Gangandi og hjólandi

samgöngur eru það sem eru leiðarljós  við alla byggð nýja og gamla í Reykjavík. Almenningssamgöngur verða að koma á undan allri skipulagningu nýrra íbúðabyggða eins og Keldnalandsins.Ef Sundabraut er aðeins til að minnka loftgæði með aukinni bílaumferð  þá er meirihluti Borgarstjórnar á móti lagningu hennar.Það eru almenningssamgöngur sem öllu máli skipta í uppbyggingu nýrra íbúðarhverfa segir Sigurborg Ósk Haraldsdóttir Pírati og forystumaður allra samgöngumála Reykjavíkur.

 

 

Eyþór Arnalds bendir á að hlutfall almenningssamgangna sé 4 % og meirihlutinn hafi sett sér að auka í 8 % án þess að nokkuð hafi gengið eftir.Nú sé stefnan sett á 12 % án sýnilegs árangurs.

Hann spyr hvar séu hundruð milljarða að finna í Borgarlínu sem engin rekstraráætlun sé til fyrir og nýjan flugvöll fyrir innanlandsflugið sem nú sé verið að niðurgreiða. Borgin hafi sjálf fest flugvöllinn í sessi og Sundabraut í Samgönguáætlun.  

Það er eiginlega ekki hægt að ætlast til þess að meðalsnoturt fólk eigi að hlusta á málflutning eins og Sigurborgar Óskar svo gersamlega hann er úr takti við alla heilbrigða skynsemi.

Hún er algerlega rökheld í raunverulegum vandamálum umferðar og hvernig fólk vill lifa og starfa. Svo þegar hún gat ekki meira rætt um raunveruleg mál þá réðist hún persónulega á Eyþór og svo Sjálfstæðisflokkinn í heild  fyrir viðskipti hans við Samherja og þá sjálfkrafa tengsli í við alþjóðlegar mútugreiðslur.

Neðar getur ekki nokkur stjórnmálamaður lagst.

Ég held að ég hafi aldrei orðið vitni að annarri eins heimsku, fáfræði og ósvífni í málflutningi neins sem er í stjórnmálum og þessarar  Sigurborgar Óskar Haraldsdóttur. Manneskju sem hefur það að æðsta markmiði sem formaður skipulagsmála í Reykjavík að útrýma einkabílnum, þeim samgöngumáta sem 96 % íbúa og kjósenda í Reykjavík hefur valið sér.

Við manneskju eins Sigurborgu Ósk er að mínum dómi ekki hægt að eiga vitrænar samræður um raunveruleg stjórnmál.

Eyþóri var vorkunn að þurfa að sitja andspænis slíkri foráttuheimsku um ferðamáta fólks og samankomin er í þessum formanni skipulagsmála í Reykjavík  sem íbúar geta ekki farið ferða sinna gangandi og hjólandi þó ekki væri nema vegna veðurfars á Íslandi auk vegalengda.

Athugasemdir

[Ómar Ragnarsson, 13.9.2020 kl. 12:47]

Umræðan um samgöngurnar eru eitt versta dæmið um "skotgrafahernað" í rökræðum. Ævinlega er talað um tvo aðskilda og ósættanlega hópa, "gangandi og hjólandi" andspænis þeim sem nota einkabílinn.  

Þar með verða til upphrópanir eins og annars vegar;  "að stefna skuli að því að útrýma einkabílnum"; og hins vegar að "veðurfar og vegalengdir séu þannig, að ekki sé hægt að fara leiðar sinnar gangandi eða hjólandi." 

Ég hef notað blandaðan ferðamáta í fimm ár, þar sem mismunandi hjól, rafreiðhjól, rafknúið léttbifhjól og 125 cc "vespu" léttbifhjól hafa verið burðarásinn, stundum allar vikur ársins og um allt land, en einnig notast við sparneytinn einkabíl, þegar það hefur átt við. 

En er síðan dreginn í dilkana sem annað hvort öfgamaður varðandi hjólin eða öfgamaður varðandi einkabílinn. 

[Hrólfur Þ Hraundal, 13.9.2020 kl. 13:16]

Bíll og hjól eru þau tæki sem íbúar og gestir borgarinnar hafa valið sér, þar sem annað er ekki til staðar sem raunverulegur kostur.

Þarmeð er mjög áríðandi að samgöngu æðar séu vel skipulagðar svo komist verði fljót og örugglega á milli staða.

[Kolbrún Hilmars, 13.9.2020 kl. 15:25]

Það er nú bara lúxus að geta notað svona "létt" farartæki að staðaldri.  Við hin sem sjáum um aðdrætti heimilis, skutl með börn og unglinga út og suður eigum engan valkost annan en fjölskyldubílinn.

[Þorsteinn Siglaugsson, 13.9.2020 kl. 15:58]

Þú ert bersýnilega óforbetranlegur öfgamaður Ómar, með öfgar í allar áttir á sama tíma!

[Sigurður Kristján Hjaltested, 13.9.2020 kl. 16:03]

Ómar fellur í þá gryfju að halda að allir séu einir á ferð.

Það er ekki hægt að líkja því saman og fjöldskyldum með

börn í skóla og íþróttum. Þau þurfa bíl því það búa ekki allir

í 101 Reykjavík, þótt liðið sem þar ræður ríkjum líti á það svæði

sem nafla alheimsins. Nema að sjálfsögðu eigi að reka barna

fjöldskyldur burt úr Reykjavík, sem mér sýnist þessari alverstu

borgarstjórn sem nokkurn tímann hefur setið við völd í Reykjavík

virðist ganga bara vel með. Burt með þessa hryðjuverka og

skemmdar stjórn hið fyrsta svo möguleiki sé ennþá fyrir

Reykvíkinga að laga skemmdirnar áður en það verður

endalega of seint.

[Halldór Jónsson, 13.9.2020 kl. 17:38]

"Ég hef notað blandaðan ferðamáta í fimm ár, þar sem mismunandi hjól, rafreiðhjól, rafknúið léttbifhjól og 125 cc "vespu" léttbifhjól hafa verið burðarásinn, stundum allar vikur ársins og um allt land, en einnig notast við sparneytinn einkabíl, þegar það hefur átt við. "

Leikaraskapur ábyrgðarlauss sportara er ekki í neinu samhengi við daglegt líf fólks. Maður sem er búinn að margslasa sjálfan sig á fíflsskap í umferðinni á lítið sameiginlegt með barnafólki sem er að reyna að komast leiðar sinnar með sitt skyldulið.

Sigurborg Ósk fær sjálf lánaða bíla ef hún þarf að fara eitthvað, hræsnin sjálf uppmáluð er hún.

[Halldór Jónsson, 13.9.2020 kl. 21:53]

Sigurborg Ósk talar:

Hún seg­ir að í ljós verði að koma hvenær hægt verði að ráðast í fram­kvæmd­ir við lagn­ingu nýs flug­vall­ar. Svarið geti þó aldrei verið að byggja á Keld­um eða í Örfiris­ey. „Það bara geng­ur ekki upp sam­göngu­lega séð. Það á að sjálf­sögðu að byggja á Keld­um en það verður ekki hægt fyrr en borg­ar­lín­an kem­ur þangað. Það verður að hald­ast í hend­ur,“ seg­ir Sig­ur­borg. 

„Við erum kom­in með nóg af því að dreifa byggð þar sem fólk er neytt til þess að nota einka­bíl­inn. Það eru í grunn­inn sam­göng­ur sem í dag gera það að verk­um að þess­ir staðir ganga ekki upp.“

Þessi kona er gersamlega úr samhengi við samtímann. Annað hvort af greindarskorti eða yfirgengilegu ofstæki og staðreynda afneitun.. Hvernig í veröldinni á að vera hægt að ræða við svona fólk með rökum?

[Kristinn Bjarnason (IP-tala skráð) 14.9.2020 kl. 08:09]

En Halldór þú veist að það er miklu hollara að hjóla en keyra, þetta er allt gert fyrir borgarbúa. Það er samt ekkert rosalega hollt að hjóla með alla þessa bílamengun.

Þetta er fólkið sem verður kosið aftur.