Toppurinn

í stjórnmálum nú til dags er: 

Sigurborg Ósk Haraldsdóttir

Í gær klukkan 12:05  · 

 

"Við eigum að skoða lestarsamgöngur á Íslandi.

Sérstaklega í ljósi Covid 19. Sérstaklega í ljósi loftslagsbreytinga. Sérstaklega í ljósi lífsgæða komandi kynslóða.

Stundum ganga hlutirnir sinn vanagang, dag eftir dag og við erum ekki sérlega meðvituð um eigin ákvarðanir. Stærstu ákvarðanirnar eru kannski ákvarðanir sem við sjálf tókum aldrei. Hlutirnir halda bara áfram "business as usual". Líkt og samgönguáætlun sem er núna í umræðu á Alþingi. Þar er verið að afgreiða áætlun uppá 204 milljarða. En ekki minnst orði á að skoða kostnað eða ábata við lestarsamgöngur.

 

Nýlega lét Loftslagsráð gera úttekt á stjórnsýslunni í kringum loftslagsmál á Íslandi. Niðurstaðan var sláandi. Verkaskipting er óskýr, það skortir samræmda heildarsýn, utanumhaldið er óljóst og losaralegt og í raun gengið svo langt að segja að ekki sé nein raunveruleg stjórnsýsla í loftslagsmálum.

 

Að mati Capacent þarf að flétta loftslagsmálin betur inn í allar ákvarðanir stjórnvalda, strax á frumstigi.

Þegar samgönguáætlun var afgreidd úr umhverfis- og samgöngunefnd var þetta í nefndaráliti meirihlutans:

"Nefndin leggur áherslu á að áætlanir og áform stjórnvalda varðandi orkuskipti og loftslagsmál taki mið af samgönguáætlun og innviðauppbyggingu samgangna."

Þarna er orsök og afleiðingu snúið á hvolf. Samgönguáætlun á að taka mið af loftslagsmálum en ekki öfugt.

Hún að vera mótuð frá grunni til þess að draga úr losun gróðurhúsalofttegunda, til þess að við sem þjóð stöndum við Parísarsáttmálann.

Skoðum kosti og galla við lestarsamgöngur. Fyrir fólk og vörur. Skoðum hvaða leiðir eru færar til framtíðar."

 

Í mínum huga toppar þessi Sigurborg Ósk allt sem sagt er á vettvangi stjórnmála um þessar mundir. Þvílík  mannvitsbrekka er þessi myndskreytti Pírati.

 

Og Helga Vala Hælisleitendasérfræðingur stefnir ótrauð í átt að toppnum líka en slær samt seint Sigurborgu Ósk Haraldsdóttur út. 

Athugasemdir

[Þorsteinn Siglaugsson, 22.6.2020 kl. 11:16]

Sigurborg Ósk er svo djúpvitur að þess hafa aldrei sést nein dæmi fyrr og munu ekki sjást síðar. Hún ætti eiginlega að heita Sigurborg djúpúðga. Það var líka sniðugt hjá henni að láta Capacent skrifa skýrslu til að halda fram því sem henni finnst. Aurarnir fyrir það hafa því miður ekki dugað til að halda fyrirtækinu á floti, en skýrslan verður ekki verri fyrir það.