Fáum við Favipiravir?

spyr Þorvaldur Gunnlaugsson náttúrufræðingur í Mogga dagsins:

"Í upphafi Covidfaraldursins lýstu kínverskir vísindamenn því að japanska flensulyfið amigan virkaði vel til að stöðva veiruna.

Japönsk stjórnvöld gáfu Íslendingum (Landspítalanum) nokkurt magn af þessu lyfi stuttu síðar.

Virka efnið er favipiravir sem er ekki með einkaleyfi og er tekið í töfluformi og þarf því í raun ekki innlögn á spítala.

Lyfið eyðileggur nýmyndun veirunnar, en læknar ekki skemmdir, sem þegar eru orðnar, né hindrar ofvirkni ónæmiskerfisins, og þarf því að gefa strax við greiningu. Þó að vírusinn greinist í nokkurn tíma eftir meðhöndlun er þar væntanlega um veiklaðar veirur að ræða.

Bandaríska lyfið remedisivir, sem virðist hafa verkað vel á forseta Bandaríkjanna, hefur svipaða verkun, en samanburður hefur sýnt að favipiravir er síst lakara.

Góð virkni í tilfelli forsetans stafar líklega af því að hann var prófaður reglulega og því hægt að hefja lyfjagjöf snemma.

Remdesivir er háð einkaleyfi og þarf að gefa í æð.

Favipiravir var framleitt í Japan en er nú í framleiðslu víðar. Nokkrir framleiðendur eru á Indlandi og sýnist mér fimm daga skammtur þar kosta um 5.000 kr.

Ekki hef ég heyrt af notkun favipiravirsins á Landspítalanum, en þar sem stefnan hefur verið að fólk héldi sig heima ef það greindist sýkt þar til alvarleg einkenni kæmu fram hefur það ósennilega verið notað nógu snemma.

Því spyr ég: Hefur favipiravir verið notað á Landspítalanum, hvernig var það notað og hefur verið gerður samanburður við sambærilegan ómeðhöndlaðan hóp?

Hafa verið gerðar ráðstafanir til að kaupa meira af lyfinu? Væri ekki ráð að hefja almenna meðhöndlun með þessu lyfi sem gera má án innlagnar strax við greiningu?

Væntanlega mætti þá slaka á fyrirbyggjandi aðgerðum vegna minna álags á heilbrigðiskerfið. Þar sem ég er aldraður og fékk slæma lungnabólgu í fyrrasumar, gæti ég þá treyst því að fá favipiravir strax við greiningu?

Ef ég panta lyfið frá Indlandi, verður því þá fargað í tollinum?"

Er þarna eitthvað sem við þurfum að athuga sem fyrst. Hvað segja Kári og Þórólfur?

Er framtíð  í Favipiravar?

Athugasemdir

[ls (IP-tala skráð) 23.10.2020 kl. 13:29]

Hvaða lyf eru notuð á Landspítalanum er hvorki á könnu Þórólfs eða Kára, en það er nýbúið að fjalla um þetta.

https://www.mbl.is/frettir/innlent/2020/10/22/skjotari_vidbrogd_og_lyfjamedferd_gaetu_hjalpad/

[Ragnhildur Kolka, 23.10.2020 kl. 18:40]

Vegna þess hve mikil leynd hvílir á meðhöndlun Covid-sjúkra eftir greiningu sendi ég fyrirspurn á Vísindavefin. Spurði ég:  hvernig meðhöndlun fólk í áhættuhópi gæti búist við við greiningu. Þetta var fyrir ~ hálfum mánuði síðan. Ekkert svar hefur barist. 

Áhættuhópar eru aldraðir og fólk með undirliggjandi sjúkdóma. Víða er fólk í þessum hópi meðhöndlað strax við greiningu. Allir með zinki og ýmist sterum eða fúkkalyfjum og auk þess ýmsum lyfjum sem auðvelda zink upptöku í frumur. Þessi lyf geta verið hydroxychloroquine, ivermectin, querecetin eða önnur sem virka ionophorisk og hræbilleg. Eða þá veirudrepandi lyf eins og favipiravir.

[Þorsteinn Siglaugsson, 25.10.2020 kl. 01:21]

Ekki búast við neinu skynsamlegu frá þessum vísindavef Ragnhildur. Skoðaðu bara nýjustu greinina sem snýst um að ráðast gegn helstu sérfræðingum heims í faraldursfræðum. Þá sérðu aðeins hvernig þetta fólk virkar.