Sefur hún fastar en Þyrnirós ?

Það er á flestra vitorði að vanskil á vörslufé ríkisins varðar fangelsi.

Nú liggur nokkurn vegin fyrir að útrásarvíkingarnir eru búnir að stela skattfrjálsum bótasjóðum tryggingafélaganna.

Sjóða sem voru myndaðir með því að ríkið frestaði skattlagningu teknanna sem mynduðu þá. Er þá ekki óbeint búið að stela skattfé frá ríkinu ?

Er ekki nokkur leið að vekja réttvísi þessa lands ?

Sefur hún fastar en Þyrnirós ?

Athugasemdir

[Ómar Bjarki Smárason, 17.5.2009 kl. 12:09]

Réttvísin á Íslandi er og hefur alltaf verið til sniðin að því að gera þeim sem meira mega sín mögulegt að gera það sem þeir telja og þurfa á kosnað okkar hinna.  Þetta hefur komið glögglega fram í nokkrum dómum þar sem lítilmagninn er dæmdur fyrir búðahnupl og stungið inn fyrir að stela einhverju sem er kannski nokkurra þúsundkalla virði, meðan sá sem stelur aleigu þjóðarinnar margfalt er kannski upphafinn með því að koma honum í góða stöðu erlendis.  Ég man ekki betur en einn hafi verið gerður að bankstjóra Alþjóðabankans, eða kannski voru það bara sögusagnir.  En það er sorglegt að lögin skuli ekki ná yfir þessa menn og þeir skuli ganga lausir.  Kannski mun þetta breytast þegar Evrópudómstóllinn hefur verið lögfestur hér, eða viljum við um undanþágu fyrir stórkrimmana.....?