Velkominn Ólafur Liljurós !

 

 

Mikið er gaman að Ólafur Magnússon skuli vera kominn aftur til starfa í Borgarstjórn Reykjavíkur og heill heilsu. Hann er eini maðurinn, sem við vinir Reykjavíkurflugvallar getum treyst á Borgarstjórn. Allir hinir eru annaðhvort hráir eða soðnir eins og Villi eða eindregnir andstæðingar flugvallarins í Vatnsmýrinni eins og sexmenningaklíkan öll í Sjálfstæðisflokknum, nema  kannske utan Kjartans eins.

 

Ólafur Magnússon er maður hreinn og beinn. Honum getum við treyst. Vonandi kemur hann saman góðum lista við næstu kosningar sem við getum stutt heilshugar til góðra verka. Margir telja að Sjálfstæðisflokkurinn sé  búinn að gera endanlega í buxurnar í borgarpólitíkinni og honum muni fáir  treysta héðan af. Flokkur, sem ekki getur ítrekað staðið saman, er eins og hús sem er í sjálfu sér sundurþykkt. Það mun riða til falls og fall þess verður mikið. Eða svo stendur í hinni góðu bók held ég.  

 

Allt vinstragengið í nýja R-lista bræðingnum er líka alfarið á móti Reykjavíkurflugvelli.  Björn Ingi er eins og hann er, enn  staddur úti á Lönguskerjum.  Undir hans exi þora víst fáir að sofa lengur.

 

Því er Ólafur maður okkar Vallarvinir ! Styðjum við Ólafs Magnússon til góðra verka ! Gerum framtíð Reykjavíkurflugvallar  að úrslitakosti í pólitísku vali mann og málefna

  !

Athugasemdir

[Sigurjón Þórðarson, 4.12.2007 kl. 23:13]

Ég er nokkuð viss um að Ólafur F muni standa vörð um flugvöllinn í Vatnsmýrinni svo að hann verði ekki bráð í einhverri loftkastalapólitík.