Drengir útundan

í skólakerfinu segir Helga Vala á Alþingi. Heimtar rannsókn á orsökunum.

Í mínum huga er þetta ekkert merkilegt. Drengir þrífst öðruvísi hjá kvenkennurum en karlkennurum og stúlkurnar áreiðanlega einnig í hina áttina.

Maður komst í svo í Gaggó Aust eftir austurbæjarskóla þar sem flestir kennarar voru líka karlkyns.Ég man ekkert mikið eftir verunni þar nema þar voru dansæfingar og maður fór að bjóða upp og svo þegar á leið í 2.og 3.bekk. Jú það var félagsvist og grímuball man ég þar sem Björgvin pabbi Eddu var aðalnúmerið.

Þarna voru alvöru karlkyns kennarar eins og Guðmundur Þorláksson, Gunngeir Pétursson sem allir elskuðu, Árni Guðnason magister, stóri Rauður (Þórður?) og litli Rauður(Andrés) Gráni(Sveinbjörn Sigurðsson pabbi Guðrúnar skólasystur minnar,áðurnefndur Björgvin,  Ástráður Sigursteindórsson, Helgi Þorláksson,Vignir Andrésson. Ég held bara að enginn kennari minn hafi verið kvenkyns alla veruna í Gaggó. 

En Guðrún P. Helgadóttir var illræmd fyrir strangleika sinn en hún kenndi mér aldrei og heldur ekki Helga stóra, síðar í Auðsholti í Bláskógabyggð.

Nú hefur þetta snúist svo við að drengir þrífast ekki hjá tómum kvenkennurum. Þetta skil ég vel því þetta voru svo virðulegir karlar allir saman að virðingin smitaði út í nemendurna. Það hefur því orðið þessi breyting á velsæld drengja í skólanum sem var öðruvísi í þessa daga, 

Nú eru kvenkennarar í yfirgnæfandi meirihluta í öllum skólum. Það er beinlínis rökrétt afleiðing að þetta vandamál sé uppi.

Eina leiðin er að breyta þessu og fjölga karlkennurum.En það er líklega hægar sagt en gert þar sem karlar sækja ekki lengur í kennslu líklega vegna launakjara.

Ég held að einhver vísindarannsókn Helgu Völu muni engu breyta um þetta þar sem mér finnst að vandamálið blasi við.Það verður að jafna kynin í kennslunni.Þá lagast þetta af sjálfu sér.

 

Athugasemdir

[Björn S. Stefánsson (IP-tala skráð) 16.3.2021 kl. 20:59]

stóri Rauður hét hann ekki Ólafur?

[Vagn (IP-tala skráð) 16.3.2021 kl. 23:30]

Þú ert ekki einn um þessa skoðun, en hún er heldur ekki eina skoðunin sem fólk hefur. Ástæðan gæti vel verið önnur þó þér hafi ekki hugkvæmst neitt annað. En gallinn við þína röksemdarfærslu er að ástandið var síst betra þegar þú varst í skóla. Þeir sem hættu eftir gaggó voru ekki allir heimskingjar. Þeir jafnaldrar þínir sem voru orðnir alkahólistar um tvítugt voru ekki aumingjar. Og þeir voru ekki klikkaðir sem drápu sig áður en þeir fengu hár á bringuna. Jafnvel þó það hafi verið afgreitt þannig á þeim tíma og ekki rætt frekar og ekki minnst á það oftar.

Öllum var sama hvernig þér leið og þér var bara ætlað að læra og vinna svo myrkrana á milli. Það var þitt hlutverk. Það sem þér bauðst í lífinu. Þú áttir helst ekki að hafa áhugamál, aðeins ónytjungar og letingjar höfðu áhugamál. Það var nóg ef þú þekktir börnin þín með nafni og létir vera að berja konuna. Alvöru karlmenni og góður við konuna og börnin. Glæsileg framtíðarsýn fyrir unglinginn Halldór. Og enginn kennari tók eftir neinu óeðlilegu.

Það að athygli sé beint að vanda þýðir ekki að hann sé nýr. Afturför til þess tíma þegar hann var falinn leysir hann ekki. Margt hefur lagast og margt hefur breyst. En eru kröfurnar sem enn eru gerðar til drengja óeðlilegar og ómanneskjulegar?

Svolítið flóknara en "konur kenna þeim" en alveg jafn líklegur möguleiki, og möguleikarnir eru fleiri.

[Helga Kristjánsdóttir, 17.3.2021 kl. 01:17]

Þarna var faðir vinkonu minnar kennari Hermann,ég hef engan hitt sem man eftir honum þótt hann kenndi þarna mörg kannski öll sín ár.Ég man ekki hversson Hermann var ,ekki einu sinni Kolla systir mín man eftir honum þar.Þau bjuggu á Egilsgötu og var ég tíður gestur þar bíðandi eftir vinkonu minni Björgu Júlí Hue Hermannsdóttur búa sig fyrir rúntinn í miðbænum,skrafandi skandinavisku við danska mömmu hennar á meðan...... 

[Halldór Jónsson, 17.3.2021 kl. 01:30]

All djúp er Kerran í dag og margt til í þessu. En ég held samt að það séu þarna tengsli.  

[Halldór Jónsson, 17.3.2021 kl. 01:34]

Ég man vel eftir höfðingjanum Hermanni Helga og dætrum hans Elsu og Björgu. glæsipíum. Hann kenndi þarna árum saman. Afskaplega höfðinglegur maður,

[Halldór Jónsson, 17.3.2021 kl. 01:35]

Jú líklega hét hann Ólafur doktor Björn minn

[Halldór Egill Guðnason, 17.3.2021 kl. 04:11]

 Strákar voru strákar og stelpur voru stelpur, í eina tíð. Sitt hvort kynið, með foreldrastýrða sýn á lífið. Í dag eru ekki ekki bara tvö kyn, heldur hellingur, allir eiga að fá sitt og það strax, óháð kyni af hinum ýmsu kynjum......

 Hvar og hvenær í andskotanum gerðist það eiginlega að fjölgaði kynjunum? Var ekki vandinn nægur fyrir, þó sú fjandans della bættist nú ekki við?

 "Fólk af öllum kynjum....." þessi setning grætir mig og fullvissar um leið að við séum á beinni leið til andskotans.

 Góðar stundir, með kveðju að sunnan. 

[Sigurður Kristján Hjaltested, 17.3.2021 kl. 10:15]

Tek undir med Agli.

Fólk af öllum kynjum.........?????????

[Gísli Holgersson (IP-tala skráð) 17.3.2021 kl. 11:45]

Maður kannast við marga karl kennarana, sem nefndir eru og voru þeir frábærir. Samkeppnin hefur brugðist karlkennurum varðandi vinnu og atvinnuvegi. Konur hafa sigrað, ella verða málaferli, sem virðast gefa vel...

Eina konu nefni ég, sem mér þótti vænt um í Landakotsskólanum, sem kenndi sögu. Hún hét Guðrún. Ef við lásum heima og kunnum svörin við spurningum hennar að morgni - sagði hún okkur Grettissögu og fleiri sannar íslenskar sögur, sem voru spennandi. Þetta hreif alla í bekknum, sögur sem við kunnum enn. Góð kennsluaðferð.