Halldór Jónsson

19.10.2020 | 00:31

Styrmir veður reyk

í þessum pistli:

"Samtal þeirra Fanneyjar Birnu Jónsdóttur og Kristrúnar Frostadóttur, aðalhagfræðings Kvikubanka, í Silfri RÚV í morgun um stöðu sveitarfélaga var upplýsandi. Þó vantaði einn þátt málsins inn í þær umræður en það er sú staðreynd, að yfirbygging sveitarfélaganna er margföld miðað við það, sem þyrfti að vera.

Sveitarfélögin í landinu eru einfaldlega of mörg, sem þýðir margfalda yfirbyggingu, bæði vegna þess að kjörnir fulltrúar í sveitarstjórnum eru margfalt fleiri en þeir þyrftu að vera og þá jafnframt sveitarstjórar og aðrir starfsmenn.

Þetta kemur skýrt fram á höfuðborgarsvæðinu. Það liggur beint við að sameina Reykjavík, Seltjarnarnes, Mosfellsbæ og Kópavog í eitt sveitarfélag og Garðabæ og Hafnarfjörð í annað. Auðvitað kæmi líka til greina að Kópavogur sameinaðist Garðabæ og Hafnarfirði.

Sá sparnaður, sem leiddi af slíkri sameiningu mundi ekki leysa fjárhagsvanda sveitarfélaganna en hann mundi hjálpa til og er sjálfsagður.

Sömu rök eiga auðvitað við víða á landinu.

Það eru engin efnisleg rök, sem mæla gegn slíkri sameiningu. "

Jú Styrmir. Þéttleiki vinstri manna og pólitísks tætingsliðs er miklu meiri í Reykjavík en til dæmis Garðabæ þar sem er "thourogbred" íhaldskyn til áratuga.

Við í Kópavogi mættum ekki til þess hugsa að lenda undir stjórn hjá Degi Bé, Þórdísi Lóu eða Sigurborgu Ósk. Við erum eins og Patrick Henry sem bað fremur um dauðann en að láta frelsi sitt.

Styrmir hefur áður vaðið pólitíska reykmekki sem sem hafa skaðað trúverðugleika hans sem spámanns til lemgri tíma.

Flokkur: Stjórnmál og samfélag | Facebook

Athugasemdir

Og ekki sýnast dæmin sanna úr Ráðhúsi Reykjavíkur að stærðin fækki starfsfólki

Halldór Jónsson, 19.10.2020 kl. 00:34

Það er erfitt að fá fólk til að starfa á sveitarstjórnarstiginu þar sem verkefnin í reglugerðafrumskóginum eru á mörgum sviðum jafnmörg í sveitarfélögum, oháð íbúafjölda.

Ómar Ragnarsson, 19.10.2020 kl. 01:41

Takk fyrir þetta Halldór.

Já það er furðulegt ala á hugmyndum um að sveit verði ekki lengur sveit, heldur hjálenda og að bær verði ekki lengur bær, heldur hverfi.

Þetta er sama hugmyndaglorían og viðhöfð er í Evrópusambandinu og því tundurspillir sem sendur er inn til að eyðileggja það félag sem borgararnir hafa myndað með sér.

Þarna hefur yfirbyggingin Styrmir sameinast ofbyggðum fjandanum um vont mál.

Bæjar- eða sveitarfélag verður í öllum myndum sínum ávallt yfirbygging og ekkert annað. Undirstaðan þar eru borgarnir með sameiginleg markmið um þá byggingu eina og enga aðra.

Fari Reykjavíkurlýðræðið til fjandans.

Kveðja

Gunnar Rögnvaldsson, 19.10.2020 kl. 08:03

Takk fyrir þessa ábendingu Gunnar og samsvörunina við ESB þar sem endalaust skrifræðið kemur í veg fyrir að hægt sé að klára bókhaldið.

Halldór Jónsson, 19.10.2020 kl. 10:36

Fólk vill fjalla um nærumhverfi sitt.Í Kópavogi viljum við fjalla um málefni Kópavogsbúa en ekki Seltjarnarnessfólks.

Halldór Jónsson, 19.10.2020 kl. 10:37

Þú gleymir henni Dóru Björt Guðjónsdóttur sem er formaður Mannréttinda-, nýsköpunar- og lýðræðisráðs sem þjónustu- og nýsköpunarsvið tilheyrir en það svið ætlar að flytja sem flest störf til aðila erlendis svo rússneskir tölvuþrjótar hafa sem bestan aðgang að kerfum Reykjavíkurborgar.

F.h. þjónustu- og nýsköpunarsviðs Reykjavíkurborgar er óskað eftir eftir aðilum til þátttöku í:

Gagnvirkt innkaupakerfi um þjónustu sérfræðinga fyrir þjónustu- og snýsköpunarsvið Reykjavíkurborgar, EES útboð nr. 14704

Samningurinn skiptist í 16 hluta.