Halldór Jónsson

28.7.2020 | 23:00

Sigríður Björk

gerir gys að öllum yfirvöldum dóms-og lögreglumála á Íslandi.Hún virðist hafa völd til að ákveða hver gegnir hvaða embætti í löggæsluinni á Íslandi.

Eiríkur Jónsson tók saman yfirlit um nokkur hasarmálí kring um Sigríði Björk:

DATT HÆFISNEFNDIN Á HAUSINN?

March 11, 2020

Frá laganna verði:
—

Komið hefur fram í fjölmiðlum að hæfisnefnd telji Sigríði Björk Guðjónsdóttur hæfasta til að taka við starfi ríkislögreglustjóra. Hún stýrir nú lögreglunni á höfuðborgarsvæðinu.

Fljótt á litið mætti halda að hæfisnefndin hafi dottið á hausinn, eða hafi alls ekki kynnt sér stjórnendaferil Sigríðar Bjarkar áður en hún komst að þessari niðurstöðu.

Sigríður Björk státar nefnilega af löngum „brotaferli“ í störfum sínum sem lögreglustjóri, jafnt þegar hún var á Suðurnesjum og á höfuðborgarsvæðinu. Málin einkennast af einelti, yfirgangi, samskiptavanda og samstarfserfiðleikum. Ferill hennar í þessum efnum er líkur ferli Haraldar Johannessen fyrrverandi ríkislögreglustjóra, sem ríkisvaldið borgaði 57 milljónir til að losna við úr embættinu sem Sigríður Björk þykir nú hæfust til að gegna.

Morgunblaðið birti ítarlega samantekt um stjórnunarferil Sigríðar Bjarkar í október 2019. Þar kemur fram að hún sé með fimm dóma á bakinu vegna ólögmætra aðgerða gegn lögreglumönnum. Þrír dómar féllu vegna vinnubragða hennar sem lögreglustjóri á Suðurnesjum og tveir á höfuðborgarsvæðinu. Meðal annars vegna ólögmætra uppsagna, seinagangs við rannsókn og ómálefnalegra breytinga á störfum lögreglumanna.

Þá kom Sigríður Björk að sendingu á vafasömum upplýsingum um hælisleitanda til Hönnu Birnu Kristjánsdóttur þegar sú síðarnefnda var dómsmálaráðherra. Þær upplýsingar láku út og leiddu á endanum til þess að Hanna Birna sagði af sér embætti. Persónuvernd gerði athugasemd við meðferð Sigríðar Bjarka á þessum upplýsingum.

Eftir að Sigríður Björk var skipuð lögreglustjóri á höfuðborgarsvæðinu árið 2014 án auglýsingar, þá réðst hún í skipulagsbreytingar innan embættisins sem ollu miklum óróa. Meðal annars bolaði hún tveimur aðstoðarlögreglustjórum í burtu.

Fram kom hjá landssambandi lögreglumanna að alls hefðu 24 starfsmenn lögreglunnar á höfuðborgarsvæðinu leitað til landssambandsins til að kvarta undan einelti af hálfu Sigríðar Bjarkar.

Vinnusálfræðingur kallaður til að skoða aðstæður hjá lögreglunni og hvatti hann til úrbóta. Í tilteknu máli var niðurstaða hans að Sigríður Björk hefði ekki komið vel fram við lögreglumann. Hún var hins vegar svo ónæm fyrir slíkum aðstæðum að hún sagðist fyrst hafa lesið um þennan samskiptavanda í fjölmiðlum.

Niðurstaða sérfræðings sem var kallaður til að skoða samskiptamál innan lögreglunnar á höfuðborgarsvæðinu voru á þá leið að skýrar vísbendingar væru um vanda sem snerti samskipti og samstarf og ráða þyrfti utanaðkomandi aðila til aðstoðar.

Þrír lögreglumenn komu með opinberar ásakanir á hendur Sigríði Björk haustið 2016. Formaður landssambands lögreglumanna taldi vandséð í ljósi þeirra að Sigríði Björk væri stætt á því að halda áfram sem lögreglustjóri.

Þá hefur mikil óeining grasserað innan fíkniefnalögreglunnar.

Semsagt, þrátt fyrir þennan feril samskiptaörðugleika og eineltis telur hæfisnefndin Sigríði Björk hæfasta til að verða ríkislögreglustjóri – embætti sem var nánast orðið ónýtt vegna samskiptaörðugleika.

Ef Sigríður Björk er talin hæfust, hvað má þá halda um hina umsækjendurna um embættið?"

Og Sigríður Björk er hvergi nærri hætt. Nú er hún langt komin að skipuleggja Ólaf Helga úr lögreglustjóraembætti á Suðurnesjum. Dómsmálaráðherra virðist láta Sigríði um að hanna atburðarásina með Ólaf Helga sem nú síðast á að senda út í Vestmannaeyjar vegna óhæfis hans til embættisstarfa.Það er sama með hann og Harald Johannessen. Þeir verða báðir skyndilega óhæfir til starfa eftir áratuga störf. Það spretta upp svipuð máli kring um þá báða sem margir tengja við prestmaddömuna að uppruna.

Það hefur sannarleg ekki verið friðsælt í kring um Sigríði Björk séu störf hennar borin saman við fyrri lögreglustjóra, t.d. Sigurjón Sigurðsson og Stefán Eiríksson.

Hvaða heljartök hefur þessi kona á dómsmálaráðherra og getur látið hann flæma hvern sem er úr embætti. Hún er dæmd fyrir einelti. Sá einelti fær háar bætur en Sigríður Björk flæmir þann sama úr embætti.

Það er eilíf styrjöld í kring um þessa prestmaddömu sem friðarspilli innan löggæslunnar. Hún virðist vera illfygli af grimmustu gerð.

Af hverju sér enginn þessa augljósu staðreynd um manneskjuna Sigríði Björk.

Flokkur: Stjórnmál og samfélag | Facebook

Athugasemdir

Spilling femínistanna er nýjasta tegundin af spillingu. Þú spyrð um hvaða heljartök hún hafi á Áslaugu dómsmálaráðherra. Samstaða kvenna er sennilegasta skýringin, hin nýfengnu völd þeirra eru þeim dýrmætari en réttlætið. Auk þess er þetta sennilega hluti af samstöðu ríkisstjórnarinnar, að styggja ekki Vinstri græna. Skelfilegt hvað Sjálfstæðisflokkurinn er kominn langt frá þeim sterka og sjálfstæða flokki sem hann var. Þessi langi listi virðist benda til þess að hin femíníska spilling nái mjög víða í stjórnkerfinu.

Ingólfur Sigurðsson, 29.7.2020 kl. 02:06

Lengi getur vont versnað.

Sigurður I B Guðmundsson, 29.7.2020 kl. 10:35

Já Ingólfur

Mér sýnist þetta kynjajafnrétti vera komið í þann farveg að konur skuli alltaf hafa forgang í vali milli manna.

Sigurður frændi

Manstu vísuna:

Góður betri bestur

burtu voru reknir

Illur verri verstur

voru aftur teknir.

Halldór Jónsson, 29.7.2020 kl. 13:07

Einhverra hluta vegna þykir sumum það hin mesta fyrra að kven ríkislögreglustjóri skuli haga sér eins og karl fyrirrennarar hennar gerðu án nokkurrar gagnrýni. Hún á að vera þæg og góð, brosa og vera sæt, og láta karlana um verkin.

Já, karlrembur og kvenhatarar eru að springa af vandlætingu.

Vagn (IP-tala skráð) 29.7.2020 kl. 18:19

Flokkurinn Halldór, flokkurinn.

Ég hélt að allir eldri en tívetra vissu það.

Spyrðu þig bara í gegnum hvaða flokksklíku Haraldur og Ólafur Helgi fengu stöður sínar, og síðan í gegnum hvaða klíku Sigríður fékk sína??

Í den hét þetta hreinsanir og voru eitt af einkennum kommúnistastjórna, en hjá ykkur í íhaldinu er þetta mæling á styrk.

Reglan er að menn skipi sitt fólk, en stundum meta menn stöðu andstæðinga sinna svo veika, að þeir hrekja þeirra fólk úr stöðum eða embætti.

Eitthvað svoleiðis er í gangi í flokknum þínum og það hefur ekkert með femínisma að gera, hins vegar er það tímanna tákn að leikendur eru ljóshærðar konur á öllum aldri.

Er þetta ekki bara lokauppgjörið við Davíð??

Kveðja að austan.

Ómar Geirsson, 29.7.2020 kl. 22:49