Leita í fréttum mbl.is

Enn lengist afrekaskráin !

Þá hefur enn ein skrautfjöðrin bæzt í hatt Baugsmanna og Jóns Ásgeirs. Fyrst ryksugaði hann  Glitni, svo BYR,  svo SPRON og Sparisjóðabankann. Þvílíkur afreksmaður.   Það var við hæfi að hinn þotuglaði forseti vor veitti honum sérstök heiðursverðlaun á síðasta ári. 

Og  ekki þarf núna að bendla Davíð Oddssyni og hans flokki  um þessi afrek,   þar sem téður Jón Ásgeir hefur stutt Ingibjörgu Sólrúnu dyggilega allt frá Borgarnesi,  Samfylkinguna,  mótmælendur og allt sem nöfnum tjáir að nefna í andskotahópum Sjálfstæðisflokksins.   Það breytir engu þó að Fréttablaðið, sem er undir stjórn  Jóns Ásgeirs , reyni  í gegnum Guðmund Andra  núna í dag að klína honum pólitískt á Sjálfstæðisflokkinn.  Þetta eru ómerkilegar rangupplýsingar og áróður leigupenna Baugs í aðdraganda kosninga.

Hinir mikilvirkustu  fjármálamenn þjóðarinnar Finnur Ingólfsson, Ólafur Ólafsson, Gunnlaugur Sigmundsson, Sigurður Einarsson, Öskjuhlíðar Pálmi í  og Bakkabræður hafa ekki vermt stólana í Valhöll.  Það er billeg lausn hjá Skallagrími á landsfundi VG að öskra á Sjálfstæðisflokkinn og segja fólki að  gera hann ábyrgan fyrir framferði þessara manna.

Kjósendur mun átta sig á því, að það er ekki við Sjálfstæðisflokkinn sem slíkan að sakast þó að illa hafi farið.  Það  dönsuðu allir  í kringum gullkálfinn meðan spilað var. Þjóðin lifði mestu upgangstíma um árabil.   Það var þjóðin,  sem kollsigldi sig með þeim stóru.   Það þýðir ekkert fyrir Jóhönnu Sigurðardóttur að þykjast hvergi hafa nærri komið né vitað   hver hættan væri af ICEsave og Kaupthing-Edge , sem og öðru sem úrskeiðis fór.   Hún var um borð í bátnum alveg eins og Ingibjörg Sólrún. Jafnvel þó þær hafi báða verið steinheyrnarlausar þegar Davíð reyndi að tala við þær á ríkisstjórnarfundi.  

Það er auðvitað auðvelt að vera vitur eftir á. Auðvitað átti Seðlabankinn að gera svona en ekki hinsegin. Það sé jafnvel ég núna.  En það gerðist bara ekki. Og svo kom lánsfjárkreppan,  sem við Íslendingar eða Sjálfstæðisflokkurinn  fundum ekki upp.

Þjóðin er slegin vinstri villu um þessar mundir. Vvera kann að  leiðin verði grýttari vegna blekkinga og áróðurs vinstriaflanna sem nú verma ráðherrastólana. Því munu mörg mistök verði gerð á leiðinni upp. 

 Þegar vinstriþokunni léttir og rykmökkinn frá hamförunum hefur lægt,  þá mun það  bíða Sjálfstæðisflokksins að vísa veginn uppúr öldudalnum á grundvelli einstaklingsfrelsis og atvinnufrelsis með hagsmuni allra stétta fyrir augum. Því fyrr því betra.


« Síðasta færsla | Næsta færsla »

Athugasemdir

1 identicon

Heill og sæll; Halldór, og þakka þér, samantekt glögga !

Þó; verð ég, að minna þig á, sem kannski fyrr - hverjir voru aðalhönnuðir þessa kerfis óskapnaðar, hvert búið er, að reisa allt upp á rönd, hér á Ísafoldu.

Þar ber; hæst að nefna - þeirra, að minnsta kosti, hverjir störfuðu fyrir opnum tjöldum :

Davíð Oddsson

Jón Baldvin Hannibalsson

Halldór Ásgrímsson

Síðan; koma að, aðskiljanlegustu Merðir, úr ýmsum skúmaskotum, þeirra á meðal - hinn svo nefndi; forseti Íslands, að Bessastöðum. 

Reyndar; er komið spölkorn í tíma, síðan ég lagði til, að fígúru embættið, suður á Álftanesi yrði aflagt, svo sem.

En; meðan menn, sem engu eira, nema bakhlutanum á sjálfum sér, sem velflestir stjórnmálamanna, eru þekktastir fyrir, er vart, úrbóta að vænta, um hríð, að minnsta kosti, verkfræðingur góður.

Með beztu kveðjum; sem jafnan /

Óskar Helgi Helgason   

Óskar Helgi Helgason (IP-tala skráð) 23.3.2009 kl. 12:33

2 Smámynd: Bjarni Kjartansson

Loka Rvíkurvelli , þannig að ekki verið meira svona þotulið sem koma hingað.

Loka vellinum þannig að ekki verði slys eins og úti í BNA þar sem Pilatus flugvél steyptist niður l´ðrétt niður í jörðina rétt við brautarenda, (hefði lent í Hlíðunum, Kópavogi,  Miðbæ eða Skerjafirðinum, allt eftir aðflugsstefnu.

Var í aðflugi að fara í stutt að flug.

Mibbó

Bjarni Kjartansson, 23.3.2009 kl. 12:48

3 Smámynd: Halldór Jónsson

Já Bjarni, ég hef lagt til að Reykjavíkurflugvöllur verði fluttur uppá Esjuna, hún er slétt að ofan. Ekki vitllausari tillaga en margar aðrar að mínu viti.

Þá þyrftir þú ekki að vera hræddur um að flugvél detti í garðinn hjá þér.

Halldór Jónsson, 23.3.2009 kl. 13:05

4 identicon

Flestir horfast hljóðlega í augu við að kerfið sem þeir trúðu á er hrunið og leiðtogarnir og útrásarvíkingarnir sem þeir hylltu eru þjófar og þjófsnautar.

En af og til kemur sársaukaöskur.

Þráinn Kristinsson (IP-tala skráð) 23.3.2009 kl. 14:50

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (8.5.): 151
  • Sl. sólarhring: 993
  • Sl. viku: 5941
  • Frá upphafi: 3188293

Annað

  • Innlit í dag: 145
  • Innlit sl. viku: 5051
  • Gestir í dag: 145
  • IP-tölur í dag: 145

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband