Gamlir hluthafar sameinist !

Þúsundir Íslendinga töpuðu á því að vera hluthafar í gömlu bönkunum.

Þeim var tjáð af forsætisráðherra Geir Haarde og Ingibjörgu Sólrúnu utanríkisráðherra að hlutafé þeirra væri nú  einskis virði. Ríkið hirti hér og nú eignir þeirra með einu pennastriki og neyðarlögum. Sem eru auðvitað bráðabirgðalög sem þurfa ekki endilega að  standast eignaréttarákvæði Stjórnarskrárinnar í ljósi atburðarásarinnar síðar .

Síðan stendur þettta sama ríkisvald í vegi fyrir því að bankarnir séu formlega gerðir gjaldþrota eins og lög og stjórnarskrá mæla fyrir um þannig að hluthafarnir geta ekki gjaldfært tapið á skattframtölum.

Hafi þeir skuldað hlutaféið og verða að selja gamlar eignir sínar  til að borga skuldirnar,  sem eru nú hjá nýju ríkisbönkunum, sem eru aftur  í ógreiddum  húsakynnum gömlu bankanna með sama starfsfólkið og sama vélakostinn, án þess að nokkuð uppgjör hafi farið fram, þá verða þeir að borga tekjuskatt af sölunni til að borga skuldirnar vegna ónýtra bréfa !

Og til viðbótar ætlar ríkisstjórn Jóhönnu að slá "gjaldborg"  um þau heimili sem svona er ástatt fyrir með því að láta þau borga "sanngjarnan 2 % eignaskatt "  að hætti Lilju Mósesdóttur hjá VG af því að eiga þessi bréf árið 2009.

Og af hvaða gengi bréfanna ?  Meðan þau voru í hæstu hæðum 2007 ?  Eða þegar ráðamenn okkar og seðlabankastjóri lugu því vísvitandi að okkur snemma árs 2008 að allt væri í fínasta lagi með bankakerfið. ?   Eða þegar  genginu eins og það var þegar hin óhæfa  seðlabankastjórn, ráðin af sama ríkinu,  klúðraði málum Glitnis,  sem glæpamenn höfðu leitt í ógöngur, á þann veg að íslenzka bankakerfið féll eins og dómínókubbar? 

Af hverju eiga gömlu hluthafarnir, víst yfir tíuþúsund talsins , ekki að grípa til vopna og verjast . Við hljótuim að geta gert eitthvað sameinuð. En sundruð getum við ekkert.

Við hluthafarnir eigum þessa helvítis banka og málverkin líka.  Ef við færum og hertækjum þá fengjum við kannski athygli ?

Af hverju ekki að sameinast ?

Athugasemdir

[Ómar Bjarki Smárason, 3.6.2009 kl. 16:25]

Þú ert sjálfskipaður herforingi hluthafahersins, Halldór... Nú þykir mér kominn kraftur í þig. Hvar á herinn að mæta til fyrstu æfinga. Er ekki ákveðin hótun í því að safna liði og efna til æfinga áður en haldið verður á Austurvöll....?

[Sigurjón Jónsson, 3.6.2009 kl. 17:07]

Það er rétt að þessi og fyrri ríkisstjórn hafa klúðrað þessum málum. Reyndar held ég að þegar hrunið hófst, hafi bara verið einn maður í ríkisstjórninni, því forsætis og utnaríkisráðherrar voru í USA. og DO var einn við stjórnartaumana.

[Friðrik Hansen Guðmundsson, 3.6.2009 kl. 22:56]

Góð grein hjá þér Halldór og raunsönn lýsing á framvindu mála. Það var því miður svona sem þetta gerðist. Það var logið að þjóðinni og ekkert gert til að takmarka þetta mikla tjón sem síðar varð og er enn að verða.

[Halldór Jónsson, 4.6.2009 kl. 00:19]

Kristín, þetta er nákvæmlega rétt hjá þér hversu margir flutu sofandi að feigðarósi eins og Ólafur Arnarson kallar það, hversu miklar lygar þetta fólk bauð uppá.

Ég verð þó að viðurkenna að það er erfitt að láta eitthvað neikvætt útúr sér um stöðu banka  í ljósi þess hversu ofur viðkvæmir þeir eru við hverskyns neikvæðum fréttum. Verið getur að ábyrgur stjórnmálamaður verði beinlínis að tala gegn betri vitund til að afstýra einhverju verra.

En hann má ekki blekkja allt fólkið svo lengi. Hann má ekki láta  blækur sínar í seðlabanka bregðast skyldum sínum á svo augljósan hátt og gert var í svo langan tíma fyrir 2008. Stefnan var svo kolvitlaus svo lengi að flestum fagmönnum var það ljóst hvert stefndi. Ég svaf of lengi á verðinum sjálfur, það viðurkenni ég.

Þess þá heldur er það óskiljanlegt hvernig Davíð Oddsson, sem á að vita betur sem reyndur pólitíkus,  gat svo farið fram eins og hann gerði í Glitnismálinu. Asnasparkið þá hrinti dómínóunum um koll. Honum bar beinlínis að halda áfram að ljúga við þessar aðstæður og redda málunum í kyrrþey. Í stað þess fór hann fram eins og hann gerði og allt fór sem fór. Því miður get ég ekki annað en komist að þeirri niðurstöðu þó að ég líti upp til Davíðs sem míns mikla foringja um árabil.

Ég held jafnvel að heilsufar Geirs, Ingibjargar og Davíðs  kunni að hafa spilað inní þetta að einhverju leyti.

Ég væri til í að gegna herþjónustu í þessum her með þér Ómar Bjarki. Þú ert bæði mikill og sterkur og væri gaman að horfa á lögguna bisa við að henda þér út úr bankanum. Og ég er nokkuð góður í vigtinni sjálfur þannig að einhverjar löggustelpur myndu blána við að lyfta okkur.

Takk fyrir Herr Kollege Friðrik , finnst þér ekki að við þurfum að andæfa ?

Já Sigurjón, ég varð oft vondur útí Davíð og fannst hann fara illa með hann Geir, reif þennan kjaft og var með stæla við forsætisráðherrann  og formann Sjálfstæðisflokksins. Ég hvatti til þess hér á síðunum að Geir ræki hann úr bankanum fyrir þetta, löngu fyrir 2008 þegar mér ofbauð kjafturinn á keilunni . 

Hann Davíð hefði aldrei átt að fara í Seðlabankann, það var bara að veifa rauðri dulu framan í þjóðina. Og ég held að hann hafi bakað sjálfum sér og fjölskyldu sinni þjáningar með þessu. Næg voru eftirlaunin.

Mönnum hættir nefnilega til að lifa sjálfa sig í pólitíkinni.

[Kristján P. Gudmundsson, 4.6.2009 kl. 09:37]

Ágæti Halldór, ég er í öllum aðalatriðum sammála þér í þessarri ágætu grein þinni, nema ég vil bæta því við, að þetta hófst allt í tíð Viðeyjarstjórnarinnar, er Jóni Baldvini Hannibalssyni tókst að lokka Davíð Oddsson til fylgis við inngögu í EES.?

Kratarnir og allrahanda fylgifiskar þeirra, sem nú kallast Samfylking, hafa reynt að þagga þessa staðreynd í hel, en við verðum að vona, að allir sagnfræðingar, sem vandir eru að faglegri virðingu sinni, muni fella þennan dóm í sögubækur framtíðarinnar. Lifðu heill Halldór !

Með kveðju frá Siglufirði, KPG.

[Jakob Þór Haraldsson, 4.6.2009 kl. 13:20]

Kæri Halldór ég býð mig fram sem KOKK í þinn FRELSISHER, lýst vel á þig sem herforingja, þú hefur fullt traust okkar & svo þurfum við að virkja einnig HJÁLPRÆÐISHERINN til að aðstoða okkur við að "berja á þessu gagnlausu stjórn......"

kv. Heilbrigð skynsemi

[Halldór Jónsson, 4.6.2009 kl. 23:03]

Sæll Kristján apótekari

Einu sinni vorum við kunningjar í MR og skemmtum okkur saman. Þú ert bróðir Helga úra er það ekki rétt hjá mér ?

Þessi EES samningur var hugsaður sem lyftistöng fyrir okkur til að geta átt viðskipti við umheiminn, sem hafði verið lokaður fyrir okkur með boðum og bönnum. Það kom okkur á óvart gersamlega að hann skyldi virka í báðar áttir og aðrir fóru að spá í okkur.Og þá misstum við niðrum okkur af forundran.

Kratar hæla sér af Viðeyjarstjórninni og segja að Jón Baldvin hafi fært okkur EES einn og sjálfur. Það er ekki rétt. Við sjálfstæðismenn hleyptum því í gegn og trúðum á það.

Svo kom þetta helvítis  Schengen  með Halldóri Ásgrímssyni  sem aldrei skyldi verið hafa. Hingað streyma fátækir Austurevrópubúar sem hafa himinn höndum tekið að komast á okkar sósíal. Svo komu krónubréfin og hér flaut allt í sméri og hunangi meðan bankarnir gátu slegið eftirlitslaust í útlöndum á okkar ábyrgð.

Nú  fótumtroðum við þetta sama EES  að vild með neyðarlögum og höftum, ríkisvæðingu, átthagafjötrum en höldum Schengen sem gerir atvinnuleysið enn verra.

Svínbeygðir af AGS liggjum við í svaðinu og eigum okkur ekki fyrirsjáanlega viðreisnarvon. Nema við rísum upp og segjum umheiminum að fara til andskotans, VIÐ BORGUM EKKI, hvorki Icesave né annað. Við erum í raun "nation in default"  sem borgar kannski allt, en bara ekki núna því við getum það ekki.

Kínverjar og Rússar lána okkur kannski úr því að vesturlönd vilja það ekki. 

Kaninn er farinn og Gordon Brown er á síðasta snúning síns ömurlega stjórnamálaferils. Good riddance Mr. Brown, Euroclown.

Við þurfum Íslendingar að horfa í vesturátt til Vesturíslendinga og reyna að bindast þeim viðskiptaböndum en láta þessa andskotans evrópupressu AGS  lönd og leið.

Já, í einu tilviki skaut kokkur á herskipi niður óvinaflugvél í árás. Ég veit að þú verður betri en önginn Jakob Þór.