Leita í fréttum mbl.is

Þjóðarsómi

Mikið getum við Íslendingar annars verið stoltir af okkur sem þjóð. Búnir að láta nokkra gangstera setja okkur á hausinn. Láta götustráka rústa löglegri stjórn landsins með grjótkasti og íkveikjum. Fara í kosningar og kjósa okkur nýtt fólk til forystu til að rétta okkur við. 18000 manns atvinnulaus og við tölum mest um umsóknaraðild að Evrópusambandinu í fyllingu tímans.

Hvað er svo annað að gerast? Margir segja akkúrat ekki neitt. 

Það er lítil reisn sjáanleg yfir aðgerðunum til þessa. Ríkistjórnin afrekaði það að reka alla 3 seðlabankastjórana okkar. Þar á meðal einn svo prófessjónal , að hann var  umsvifalaust ráðinn til norræns seðlabanka vegna hæfni sinnar.

Í stað þessara manna er ráðinn norskur  leigustrákur frá ráðgjafafyrirtækinu McKenzie, til þess að stjórna  seðlabankanum á Íslandi í útseldri tímavinnu. Hans fyrsta yfirlýsing er að hann ætli að  styrkja gengið, sem svo auðvitað  fellur dag frá degi. Annað skiptir  ekki máli fyrst að Davíð er fokinn.

Ríkisstjórnin getur ekki einu sinni náð samstöðu um hvaða vinstri mann íslenzkann eigi að ráða til þess að verða seðlabankastjóri.  Það verður ekki spurt um hagfræðilega hæfni frekar en fyrri daginn.  Bara pólitískan lit. Hefur eitthvað breyst frá meintri fyrri spillingu ? 

Finnst okkur við ekki rísa hátt sem þjóð ?  Getum við ekki fengið leigustrák frá þessu ráðgjafafyrirtæki til að vera til dæmis forseti Íslands ? Er ekki nauðsynlegt að  þjóðin standi einhuga að baki því embætti  á erfiðum tímum ?

Vonandi batnar allt þetta ef kratarnir  geta látið Alþingi samþykkja  að sækja um aðild að Evrópusambandinu. Fáum evruna 2030 þegar við uppfyllum Maastricht skilyrðin samkvæmt skuldaniðurgreiðsluáætlun ríkisstjórnarinnar.

Ég dáist að stefnufestu Steingríms J. og vinstri grænna og þeirra kærleika  á sem við blasa á stjórnarheimilinu á örlagatímum.

Um að gera að allir séu sammála og séu ekki með múður segja ríkisstjórnarflokkarnir.

 Þegar býður þjóðarsómi, þá á Ísland eina sál !


« Síðasta færsla | Næsta færsla »

Athugasemdir

1 Smámynd: Baldur Hermannsson

Ég er eiginlega byrjaður að missa trúna á lýðræðið.

Baldur Hermannsson, 24.5.2009 kl. 22:37

2 Smámynd: Halldór Jónsson

Höfum við nokkurntímann haft það Baldur?

Það þarf 2.8 Kragakjósendur til þess að kjósa á móti einum á Blönduósi. Ætli það sé þetta lýðræði sem þú hefur trúað á ?

Halldór Jónsson, 24.5.2009 kl. 23:01

3 Smámynd: Halldór Jónsson

Fyrirgefðu Baldur , þetta er bullandi betra.Talan er 2.28 atkvæði úr Kópavogi á móti einum á Hvammstanga. Einu sinni var þetta 4  héðan á mót 1 Vestfirðingi. Þetta á að fara í 1.68 við næstu kosningar og þá er það algert lýðræði, eller hur?

Halldór Jónsson, 24.5.2009 kl. 23:06

4 Smámynd: Friðrik Hansen Guðmundsson

Góður.

Friðrik Hansen Guðmundsson, 25.5.2009 kl. 00:55

5 Smámynd: Árni Björn Guðjónsson

Sæll Halldór!!! Ertu hættur að mæta í sundið?? Það máttu ekki.

Nu er það bara hver er góður og hver er verstur? Eg var ekki ánægður að sjá þig í sjónvarpsfrettunum í vikunni með Gunnari í krossinum,því nu fellur krossinn vegna þess að hann lætur sjá sig þarna. Nu er hann ekki Guðlegur lengur, hann Gunnar í Krossinum þvi miður.Þið bregðist en Guð ekki,, það mátt þú vita.

Árni Björn Guðjónsson, 25.5.2009 kl. 10:31

6 Smámynd: Ómar Bjarki Smárason

Úr því að minnst er á Hvammstanga er rétt að minna á brauðostinn sem eitt sinn var framleiddur þar.  Og þegar grannt er skoðað, þá held ég að rekja megi upphaf þessarar kreppu til þess þegar hætt var að framleiða tilsetter ostinn á Húsavík og það átti að framleiða hann í Búðardal.  Þetta gekk náttúrulega aldrei, því þeir í Búðardal náðu aldrei lagi á framleiðslunni.  Þetta sýnir okkur glögglega að illa hugsaðar skipanir að ofan ganga aldrei hér á landi, og ekki bætti úr skák þegar nær öll mjólkurframleiðsan var flutt til Mjólkursamsölunnar í Reykjavík....  Í fyllingu tímans gæti þetta svo allt endað í Brussel...!!!

Ómar Bjarki Smárason, 27.5.2009 kl. 00:57

7 Smámynd: Halldór Jónsson

Ég sá þig nú í sundi í morgun Árni minn listmálari. Hjá mér hangir listaverk eftir þig uppi á vegg.

Í mínum augum er séra  Gunnar í Krossinum eins og nafni hans Birgisson titlar hann ávallt þegar þeir ljóða hver á annan á íhaldsfundum, afbragðsmaður. Réttsýnn og heiðvirður, skemmtilegur og góður félagi. Við ræðum aldrei trúmál enda veit ég miklu minna en hann og þú líka þegar kemur að Guði.

Ég held að þú getir ekkert tekið Guð af honum Gunnari í Krossinum eða bannað honum samneyti við hann þó hann sé kannski veraldlega skynsamari maður en þú í pólitík þegar hann er í fríi frá honum.

Ég get því alls ekki tekið undir það að þú hafir eitthvert einkaleyfi á Guði eða sért umboðsmaður hans til þess að útiloka óverðuga. Þið eruð í rauninni bara ágætir báðir. Það er bara blæbrigðamunur á ykkur, ef ég má ganga útfrá því að þið séuð að tala um sama Guð,   

Halldór Jónsson, 27.5.2009 kl. 00:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Halldór Jónsson
Halldór Jónsson

verkfræðingur, flugdellukall, tennis-og badmintonspilari

-ekki góður í neinu af þessu-

Heimsóknir

Flettingar

  • Í dag (29.6.): 1
  • Sl. sólarhring: 5
  • Sl. viku: 32
  • Frá upphafi: 3420981

Annað

  • Innlit í dag: 1
  • Innlit sl. viku: 29
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Eldri færslur

Innskráning

Ath. Vinsamlegast kveikið á Javascript til að hefja innskráningu.

Hafðu samband