Halldór Jónsson

28.10.2021 | 11:42

Loftslagsbullið

ríður húsum á Íslandi. Forsætisráðherrann virðist andsetinn af þessu sem forgangsmáli þjóðarinnar sem er mér óskiljanlegt þegar bróðurpartur af orkunotkun landsins sem hún á að leiða kemur frá brennslu jarðefnaeldsneytis.

Nú er talað um að banna innflutning á bílum sem brenna slíku eftir örfá ár.Það er ekki einu sinni staðfest að rafbílar séu kolefnisvænir. Hvað þá að íslendingar eru aðeins 350.000 á móti 15.000.000.000 Kínverjum sem ætla akkúrat ekkert að gera í útblæstri næstu árin. Við eigum að ganga á undan með góðu fordæmi segir hún.

Kolefnisjöfnun er eitthvað ógurlega göfugt.CO2 er ástæða fyrir því að mannkynið á grænni jörð og ræktar meira en það gerði.Auðnin verður arðgæf.

Það mannfjölgunin sem er skelfingin. Náist ekki tök á henni er allt annað hjómið eitt til lengri tíma.

Vegna trúarinnar hjá forsætisráðherra er ekki varist með tiltækum ráðum eins og aðrar þjóðir gera heldur aðeins gefið eftir eða örvast í vitleysunni.

Einar S. Hálfdánarson veltir þessu fyrir sér í Morgunblaðið dagsins:

"Flestir Íslendingar eiga auðvelt með að lesa færeysku, svo mjög er hún skyld íslensku.

Tummas Justinussen skrifaði fína grein um ESB-þjóðina Dani og bar saman við fiskveiðiþjóðina Færeyinga. Danir eiga fimmta stærsta kaupskipaflota í heimi. Sá floti er ekki talinn með þegar skuldbindingar Dana í loftslagsmálum eru reiknaðar.

Dönskum vöruflutningabílum er ekið um alla Evrópu. Akstur þeirra utan Danmerkur telst ekki með í losun Dana.

Flug með dönskum flugfélögum skilst mér á honum að sé líka undanskilið ef það er innan Evrópu. En Færeyingar búa við allt annars konar útreikning líkt og við Íslendingar.

Fiskveiðar Færeyinga

Fiskveiðar eru meginatvinnuvegur Færeyinga. Meira en 97% afurðanna er neytt utan Færeyja.

En gagnstætt danska kaupskipaflotanum reiknast losun færeyska fiskiskipaflotans Færeyjum á versta veg.

Er einhver lógík í þessu? Ekki segir Tummas og hann færir góð rök fyrir sínu máli.

Íslenski fiskiskipaflotinn lýtur sömu reglum. Væri nú ekki ráð að skrá íslensku togarana sem evrópsk kaupskip? Þá er Ísland búið að standa sína loftslagsplikt um langa framtíð.

Staða Íslands

Frammistaða Íslands í loftslagsmálum er í einu orði sagt frábær. Endurnýjanleg orka er 85% af orkunotkun Íslands. Ef aðrar þjóðir stæðu sig eins vel væri enginn loftslagsvandi, hvað þá -vá. Samt er mikill hljómgrunnur fyrir því að Ísland geri meira í loftslagsmálum en okkur ber skylda til. Til hvers?

Jú, til að mengunarsóðinn Kína geti t.d. gert enn verr. Er það verðugt markmið?

Eins og önnur lönd á Ísland að standa við skuldbindingar sínar. Höfum við í hyggju að gera betur eigum við að velja okkur markmið og verja til þess þeim fjármunum sem við getum til að ná sem mestum árangri. Ekki til að líta vel út. Enginn vafi leikur á að nýting fjár er margföld ef mengunarmarkmið með árangur að markmiði eru tekin fram yfir að gera betur en Parísarsamkomulagið.

Eigum við ekki öll að sættast á að rýra ekki lífskjör á Íslandi að nauðsynjalausu og minnka mengun jafn mikið og unnt er? Þetta tvennt fer auðveldlega saman.

Parísarsamkomulagið er ósanngjarnt

Ósanngirni Parísarsamkomulagsins í garð fiskveiðiþjóða á borð við Ísland og Færeyjar blasir við. Meðal annars þess vegna á alls ekki að fórna íslenskum hagsmunum og fórna lífskjörum okkar og barnabarna okkar til að gera meira en krafist er af okkur.

Næst þegar sest verður að samningaborðinu eigum við að gera tvær sanngjarnar kröfur: Að íslenski fiskiskipaflotinn fái sömu stöðu og kaupskipafloti ESB og að flugumferð til og frá Íslandi reiknist með sama hætti og flug innan Evrópusambandsins.

Á slíkar ráðstefnur má ekki senda menn með hugarfar Indriða Þorlákssonar; að Ísland hafi bara gott af því að borga fyrir aðra."

Við Íslendingar höfum svo til engin áhrif á útblástur heimsins.Það er aðallega Katrín Jakobsdóttir og Gréta Thunberg sem telja okkur vandamál í loftslagmálum heimsins.

Erum við tilbúnir að játast undir skattlagningu á lífsafkomu okkar þegar Kínaverjar og Indverjar fara sér að engu óðslega með sína milljarða fólks?

CO2 í andrúmsloftinu er ekki vandamál og það hefur verið miklu meira í jarðsögunni. Þar að auki stjórnum við ekki sjónum eða eldfjöllunum.

Loftslagsbullið er algerlega órökstudd trúarbrögð eins og ISLAM sem er einiungis til vandræða um heim allan.

Flokkur: Stjórnmál og samfélag | Breytt 29.10.2021 kl. 07:33 | Facebook

Athugasemdir

Meðal Kínverjinn losar rúm 7 tonn meðan Íslendingurinn losar rúm 11 tonn og Indverjinn tæp 2 tonn. Og fiskveiðifloti Kínverja, sem er stór, reiknast á sama hátt og sá Íslenski, Danski og Færeyski.

Millilandaflug telst ekki með í losun Íslendinga, frekar en annarra. Og sama gildir um millilandasiglingar og aðra millilandaumferð.

Þó fiskurinn sé fluttur út þá reiknast CO2 frá veiðunum á okkur. Rétt eins og CO2 frá iðnframleiðslu Kína, sem að mestu er flutt úr landi, reiknast á Kínverja.

Vagn (IP-tala skráð) 28.10.2021 kl. 12:32

Talan "85 prósent" varðandi endurnýjanlegan hluta íslenskrar orkuframleiðslu er miklu lægri, því mestöll raforkuframleiðsla stóru gufuaflsvirkjananna á Reykjanesskaga er rányrkja á óendurnýjanlegri og þverrandi auðlind. Meira að segja í forsendum þeirra var í orði kveðju byggð á 50 ára endingartíma, sem er jafnvel enn styttri.

Ómar Ragnarsson, 28.10.2021 kl. 13:01

Um helgina verður ríkisstjórnin og minnst 50 aðrir í Glasgow
þar sem þeir munu þurfa að innbyrða mikið magn af kolefnislausnar koteilum til að jafna kolefnissporið vegna flugferðarinnar.
Svo koma þau væntanlega til Íslands og kenna okkur hinum um bruðlið

Grímur Kjartansson, 28.10.2021 kl. 13:37

Mér er lífsins ómögulegt að skilja

af hverju Sjálfstæðisflokkurinn (og Framsókn)

eru að púkka undir Vinstri græna.

D og B geta alveg myndað ríkisstjórn

án plastpoka Gvendar og Kola Kötu.

Einfaldast væri að kippa Flokki fólksins inn

í stað kommagrænu lufsa Steingríms Joð.

Símon Pétur frá Hákoti (IP-tala skráð) 28.10.2021 kl. 14:57

Já, Halldór minn

Hvernig stendur á því að Bjarni og SIngi

hanga sem niðurnjörvaðir

við fúlapytt Indriða og Steingríms Joð?

ESB kommagræna pyttinn?

Nema þeir fyrrnefndu séu sama sinnis, í reynd,

og hinir síðarnefndu, ESB kommagrænir?

Símon Pétur frá Hákoti (IP-tala skráð) 28.10.2021 kl. 15:05

Sem sagt, Halldór minn

Væri ekki nær að bæta kjör smælingjanna,

svo sem hinna fátækustu meðal íslenskra

eldri borgara, öryrkja og barnafjölskyldna

-- og þar með almenna hagsæld íslenskra --

fremur en elta hala hinna kommagrænu,

loftslags glóbalista?

Símon Pétur frá Hákoti (IP-tala skráð) 28.10.2021 kl. 15:32

Gallinn er sá að við erum ekki ein með okkar andrúmsloft á þessari jörð-það er sameiginlegt.
Við eru ekki eyland í andrúmsloftinu.
Veðrabreytingar víða um heim eru skelfilegar og þær hafa borist til okkar í veðurfari. Jarðvegsflóð úr fjöllum á Seyðisfirði í kjölfar ofurrigninga og síðan í Kinnafjöllum - raflinur falla í vetrartíð.
Þetta er því miður að aukast
En þetta kemur misjafnlega fram um heiminn- enn sem komið er.... Ágætur þáttur hjá henni Bryndís í stjórnmálum- áðan :-)

Sævar Helgason, 28.10.2021 kl. 16:15

Tveir skýjaglópar "bulla" um rafmagnsbíla og umferðarmál í framtíðinni: Harald Lesch zur Elektromobilität  Pros und Cons des Elektroautos  ÖPNV  Mobilität der Zukunft

Hörður Þormar (IP-tala skráð) 28.10.2021 kl. 23:07

Já Halldór minn, magn koltvísýrings hefur áður verið mun meira í andrúmsloftinu en nú er, í eitt skiptið til dæmis lagðist íshella yfir meginhluta jarðar ef marka má grein á vef Lifandi Vísinda.

Öll þessi skipti eiga eitt orð sameiginlegt; extinction, útrýmingu mikils hluta þess lífs sem þá var, og þó þú sért kominn á efri ár, þá er það furðuleg hvöt að vilja sjá afkomendur sína kveðja á svipuðum tíma.

Síðan á bráðskýr maður eins og þú ekki síendalaust að fabúlera um sjó eða eldfjöll í þessu samhengi, hringrás koltvísýrings er þekkt, hún hefur verið í þokkalegu jafnvægi í árhundruðþúsund, og núna er þessu jafnvægi raskað með 19. aldar tækni í orkuöflun og orkunýtingu.

Það er sú röskun sem ógnar tilveru okkar, í það minnsta siðmenningunni, og svo rífist þið íhaldsmenn út í eitt við staðreyndir í stað þess að takast á við þær.

Því ábending þín um lofslagsbullið er réttmæt, en hvernig heldur þú í eina mínútu að það sé leiðrétt með bulli og staðleysum??

Í stað þess að segja, tökumst á við þetta, leysum þetta.

Ég held að þú sért orðinn Pírati Halldór, þeir eru eina tegundin í stjórnmálum sem gætu verið svona grunnir miðað við fyrri reynslu og menntun.

Ráðlegg þér að lesa Jón Þorláksson.

Hann hefði tekið þessu eins og hverju öðru verkefni.

Með árangri.

Kveðja að austan.

Ómar Geirsson, 29.10.2021 kl. 07:42

Heill og sæll Halldór

Maður er nefndur Patrick Moore, prófessor frá University of British Columbia í Kanada, í umhverfisfræðum. Maður þessi var einn af stofnendum Greenpece og um tíma forseti þeirra samtaka. Síðar, þegar þessi samtök fóru að láta peninga ráða för, sagði þessi stofnandi sig frá þeim.

Hann hefur látið loftlagsmál til sín taka, ekki kannski alveg á sömu línu og þeir sem hæst láta í þeim málaflokki. Því hefur honum verið úthýst á ýmsum vettvangi þar sem slík umræða fer fram.

Hér er örstutt viðtal við Patrick, sem þú ættir endilega að skoða.

https://www.youtube.com/watch?v=hEOLKEc5eRM&list=FLk7IeO9burLQ2tc3Fnrw6ow&index=1&t=12s

Kveðja

Gunnar Heiðarsson, 29.10.2021 kl. 07:54

Eitt enn:

Stalín tíðkaði það að senda menn til Síberíu,

þeim sem ekki voru honum þóknanlegir.

Þar beið þeirra vosbúðin og dauðinn.

Forysta Sjálfstæðisflokksins sér til þess

að henni ekki þóknanlegir falli af listum

og/eða af þingi; mætti kalla hreinsanir

í anda Stalíns.