"Þegar þú ert dauður"

Gamli komminn Jón Baldvin Hannibalsson skrifar eina f langlokum sínum í Baugstíðindi dagsins.Ég reyndi að koma auga á hvaða Jón væri  að fara. Sérstaklega af því, að á velmektarárum sínum þóttist Jón vera frjálslyndur hagfræðingur sem tryði á markaðsbúskap. Þó ég myndi vel eftir kommanum Jóni í MR, þá trúði ég því lengi að hann hefði vitkast með árunum. Hvað hefur síðar gerst veit ég ekki, þar sem ég er löngu hættur að trúa því að Jón eða flokkur hans færi mér neitt nýtilegt. Þvert á móti hef ég fátt nema kárínur hlotið af flokki hans í bráð og lengd.

Hvernig hugsar Jón núna? Tökum dæmi:“ Hin alþjóðlega fjármálakreppa átti uppruna sinn í Bandaríkjunum.Hún er bein afleiðing af þeirri hugmyndafræði sem bjó að baki efnahagsstefnu Bush-stjórnarinnar. Þessi stefna hefur verið kennd við blinda markaðshyggju (e. market fundamentalism). Hún lýsti sér í oftrú á getu markaðarins til að leysa öll vandamál og hins vegar á vantrú á getu lýðræðislega kjörins ríkisvalds til að hafa mótandi áhrif á efnahagsstefnuna. “

Þeir sem hafa einhverja nasajón af Bandaríkjunum  vita sem er þetta er grunntónninn í bandarísku samfélagi. Hefur ekkert með þessa kreppu frekar en þær fyrri að gera.  Bush fann þetta ekki upp. Hún hefur verið við lýði í hundruð ára. En Bandaríkin vita að frelsi fylgir ábyrgð og þeir sem brjóta traustið fá að gjalda þess með hörku.

Hann heldur áfram með málsgreinina:“ Þetta þýddi í verki  hömlulausa einkavæðingaráráttu, afnám reglusetningar og eftirlits með starfsemi fjármálamarkaða, áhættufíkn og ofvöxt fjármálakerfisins og skattaívilnanir til fjármagnseigenda, en allt þetta ýtti undir sívaxandi ójöfnuð og félagslegt óréttlæti með þeim þjóðum, þar sem þessi stefna var ráðandi. “

 

Jón  ætlar að  lýsa Bandaríkjunum þarna en ekki Íslandi en það slær útí fyrir honum og hann fer að yfirfæra þetta á aðrar þjóðir enda er hann löngu komin útfyrir bandarískan veruleika þegar þarna er komið sögu. Hvar er einkavæðingarárátta í Bandaríkjunum sem voru einkavædd fyrir ? Ég held að það sé langt þangað til að Íslendingar taki óreiðumenn sína sömu tökum og Bandaríkin taka sína. Þar er beitt hörku við glæpamenn. Hér félagslegum úrræðum frekar en fangavist.

 

 Svo kemur gamli komminn  fram á sviðið og hefur nú engu gleymt frá því MR : “Auðklíkurnar, sem settu Ísland á hausinn á sex árum, athöfnuðu sig í pólitísku skjóli Sjálfstæðisflokksins. Forysta Sjálfstæðisflokksins var undir sterkum áhrifum amerískrar nýfrjálshyggju og deildi auk þess andúð á Evrópusambandinu með hinum bresku arftökum Thatcher. Eftir á að hyggja virðast þær hafa starfað samkvæmt formúlunni um "að besta leiðin til að ræna banka sé að eiga banka".   

Svaka er þetta sniðugt og fyndið.Hvað veit Jón eiginlega um Sjálfstæðisflokkinn ? Hvenær hefur hann komið þar inn fyrir dyr ? 

Síðan hvenær eru Finnur Ingólfsson, Ólafur  Ólafsson,Sigurður Einarsson, Hreiðar Már Sigurðsson, Björgólfur Thor Björgólfsson, Jón Ásgeir Jóhannesson, Pálmi Haraldsson, Gunnlaugur Sigmundsson, Bakkavararbræður, Wernerssynir, Wessmann sfrv.í sérstöku skjóli Sjálfstæðisflokksins ?  Ef Jón hefði setið landsfundi Sjálfstæðisflokksins hefði hann ekki séð þessa menn þar.

Miklu fremur hefur flokkur Jóns þegið sitt lifibrauð af Baugsfjölskyldunni . Þó að Jón sjálfur hafi komist á framfæri íslenzka ríkisins fyrir góðmennsku Sjálfstæðisflokksins og Davíðs Oddsonar sem gerð hann að sendiherra þegar þeir gátu ekki lengur haft hann í Samfylkingunni. Væri þetta einhver málsmetandi maður en ekki  pópúlistinn  Jón Baldvin   sem talaði, hefði ég talið þetta móðgun við þá 1700 fulltrúia sem sátu á síðasta landsfundi flokksins.

 Jón heldur áfram:“Klíkuveldið birtist m.a. í því að sumir af bankastjórunum voru í pólitísku fóstbræðralagi við forstöðumann fjármálaeftirlitsins, þar sem þeir ólust upp í pólitískum ungliðasamtökum Sjálfstæðisflokksins við Háskóla Íslands. Kerfinu er m.ö.o. falið að rannsaka sjálft sig. Það er ekki trúverðugt. Það hefur orðið alger trúnaðarbrestur milli almennings í landinu og stjórnmálaforystunnar."

 Ég man nú varla eftir öðrum bankastjórum á landsfundi en Pétri Sæm og  Höskuldi Ólafssyni, Fáir  útrásarbankastjórar vermdu þar bekkina eftir því sem ég man best.Jónas Jónsson kom sem sannleiksleitandi ungur maður og varð ekki verri af.

Svo kemur rúsínan:“Kerfið virkar ekki. Þjóðfélagssáttmálinn er rofinn.”

Með öðrum orðum: Markaðshagkerfið virkar ekki. Þjóðfélagið er hrunið. Þjóðfélagssáttmálinn er rofinn !

Hvað á að taka við ? Norrænn Sósíalismi, kommúnismi á rauðu ljósi eins og það hét hjá þeim fóstbræðrum ?

Sáttmálinn er rofin þegar glæpamenn ganga lausir og öllum er sama, Þar er ég sammala Jóni Baldvin .

“Sérstakarn ráðstafanir verði gerðar til að tryggja Íslandi eðlilegan aðgang að erlendu fjármagni í uppbyggingarstarfi”

Samfylkingin ætlar að byggja upp norrænt velferðarkerfi á Íslandi. Það á greinilega að gera með aðkomnu fjármagni= lánsfé. Önnur uppbygging er ekki í augsýn í boðuðu stóriðjustoppi ríkisstjórnarflokkanna. Það þarf engin lán í framkvæmdir þegar engar framkvæmdir er á döfinni. Þeir vilja bara slá lán til að eyða. Alveg eins og allar vinstristjórnir á undan þessari.

Þeir krefjast lána og meiri lána í gjaldeyrissjóði Seðlabankans. Þeir segjast ekki ætla að eyða þeim heldur bara að eiga þá í varasjóði.

Ekki trúi ég þeim. Aukin velferð kostar meiri peninga en Ísland á til. Við getum ekki borgað núverandi velferð þó að við hagræðum og spörum sem er sífellt á dagskrá en tekst aldrei.  Kratíska kerfið islenzka er hrunið.  Sérstaklega  algerlega í grunn ef Jón ætlar að borga Icesave til að þjónkast ESB sem hann dýrkar ofar öllu. Þaðan á hans hjálpræði og islenskra bitlingakrata að koma. Við hin eigum bara að borga meira. Sigurður Líndal skrifar í sama blað nýlega og áréttar að lagastoðina vanti fyrir því að okkur beri nokkur skylda til að borga Icesave. Skuldir óreiðumanna, sem við berum ekki ábyrgð á. Hver segir að við verðum bara að borga ? Það eru til aðrar leiðir.Hví skyldi ekki vera  hægt að bjóða ESB bara byrginn ? Fá heldur lánalínu til Kína og Rússlands?  Bara segja við borgum ekki nema það sem okkur hentar og við getum. Og hananú!Eru  þessir vinur okkar í ESB ákveðnir í að vera það ekki nema við fremjum sjálfsmorð fyrir þá fyrst ?

“Það skal ég gera  þegar þú ert dauður” sagði Gizur jarl við Þórð Andrésson þegar hann bað hann fyrirgefningar á banatilræðum sínum við jarlinn og þegar Gisur  úrskurðaði að hann skyldi högginn fyrir. Er hjálp og samhugur bræðraþjóðanna til Íslendinga, nema Færeyinga,  bundin einu litlu skilyrði ? 

 Íslendingur; við fyrirgefum þér af  öllu hjarta:

"Þegar þú ert dauður "

Athugasemdir

[Ómar Bjarki Smárason, 14.8.2009 kl. 22:10]

Þú stendur þig vel í stjórnarandstöðunni Halldór. Verst hvað þú ert hallur undir bandarískt samfélag. Mér geðjast mun betur að Kanada og vil að við skoðum Norðurbandalag með þeim, Norðmönnum, Færeyingum og Grænlendingum. Kannski koma Skotar svo á þann vagn líka þegar þeir heimta sitt sjálfstæði.....

[Halldór Jónsson, 14.8.2009 kl. 22:18]

Við þurfum engin sérstök bandalög. Viðskipti eiga að byggjast á því að báðir hafi af því hag. Hitt er þetta mengaða hugarfar íslenzkra krata, bitlinga fyri brauð.

[Ómar Bjarki Smárason, 14.8.2009 kl. 22:23]

Það er rétt hjá þér Halldór. Bandalög eru stofnuð til að útiloka aðra frá eðlilegum samskiptum og frjálsum viðskiptum. Allar slíkar klíkur og klúbbar eru í raun heftandi.

En mér geðjast samt betur að Norðurbandalagi en Evrópubandalagi, ef við þurfum að hafa slík bandalög yfirleitt. Og ef það yrði stofnað Norðurbandalag, þá gæti það hugsanlega verið opnara fyrir samskiptum útávið en ESB.

[Rauða Ljónið, 14.8.2009 kl. 22:35]

Sæll. Halldór í feb. 2007 kom Jón pabbadrengur af vestan, á fund í Bæjarbíó í Hafnarfirði en þá var skoðun hans önnur það sem bjarga ætti þjóðin var útrásin að hans sögn, nú er víst Gullfiskminnið að hrá hann.

[Halldór Jónsson, 14.8.2009 kl. 23:08]

Já Rauðaljón,(ertu með rautt skegg ?Af hverju gerirðu ekki eins og Ómar Bjarki og setur bara mynda af þér í staðinn fyrir dulklæði?)

þeir láta yfirleitt mest af Ólafi kóngi sem hvorki hafa heyrt hann né séð. Ætli það sé ekki oft svo með þessa krata, þeir eru bara trekktir upp og ganga svo yfir gólfið eins leikföngin, muna ekkert nema það sem þeir vilja muna í það skiptið.

Ómar ég vil vera vinur þeirra sem vilja  mínir vera.En ég hef Hávamál í huga við þá, sem sýna sig að vera beggja handa járn.. fgurt skalt mæla osfrv.

[Ómar Bjarki Smárason, 14.8.2009 kl. 23:16]

Þar erum við sammála Halldór. Lítil eru vinahótin sem við fáum sunnan úr Evrópu og mér hafa alltaf fundist vinahót svía heldur köld. Þeir gera ekkert nema það sem hentar þeim. Sama á við um Dani og Hollendinga og e.t.v. Breta líka.

[Gunnar Rögnvaldsson, 14.8.2009 kl. 23:23]

Þetta er þýsk/evrópski söngurinn sunginn úr munni Jóns Baldvins. Hérna megin Atlantsála er það herra klodsmajor Peer Steinbrück fjármálaráðherra Þýskalands sem syngur þennan sama söng daglega: þetta er ennþá allt saman Bandaríkjunum að kenna, eina ferðina enn! Fyrst var það kreppan mikla 1930. Svo er það kreppan núna. En hvað sagði Ben Bernanke um kreppuna miklu, hvað var það sem leysti hana úr læðingi?; hlustið á stutta útskýringu hér: Í nærveru samfélagsins

Reyndar er það svo að það er Þýskaland sem ber stærstu ábyrgðina á því ójafnvægi sem kom þessari kreppu af stað. Þýskaland nassar stanslast á öllum hagkerfum í heiminum og í þeirra hugareimi er aðeins til einn móralskur efnahagsjöfnuður: hagnaður Þýskalands við umheiminn. Þýskir pólitíkusar eru þeir einu í heiminum sem vita ekki að summan á efnahagsjöfnuðum allra verður alltaf NÚLL. Þess vegna heitir þetta current accunt balance, trade balance og government balance. En bara ekki í Þýskalandi. Þar heitir summan konsekvent SURPLUS!

Það verður gaman að sjá framan í jafnaðarmenn Evrópu þegar þeir gera sér ljóst að Bandaríkin munu þurfa að verða NET EXPORTER aftur. Þeir þurfa þess virkilega. Tíminn þar sem Bandaríkin gera þjónað Evrópu og Asíu sem neytandi heimsins til þrautvarna er liðinn. Núna þarf því Evrópa að fara að lifa á munnvatninu frá Brussel. Munnvatn Jóns Baldvins er meira að segja ekki nóg hér

[Halldór Jónsson, 15.8.2009 kl. 08:35]

Takk fyrir þetta Gunnar. Ég fór á Barnacke og síðan áfram að lesa á Google í bókinni hans.

Það er fyrir mér nokkuð greinilegt, að þær þjóðir sem hafa eigin gjaldmiðil, en binda sig ekki á klafa með gulli eða einhverju öðru, get náð sér útúr kreppum miklu fyrr en hin. Svona kratar eins og Jón sem þykjast vera alþýðuvinir og hvetja verkalýðshreyfingar áfram í kjarabaráttu til þess að standa svo eins og þvörur þegar velferðarkerfið fer á hausinn, eru bara charlatans.

Í kreppunni miklu voru það löndin sem gátu lækkað kaupmáttinn, sem Jónarnir höfðu komið á, með gengisfalli, sem komust aftur upp. Þeir sem reyndu að hald taxtalaunum en draga saman vinnutíma, fækka fólki og hagræða, sukku dýpra í forina. Gengisfall er tæki þjóðfélagsins til að rasskella öll fíflin í einu sem sætta sig við það og gleyma því svo þegar lækningin fer að virka. Þetta er það eina sem íslenskir stjórnmálaskörungar hafa gert í gegnum tíðina, hitt hefur þjóðin séð um.

Að láta Jón leika lausum halda og hækka kaup hjá kennurum og ljósmæðrum eftir að tekin hefur verið upp evra hér á landi og við komnir í ESB, er því miður fyrirsjáanlegt sjálfsmorð.Þjóðarkarakterinn islenzki er nefnilega svo allt öðruvísi en sá þýski. Íslendingar eru samsafn ótengdra ribbaldahópa og varðar ekkert um þjóðarhag í hegðun sinni. Þjóðverjum tókst lengi vel að feta sig áfram meðan þeir hlustuðu á Erhard og Adenauer, síðan kom kratarnir og þá fór allt að síga niður með agann í þjóðfélaginu.

Þjóðverjar keyra á surplus vegna þeir eiga enn eftir eitthvað af gamalli þjóðernishyggju  og þjóðastolti og almennu góðu uppeldi og góð heimili. á því gengur þetta. Hér eigum viðvið vaxandi upplausn og skrílsmennsku að etja sem speglast í innflytjendamálum Danmerkur og öllu því sem af því leiðir að kratisminn skilur ekki hugtakið þjóðvernd og þjóðarstolt heldur sífelldan undanslátt og friðkaup af skálkunum.

[Júlíus Björnsson, 16.8.2009 kl. 01:37]

Hagræðingar sem skríða í stærðfræði hluta útskriftarkrafna, er ekki ályktunarhæfir að mínu mati um neitt sem tengist alvarlegum fjármálum.

USA svara ég vinum mínum frá öllum þjóðum heims eru besta eða mannúðlegasta heimsveldi sem sagan þekkir í samanburði. Viljið þið skipta þeim út fyrir, Kína, Rússland, Indland, Nígeríu, Bretaland, Þýskaland, Írak, Frakkland,....

"Blackmailið" sem Bretar beittu á Fyrirfólkið eða undirlægjurnar skýrist af þeirra eigin lögum. Eftir á hyggja hafa þeir alls ekki komið illa út og hafa allan hag af því að sópa upphafinu undir teppið.

Grein 75

(úr-grein 60 TCE) Þegar framkvæmd markmiða með skírskotun í grein 67 krefst þess, að því er varðar forvörn hryðjuverka og tengdum athöfnum, einnig hvað varðar baráttuna gegn þessum fyrirbærum, Evrópska Þingið og Ráðið, sem úrskurða eftir leiðum reglugerða í samræmi við réttarfar venjulegrar löggjafar, skilgreina ramma stjórnsýslu úrræða sem varða tilfærslu auðmagns og útborganna, eins og frystingu sjóða, fjármagnsinneigna eða fjárhaghagslegs arðs sem tilheyra einstaklingum eða persónum að lögum, grúppum eða einingum ekki-ríkis, eru í þeirra eigu eða eru þeim til ráðstöfunar. Ráðið, að tillögu Umboðsins, samþykkir úræði í þeim tilgangi koma í verk rammanum með skírskotun til fyrstu efnisgreinar.  Athafnir með skírskotun til þessarar greinar innihalda nauðsynleg ákvæði í málum lögtryggingar.

Ég trúi ráðamönnum í EU til að halda sig innan sinna lagaramma og sýna sínum þjóðum fyllstu hollustu sem og EU heildinn þegar málin varða hana. Það eru mjög dýrar mútur eða aflátskostnaður sem er varpað á blásaklausa þjóðina.

Efnahagsleg hryðjuverk [líka gegn sinni eigin þjóð] eru hvergi afsökuð nema á Íslandi. 

[Björn Birgisson, 17.8.2009 kl. 21:41]

Jón Baldvin Hannibalsson er glöggur karl. Miklu gleggri nú um stundir en þegar hann var upp fyrir haus í stjórnmálum, sem þingmaður og ráðherra. Þessi "niðurbútun þín og aflimun (að hætti mafíunnar?)", Halldór, á grein Jóns, er ekki merkilegt innlegg í umræðuna. Skora á þig að gera góða úttekt á flokknum þínum í næstu færslu. Getur Bjarni Benediktsson eitthvað eða er honum tjaldað til einnar nætur? Er Þorgerður Katrín Gunnarsdóttir að kljúfa flokkinn með Evrópudekri? Af hverju er maður eins og Birgir Ármannsson í þingliði flokksins? Er Sjálfstæðisflokkurinn að feta í fótspor gamla Alþýðuflokksins, sem margir virtu, en sífellt færri studdu? Nokkrar hugmyndir!  En þú átt nóg af þeim, er það ekki? Beindu nú brandinum inn á við - bara til tilbreytingar. Lifðu heill!

[Pétur Halldórsson (IP-tala skráð) 18.8.2009 kl. 08:01]

Björn.

Er JBH glöggur?? Áttu við að hann sé skýrari nú eftir að hann hætti brennivínsþambi í á kostnað ríkisins??.

[Björn Birgisson, 18.8.2009 kl. 09:22]

Pétur, ég veit ekkert um drykkjusiði JBH og heldur ekkert um þína drykkjusiði.

[Pétur Halldórsson (IP-tala skráð) 18.8.2009 kl. 20:14]

Nei Björn, enda kemur þú fyrir sem maður sem veit fátt og hugsar smátt enda segir þú sjálfur á þínu bloggi, einfaldur maður..

[Björn Birgisson, 18.8.2009 kl. 21:13]

Takk fyrir þetta, Pétur Hákon Halldórsson, áreiðanlega sannur heiðursmaður. Eftir stendur að ég veit ekkert um drykkjusiði þína og margnefnds Jóns Baldvins, af því að ég veit svo fátt. En takk fyrir að kíkja á bloggið mitt - þú hefur ratað þangað án leiðsagnar?

Málefnalegt þetta hjá þér með brennivínsþamdið hjá JBH. Einnig sérlega málefnaleg úttektin á mér, auðvitað kórrétt í alla staði. Vel að verki staðið hjá manni sem hugsar "stórt" !

Menn eins og þú auðga svo sannarlega mannlífið og ekki veitir af í kreppunni. Lifðu heill!  

[Björn Birgisson, 18.8.2009 kl. 21:15]

............... þambið. Afsakið!

[Björn Birgisson, 18.8.2009 kl. 23:14]

Halldórsson? Pabbastrákur? Pétur Hákon Halldórsson, pabbastrákur? Fyrirgefi mér allir Æsir í Valhöll ef ég hef rangt fyrir mér!  

[Pétur Halldórsson (IP-tala skráð) 21.8.2009 kl. 09:31]

Eins og ég sagði áður, þá ertu frekar einfaldur.Við erum þá sammála um það.

Halldórsson þýðir að ég er sonur Halldórs, það geta allir læsir Íslendingar dregið þá ályktun,þú ert ekkert sérstakur fyrir að geta það,  börn eru oft kennd við feður sína á íslandi, og líka stundum mæður sínar.

Hvað málefnaleg skrif varðar, þarf ekki að lesa mikið af bloggfærslum þínum þó sérstaklega athugasemdum þar sem þú ert sjaldnast málefnalegur og þá sérstaklega þeim sem ekki eru á sama máli og þú.Ég hef ekki miklar, nei engar áhyggjur af skrifum krata eins og þér eða hvað þú telur þig vera.

[Björn Birgisson, 21.8.2009 kl. 09:36]

Pétur Hákon, takk fyrir þetta. Þú ert áreiðanlega sannur heiðursmaður. Lifðu heill!

[Halldór Jónsson, 22.8.2009 kl. 00:06]

Björn, þegar hann Pétur var lítill var hann kallar Pétur mikli af því að hann þótti all-kokhraustur. En þetta er góður dugnaðarstrákur sem pabbi hans er stoltur af. Ekki afneita ég houm. En hann hefur túlann alveg fyrir sig., ég hjálpa honum ekert með það!

[Björn Birgisson, 22.8.2009 kl. 01:14]

Stoltur pabbi, til lukku með strákinn. Er ekki best að hver hafi sinn munn fyrir neðan  sitt nef? No hard feelings! Fyrir mér er bloggið bara gaman, er ekki hér inni til að leysa vanda veraldarinnar. Gaman þó að skiptast á skoðunum við fólk á öndverðum meiði. Ef ég er of leiðinlegur, eða of hvassyrtur, verð ég að skrifa það á Almættið sem bjó mig nákvæmlega svona úr garði.  Ef Almættið afneitar mér, stend ég einn og berstrípaður með allt mitt bull. Það er líklega best.

Blá armbönd, snjöll hugmynd. Önnur saga, önnur færsla. Lifðu heill!