Af hverju vill frjálslyndi flokkurinn ekki verðtryggingu ?

 

Stundum heyrir maður íslenzka lífeyrissjóðakerfinu hrósað í hástert um leið og menn formæla verðtryggingu lána. Það er eins og menn gleymi því hvernig ástandið var fyrir daga verðtryggingar. Engin lán fáanleg nema ef þú værir framsóknarmaður.

Verðtrygging er núna forsenda þess að þú getir sparað saman til elliáranna án þess að tapa þeim. En af því íslenzka kerfið kann aldrei  aðra leið en sósíalisma, þá erum við fastir í  lífeyrissjóðabullinu þar sem margir maka krókinn.

Ef  maður hefði lagt sjálfur inná verðtryggðan bankareikning með aðeins 5 % vöxtum, 4 % +6 %,  af laununum  alla æfi(núna er þetta 12 %),  þá ætti sá sem vinnur í 40 ár með raunmilljón á mánuði um 120 milljónir á reikningi sem hann getur étið upp á næstu 12-15 árum sem sem milljón á mánuði eða óskert laun. Þá er meðalævin hvort eð er búin  

Það má bera þetta  saman við peninginn  á mánuði sem þessi maður fær úr lífeyrisjóði eftir 40 ára starf. Þetta er gamla sagan með apann og ostinn, apinn er búinn að éta meiripartinn af osttykkinu þegar upp er staðið. Hér fyrr á árum töluðu ungir menn um báknið burt. Svo fóru þeir að vinna hjá því og nú er það  kjurt og hugsjónirnar horfnar útí veður og vind.

Merkilegt að heill stjórnmálaflokkur skuli berjast fyrir því að banna fólki verðtryggingu fjárskuldbindinga. Af hverju svara þeir  því þá ekki á hvaða vöxtum þeir vilji lána 40 ára íbúðalán óverðtryggt ?. NB úr eigin vasa . 

Því spyr ég forystumenn frjálsynda flokksins  beint hér og nú :

Á hvaða vöxtum  viljið þið lána mér milljónkrónukall af ykkar eigin  fé óverðtryggt,  til eins árs ? Til 10 ára ? Til 20 ára ? Til 30 ára ? Til 40 ára. ?

Mikið væruð þið vænir  ef þið vilduð  gera mér tilboð hér á síðunni. Mig sárvantar þetta og get komið að sækja þetta við fyrstu hentugleika. Og auðvitað til sem allra lengsts tíma því ég er að hugsa um að fara í hnattreisu fyrir þetta og það er betra að fara hægar í afborganirnar þegar heim kemur. Ég lofa að skrifa ykkur póstkort úr hverri höfn ef þið sjáið um farareyrinn.

Ég veit ekki betur en að þjóðin sé mikið til löngu hætt við að taka verðtryggð lán í krónum  til íbúðakaupa. Það standa nefnilega öllum til boða lán í evrum með svona 2 % álagi íslenzkra banka og hafa gert allt þitt kjörtímabil núna á þingi .  

Auðvitað lækkar hið samræmda vaxtaálag íslenzku bankanna þegar útlenzki bankinn kemur og við fögnum því. Davíð verður sjálfsagt ekki hress og hækkar stýrivextina strax eftir áramót, enda stéttarfélögin búin að tilkynna um að þau muni skaffa okkur tveggja tölustafa verðbólgu strax á næsta ári.

Athugasemdir

[Sigurður Þórðarson, 13.12.2007 kl. 23:10]

Ég hef engar heitar skoðanir í þessum efnum og er heldur ekki í forystu FF en leyfi mér samt að velta við nokkrum steinum. Sú var tíðin að ég var mjög hlyntur verðtryggingu af sömu ásæðum og þú virðist vera þ.e. tryggja eignir lífeyrissjóða. Eða til þess að fólk geti sparað til elliáranna.  Eftir því sem ég sé best á þessi röksemd ekki við lengur þar sem meginhluti sparnaðar landsmanna er í öðru formi en verðtrygðum innistæðum. (fasteignir, innlend og erlend hlutabréf osf) Ef Alþingi myndi "afnema" verðtryggingu á morgun, yrði hún samt í gangi að einhverju leyti næstu 40 árin þ.e. á þeim lánum sem fyriri eru. Verðtryggð lán skipta sífelt minna máli þar sem margir taka erlend lán. Eina haldbæru rökin sem ég sé fyrir að halda í verðtryggingu er að hún sé nauðsynleg vegna þess að myntin er svo lítil að menn telja hana ótrausta. Eitt er víst að stjórnmálamenn verða ekki einráðir um hver þróunin verður.