Lögbann á óþægilegar fréttir !

On Fri, Jul 31, 2009 at 02:54:03PM +0100, ??rarinn ?orgeirsson wrote:
> Dear Sirs
> 
> It has come to our urgent attention that on the following link:
>http://wikileaks.org/wiki/Financial_collapse:_Confidential_exposure_analysis_of_205_companies_each_owing_above_%E2%82%AC45M_to_Icelandic_bank_Kaupthing%2C_26_Sep_2008
> certain information has been submitted on  www.wikileaks.org     
 
> These are highly sensitive confidential information from Kaupthings
> bank hf. loan book regarding the bank?s  clients subject to bank
> secrecy in Iceland.
> 
> Any public disclosure or distribution of these information is
> strictly forbidden and subject to penalty and imprisonment according
> to Icelandic law.
>  > ................................
>>  Respectfully > ??rarinn ?orgeirsson > Senior Director, Attorney at Law > Forst??uma?ur
> Kaupting Bank hf.
> [e-mail]

Á  www.wikileak.com má sjá fréttir sem Kaupþingsmenn  fengu Sýslumanninn í Reykjavík til að leggja lögbann á Ríkisútvarpið svo það fjallaði ekki um þetta mál. Auðvitað þurfti ekki að gera neitt til þess að Baugsmiðlarnir þegðu um málið.

Ofangreint er hótunarbréf Kaupþings til Wikileak.com vegna málsins. En þar koma fram upplýsingar um lánaveitingar til útrásarvíkinganna á síðustu lánafundum í Kaupþingi fyrir hrunið. Margt var vitað um hverjir fengu lánin en þó ekki allt. Núna leyfa þeir sér að gala um bankaleynd,bankaleynd og heimta og fá sett lögann á RUV til þess að almenningur fái ekki vitneskju um myrkraverkin.

Ríkisútvarpið er líklega sá eini miðill sem útrásarvíkingarnir hafa ekki á einn eða annan hátt haft stjórn á. Þetta færir mönnum enn eina sönnun þess hver þörf var á Fjölmiðlalögunum hans Davíðs á sínum tíma. En þá tókst útrásarvíkingunum  og gistivini þeirra og þotufarþega Ólafi Ragnari Grímssyni,  að hindra það að almenningur gæti tryggilega fengið aðrar en valdar fréttir. Ein af röksemdafærslunum þá var að þjóðin ætti RUV saman.

Ég var einn þeirra sem reyndi að fá réttlæti  fullnægt í stjórn BYR nú á dögunum. Á aðalfundi þar í vor  réði úrslitum til stjórnarkjörs ólöglegt umboð frá Luxemburg. Hefði það verið tekið frá hefði A-listinn fengið 3 menn en B-listinn 2 en ekki öfugt eins og valdablökkin í BYR úrskurðaði sér í hag og hindraði þannig að skuggaleg viðskipti fyrri stjórnarmanna og sparisjóðsstjóra við BYR kæmu uppá yfirborðið.  Við leituðum fyrst til Fjármálaeftirlitsins og Lögreglunnar um upptöku málsins. Lögreglan vísaði þessu frá en FME virti okkur ekki viðlits. Við leituðum þá til Sýslumannsins í Reykjavík um lögbann á setu 3.manns B-lista í stjórn BYR en hann hafnaði því. Við blasti að við litlu hluthafarnir hefðum orðið að leggja milljón í tryggingu fyrir gerðinni ef hún hefði fengist en B-listinn krafðist 10 milljarða tryggingar af okkur á móti. Þá sér maður hvað þeir töldu í húfi vera fyrir sig að réttlætið fengi ekki framgang.  Sýslumaður úrskurðaði auðvitað gegn okkur litlu köllunum.

Nú stendur hinsvegar ekki á lögbanni hjá Sýslumanni í Reykjavík þegar alvöru kallar eiga í hlut. Hver skyldi upphæð tryggingarinnar hafa verið  í þessu tilviki ? Skyldi FME nokkuð hafa fjallað um þetta mál ? .

Þessi tíðindi færa okkur litlu köllunum enn heim sannindi þess hvernig kerfið á Íslandi vinnur.Eykur okkur trú og traust á yfirvöldunum og réttvísi þeirra.

" Guð blessi forseta vorn og ríkisstjórn(svo kemur punktur). Ísland lifi ! " 

Lögbann á óþægilegar fréttir er síðasta snjallræðið.

Er ekki athugandi næst að loka landinu svo að aðrir en valdir menn geti ekki farið úr landi ? Það er ófært að þúsundir þræla stingi af. Hverjir eiga þá að borga Icesave ? 

 

Athugasemdir

[Ómar Bjarki Smárason, 3.8.2009 kl. 12:22]

Góður að vanda, Halldór. Það er að verða deginum ljósara að það er einhverskonar "mafía" sem stjórnar þessu landi og það sem ekki er henni þóknanlegt er bannað eða hindrað með alls konar lagakrókum eða hentistefnu. Nú til að ná nú betri tökum á þessu þá er næsta skrefið að koma lögreglunni undir eina stjórn, væntanlega þannig að auðveldar verði að "hafa betri tök" á þjóðinni. Og undir handleiðslu hvaða stjórnmálaflokks skyldi þetta nú vera gert....?

Annað áhugavert mál, Halldór, eru viðbrögð valdamesta manns landsins (aðstoðarmanns forsætisráðherra) varðandi grein Evu Joly. Það virðist lítill skilningur eða áhugi á þeim bæ fyrir því að bæta okkar málstað útávið. Það á bara að þröngva okkur inn í ESB hvað sem tautar og raular. Þvílíkur undirlægjuháttur.....!!!

[Halldór Jónsson, 3.8.2009 kl. 15:55]

:ú veist að þetta er vanur maður og kallar ekki hvaða kellingu sem er ömmu sína, Arnarson&Hjörvar voru röskir Þjóðlífsrukkararog öll þjóðin skalf fyrir aðgangi þeirra.

Það er um að gera að hafa vana menn í hverju rúmi.

[Pétur Halldórsson (IP-tala skráð) 3.8.2009 kl. 17:12]

Mjög athyglisvert sem ég sá á síðu Baldurs ..

Sonur sýslumannsins Guðjón Rúnarsson er framkvæmdastjóri fjármálafyrirtækja http://www.facebook.com/l/;SSFhttp://www.sff.is/sff/starfsfolk/ og yfirmaður hans í stjórn SFF er sjálfur Finnur Sveinbjörnsson bankastjóri Nýja Kaupþings…. Read More

Hinn sonurinn Sonur Rúnars er Frosti Reyr Rúnarsson, fyrrverandi forstöðumaður verðbréfamiðlunar Kaupþings og einn af kúlulánþegum Kaupþings Rúnar Guðjónsson var sýslumaður í Borgarnesi og rótarýfélagi Ólafs, föður Ólafs Ólafssonar.

Heldur fólk virkilega að skilanefndirnar og dómskerfið sé að hugsa um hagsmuni þjóðarinnar?”

[Ómar Bjarki Smárason, 3.8.2009 kl. 21:49]

Mér hefur reyndar alltaf fundist skítalykt af þessu klúbbstarfi og það býður upp á of mikil tengsl í okkar litla samfélagi. Þessi tengsl eru augljóslega ákaflega óheppileg. Vona bara að sýslumaður hafi verið í sumarleyfi og að ákvörðun um löbannið hafi verið í höndum annarra......

[Eyjólfur G Svavarsson, 5.8.2009 kl. 13:43]

Þarna er þessu rétt lýst Halldór, ekkert verður eftir nema hálfdauðir lífeyrisþegar og innbrotsþjófar ásamt  svikaurunum       Jóhönnu og Steingrími sem ég hef heirt kölluð Landráðamenn