Könnun MörtuSmörtu !

Nú hafa 821 svarað í könnun MörtuSmörtu um hvort Reykjavíkrflugvöllur eigi að vera þar sem hann er eða fara. 30.86 % vilja völlinn burt. 66.96% vilja hann kyrran. 2.3 % hafa ekki skoðun á málinu. Sjál er MartaSmarta flugvallarandstæðingur af einhverjum ástæðum.

 Ég setti efyirfarandi athugasemd á síðuna hjá henni

"67 % fylgi við Flugvöllinn áfram í Vatnsmýri eykur mér trú á skynsemi fólksins. En jafnframt verð ég æ furðulostnari yfir því hvernig stjórnmálamenn fólkið svo velur sér til að stjórna skipulagsmálunum.

Það er mikið happ að hafa fengið hann Ólaf F. til að sitja ofaná þeim það sem eftir lifir kjörtímabilsins. Eftir það fær fólkið kost á því að láta skoðanir sínar í ljós með atkvæði sínu. Vonandi fer þessarri 60 ára síbyljuumræðu um Reykjavíkurflugvöll að ljúka.Það er alltaf verið að endurtaka það sem búið er að segja.

Ég vildi að þjóðin fengi að segja álit sitt á flugvallarmálinu í eitt skipti fyrir öll við þá þjóðaratkvæðagreiðslu sem halda má í Forsetakosningum hinn 28.júní nk..En þá verður bara einhver að sjá til þess að hún fari fram með því að bjóða sig fram til Forseta gegn dr.Ólafi Ragnari. Enn sem komið er hefur það ekki gerst. 

Marta mín, ert þú bara ekki ágæt til að fara fram fyrir okkur öll ? "

Ég veit náttúrlega ekkert um það hvort Mörtu langar í forsetaframboð. En ég vildi óska að þjóðaratkvæðagreiðsla eins og sú, sem dr.Ólafur Ragnar ætlaði að útvega okkur um fjölmiðlafrumvarpið hans Davíðs,  yrði látin afgreiða þetta flugvallarmál. Það mætti við sama tækifæri spyrja um afstöðu þjóðarinnar til fleiri mála, evrunnar, ESB, kvótakerfisins  osfrv. Væntanlega yrðu svo Alþingi og Borgarstjórn að fjalla nánar um niðurstöðurnar sem fengjust   með þessu.  En ég held endilega að umfjöllunin yrði með vitrænni hætti ef afstaða þjóðarinnar lægi fyrir. En auðvitað fæst enginn pólitíkus til að leggja þessu máli lið,- þeir nærast á rykþyrlun og vífillengjum og aðgerðaleysi.

 

Athugasemdir

[Sigurður Þórðarson, 9.3.2008 kl. 20:14]

Sæll Halldór, það er vaxandi fyrlgi við að hafa flugvöllinn áfram í Vatnsmýrinni.

Einn fylgenda þess að flugvöllurinn færi vitnaði í tvígang í biblíuna á blogginu mínu um þetta mál. Annars hef ég mestar áhyggjur yfir því að það er sífellt verið að þrengja að flugvellinum. 

[Ómar Bjarki Smárason, 10.3.2008 kl. 11:45]

Sæll Halldór. Þetta eru góðar fréttir, enda vissum við alltaf að hinn þögli meirihluti var mun stærri en þeir sem vilja völlinn burt og hæst hafa varla vita að það er byggð utan höfuðborgarsvæðisins. En þú verður bara að fórna þér og fara í framboð sjálfur til að fá endalega niðurstöðu í málið. Þín verður minnst lengi fyrir það eftir að reykurinn úr reykháfnum í Fossvoginum verður stiginn til himins og kannski verður reyst af þér stytta við flugvöllinn....

[Bjarni Kjartansson, 10.3.2008 kl. 13:33]

Þetta er utanbæja´lið eins og þú, sem auðvitað koma málinu EKKERT við og skulið halda ykkur við ukkar deiliskipulög, ef einhver eru.

Við  í 101 ráðum þessu máli til lykta með spkvirtum hætti, hafðu öngvar áhyggjur þar um.

Okkar sveitafélag er sjálfstætt síðast þegar ég vissi.

Miðbæjaríhaldið

pollrólegur þó utanbæjarliðið og annað dreyfbýlisvælandi lið bölsótist út íokkar nýju sýn á Rvík ÁN flugvallar í Vatnsmýrinni

[Halldór Jónsson, 10.3.2008 kl. 23:05]

Er Dullur fullur ?

[Bjarni Kjartansson, 11.3.2008 kl. 09:21]

Nei elsku karlinn minn, öðru nær.

Nú skal blásið til íbúaþings 101 Rvík

Nú sala Bretinn hrakinn af höndum vorum og frjáls Vatnsmýri koma til afnota fyrir afkomendur vora.

Burt með allt Bretadraslið og byggjum Háborg Rvíkur.

Dullur

afar sjaldan fullur

[Halldór Jónsson, 11.3.2008 kl. 16:01]

Já ég vissi auðvitað að enginn almennilega fullur gæti þukið svona forstokkaða þversumrullu  í skynsemdarmálum. Ég hélt að fyrrverandi atvinnurekandi úti á landi, sem er fluttur suður á mölina myndi skilja nauðsyn flugvallar fyrir mölina. Nema að þú viljir með lokun stöðva frekari Vestfjarðaflótta. Þú hefur aldrei svarað því hvar þeir í 101 eiga að byggja þegar lóðirnar  verða uppgengnar á flugvellinum, eftir svona 5 ár. Velkomnir til Kópavogs segi ég því þar er gott að búa.