Af hverju ekki að loka?

landamærum Íslands tímabundið fyrir öðrum en íslenskum kennitölum?

 Allar íslenskar kennitölur færu í sóttkví við komuna.Engar flugvélakomur með hælisleitendur eða fótboltalið.

Væri slíkt gert í 2-3 vikur með  venjulegum innri skimunum myndi nýgengi smita ekki  hríðfalla?

Af hverju er ekki létt á Landspítala með legudeild  í Ögurhvarfi hjá ÞG verk?

Er andstaða Svandisar og VG við einkaframtak svona þung á metunum?

 

Styrmir Gunnarsson veltir vöngum yfir gangi mála:

"Það má merkja af umræðum í fjölmiðlum og á samfélagsmiðlum að gagnrýnin á síðustu aðgerðir ríkisstjórnarinnar er meiri en áður og þá fyrst og fremst úr tveimur áttum. Annars vegar frá hagsmunaaðilum og hins vegar frá þeim sem gagnrýna af hugmyndafræðilegum ástæðum, þ.e. að í aðgerðunum felist takmörkun á athafnafrelsi fólks.

Sambærileg gagnrýni heyrist í öðrum löndum enda í flestum þeirra verið að herða aðgerðir til að koma böndum á veiruna.

Þessi gagnrýni er skiljanleg en engu að síður eru rökin fyrir hertum aðgerðum augljós.

Þjóðir heims eiga engan annan kost en að vinna skipulega að því að koma böndum á veiruna. Það kallar á margvíslegar fórnir hvers og eins og mikinn kostnað fyrir sameiginlega sjóði  en sá valkostur að gera ekkert gengur ekki upp. Og að lokum yrði fórnarkostnaðurinn af því að velja þá leið margfallt hærri.

En auðvitað eru umræður um aðgerðir og/eða aðgerðarleysi sjálfsagðar. "

Vonandi styttist í að mótefni finnist.

En verður ekki að herða áður en rætt er um að slaka? Ekki hálfloka eða hálfkáka?

Af hverju ekki að loka áður en talað er um að opna?

 

Athugasemdir

[Þorsteinn Siglaugsson, 2.11.2020 kl. 11:32]

Styrmir hefur enga heildarsýn fremur en flestir. Megingagnrýnin á þessar aðgerðir kemur ekki frá hagsmunaaðilum né er hún byggð á hugmyndafræði frjálshyggju. Hún grundvallast á því að afleiðingarnar af aðgerðunum eru miklu þungbærari en tilefni þeirra.

[Kolbrún Hilmars, 2.11.2020 kl. 11:59]

Það kom fram á upplýsingafundi þríeykis í morgun að stór hluti af smitum á landamærunum væri vegna pólverja, sem væntanlega hafa flestir íslenskar kennitölur.
Nær væri að hvetja þá til þess að halda sig annað hvort hér eða þar og hætta öllu flandri.
Skyldi annars útgöngubann erlendis ekki gilda um hælisleitendur?

[Hallgrímur Hrafn Gíslason, 2.11.2020 kl. 13:28]

Pólverar með íslenska kennitölu hafa verið að bera veirunainn i landið i haust eftir sumarfríin í Póllandi, þeir hafa farið í skimun en ekki endilega haldið sig til hlés framm að seinni skimun.Íslenskar kennitölur smita alveg eins og aðrar ef tær fara ekki eftir fyrir mælum yfirvalda milli skimana ef fólk mætir þá til seinni skimunar yfir höfuð

[Vagn (IP-tala skráð) 2.11.2020 kl. 20:33]

Landamærin eru ekkert vandamál. Almennir Íslendingar sem telja sig geta haldið partí allar helgar, knúsað í jarðarförum og skroppið í veiðitúra með veika áhafnarmeðlimi eru vandamálið. Þínir líkir eru meiri ógn við heilbrigði þjóðarinnar en hælisleitendurnir. Þetta "hvað kemur mér annað fólk við" viðhorf sem svo oft má sjá á þínum síðum.

Ef þú finnur einhverstaðar sérhæft starfsfólk til að létta á Landspítalanum þá er enginn skortur á húsnæði sem nota má. Mannekkla hefur takmarkað getu Landspítalans en ekki húsnæðisskortur. Starfsfólk einkastofa hefur ekki þá sérhæfingu og er nær gagnslaust til þeirra verka en gæti orðið að gagni eftir nokkurra mánaða þjálfun, þjálfun sem enginn hefur tíma til að veita eins og ástandið er núna. Einkaaðilarnir geta samt lagt sitt af mörkum og farið í verslanir og passað að viðskiptavinirnir spritti sig og noti grímur meðan fitusog og brjóstastækkanir liggja niðri.

Einkaframtakið er óstarfhæft á sumum sviðum nema það hafi Landspítalann til að taka við öllu óvæntu. Meðan Landspítalinn hefur nóg með sig þá getur hann ekki þjónustað einkaaðilana.

[Halldór Jónsson, 2.11.2020 kl. 22:24]

Kerran ekki alvitlaus í dag. En ég vek samt athygli á að í Ögurhvarfi er húsnæði sem gæti nýst ef neyð kemur upp

[Halldór Jónsson, 2.11.2020 kl. 22:26]

En það hlýtur að létta á ef ekki koma hælisleitendur heldur bara okkar fólk.

[Guðmundur Ásgeirsson, 2.11.2020 kl. 22:30]

Öll smitin sem eru í gangi núna eru af veirustofni sem kom inn í landið í ágúst. Það myndi því engin áhrif hafa á þá stöðu að loka landamærunum núna löngu seinna.

Samfélagssmit hverfa ekki með lokun landamæra, heldur með innlendum sóttvarnaraðgerðum.

[Ómar Geirsson, 3.11.2020 kl. 08:59]

Já Halldór, hann er ekki alvitlaus þegar hann er í þeim gírnum.

Eiginlega fannst mér hann vera helv. góður.

En ekki segja honum það.

Kveðja að austan.

PS. Megi þinn maður vinna, hann er þó ekki gangandi lík.  Svo er betra að hann sé lögmætur lýðskrumari en valdaræningi það er Tyranni.

Ég hef sjaldan sé aðra eins aðför að lýðræðinu þegar fjölmiðlar heims sannmæltust um falsfrétt þar sem Gróa var dregin ofan af baðstofuloftinu og höfð fyrir því að Trump hygði á valdarán með því að neita viðurkenna úrslit kosninga.

Þegar fjölmiðlar gera ekki lengur greinarmun á meintum hugrenningum og raunveruleika, það er eitthvað sem gerist, þá er fokið í ansi mörg skjól trúverðugleikans. 

Í besta falli er svona aðför að lýðræðinu, tilraun til að hafa ólýðræðisleg áhrif á niðurstöðu kosninga, það er kosningasvindl á mannamáli.

[Halldór Jónsson, 3.11.2020 kl. 11:16]

Þessi veira núna þarf ekki að vera endanleg útgáfa. Engin veira er eina tryggingin sem fæst.