Halldór Jónsson

19.10.2020 | 10:34

Ég á Reykjavíkurflugvöll

með þjóðinni allri. Ég var viðstaddur þegar Ólafur Thors forsætisráðherra tók við honum fyrir hönd þjóðarinnar við hátíðlega athöfn 1947.

Hvaðan þessum stjórnmálaskúmi Degi B. Eggertssyni kemur umboð til þess að ráðskast með völlinn og hvaða starfsemi þar fer fram fæ ég ekki skilið.

Sigurður Ingi slær á puttana á honum með bréfi til hans:

" Það er augljóslega ótímabært og andstætt markmiðum samkomulags ríkis og borgar að fjárfesta í flutningi kennslu- og einkaflugs frá Reykjavíkurflugvelli yfir á nýjan flugvöll í nágrenni höfuðborgarsvæðisins á meðan rannsóknir standa yfir á mögulegu flugvallarstæði í Hvassahrauni.

Þetta segir Sigurður Ingi Jóhannsson samgönguráðherra í bréfi til Dags B. Eggertssonar borgarstjóra, sem dagsett er 16. september sl. Er ráðherra hér að svara bréfi sem borgarstjóri ritaði honum 8. júlí sl. þar sem hann krefst þess að ríkið efni samkomulag og finni „án tafar“ nýjan stað fyrir einka- og kennsluflug utan Reykjavíkurflugvallar.

Niðurstaða fyrir árslok 2024

Samgönguráðherra áréttar í bréfinu að það sé skýr sameiginlegur vilji ríkis og borgar með samkomulagi frá 2019 að stefna að því að flytja núverandi flugstarfsemi af Reykjavíkurflugvelli yfir á nýjan flugvöll í Hvassahrauni, reynist það vænlegur kostur, þar með talið æfinga-, kennslu- og einkaflug. Stefnt sé að því að fyrir árslok 2024 liggi fyrir niðurstöður rannsókna og þá verði hægt að taka afstöðu til þess hvort byggður verði völlur þar.

Loks áréttar samgönguráðherra í bréfi sínu að samkvæmt samkomulagi ríkis og borgar frá 2019 skuldbindi borgin sig til að tryggja rekstraröryggi Reykjavíkurflugvallar meðan á undirbúningi og gerð nýs flugvallar stendur. Ekki verði farið í frekari styttingar og lokanir á flugbrautum vallarins, að því er fram kemur í umfjöllun um mál þessi í Morgunblaðinu í dag."

Njáll Friðbertsson leggur til að fram fari þjóðaratkvæðagreiðsla um framtíð vallarins. Dagur B.Eggertsson gaf ekkert fyrir meira en áttatíuþúsund undirskriftir fyrir framhaldslífi vallarins og hélt ótrauður áfram eyðileggingarstarfi sínu og Ingibjargar Sólrúnar. Halda menn að slíkur strumpur muni eitthvað skirrast við þjóðaratkvæðagreiðslu?

Dagur þessi er borgarstjóri í Reykjavík án þess að hafa til þess annað lýðræðislegt umboð en persónulega ættartengda óvild Þórdísar Lóu á Eyþóri Arnalds og heldur hún honum við völd þess vegna.Hann sukkar svo með fjárhag Borgarinnar að hún er talin ógjaldfær til frekari laántöku. Meðal annars vegna framkvæmda við hús Dags á Óðinstorgi þar sem sagt er að hann láti kaupa upp bílastæði fyrir sjálfan sig fyrir opinbert fé.

Þjóðin á Reykjavíkurflugvöll með mér og Dagur B. er að ráðskast með málefni vallarins umboðslaus.

Flokkur: Stjórnmál og samfélag | Facebook

Athugasemdir

Stjórn Reykjavíkur fer með skipulagsvald innan borgarmarkanna. Sama þó Bretar hafi gefið ríkinu einhverja bragga og nokkur tonn af malbiki.

Vagn (IP-tala skráð) 19.10.2020 kl. 11:07

Það er merkilegt þetta samkomulag ríkis og borgar um að "flytja" allt kennslu-og einkaflug á nýjan flugvöll að það er forðast eins og hægt er að nefna hvernig á að gera þetta og ekki eitt orð um kostnaðinn né hver á að borga. Það virðist þó augljóst að borgin er að ásækjast það land sem kallast Fluggarðar. Þar eru fjölmörg flugskýli og er ætlunin að borgin hirði þau bótalaust af eigendum, setji jarðýtuna á þau og selji svo lóðirnar, sér til tekna. Hræddur er ég um að dómsmálin verði mörg og að borgin muni svo tapa þeim, með ómældum kostnaði. Hefðaréttur er ríkur á Íslandi.

Örn Johnson (IP-tala skráð) 19.10.2020 kl. 11:28

Já Halldór, við öll eigum Reykjavíkur flugvöll, og reyndar Dagur líka, en hann getur svosem afsalað sér sínum eignarrétti og þarmeð farið erlendis að finna sér af lagðann her flugvöll frá stríðsárunum til að halda við ergi sínu svo við getum fengið frið fyrir honum með gamla en þarfa flugvöllinn okkar, sem við einfaldlega getum ekki verið án. En Dagur er óþarfur, alveg eins og bragginn og dönsku stráin., eða voru þau ekki dönsk?

Hrólfur Þ Hraundal, 19.10.2020 kl. 13:27