Rússneska þyrlusveit á Keflavík ?

Það er víst ekki til peningur til að reka þyrlubjörgunarsveitir okkar af neinu gagni lengur.

Er ekki sameignlegir hagsmunir Rússa og Íslendinga, að Rússar fái aðstöðu fyrir þyrlubjörgunarsveit á Keflavík ?   Þeirra flugvélar og skip eru hér allt um kring . Sjómenn okkar róa sem fyrr.

Ég held líka að Natóþjóðirnar hefðu gott af því að sjá að við getum átt fleiri vini  en þá sem vilja skammta okkur vináttu sína.

Athugasemdir

[Ómar Bjarki Smárason, 16.10.2008 kl. 22:41]

Það er ekkert sjálfsagðara Halldór. Og er ekki B & L með varahlutaumboðið fyrir rússneskar þyrlur......?

[Halldór Jónsson, 16.10.2008 kl. 23:08]

Já hvur veit nema einhverjar námarannsóknir eða gulleit gæti komið út úr nánari kynnum ?

[Jón Valur Jensson, 18.10.2008 kl. 02:22]

Hvert ertu kominn, Halldór minn Jónsson?

[Halldór Jónsson, 19.10.2008 kl. 19:53]

Minn góði Jón Valur,

þú hneykslast !  En hvað er til ráða til ef við getum ekki sinnt björgunarstörfum ? Geta Rússar og Íslendingar ekki haft sameiginlega hagsmuni af slíkri  samvinnu ? Sérílagi ef við erum í þvílíkum vandamálum að geta ekki sinnt björgunarstörfum  vegna fjárskorts.

[Jón Valur Jensson, 19.10.2008 kl. 21:16]

Það verða alltaf nægir peningar í landinu til björgunarstarfa.

En gamall og góður NATO-sinni eins og þú ætti stuðla að því, að við fáum varnarlið til landsins aftur, og ekki gera þér að leik að ákalla Rússa.

[Halldór Jónsson, 20.10.2008 kl. 00:14]

Nei minn Jón Valur.

Ég held að við höfum ekki sama kraft til björgunarstarfa og þegar Kaninn var hér. Ástæðan er smæð okkar.  Mér er ekkert illa við Rússa, finnst bara slæmt að ég skil ekki málið þeirra og því eru þeir mér meira framandi en Skandínavar, Þjóðverjar og enskumælandi. Er Nato í þínum augum bara varnarbandalag gegn Rússum ? Hvað með Múslímaríkin ? Eða innanlandsbyltingu á vegum innflytjenda ?

Ég hef áhyggjur af endurteknum árásum útlendinga á fámenna lögregluna okkar. Til hvers getur svona leitt. Og við eigum ekki næg  fangelsi til að taka uppivöðslulýð úr umferð.  Og ekkert þjóðvarðlið heldur.  Það getur verið að við ráðum ekki við ástandið á götunum.   Við hvaða aðstæður kemur Nato til skjalanna hérlendis ?