Mannjöfnuður

reyndist mögulegur þó mér fyndist að met hefði verið slegið í dellumakeríi Viðreisnar-Þorgerðar.

Lengi skal manninn reyna. Loga Már í hinum Samfylkingarflokknum tókst að ná jafnstöðu í vitleysunni.

Jón Magnússon lögmaður vekur athygli á þessu á sinn skarpskyggna hátt:

"

Spakvitrasti stjórnmálamaður norðan Alpafjalla, Logi Einarsson formaður Samfylkingarinnar, fjallar stundum um mál með þeim hætti að vísuhending um fjallið Einbúinn verða næsta hugleiknar eins og segir: Hann Einbúi gnæfir svo langt yfir lágt að lyngtætlur stara á hann hissa.

Í fréttatíma RÚV í hádeginu fann hann 5 ára fjármálaáætlun fjármálaráðherra allt til foráttu og segir að ekki sé ráðist að rót vandans sem sé atvinnuleysi. Logi bendir samt ekki á nein arðbær atvinnuskapandi verkefni, en setti fram nýja kenningu sem er einkar athygliverð.

Þannig sagði Logi formaður að þegar talað væri um tekjubætandi aðgerð í fjármálaáætluninni væri verið að vísa til niðurskurðar og skattahækkana. 

Nú fer mér eins og lyngtætlunum í kvæðinu Einbúinn. Svo vís er þessi kenning Loga, að hún verður ekki sett í vitrænt samhengi við allílfið eða neinar hagfræðikenningar fyrr eða síðar hvorki borgaralegar né sósíalskar.

Hvað er tekjubætandi aðgerð? Skv.orðskýringu er það aðgerð sem kemur í stað skatta og eykur þá væntanlega ráðstöfunartekjur fólks. Okkur lyngtætlunum er því fyrirmunað að skilja þá rökfræðilegu útleggingu Loga formanns, að tekjubætandi aðgerð þ.e. lækkun skatta sé ávísun á niðurskurð og skattahækkanir. 

Umræða verður um málið á Alþingi á morgun og væntanlega mun Logi sem hefur hér haslað sér völl með nýja sýn á hagfræðileg hugtök, orsök og afleiðingu gera okkur lyngtætlunum vitsmunalega grein fyrir því hvernig þetta getur farið saman með þeim hætti sem hann heldur fram."

Herre-GUD.

Ef þessi mannjöfnuður á að taka við landsstjórninni í haust?

 

Athugasemdir

[Vagn (IP-tala skráð) 24.3.2021 kl. 10:46]

Sé fjármálaáætlunin skoðuð er þar talað um afkomubætandi ráðstafanir en ekki tekjubætandi aðgerð. Og þá er það afkoma ríkisins sem um er að ræða, enda fjármálaáætlun ríkisfjármála en ekki almennings. Og til að bæta afkomu ríkisins er nærtækast að grípa til skattahækkana og/eða niðurskurðar.

Hvers vegna hinn skarpskyggni Jón Magnússon lögmaður telur ástæðu til að vera á móti því að það sé gagnrýnt, eins og Logi gerir, á ég erfitt með að skilja öðruvísi en að hinn skarpskyggni Jón sé fylgjandi skattahækkunum og niðurskurði. Eins held ég að það séu engin ný sannindi og hagfræði að afkomubati ríkisins er oft á kostnað afkomu almennings.

Það er margt undarlegt sem frá Jóni skarpskyggna kemur. Þannig að það kemur ekki á óvart að hann sé fylgjandi skattahækkunum. Og miðað við fyrri skrif þá er allt í hagfræðinni nýtt fyrir honum.

[Gísli Holgersson (IP-tala skráð) 24.3.2021 kl. 12:27]

Socialistar, Kommunistar og vinstrimenn skapa ekki hagvöxt hjá ÍSLENDINGUM. Þeir vinna gegn landinu okkar og vilja samráð með stjórnlausri ESB Evrópu.

Fámennt virt ALÞINGI, sem vinnur á eigin vegum með fáa dugandi embættismenn, helst úr atvinnulífinu, skapa velgengni til almennings á ÍSLANDI.

Kjararáð skapaði misrétti, sem allir samþykktu innan Alþingis. Hér koma mínar óskir um framtíð okkar:

Verjum fullveldið og sjálfstæði okkar.

Við seljum ekki landið okkar til erlendra auðjöfra og STÓR þjóða. Ríkið skal fjárfesta í landi og jörðum bænda.

Munum hvaðan Covid-plágan kom og þeir hundruð miljarða, sem það hefur kostað okkur.

ORKAN, virkjanir og heita vatnið eru sameign þjóðarinnar.

Leggjum sjálfir sæstrenginn í samvinnu með NATO í heims varúðarskyni, eins og Keflavíkurflugvöll.

Stöðvum innflutning fjölþjóða og hælisleitendur, sem enga virðingu bera fyrir siðum ÍSLENDINGA. Evrópa, Norðurlönd og Svíþjóð er sönnun þess.

25þúsund eru atvinnulausir, Ríkið berst í bökkum fjárhagslega með loftslagskreppu og loftslags hugmyndir, sem ekki eru vísindi heldur vinstri pólutík, sem kosta fámennt ÍSLAND hundruð miljarða í kostnað.

Við viljum ekki vera húskarlar í eigin Landi. 

Kjósum föðurlandssinna til ALÞINGIS.

[Gísli Holgersson (IP-tala skráð) 24.3.2021 kl. 12:46]

ÍSLAND er sjálfbært með 200 mílna landhelgi og ofur FISKIMIÐ. Berjumst gegn vistinni með ESB og þeim vandamálum sem fylgja.

ÍSLAND er sjálfbært með ómengaðri framleiðslu BÆNDA og GRÓÐUR HÚSA, sem er og verður eftirsótt með flugi til stórborga Evrópu og Ameriku. Látum ekki alþjóða og glóbalista ráða ferðinni á ÍSLANDI.  Gerum allt sjálfir.