Eru kjósendur blindir?

í Reykjavík?

Skilja þeir ekki tölur:

"„Útgjöld borgarinnar halda áfram að vaxa og skuldasöfnun eykst um 33 milljarða á aðeins sex mánuðum og eru heildarskuldir og skuldbindingar samstæðu borgarinnar komnar í 378 milljarða í júnílok.

Launakostnaður hækkar um 9% milli ára. Ríkið nýtti uppsveiflu síðustu ára til að greiða skuldir verulega niður, en á sama tíma hefur borgin aukið skuldir sínar um meira en milljarð á mánuð þrátt fyrir einstakt góðæri.

Enginn viðleitni hefur verið til að hagræða og kostnaður vex þrátt fyrir að við blasi mikill samdráttur í tekjum borgarinnar.

Nauðsynlegt er að endurskoða fjárhagsáætlun borgarinnar miðað við þessa stöðu. Þá vekur athygli hvernig staða dótturfyrirtækjanna hefur versnað.

Afkoma OR versnar um -127% milli ára og fer úr hagnaði í tap.

Afkoma SORPU versnar um -90% frá áætlun og rekstrarniðurstaða Félagsbústaða hf. versnar um -98% frá áætlun.

Endurmat fasteigna Félagsbústaða hf. mun duga skammt til að bæta stöðuna.“

Á sama tíma notar Dagur B. Eggertsson hundraðmilljóna í endurbætur á Óðinstorgi sem leiðir beint til hækkunar í einkahúsnæði hans.Þá er í lagi að fjölga bílastæðum.

Eru kjósendur blindir og skilja ekki tölur?

Athugasemdir

[Gunnar Heiðarsson, 13.11.2020 kl. 23:52]

Sæll Halldór

Þú ert bjartsýnn, telur að kjósendur pæli í tölum. Fyrir vinstra fólk skipta krónur og aurar litlu máli, svo fremi að einhver annar borgar en það sjálft. Skýrasta dæmið er svokölluð borgarlína, sem enginn veit í raun hvað er eða hvað kostar. Þó vita Dagur og co að kostnaður verður mikill, jafnvel meiri en svartsýnustu menn hafa þorað að nefna. Því er því svo fyrirkomið að ríkissjóður á að greiða stærsta hluta þessa verkefnis og hlutur sveitafélaganna mun verða greiddur með aukinni skattheimtu þeirra. Þetta er auðvitað galið, auk þess sem það stenst vart stjórnarskrá, þar sem enginn hefur heimild til að ákveða skattlagningu, af hvaða tagi sem hún nefnist, nema Alþingi.

Það er stórt að segja að kjósendur séu fífl, þó vissulega slíkt hvarfli að manni stundum. En þó er ljóst að kjósendur skiptast að stórum hluta í tvær fylkingar, þeir sem leita sér upplýsinga um málefni og hina sem láta mata sig af hvaða rugli sem er. Þeir fyrrnefndu hafa gjarnan verið titlaðir til hægri á stjórnmálasviðinu, stundum nefndir frjálshyggjumenn en réttyrði er auðvitað hinn vitiborni maður. Hinir eru liggja til vinstri.

Og því miður er ætið nóg til af fólki sem ekki nennir að kynna sér hlutina, lætur bara mata sig. Síðasta dæmið er þegar 74 milljónir Bandaríkjamanna fylkti sér að baki elítu fjölmiðla og háskólasamfélagsins, sem virðist vera að taka völdin um allan  heim.

Því miður óttast ég næstu kosningar hér á landi, sér í lagi þegar forusta Sjálfstæðisflokks virðist gengin lengra til vinstri en áður hefur þekkst. En það má bæta, ef þið kjósendur flokksins látið til ykkar taka.

Kveðja

[GÍSLI HOLGERSSON (IP-tala skráð) 14.11.2020 kl. 15:29]

378 MILJARÐAR eru ofurtölur í skuld hjá Reykjavíkurborg. Getur almenningur skrifað 378 miljarða eða 1 "trilljón"?

BEST er að hugsa sér samanburð: Hversu margar 2ja herbergja íbúðir getur þú fengið fyrir þessa upphæð. Hversu marga miðlungs bíla gætir þú keypt fyrir þessa upphæð?

SKULDIR skipta "brandarahópinn" engu máli í höfuðborginni, því "flugríkt" ríkið borgar mismuninn?