Foringinn

hefur ávallt vit fyrir lýðnum.

Fólk er nefnilega fífl eins og einn maður mælti eitt sinn.

 

 

Til að mynda næstu ríkisstjórn án Sjálfstæðisflokksins þarf vit og forystu.

Hvorutveggja hefur formaður Samfylkingarinnar Logi Már til að bera í ríkum mæli.

Uppröðun og hreinsanir á framboðslistum Samfylkingarinnar í nafni lýðræðisins eru að heppnast vel sem allir mega sjá. 

 Það blasir eiginlega við að ef menn kjósa ekki Sjálfstæðisflokkinn þá skiptir eiginlega ekki máli hvort þeir fara  á kjörstað eða ekki. Niðurstaðan verður sú sama: Vinstri stjórn. Þjóðin verður losuð við Íhaldið og allt sem því fylgir.

Kosningar eru nefnilega einn  leiðinda fylgifiskur lýðræðisins sagði einhver vitur maður einhvern tímann. Það er um að gera að vera ekki að dreifa ákvarðanatöku út um allt eins og þegar Steingrímur Jóhann varð allsherjarráðherra í Jóhönnu stjórninni og náði sér ekki eftir það fyrr en eftir fjögur ár á forsetastóli Alþingis.

Aðrir vinstriflokkar munu varla verða í vandræðum með að raða þóknanlegu fólki á framboðslista sína. Fólki sem uppfyllir skilyrði forystunnar hver sem þau verða hverju sinni.

Prófkjör hafa líka sýnt sig að vera meingölluð og aðeins snöfurleg viðbrögð flokksforystunnar geta þá bjargað málunum eins og dæmin sanna hér í Kraganum.

Er nokkurn tímann of seint fyrir vitra foringja að leiðrétta lýðræðið?

Athugasemdir

[Halldór Jónsson, 15.2.2021 kl. 14:59]

Der Führer og Göring stjórnuðu því líka vandlega hverjir fengu sæti á Reichstag.

[Gísli Holgersson (IP-tala skráð) 15.2.2021 kl. 16:28]

Foringjarnir eru ekki alltaf Þjóðernissinnaðir. Foringi er ekki sama og Leiðtogi.

ÍSLAND vantar Þjóðernissinnaðann Leiðtoga, sem berst fyrir sjálfstæði okkar og fullveldi, en ekki til flutnings til ESB, embættismannakerfisins í Brussel.

Virt Alþingi þarfnast þroskaðra Leiðtoga og Þjóðernissinna, sem berjast fyrir Landið okkar. Minnist Þingvalla og Öxarárfossa, stofnun Alþingis og Kristintökunnar árið 1000. Bókmenntaþjóðin og Landafundanna og tár erlendra sæfara við mosavaxnar tjarnirnar á Þingvöllum og stígandi hveri, sem líktust ritningunni.  

[Jón (IP-tala skráð) 16.2.2021 kl. 11:48]

Fengið héðan

https://www.visir.is/g/20212071003d/hin-grjotharda-kosningavel-sjalfstaedisflokksins

„Allt frá stofnun Sjálfstæðisflokksins árið 1929 lagði hann mikið upp úr skipulagðri upplýsingasöfnun um kjósendur hvarvetna á landinu, hvort sem þeir voru sjálfstæðismenn eður ei. Í Reykjavík var sú vinna í höndum Varðar og foringjaráði hans fyrstu tíu árin eftir stofnun Sjálfstæðisflokksins. Í foringjaráðinu störfuðu svokallaðir „foringjar“ sem störfuðu eftir hverfum af þýskri fyrirmynd. Foringjum Varðar fjölgaði með hverjum kosningunum og voru orðnir 80 talsins árið 1937. Þeirra hlutverk var að skrá niður stjórnmálaskoðanir fólks og sjá til þess að kjósendur sem teldust líklegir sjálfstæðismenn skiluðu sér á kjörstað. Foringjaráðið var lagt niður árið 1938 þegar ákveðið var að stofna Fulltrúaráð sjálfstæðisfélaganna í Reykjavík til að samhæfa skipulag allra sjálfstæðismannafélaga í Reykjavík og leysti fulltrúaráðið forystuhlutverk Varðar af hólmi.“

[Gísli Holgersson (IP-tala skráð) 16.2.2021 kl. 16:31]

Stefna Samfylkingar er augljós og neikvæð fyrir ÍSLAND. Augljós baráttumál eru innganga til getulausra ESB sinna í Brussel þar sem allt er á hverfanda hveli.

Þeir vilja flytja inn hælisleitendur, sem flýja óráðsíu Austurlanda og Afriku. Við erum þegar með um 60þúsund innfluttra og enn vilja þeir bæta við.

Þeir fagna loftslagsrugli Svíþjóðar Gretu og fara að reglum Svía við ráðningar á fulltrúum í næsta framboð. Svíþjóð hefur skift um ásýnd frá fyrri árum með Abba og sænska stálinu og Volvo, sem Kínverjar keyptu.

Ég spái stórsigri hugsandi hægri og þjóðarflokks, sem vinnur ÍSLANDI gagn og framtíðar. Sýnum ágæti okkar sjálfir samkvæmt okkar eigin reglum.