Gagnslaust gláp

finnst mér léttvægt á móti því að virkja landið og auðlindir þess.

Ómar Þ.Ragnarsson er heldur betur á öðru máli. Hann segir:

"...Þegar tíminn hefur liðið og mestöllum þessum stórkostlegu verðmætum hefur verið tortímt, standa samt nokkur þeirra eftir, misjafnlega lemstruð þó. 

Eitt þeirra, Stuðlagil, nokkra tugi kílómetra utar en Kárahnjúkastífla, hefur þó þá sérstöðu að vera næst hringveginum og betur aðgengilegt á lengri tíma á sumrin en áður var. 

En eftir stendur sú niðurstaða Rammaætlunar, sem séð var um að birtist ekki fyrr en búið væri að undirrita samninga um Kárahnjúkavirkjun, að þessi virkjun hefur valdið mestu mögulegu neikvæðum og óafturkræfum umhverfisspjöllum allra virkjanakosta á Íslandi. 

Í þessu efsta sæti trónir hún og á aðeins einn jafnoka; virkjun Jökulsár á Fjöllum.  "

Þarna koma ágreiningsefnin upp.

Útsýni og eitthvað til að glápa á eins og foss eða eitthvað forardíki finnst mér harla léttvægt þegar kemur að því að velja um að hafa í sig og á.

Álverið á Reyðarfirði finnst mér margfalt gagnlegra fyrir fólkið í landinu  en eitthvað náttúrugláp.Við verðum að nota landið til að lifa af því en ekki bulla um fagurfræðilega óskhyggju.

Kárahnjúkavirkjun er stórkostleg og hverrar músarholu virði sem lokaðist.

Virkjanir rísi sem víðast en gleymum gagnslausu glápi sem lítið gefur af sér nema nokkra túrista.

 

 

 

Athugasemdir

[Ómar Ragnarsson, 15.6.2021 kl. 18:51]

Það sem hér er sagt vera bull um fagurfræðilega óskhyggju skapaði raunar mestu efnahagsuppsveiflu í sögu landsins á árunum 2011 til 2019. 

[Helga Kristjánsdóttir, 16.6.2021 kl. 01:38]

Mér var boðið með hjónum upp að Eyjabökkum til að sjá hversu þær væru ómissandi náttúrufegurð ef virkjað væri þar.Það ár var undirskriftasöfnun á Héraði vegna þessa deilumáls. Ekki fannst mér mikið til þessa mýrarfláka koma en yndislegu fuglarnir skulu eiga sitt friðland og þarna er heilmikið flæmi sem þeir myndu færa sig til þótt rask yrði á hluta þess. Kárahnjúkar eru ekkert að skyggja á landshætti þar sem virkjunin er,enda er ferðafólk mikið þar,einmitt það sem allir vilja að komi með gjaldeyri í skjóðu Alþingismanna. ....Og er ekki virkjað fyrir íbúa þessa lands þar sem störf verða til,einnig afleidd,svo erum við hætt að nota lýsislampana góðu. Mb.Kv.

[Halldór Jónsson, 16.6.2021 kl. 10:16]

Kárahnjúkavirkjun dregur að sér ferðamenn eins og annað í þessu landi.