Greiðið atkvæði með Reykjavíkurflugvelli !

Ég sé að það koma alltaf fáeinir á hverjum degi að skoða þessa síðu.

VInsamlega látið skoðun ykkar á tilvist Reykjavíkurflugvallar í ljós úr því þið eruð hérna hvort sem er.

Hér til vinstri á síðunni getið þið greitt atkvæði og líka séð hversu afgerandi atkvæðagreiðslan þróast. Þegar 360 hafa greitt atkvæði eru meira en 9 af hverjum tíu fylgjandi því að völlurinn verði um kyrrt. Um leið sjá menn að í hinum hávaðasömu Samtökum um Betri Byggð eru líklega ekki margir utan helstu talsmannnanna, þeirra Arnar arkitekts og Jóhanns Ólafssonar.

Þetta er mér og mörgum öðrum mikið hjartans mál. Það  er nauðsynlegt að fólk hugsi og myndi sér skoðanir á þessu þjóðarhagsmunamáli.

Því miður eru öfl að störfum innan Borgarapparatsins,  sem naga rætur vallarins nætur og daga og komast upp með það vegna afskiptaleysis hins þögla meirihluta.

Meirihluta  sem ég er sannfærður um að er fyrir hendi hjá þjóðinni - 

VALLARMEGIN !

 Hann verður bara að láta í sér heyra.

Athugasemdir

[Sigurður Þór Guðjónsson, 1.1.2008 kl. 15:27]

Ég vil endilega halda flugvellinum.

[Sigurður Þórðarson, 1.1.2008 kl. 15:30]

Ólafur F Magnússon er enginn vingull og mun standa vörð um flugvöllinn.

[Jóhann Páll Símonarson, 1.1.2008 kl. 15:51]

Heill og sæl Halldór.

Gleðilegt ár megi guð og gæfa vera með þér og fjölskyldu þinni á nýu ári.

Það er enginn spurning frá minni hálfu enda hef ég sagt það í mínum flokki að Reykjavíkurflugvöllur eigi að vera á sínum stað.

Varðandi Ólaf F Magnússon hans kosningarloforð voru að Reykjavíkurflugvöllur skildi vera á sínum stað og ekki ætti að hreyfa við honum.

Þegar hann tók við embætti forseta borgarstjórnar þá var viðtal við hann ennfremur var hann spurður um afstöðu hans í flugvallar málinu þá fannst mér að honum hafði snúist hugur um að færa flugvöllinn burtu.

Ég segi ef Ólafur hefur snúist hugur þá tel ég hann hafa svikið kjósendur sína. Enn við skulum sjá hvað setur í þeim málum.

Enn og aftur Reykjavíkurflugvöllur á sínum stað þær skoðanir eru í meirihluta enda er þjóðin öll sammála um það.

Jóhann Páll Símonarson.

[Halldór Jónsson, 1.1.2008 kl. 18:01]

Þakka ykkur öllum og sérstaklega ér Jóhann fyrir góðar óskir. Gangi þér og þínum allt í haginn á nýju ári

[Ásdís Ólafsdóttir, 1.1.2008 kl. 18:51]

Gleðilegt ár og megir þú dafna í tennis. Að sjálfsögðu á flugvöllurinn að vera áfram.

Kveðja,

Ásdís 

[Steinunn Þórisdóttir, 1.1.2008 kl. 18:54]

Flugvöllinn áfram þar sem hann er takk

[Ágúst H Bjarnason, 1.1.2008 kl. 19:39]

Sæll frændi.  Líklega hef ég verið búinn að greiða atkvæði með vellinum fyrir löngu því ég fékk ekki aðgang.  Njóttu lífsins vel í Flórída.

[Halldór Jónsson, 3.1.2008 kl. 04:06]

Sæll frændi og takk fyrir innlitið. Ég þakka fyrir skrif þín um áramótin-fremur óvenjujleg hjá teknokrata en þess athyglisverðari og sýna að genin frá Kolfreyjustað lifa enn.

Elsku  Ásdís, minn tennisbjargvættur, án  þin hefðu árin mín síðustu tíu orðið verri. Takk fyrir allt og gleðilegt nýjár,-  heilsaðu Sverri.