Galið

er það hvernig vinstra liðið á Alþingi  hefur komið okkur í öngstræti með Evrópuþjónkun sinni frá 2013.

Og ekki er hlutur hægri manna betri þar sem þeir hafa ekkert gert til að stöðva delluna. Og ekki eru þeir betri sem sí og æ lofsyngja ESB og heimta okkur þangað inn sem eru Samfylkingin og Viðreisn auk fimmtuherdeildar þingmenn úr öðrum flokkum.

Sigríður Á. Andersen hin burtrekni dómsmálaráðherra rekur hluta af dellunni í grein í Morgunblaðinu í gær. Hún segir m.a.:

"... Lög nr. 40/2013 kveða á um að 5% orkugjafa í samgöngum skuli vera endurnýjanleg. Reglugerð 960/2016 kveður jafnframt á um 6% minnkun á losun gróðurhúsalofttegunda frá samgöngum og vinnuvélum. Bæði lögin og reglugerðin voru sett til innleiðingar á reglum ESB.

Þessar reglur eru þannig úr garði gerðar að rafbílavæðingin hér á landi er einskis metin. Rafbílarnir eru hreinlega ekki taldir með þótt hlutur þeirri mæti nú kröfunni um 5% hlut endurnýjanlegrar orku og sé kominn vel áleiðis með að mæta kröfunni um 6% samdrátt í losun gróðurhúsalofttegunda sem tekur gildi í lok þessa árs.

Ástæðan fyrir þessu er að ESBreglurnar taka mið af einstökum seljendum orku á bíla en ekki ástandinu eða þróuninni í heild sinni. Þær telja ekki með bíla sem hlaðnir eru orku við heimahús eða vinnustaði.

Jafnvel þótt meirihluti íslenska bílaflotans gengi fyrir endurnýjanlegri íslenskri raforku myndu Íslendingar ekki teljast búnir að uppfylla kröfur ESB um 5% endurnýjanlega orkugjafa í samgöngum eða 6% samdrátt gróðurhúsalofttegunda!.Að óbreyttum lögum mun engu skipta hve rafbílar verða stór hluti af bílaflotanum.

Íslendingar munu áfram þurfa að kaupa dýrt og orkusnautt lífeldsneyti til íblöndunar í bensín og dísilolíu til að uppfylla evrópsku reglurnar sem við erum þó í raun að uppfylla með öðrum hætti.

Milljarðar króna hafa runnið úr landi af þessum sökum undanfarin ár.

Yfir 7 milljarða kostnaður

Í svari fjármálaráðherra við fyrirspurn minni um kostnað ríkissjóðs af þessari meðgjöf með lífeldsneytinu árið 2015 kom fram að hann væri um 1,2 milljarðar það ár.

Miðað við fjórðungs aukningu í eldsneytissölu frá 2015 og 15% hækkun á krónutölu meðgjafar má gera ráð fyrir að kostnaður ríkissjóðs á síðasta ári hafi verið um 1,7 milljarðar króna.

Alls gæti ríkissjóður því hafa sent erlendum framleiðendum lífeldsneytis yfir 7 milljarða króna á síðustu fimm árum.

En árangurinn? Í nýrri 170 síðna aðgerðaáætlun Íslands í loftslagsmálum er hvorki minnst á þessar reglur, hrikalegan kostnaðinn sem þeim fylgir né hver ávinningurinn í loftslagsmálum gæti verið.

Þingmenn vinstri flokkanna sem innleiddu ESB-reglurnar um íblöndunina árið 2013 hafa hins vegar svarað spurningunni um árangurinn fyrir sitt leyti með nýlegri tillögu á þingi um að íblöndun pálmaolíu í eldsneyti verði bönnuð.

Íblöndunina telja þeir nú hafa aukið losun gróðurhúsalofttegunda, valdið stórkostlegri loftmengun í Asíu, auk þess að stuðla að eyðingu regnskóga, ógna líffræðilegri fjölbreytni og ýta undir vinnuþrælkun og illa meðferð á konum og börnum."

Hvað hefði verið hægt að gera fyrir þetta fé hingað til og áfram?

Að það skuli vera til stjórnmálamenn sem þiggja framfærslu sína af skattfé sem geta horft á svona geggjun án þess að gera neitt í því?

Hverskonar galið lið er þetta eiginlega sem við erum að kjósa aftur og aftur?

Athugasemdir

[GÍSLI HOLGERSSON - ICELAND (IP-tala skráð) 29.6.2020 kl. 12:49]

Evrópuþjónkun Samfylkingar, Viðreisnar og VG ásamt þekktum einstaklingum, sem hugsa til inngöngu við ESB "húskarlana" í BRUSSEL, verður að kjósa útaf ALÞINGI.

Hjartanlega til hamingju með endurkjörið á Bessastöðum kæri FORSETI ÍSLANDS. Margir vilja sjá ÞJÓÐARKOSNINGU varðandi LANDIÐ OKKAR og MIÐIN og fulla úrsögn frá illa reknu embættis kerfi 26 landa ESB.

Hugsum til landamæra og sjálfstæði ÍSLENDINGA undir Kristnum siðum.

[kristinn Bjarnason (IP-tala skráð) 29.6.2020 kl. 20:28]

Það er rosaleg geggjun í gangi. Dæmi, ríkissjónvarpið hefur tekið að sér að heilaþvo fólk með vinstri áróðri og við verðum að borga sérstaklega fyrir það. Fátækasta fólkið kemst ekki í gegnum greiðslumat og verður að leigja fyrir miklu hærri upphæð og nær aldrei að eignast neitt. Helmingur af öllum skatttekjum einstaklinga fer í afþreyingu og umhverfismál. Ótrúlega mörgum finnst fjármunum best borgið hjá ríkinu. Allar skatttekjur einstaklinga duga ekki fyrir menntakerfinu. Þessi útgjöld aukast á miklum hraða þangað til eitthvað mjög vont gerist.