Hagkerfið í gang !

Hér á landi er ekkert að gerast nema það að Íslendingar virðast sökkva dýpra í skítinn.  Ráðaleysi í stjórnmálum er algert, þetta er allt sama fókið að hræra í sömu skálunum. Og fyrirsjáanlega batnar þetta ekkert við nýjar kosningarm þar sem allt gamla gengið verður á sviðinu með gömlu plöturnar.

Skæruliðasveitir VG við bálkestina á Austurvelli þvinguðu frá síðustu ríkisstjórn og koma þeirri núverandi leppstjórn Framsóknar til valda, sem nú situr yfir því höfuðverkefni, að koma Davíð úr Seðlabankanum. Aðrar hugsjónir virðist hún ekki hafa nema að skipta skortinum sem fer dagvaxandi. Þessi stjórn á  svo að undirbúa valdatöku alvöruvinstristjórnar og Jóns Baldvins eftir bráðakosningarnar í mars. 

Það sem er að gera útaf við okkur um þessar mundir er skortur á bankastarfsemi í landinu. Hér starfa 3 ríkisbankaskrípi sem ekkert gera nema rukka vesalinga,  sem geta ekki borgað. Þeir stunda eiginlega enga aðra bankastarfsemi. Allt atvinnulíf landsmanna er því helfrosið og umkringt ókleifum vaxtaturnum.  Sem leiðir af sér aukið atvinnuleysi og meiri skort. 

Mér hefur dottið í hug, hvort hægt væri að heilla eitthvert olíuríki til samstarfs  um að kaupa þessa ríkisblánka okkar og setja hér upp starhæfa viðskiptabanka fyrir Ísland. Í útlendri mynt á viðráðanlegum vöxtum. Þannig fengjum við nýjan gjaldmiðil í umferð með krónunni.   Allt þetta gegn  því að við bjóðum þeim samstarf til langs tíma um  olíuleit og nýtingu við Ísland. Ef um Arabaríki væri að ræða þá gætum við hugsanlega gert eitthvað fyrir þá í staðinn á menntasviðinu og þeir sjálfsagt fyrir okkur með því að fjárfesta hér á landi í okkar atvinnuvegum.   Við myndum ekkert  fara að kenna þeim democrazy í staðinn eða svoleiðis,  hvað þá trúarbrögð.  Heldur nálgast þetta verkefni af tilhlýðilegri virðingu og tillitssemi.  Sheikarnir austrænu ættu líka að hafa heyrt af  hinum fögru konum sem þetta land byggja og forsetann ættu þeir að þekkja.

Þetta er svo smátt verkefni fyrir þessi stjarnfræðilega ríku lönd að það er aldrei að vita nema eitthvað í þessa veru gæti tekist með réttum fortölum.  Auðvitað hefði verið æskilegt  að reyna að fá hingað Norðmenn í svona samstarf, svona með tilliti til  Gamla Sáttmála og forns sambands.   En Norðmenn eru víst lítið tilkippilegir þar sem þeir hafa flest góðu spilin þegar á eigin hendi og líta hugsanlega fremur á okkur sem vandamál en tækifæri.      

Hefur eitthvað verið reynt Arabana um eitthvað samstarf á grundvelli framtíðarolíuhagsmuna ?

Athugasemdir

[Sigurður Ingólfsson, 22.2.2009 kl. 20:54]

þetta var nú kjarnyrt og óvitlaus grein hjá þér.

Samt verður ekki komist hjá því að hafa einhverja vana menn við stjórnina. Var að koma frá Egyptalandi (sjá blogg siggus10 ) og ég veit að þar býr fólk sem ekkert þarf að kenna og miklir eru peningarnir.Þú sem verkfræðingur hefðir kannski gaman af að vita að Armani hótelið í Dubai sem opnar á þessu ári er 808 metra hátt. geri aðrir betur.Já það er leitt þetta með bankana,allt þetta ágæta fólk að vinna á góðum launum við aðeins þetta sem þú nefndir og enga atvinnuuppbyggingu. Kv S

[Sigurður Sveinsson, 23.2.2009 kl. 07:38]

Fróðlegt að lesa þetta ákall frá sanntrúuðum íhaldsmanni. Ástand þjóðarbúsins er svona eftir 18 ára yfirstjórn íhaldsins á þessu blessaða skeri. Það er varla von á kraftaverki frá ríkisstjórn sem setið hefur í 3 vikur. Og það upp á náð og miskunn framsóknarflokksins. Maddömunnar með nýja meyjarhaftið. Gömul mella verður varla hrein mey aftur.

[Pétur Halldórsson (IP-tala skráð) 23.2.2009 kl. 09:47]

Mikið var talað um aðgerðaleysi fyrri valhafa eftir 100 daga, En núna.....!

 Núna eru 80dagar svo svakalega stuttur tími að ógerlegt er að gera nokkurn skapaðann hlut nema væri framboðsræður á hverjum degi um eigið ágæti og ráðleysi andstæðinganna.Engar nýjar lausnir!.heldur færri.

S.S. Gömul mella!? Áttu þá við heilaga Jóhönnu?

[Halldór Jónsson, 23.2.2009 kl. 14:28]

Takk fyrir þessi orð Sigurður Ingólfsson. Það er aldarfjórðungur síðan ég kom til Dubai og þeir geta ýmislegt sem við getum ekki. Þessvegna nefndi ég samstarf við þá. 

Og Sigurður Sveinsson. Það gerðist nú margt gott á 18 árum þó að endataflið mistækist. Menn sáu ekki til botns fyrir grugginu.

Og Pétur,

Það saxast nú á þessa 80 daga. Og Davíð situr enn !