Vesturlönd eða Kína?

Ketill Sigurjónsson rekur stöðu áliðnaðar heimsins á Kjarnanum.

Hann skrifar meðal annars:

 

"...Bresk-ástr­alska námu- og álfyr­ir­tækið Rio Tinto er einn af stærstu álf­ram­leið­endum heims­ins og er í dag lík­lega í 4.-5. sæti ásamt rúss­neska Rusal, á eftir þremur mjög stórum kín­verskum álfyr­ir­tækj­um. Meðal ann­arra stórra álf­ram­leið­enda eru mörg kín­versk fyr­ir­tæki, banda­ríska Alcoa, Norsk Hydro og álf­ram­leið­endur í Persaflóa­ríkj­un­um. Mest af álf­ram­leiðslu Rio Tinto fer fram í Ástr­alíu og í Kanada. Einnig er fyr­ir­tækið með sitt hvort álverið á Nýja Sjá­landi og á Ísland­i. 

Und­an­farin ár hefur offram­leiðsla af áli í Kína þrengt að hagn­að­ar­mögu­leikum vest­rænna álvera. Í Kína er ódýrt vinnu­afl, mik­ill aðgangur að kola­orku og marg­vís­leg aðstoð hins opin­bera óspart nýtt til að knýja sífellt meiri álf­ram­leiðslu og kín­verski furðukap­ít­al­ism­inn lætur offram­leiðslu lítt á sig fá. Svo virð­ist sem Rio Tinto sjái nú sæng sína útbreidda og sé reiðu­búið að loka flestum álverum sínum utan Kana­da, nema fyr­ir­tækið nái að bæta rekstr­ar­skil­yrðin veru­lega á hverjum stað með lækkun raf­orku­verðs, sem er risa­stór kostn­að­ar­liður í álbræðslu. 

 

Þarna virð­ast tvö álver fyr­ir­tæk­is­ins, ann­ars vegar á Nýja Sjá­landi og hins vegar á Íslandi, nú vera lík­leg­ust til að verða lokað fyrst. Einnig hefur Rio Tinto viðrað hug­myndir um lokun álvera sinna í Ástr­alíu. Þetta er ekki alveg óvænt því ástandið núna end­ur­speglar offram­leiðsl­una í Kína sem vel að merkja var varað við fyrir nokkrum árum síðan. Það er athygl­is­vert að bæði umrædd álver sem eru efst á lok­un­ar­lista Rio Tinto ganga fyrir vatns­afli, meðan fyr­ir­tækið er enn að reka nokkur álver knúin kola­orku. Því miður hefur raun­veru­leiki alþjóð­legra stór­fyr­ir­tækja lítið með umhverf­is­vernd eða lofts­lags­mál að ger­a."

Ketill kemur þarna  inn á þær kvaðir sem iðnaður á Vesturlöndum þarf að bera  umfram iðnaðinn í Kína sem er ekki bundinn af neinu.Blæs út brúnkolareyk fá ein nýju slíku orkuveri á viku hverri að vild og tekur ekki þátt í neinum álögum sem við leggjum á  okkur vegna einhvers kolefnisfótspors.

Við gerum okkar álverum að borga milljarða í kolefnisskatta meðan Kína borgar ekki neitt. Hvars vegna við látum við  þetta yfir  okkur ganga? En ég veit aðeins að mörg hundruð fjölskyldur íslenskar eiga allt sitt undir því að íslensku álverin starfi áfram. Sem virðist ekki stefna í að óbreyttu. Stjórnvöldum á Vesturlöndum virðist vera annara um að kínverskir álverkamenn hafi vinnu en eigin þegnar.

Sú leið að færa laun og raforku niður á kínverskt plan virðist ófær. Er þá ekki kínverskt ál að undirbjóða okkar ál? Trump Bandaríkjaforseti virðist á þeirri skoðun og vill spyrna við  fæti.Viljum við Vestlendingar  ekkert gera fyrir  okkar fólk? 

Af hverju er ekki reynt að semja við  Kínverja um einhverja  málamiðlun? Af hverju bara að láta reka á reiðanum?

Markaðskerfi Kína  lýtur ekki sömu lögmálum og okkar á Vesturlöndum. Í Kína ákveðst verð ekki á markaði heldur pólitískum ákvörðunum. Þeir taka ekki þátt í alþjóðlegu samstarfi hinna fjörtíuþúsund fífla í París fremur en þeir telja sér beinan hag í.

Svo hvað er til bragðs að taka fyrr okkur? Kjósa Joe Biden fyrir meira af því sama og halda áfram í baráttunni við hnattræna hlýnun af mannvöldum?

 

  

Athugasemdir

[Ómar Geirsson, 4.8.2020 kl. 13:00]

Blessaður Halldór.

Settu spurningu þína í stærra samhengi; " Hvers vegna við látum við  þetta yfir  okkur ganga?".

Hvers vegna tóku vestrænir stórfyrirtæki þá meðvitaða ákvörðun að flytja framleiðslu sína í þrælabúðir glóbalvæðingarinnar, og þegar það var gert, hvaða stjórnmálamenn og stjórnmálastefna studdi þá ákvörðun með ráðum og dáðum??

Og hvers vegna er stanslaust verið að dæla út íþyngjandi regluverki, sköttum, auk annars í nafni loftslagsbaráttunnar, þegar sömu aðilar þegja um það sem þú nefndir hér að ofan, og jafnvel beita sér fyrir frjálsri verslun við Kína þegar slíkt er dæmt til að fara á einn veg vegna hinnar ójöfnu samkeppnisaðstöðu.

Er það til að ná niður kaupi og kjörum verkafólks, niður fyrir hungurmörk, til að brjóta á bak aftur samtök launafólks, brjóta niður hið vestræna velferðarkerfi að ekki sé minnst á að slíkt drepur niður alla framleiðslu heima fyrir, það er samkeppni hinna smærri, samkeppni einstaklingsins og fyrirtækja hans við stórfyrirtækin.

Og þú talar um komma Halldór.

Mátt samt eiga að þú sérð í gegnum Viðreisnarfrjálshyggjuna en hve margir af núverandi ráðherrum Sjálfstæðisflokksins eru andlega í sama liði og þau Talna Bensi, Steini Páls að ekki sé minnst á sjálfa maddömuna, sem reyndar má eiga að er glæsilegust kvenna á þingi??

Svo ertu hissa á því að menn séu að bögga  Trump, kennir einhverjum villiráfandi vinstrimönnum um.

En þeir eru bara ekki öflin á bak við glóbalið og samþjöppun auðs í hendur Örfárra.

Að þið sjálfstæðir menn til hægri skulið ekki skilja samhengið, er hreint út ótrúlegt.

Bjartur frændi hefði hrist hausinn yfir ykkur.

Ég skal gera það í hans stað.

Kveðja að austan.

[Halldór Jónsson, 4.8.2020 kl. 15:36]

Já Ómar, 

"margt sóma fólk verður illa statt

í kirkju hjá hreinskilnum presti"

Þannig fer mér oft þegar þú hvessir þig á mig um ídeólógíuna sem ég er að reyna að verja. Þú ert fjandi sóknþungur viðurkenni ég og margt verð ég hreinlega að játast undir. Það eru ekki allir  mjög hjartahreinir í þessum flokki mínum sem ég er að reyna að halda uppi vörnum fyrir. Þó eru þar ýmsir sem eru bara almmennt skynsamir eins og Neskupsstaðarkomminn er oft á tíðum.En margir eru samt þar sem ég á litla samleið með. Ég veit ekki hvort þú þekkir tilfinninguna. 

[Ómar Geirsson, 4.8.2020 kl. 16:29]

Blessaður aftur Halldór. Og takk fyrir þessa hreinskilni.

Ég skal þá líka vera hreinskilinn og játa að það er miklu auðveldara að benda en að verja, og lán flokks þíns og borgaralegra íhaldssemi er að til er fólk eins og þú sem hefur bæði varið, og sótt.

Löngu áður en þú vissir haus eða sporð á mér, þá las ég þig mér til gagns og gamans, líkt og svo marga til hægri og vinstri.

Það sem ég bað um var rök og rökfesta, sem og heiðarleiki í málflutningi.

Árni Bergmann var til dæmis aldrei óheiðarlegur í sínum málflutningi fyrir sósíalisma, og hann hafði síðan kjark til að gera upp við brostnar vonir, án þess að afneita hugsjónum sínum, þær voru grunnkjarninn sem fengu hann síðan til að skrifa þá stórgóðu bók um spjall hans og sátt við guð.

Þú ert svoleiðis náungi Halldór, virðingarverður, ætíð samkvæmur sjálfum þér.  Fordæmi og fyrirmynd fyrir þá sem vilja batna með aldrinum í málfylgju sinni, án þess að svíkja grunninn sem mótaði þá á æskuárum og gerði þá að því sem þeir urðu.

Það er reyndar styttra á milli þín og Árna en á milli Norður Ameríku og Asíu, þó vissulega sé lenska að mæla í hina áttina.

Við erum vissulega ósammála um margt Halldór, en við til dæmis höfum sömu viðhorf til genginna leiðtoga borgarlegs kapítalisma, þó kannski ég nálgist þá meir af rótum kristilegra viðhorf og þó Hriflungur sé, held ég því blákallt fram að borgarlegir kristilegir íhaldsflokkar hafi verið mikilvægastir í þróun nútíma velferða, velmegunar og sáttar milli ólíkra stétta samfélagsins.

Og þó forsendurnar séu ólíkar, þá hrífumst við báðir af stríði Trump við stórauðvald glóbalvæðingarinnar.

Hins vegar held ég að við deilum sömum viðhorfum gagnvart maddömunni, burt séð frá allri pólitík, þá er Þorgerður Katrín glæsilegust allra kvenna á þingi, að öllu leiti.

Það er gott að vera sammála um sumt.

Kveðja að austan.

[Halldór Jónsson, 5.8.2020 kl. 00:33]

Takk fyrir þetta Ómar. Við deilum ýmsum sjónarmiðum og mér er nokkur raun að þvi hvernig gáfur og glæsileiki fara illa saman hjá henni Þorgerði Katrínu,  sem auðvelt er að faðma í andanum en ekki að  kjósa sem þann ESB sinna og glóbalista  sem hún er.