RÚV

okkar allra?

Mitt svar er já. RÚV á þvílíka sögu og söfn af efni og aðstöðu að ekki verður þurrkað út. 

Aðrir fjölmiðlar og hugsjónamenn berja lóminn og benda á kerfisvillu sem er til staðar. Það er hinsvegar reykur þegar þeir telja auglýsingatekjur sem helming vandans. Þeim stjórnar RÚV ekki heldur koma þær af viðskiptaástæðum markaðarins.

Fólkið horfir á RÚV vegna þess að það er skemmtilegast í ljósi aflsins sem í því býr.Og fréttaflutningurinn hefur yfirburði yfir aðra.

Bréf Sýnar ber að skoða í því ljósi:

 „Með vísan til þessa er með öllu óverjandi að RÚV verði bættur allur skaðinn eins og farið er á leit í umsögn RÚV enda myndi slík aðgerð einungis auka á þá samkeppnisröskun sem þegar leiðir af tæplega 5 milljarða árlegri meðgjöf frá ríkinu og um 2ja milljarða auglýsingatekjum sem stofnunin aflar sér ár hvert.

Þá verður ekki séð að stofnunin hafi hegðað sér með samfélagslega ábyrgum hætti, sbr. nýlegt mat fjölmiðlanefndar á því hvort RÚV hafi uppfyllt almannaþjónustuhlutverk sitt. Þar er gerður ríkur fyrirvari og í raun felldur áfellisdómur um hvernig RÚV hefur sniðgengið skyldur sínar gagnvart sjálfstætt starfandi framleiðendum. Kemur sú skýrsla í framhaldi af svartri úttekt Ríkisendurskoðunar á rekstri RÚV,“ segir ennfremur í erindi Sýnar.

Það virðist vera höfuðmein RÚV að þvi tekst ekki að feta hlutleysisstíg í fréttaflutningi heldur standa vinstri úlfshárin sífellt upp úr hálsmáli sauðargærunnar þannig að Sjálfstæðismönnum er sífellt misboðið. Og seint verður talað um þjóðareiningu með það fólk allt út i horni í fýlu.

Þetta væri hægt að laga en sífellt er þráast við.Af hverju er ekki hægt að setja Óla Björn Kárason eða einhvern slíkan útvarpsstjóra til tveggja ára og sjá hvort afstaða þjóðarinnar til RÚV gæti breyst? 

Það er margt gott um RÚV en margt hægt að laga en auglýsingamarkaðurinn stjórnar sér sjálfur en ekki Heiðar Már þó klár sé.

Athugasemdir

[Jón Þórhallsson, 13.11.2020 kl. 10:41]

Hvað myndir þú sjálfir vilja sjá meira af

og hvað finndist þér að mætti missa sín í rúv sjónvarpi?

[Grímur Kjartansson, 13.11.2020 kl. 10:54]

Tímasetning á "fundinum" á þessum 50 ára gömlu bréfum frá Arnarholti sem búin eru að vera í öllum fréttatímum RUV undanfarið gerir náttúrlega að verkum að það er enginn fastráðinn né verktaki aflögu hjá stofnuninni til að skoða þessa skýrslu Ríkisendurskoðunar enda hefur ekkert verið minnst á hana hjá RUV