Ömurlegur endir

í leikhúsi fáránleikarans í Gljáskógum. Menn eru ekki sammála um neitt nema að allt sé í merinni og ekkert gangi upp í bullinu um CO2 og manngerða hamfarahlýnun.

Kínverjar, Kanar og Indverjar glotta í gluggann og halda ótrauðir áfram að kynda með kolum, Pútín brennir gasinu aldrei minna og Ástralir selja kolin sín sem aldrei fyrr. Þýskarar endurræsa gömlu kolakyntu rafmagnsverin sin og Kínamenn byggja eitt nýtt á hverri viku. Aldrei er dælt upp öðru eins af olíu í Arabaríkjunum eftir grátbænir Bidens. En Fransmaðurinn hugsar um sig eins og venjulega og byggir kjarnorkuver til að selja rafmagn sem er það mest raunhæfa í stöðunni.

Þvílíkt prump og plat og núll.

Nema kannski að minnka methanið og messa um framtíðina sem enginn sér. Framhaldsbull fjörtíuþúsund fíflanna frá París fyrir fimm árum sem fáu félegu skiluðu.

Við Íslendingar gátum þó skemmt okkar fimmtíu fulltrúum svo um munaði á ríkisins kostnað og kannski kolefnisjafnað flugið þeirra úr sama kassa.

Umhverfisráðherrann okkar, sem enginn kaus, ber sig illa yfir því að geta ekki tilkynnt um einhverja stórkostlega fjárbrennslu úr ríkiskassa Íslands. En það er hvort sem er ekkert hægt að gera meðan Biggi Ármanns útskrifar ekki talningabrandarann í Borgarnesi og engin ný ríkisstjórn Kötu tekur við að laga loftslagið svo um munar fyrir heiminn.

 Orti ekki séra Hallgrímur; Sjá hér hve illan enda, ódyggð og svikin fá..

Athugasemdir

[Ingibjörg Ingadóttir (IP-tala skráð) 13.11.2021 kl. 16:19]

The name Glasgow means 'place of the green hollow' or 'dear green place' derived from the Brythonic words glas meaning 'green' and cau meaning hollow'. In Gaelic it is Glaschu.

Heitið hefur ekkert að gera með 'Gljáandi skóga'.

[Vagn (IP-tala skráð) 13.11.2021 kl. 21:35]

Þegar hver bendir á annan og segir hann eiga að draga saman er ekki von árangri. Íslendingar segjast svo fáir að þeir eigi að fá undanþágur til að menga áfram óáreittir. Kínverjar segja hvern Kínverja ekki vera nema rúmlega hálfdrætting í mengun miðað við Íslendinginn. Indverjar segjast menga minna en 3 Kínverjar og Kaninn segir í lagi þó Georgia, Florida og Holland fari á kaf og Arizona, Texas og Ástralía megi að skaðlausu bráðna í 60+ hita. Ís og kuldi á norðurslóðum sé hvort sem er ekkert eftirsóknarvert og það snerti þá ekkert þó milljarðar flóttamanna hlýnunar sæki þangað. "Not my problem, someone else will pay".

[Sigurður I B Guðmundsson, 14.11.2021 kl. 11:26]

Það væri fróðlegt að fá nafnalista og starf þeirra 50 manns sem fór til Glasgow til að bjarga heiminum og líka kosnaðinn við þessa heimsbjörunarferð?

[Halldór Jónsson, 16.11.2021 kl. 14:36]

Vagn eða Ö.....eða Sk.......Sk...... kemur upp um sig að hann hefur einhverntímann farið í skóla og slær um sig með erlendu sproki.