónan er talin lausn á flóttann frá veruleikanum, gengissig óhjákvæmilegt? Er það nauðsynlegt til að félagskapurinn lifi af og sanni tilurð sína? 

[GÍSLI HOLGERSSON - ICELAND (IP-tala skráð) 18.5.2020 kl. 13:38]

Viðreisnarmaðurinn Benedikt ræddi hrunið 2008, sem allir hafa gleymt?. EKKI allir, sem glötuðu heimilunum og smáfyrirtækjum í þúsunda tali. Bankarnir og fáir ævintýramenn urðu moldríkir og margir fengu afskrifað. Þetta voru erfið ár fyrir þúsundir ÍSLENDINGA.

Nú er Kínverska COVID19 árið 2020, sem setur ÍSLAND í efstu hæðir varðandi ferðabransann. Við hefðum ekki þurft að styrkja HÓTEL og ferðabransann, nema til sveita.

FERÐABRANSINN fer á fullt í JÚNI/JÚLÍ. VIÐ þurfum EKKI að auglýsa fyrir "hundruð miljóna um víðan völl." Notum ÍSLENDINGA til verka. Kynnum EIGIN FRAMLEIÐSLU og SÖGUNA.

Forstjórinn Bogi Nils er réttlátur varðandi ofurlaun margra í flugbransanum. Bogi ætti líka að lækka og leiðrétta laun EMBÆTTISMANNA og ALÞINGISMANNA, sem er undrunarefni.  Það er óeðlilegt að 50% séu komnir á Ríkisjötuna.