Til hamingju RÚV

með frammistöðu Trump-hatursdeildarinnar ykkar.

Ég var að horfa á einn þátt nú í þessu sem demókrataflokkur Joes Biden hefur framleitt til að ófrægja Trump Bandaríkjaforseta og rekja þær ofsóknir sem hann hefur mátt þola.

 

Ég viðurkenni að oft var útlitið svo svart í mínum huga að ég hélt að Trump myndi ekki lifa það af.En hann hefur sýnt ótrúlega seiglu og ósvífni sem dugað hefur til þessa dags hvað sem verður.

Ég skal viðurkenna að þeir láta sjónarmið úr búðum Trumps koma líka fram og einkum er fróðlegt að hlusta á Róbert Guliani setja fram sín sjónarmið.

Það er samt  hreint ótrúlegt hvernig Trump hefur staðið sig og varist þeim hroðalegu ásökunum sem á hann hafa verið bornar.

En þættirnir ná tilgangi demókratanna sem er að sá fræjum haturs og tortryggni á persónunni Trump.

Þættirnir snúast ekki um gerðir hans sem stjórnmálamanns heldur hvað hann hafi gert á öðrum vettvangi. Kvennamálum, melleríi, mútugreiðslum og þöggunum.

Í hugarheimi vissra manna innan veggja RÚV skipta stjórnmál og gerðir manna á  því sviði ekki máli heldur persónuleg hegðun leikandans í óskyldum málum. Namibíuþáttur Helga Seljan er gott sæmi um þetta. Hann snérist ekki um hvert væri gjaldið sem menn þyrftu greiða fyrir kvóta í því landi.Og hverjir væru búnir að sölsa þjóðareignina undir sig þannig að menn neyddust til að kaupa hana af þeim. Allt kapp var lagt á að rógbera og afflytja eins og kommanna er löngum háttur.

Sorglegt fannst mér að horfa upp á gamlan vin Trump til 11 ára, hann Michael Cohen, svíkja hann eins og hann gerði í réttinum. Hvað fékk hann borgað fyrir slíka Júdasarhegðun? Loforð um náðun af þriggja ára dómi ef Joe kemst að?

Það hlýtur að hafa verið sárt fyrir Trump sem manneskju að horfa uppá. Svona sambærilegt gæti ég trúað fyrir Þorstein Má að horfa á gamlan vin sinn Jóhannes Stefánsson í Namibíuþættinum hjá Helga Seljan.

Verðið hlýtur að vera hátt og hungrið mikið sem menn taka fyrir slík vinslit.

Það kom berlega í ljós þegar kvótinn var boðinn upp á almennum markaði í Namibíu að opinberir kaupendur voru of sárafáir og vildu ekki borga ríkinu neitt svipað og áður þegar glæpamennirnir fóru með söluna. Hvað átti að gera með Heinaste? Binda hann við bryggju eða fara á sjó?

Trump hefur búið við ótrúlegar ofsóknir af demókrataflokknum sem hafa setið um hann í hverju fótmáli. Þannig finnst vinstra liðinu á RÚV að reka eigi stjórnmál. Ekki tala um málefni fyrst heldur aðallega um persónurnar sem taka þátt í stjórnmálunum.Reyna að sverta þær sem allra mest og þá skipti annað minna máli.

Minna má á þátt Jóhannesar (hvurssonvarhannúaftur)og Sigmundar Davíðs á sínum tíma. Lítur einhver þann Jóhannes réttu auga eftir það? Ekki geri ég það frekar en Michael Cohen,Júdas eða Jóhannes Stefánsson.

Hugsanlega snúast vopnin í höndum þeirra sem svo fara og samúðin snýst með hinum ofsótta. Ég held að svo geti farið í þessum forsetakosningum. Donald B. Trump muni sigra Joseph Biden sem mér finnst henda mjög grjóti úr glerhúsi.

Fólk áttar sig á því að Joe ætlar að hækka skatta og samneyslu en Trump hefur dregið úr skattheimtu.Trump hefur viljað vernda bandarískan iðnað og störf en Joe vill galopna fyrir Kína. Joe er hræsnari sem þóttist elska Floyd meira en aðrir. Ég er ekki viss um að hann sé hótinu betur innrættur en Hillary þegar kemur að manndrápum og illum verkum sem við getum horft á í Lybíu.En Trump hefur sýnt það að hann vill ekki ófrið.Þeir tveir gætu áorkað einhverju góðu saman.

Joe og fjölskylda á ábatasöm viðskipti við illvígasta eiræðisríki veraldar meðan Trump hefur reynt að vernda bandarískan almenning fyrir ásælni þessara afla.Mér finnst að hann eigi eftir að tala meira við Pútín og kveða niður fleiri deilur á alþjóða vettvangi.

Það er hugsunarháttur sem íslenskir stjórnmálamenn skilja yfirleitt ekki sem gleypa við hverri flugu sem erlend stórveldi eins og ESB, EES og Schengen  vilja í munn þeim koma án þess að leiða hugann af afleiðingunum fyrir land og þjóð til lengri tíma.

Ég vona heilshugar að Trump sigri í kosningunum á afmælisdaginn minn 3. nóvember og hef ég þá fengið nægar heillaóskir þann daginn.

Heimurinn er betri og friðvænlegri síðan Trump fór að hafa áhrif. Það væri best fyrir mannkynið að hann fengi tækifæri til góðra verka í næstu 4  ár.  En auðvitað fer þetta bara einhvern veginn eins og hann Sveinn B. vinur minn orðaði það stundum.

En RÚV má sitja uppi með sína svívirðu í hlutdrægni með sósíalistaöflunum sem það sýnir við öll pólitísk tækifæri en þykist þess á milli vera okkar allra og gerir þar líka margt gott.

Til hamingju  með það RÚV sem betur er gert en að hafa bein áhrif á bandarísku forsetakosningarnar.

Athugasemdir

[Þorsteinn Siglaugsson, 31.10.2020 kl. 16:10]

Trump er vissulega mistækur. En meginvandi hans er að hann er utangarðsmaður í amerískum stjórnmálum. Það þolir ekki innanbúðarliðið og hefur því gert allt sem það hefur getað til að reyna að valda honum vandræðum. Það er ótrúlegt hvernig hann hefur staðið það af sér þessi fjögur ár.

[Ómar Ragnarsson, 31.10.2020 kl. 16:19]

Á hvaða hátt er RÚV "að hafa bein áhrif á bandarísku forsetakosningarnar? 

[Sigurður Kristján Hjaltested, 31.10.2020 kl. 17:02]

Algjörlega sammála þér Halldór.

Enginn í sögu USA sem forseti hefur þurft

að þola þetta stanslausa níð og lúserarnir

(demókratar) hafa stundað sl. 4 ár.

M.b.kv. og vonum að Trump sitji áfram.

[Húsari. (IP-tala skráð) 31.10.2020 kl. 17:03]

Sæll Halldór.

Þessir menn eru komnir til vits og ára og
vita að byrðingar þessir eru mölbrotnir; að engu hafandi.

Hér er smá mótvægi við áróðri RÚV og sýnir væntanlegan
Prezzizent of The New Nothern Light States og
leikbróður Bidens frá fyrri tíð Apram frá Lyngholti! :

https://www.youtube.com/watch?v=0E3-O6iKnlo

[GÍSLI HOLGERSSON (IP-tala skráð) 31.10.2020 kl. 19:22]

Ég vildi gjarnan að RUVverjar töluðu jafnmikið um stjórnleysi hælisleitenda og útlendingavandann, sem virðist stjórnlaust sukk á ÍSLANDI og Donald J. TRUMP forseta USA, sem ber af, sem LEIÐTOGI, BARÁTTUMAÐUR og ÞJÓÐARLEIÐTOGI AMERIKU og Vesturlanda og "Austurlanda".

Ekki bara brosmildur Gísli Marteinn er ávallt fullur af andstæðingum sóma fólks, sem áfellast skoðanir á president Donald.J.TRUMP. Eitt er klárt, að enginn hefur tærnar þar sem TRUMP hefur hælana.

Ég mæli með sterkum viðskiptum við TRUMP og USA varðandi SJÁVARÚTVEG, BÆNDUR og GRÓÐURHÚS með flugi í islensku fánalitunum, allt ÓMENGAÐ fyrir bestu markaði og veitingastaði. 

Er RUV hópurinn 100-400 ca sjálfstæð stofnun?

Þorsteinn Már er nefndur, eigandi SAMHERJA.  Vantar okkur LEIÐTOGA úr Sjávarútvegi inn á ALÞINGI?

[Halldór Jónsson, 31.10.2020 kl. 23:30]

Ómar, sérhvert hár á höfði þínu gerði skugga á sinni tíð.

[GÍSLI HOLGERSSON (IP-tala skráð) 1.11.2020 kl. 18:05]

TRUMP er ekki mistækur, heldur sannorður.  ÁLIT hans reynist ávallt rétt. Sýnum kyrrð og sátt um "harðsnúið" álit hans á því, sem ÓRÉTT er. Sannur fyrir AMERIKU og Vestræn gildi.

Nefnið einn þátt á RUV, þar sem "maður" er jákvæður með president Donald J.TRUMP?  Segir allt um vinstrafólkið, sem vinnur á RUV.  SAGA, Arnþrúður og Pétur eru réttlát og tala út um hlutina.  Það gerir HALLDÓR JÓNSSON líka.

[Kristinn Bjarnason (IP-tala skráð) 2.11.2020 kl. 09:15]

Rúv er algjör dónaskapur við stóran hluta þjóðarinnar.