Bjarni bjargar í horn !

Fyrri Ríkisstjórn  Íslands, Sjálfstæðisflokks og SAMFYLKINGAR,  gaf út yfirlýsingu um að allar innistæður Íslendinga væru tryggðar þegar allt var sem svartast . Forsætisráðherra sagði að allar innistæður væru tryggðar. Og var þá að tala við Íslendinga sem héldu þennan dag að þeira væru búnir að tapa öllum innistæðum sínum í  íslenzku bönkunum.

Þetta var auðvitað hent á lofti á EES svæðinu, sem Jón Baldvin þakkar jafnan sér sem mest af að hafa fært okkur Íslendingum. En sannleikurinn er auðvitað að Sjálfstæðisflokkurinn réði því að þetta var gert. Við gátum keppt við sjávarútveg Norðmanna á jafnréttisgrundvelli eftir þetta en opnuðum um leið allar gáttir fyrir innflytjendum og erlendum peningum sem afleiðingu.

Okkar stjórnvöld og stofnanir eru svo léleg hinsvegar að við réðum ekkert við þróun mála og misstum allt úr böndunum.Pólitíkin beið lægri hlut fyrir peningum glæframanna, sem svínbeygðu hér réttarfarið, fjölmiðla og æðstu stofnanir landsins. Múturnar flæddu um allt,  forsetinn flaug með þessum mönnum, brosti  breitt  og veitti þeim verðlaun. Allt keyptu þeir eins og Mafían á Kúbu fyrir tíma Kastrós. 

Þessar yfirlýsingar um innistæðutryggingar gerðu  okkur erfitt fyrir síðar. Kratar auðvitað kokgleyptu allt sem EB segir þeim bæði þá og síðar.  Og valdasjúklingarnir  í VG samþykktu allt sem kratar sögðu þeim  svo þeir gætu verið lengur við völd. Engin prinsíp fyrir Íslands hönd né einhverja sjálfsvirðingu hefur sá flokkur.Það er þó allavega morgunljóst fyrir öllum sem vilja sjá.

Icesave samningurinn sem Sjálfstæðismenn sömdu í staðinn fyrir ídjótasamninginn sem Svavar Gestsson  kom með heim er allt annar samningur. Hann er samningur sem við getum staðið við án þess að sökkva í svartnætti. Hann er samningur með fyrirvörum sem líftryggja þjóðina andstætt hinum fyrri, sem óbreyttur jafngilti því sem næst efnahagslegu sjálfsmorði fyrir þjóðina.

Í nýja samningnum eru greiðslur okkar aldrei meiri en 6 % af aukningu þjóðarframleiðslu. Ef hér er kreppa borgum við ekki neitt. Svo er síðasti krókurinn, að samningurinn tekur ekki gildi nema Bretar og Hollendingar samþykki alla fyrirvarana. Felli þeir fyrirvarana þá er enginn samningur.

Ég vildi fyrir mína parta kanna hvort sú leið væri fær að segja við  Breta og Hollendinga: Við borgum ekkert af því að við eigum ekki að gera það. Mér finnst enn að við ættum að standa fyrir rétti og halda þessu fram,-okkur beri engin skylda til að borga eitt né neitt af starfsemi glæpamanna þó þeir hafi íslenzkt ríkisfang.. Sparka  AGS út.  En það er talið af hinum vísustu mönnum núna, eftir grannskoðun málsins, að samningar með þeim miklu fyrirvörum sem nú eru settiur séu betri leið fyrir Ísland, sem er það sem Bjarni Benediktsson ,formaður Sjálfstæðisflokksins, sagðist alltaf mundu setja í 1. sæti ofar allri pólitík, og fyrir því klöppuðu menn lengi í Valhöll að verðleikum.

Auðvitað hefur Alþingi  nú í raun fellt samninginn fyrir ríkisstjórninni um Icesave. Hann er svo alveg fallinn nema Bretar og Hollendingar gangi að fyrirvörunum. Það er ekki búið að girða fyrir neitt í þessum nýju samningum að láta reyna á dómstólaleiðina hvort við eigum að borga eða ekki ef við þá treystum okkur í það.Ragnars Hall ákvæðið er komið inní þennan nýja samning og munar okkur hundruðum miljarða.

Icesave samningurinn núverandi, sem Sjálfstæðismenn sömdu með hinum vitrari mönnum úr öðrum flokkum til að bjarga Íslandi úr klóm landráðasamnings Samfylkingar og VG, sem ætluðu að keyra hann í gegn óséðan,  er allt annar samningur og getur aldrei knésett Íslendinga eins og hinn fyrri samningurinn gat gert  

En aðgöngumiði  Samfylkingar að ESB er keyptur "anyprice" , gersamlega án tillits til hagsmuna Íslands eða þjóðarinnar, það er hin sífellda  "kratastrófa" sem vofir yfir þjóðinni meðan  þessir flokkar sitja í ríkisstjórn.

Bjarni Benediktsson, formaður Sjálfstæðisflokksins, gat ekki greitt atkvæði á móti samningi sem hann og hans menn sömdu til bjarga landinu og lögðu nótt við dag með að gera. Ríkisstjórnin var búin að handjárna allt sitt lið þannig að 34 atkvæði voru með. Það var því sæmst að leyfa þeim að axla sína ábyrgð eina.

 Verstu agnúarnir og þeir sem menn óttuðust  mest eru farnir út, það eru núna möguleikar að komast fyrr út úr kreppunni en áður sýndust. Það mun taka enn lengri tíma en annars hefði þurft ef "Steingrímur  stefnulausi " fær að leika sér lengi í sandkassanaum enn. Það hefði verið gaman að fá að hlusta á hann á Hvolsvelli skýra fyrir sínu fólki hvernig menn geta gengið í ESB og verið á móti því, hvernig menn geta samþykkt Icesave og verið á móti því eins og ræðan hans frá í vetur sannar. Það þarf sannarlega snilld til þess geta haldið lífi í eigin flokki eftir þá fimleika sem maðurinn hefur stundað.

Bjarni Benediktsson hefur sannað það með framgöngu sinni að  hann er verðugur foringi okkar Sjálfstæðismanna. Við verðum að fylkja okkur að baki honum sem einn maður til að bjarga Íslandi. Það hlýtur að ganga fyrir öllu öðru.

Eins og það gerðist þá bjargaði Bjarni í horn fyrir Ísland á elleftu stundu.

Athugasemdir

[Björn Birgisson, 31.8.2009 kl. 19:05]

Guði sé lof fyrir Sjálfstæðisflokkinn! Guði sé lof fyrir Bjarna Benediktsson! Guði sé lof fyrir sértrúarsöfnuði almennt. Guð, þú ert svo góður. Þú ætlar að láta Sjálfstæðisflokkinn bjarga Íslandi. Þú leyfir honum að taka til eftir sig í orði kveðnu. Þú ert svo sanngjarn, minn kæri Guð. En getur þú ekki komið Sjálfstæðisflokknum til valda aftur þvert á vilja þjóðarinnar? Þú veist nú allt betur en þessi heimska þjóð. Ein spurning að lokum til þín, minn kæri Guð: Átt þú ekki örugglega lögheimili í Valhöll í Reykjavík? 

[Anna Sigríður Guðmundsdóttir, 31.8.2009 kl. 20:32]

Halldór. það er einhvernvegin alveg ljóst í mínum huga að Bjarni Ben er einn af fáum sjálfstæðismönnum sem mér finnst kunna að fara bil beggja og jafnvel allra. Greinilega hjartahlýr maður sem er fæddur og þvældur inn í eitthvað sem ekki passar hans persónuleika. Slíkt er gífurlega ervitt, og ógerningur fyrir heilsteyptann heiðarlegann mann að þola. 

 Hann tilheyrir hreint og beint ekki svika sjálfstæðisstefnu.

 Unga fólkið hefur aðra sýn á lífið en við gamla fólkið. Einhver þarf að miðla málum, þannig að farið verði bil beggja. Þú er góður í því, tel ég. Þú tekur réttlætið fram yfir flokkakjaftæði, sem er að mínu mati það eðlilegasta. Þú sagðir eitt sinn eitthvað á þá leið á blogginu að þú værir flokksmunaðarlaus.

 Sá sem er sannur sinni réttlátu skoðun er ekki  pólitískt umkomulaus. Hins vegar eru þeir skoðanalega umkomulausir sem halda ekki í sína réttlætis sannfæringu. 

 Kommúnistminn er búinn að tapa.

 Einkavæðingin er búin að tapa.

 Við þurfum öll að athuga hvernig réttlætisvæðingin getur fengið tækifæri.

 Ekki viljum við láta óréttlát öfl stjórna heiminum. Þá erum við að biðja um óréttlæti fyrir okkur og okkar börn. Þetta er allt ein keðja. Hitler skildi þetta ekki. Og ekki Bush USA kántri boy.

 Ættum við ekki að reyna að skilja að best er að sleppa hagfræði þessara tveggja vanþroskuðu leiðtoga? Hverju hefur þeirra hagfræði skilað réttlátri stefnu heimsins?

Flokka, trúar og hagfræðistefnur eru hættulegar okkur íslendingum og öllum heiminum. Ég vil ekki hafa það gott á kostnað annara saklausra (hvorki innan lands né utan)! Sumir segja það heimskulegt og vitlaust að hugsa svona. En þetta er bara mín lífssýn og skoðun og ég læt engann breyta henni nema með góðum og sanngjörnum rökum fyrir alla, sem ég get skilið sem réttlát fyrir alla.

 Tel að það verði ervitt að færa rök fyrir að ég hafi rangt fyrir mér. Ég hugsa þetta dálítið vítt. Það er á Íslandi kallað HEIMSKA að hugsa ekki bara um að græða miskunnarlaust á öðru fólki (ég alhæfi ekki í þessu). Hvað er raunverulegur gróði í þessu lífi?

Í mínum huga er það kærleikur, matur, klæðnaður, húsaskjól, heilsan, börn, barnabörn og vinir! Engir peningar geta komið í staðinn fyrir þetta í mínu lífi. Maturinn þarf ekki að vera af fínustu sort, né húsnæði og klæðnaður. Aðrir hafa kanski aðra lífssýn og þá skil eg ekki þeirra lífsýn. Hef einfaldlega ekki þroska til að skilja það ennþá. Það kemur kanski seinna . Vona samt ekki .

[Björn Birgisson, 31.8.2009 kl. 20:48]

 "Það er á Íslandi kallað HEIMSKA að hugsa ekki bara um að græða miskunnarlaust á öðru fólki (ég alhæfi ekki í þessu)"

Anna Sigríður, hver segir það? Hverjum finnst það svo heimskulegt?

[Karen Elísabet Halldórsdóttir (IP-tala skráð) 31.8.2009 kl. 22:40]

ég er eindregið þeirrar skoðunar að það er ekki rétt að leyfa hjásetu á Alþingi. Mér finnst það til skammar. Þau áttu þá bara að greiða þessum samningi atkvæði sitt þar sem að þátttaka þeirra var að þeirra sögn til þess að bjarga vondum samning.

tek undir með Þór Saari....vona að Bretar og Hollendingar hafni þessu og við verðum að semja upp á nýtt og þá með alvöru samningamenn við borðið og rútufylli af PR fólki til að kynna málstað okkar Íslendinga.

Sjálfstæðisflokkurinn hlýtur líkt og aðrir að mega endurnýja sig til þess að endurvekja traust þjóðar. Góð stefna, en margir þar innanborðs að mínu mati sem klikkuðu algerlega og það verður að viðurkennast.  

[Jón Valur Jensson, 31.8.2009 kl. 23:09]

Ég held þú ættir að fara að stilla þessum lofræðum þínum um Bjarna unga Benediktsson í hóf, Halldór Jónsson, hann stendur ekki undir þessu oflofi þínu, sbr. krufningu mína á gjörðum hans HÉR og áfram á sömu vefslóð í mörgum innleggjum mínum, ennfremur umræðuna á eftir fyrri grein þinni HÉR.

[Halldór Jónsson, 1.9.2009 kl. 00:24]

Karen, hjáseta í pólitík er oft notuð til að láta í ljósi skoðanir sem eru aðrar en já og nei. Kínverjar ld. kunna miklu fleiri afbrigði í tjáskiptum en vesturlandabúar. Það er margt annað til en hér tíðast mest, að lofa og svíkja og segja bara "það var þá" eins og Ingibjörg.

Jón Valur,

Ég kem nú ekki auga á hverjar flokkaskiptingar þínar í mörgum árum hafa áorkað. Nú viltu láta kommúnistann á Bessatöðum blessa þjóðina með þjóðaratkvæði.

Hvernig er hægt að stjórna með sífelldum lýðstefnum og þjóðaratkvæðagreiðslum(nei nei þær fúnkérar ekkert sérlega vel í Sviss) Í Aþenu voru menn með lýðstefnur en það gekk ekki. Bretar fundu upp fulltrúalýðræðið, það er eina sem virkar, ekki að falla fram og tilbiðja skurðgoð með skítlegt eðli.

Já Björn Birgisson, guðsélof fyrir Sjálfstæðislfokkinn, það væri laglegt ef þú værir einn við landstjórnina.

Anna Sigríður:

 "mínum huga er það kærleikur, matur, klæðnaður, húsaskjól, heilsan, börn, barnabörn og vinir! Engir peningar geta komið í staðinn fyrir þetta í mínu lífi "

Mér sýnist allt þetta kosta peninga. Peningar fyrir alla er það sem Sjálfstæðisflokkurinn vill, ekki styrkir eða framfærslafrá sósíalískri forsjá. Styðja fólk til sjálfsbjargar. Það verða allir að hafa í sig og á. Vinirnir endast ekki til að fóðra mann lengi án þess að hætta að vera vinir manns.

[Jón Valur Jensson, 1.9.2009 kl. 00:36]

Halldór, mestöll þjóðin er á móti Icesave-svikasamningnum.

Nú vill hún SJÁLF blessa sig í bak og fyrir með því að fella þessi ólög.

Leyfum henni það, og meinum henni það ekki, því að eins og ég segi: Að taka stöðu gegn landinu verður engum flokki til góðs.

[Björn Birgisson, 1.9.2009 kl. 00:37]

"Já Björn Birgisson, guðsélof fyrir Sjálfstæðislfokkinn, það væri laglegt ef þú værir einn við landstjórnina."

Þá mundi ég banna Sjálfstæðisflokkinn í 10 ár. Framsóknarflokkinn til eilífðar. Ekki af því að mér þyki ekki vænt um urmul fólks innan vébanda flokkanna. Bara út frá hagsmunun þjóðarinnar!

[Elle_, 1.9.2009 kl. 07:29]

Fyrst hélt ég ég hefði lesið vitlaust, Halldór.  Fjöldi fólks í landinu mun EKKI sætta sig við að vera haft að aumingjum og fíflum og þrælum af völdum óþokka?  Fyrr flytja ýmsir úr landi þræla en borga eyri í nauðungar-skatt fyrir glæpamenn vegna hótana óþokka og aumingjaskapar yfirvalda.  Bjarni Ben og hans menn líka, með 2 undantekningum, sviku þjóðina þegar þeir sátu hjá og núna vill Bjarni þessi Ben líka að forsetinn fylgi hættulegu flokksræði og flokksveldi og neiti þjóðinni um lýðræði.  Hvort búum við í flokkaveldi eða lýðveldi?  Þið megið vel borga Ice-slave ef þið viljið.  Í guðanna bænum endilega lofum Bjarna Ben, Jóhönnu og Steingrími og co. að borga ófétið úr því þið endilega viljið sætta ykkur við það.  Haldið okkur hin utan við þræla-skuldirnar þó. 

ICESAVE: FJÁRKÚGUN: Gunnar Tómasson, hagfræðingur, hollenskur háskólakennari, Dirk Bezemer, og bandarískur prófessor, Michael Hudson:

http://mbl.is/mm/frettir/innlent/2009/08/31/segja_islendinga_beitta_fjarkugun/

http://extra.volkskrant.nl/opinie/artikel/show/id/4009/EU_moet_geen_deurwaarder_spelen

http://mbl.is/media/81/1681.pdf

http://www.tilveraniesb.net/veitur/erlent-efni/erinnheimtahlutverkesb

[Halldór Jónsson, 1.9.2009 kl. 08:23]

ElleE

Það sem ég er að segja að þetta hafi verið besti leikurinn í þeirri erfiðu stöðu sem við erum í umkringd þjóð af stórveldum heimsin. Við getum núna dregið andann og náð vopnum okkar. Dómstólaleiðin er opin. Nú eða ofbeldisleiðin líka með fulltingi Rússa og Kínverja.

Hvaða leið viltu far núna ? Segðu það hreint út

1. Segja við himinn F...off

2. Viljum engin lán, út með AGS.

3. Ganga úr Nato.

4. Ganga úr EES.

5. Ganga úr Schengen.

6. Loka Hafró og gefa veuiðar frjálsar.

Vinsmalega merktu við og rökstyddu svör þín.

[Jón Valur Jensson, 1.9.2009 kl. 09:57]

Þú segir hér, Halldór, að við getum "náð vopnum okkar. Dómstólaleiðin er opin," en sérðu ekki, að Icesave-samningurinn tekur af okkur réttinn til skaðabóta vegna hryðjuverkalaga Breta? Telurðu, að Alþingi hafi verið að segja NEI við þeim svikasamningi? Sérðu ekki, að jafnvel samningurinn við Hollendinga kveður á um, að í ágreinings- og vanefndamálum skuli dæmt eftir enskum lögum og fyrir enskum dómstóli?!

Það er algerlega orðið ljóst, eftir óvenju-hvatvíslegan þrýsting formanns Sjálfstæðisflokksins á forseta landsins, að sá fyrrnefndi vill, að forsetinn fari hér að vilja FLOKKSRÆÐISINS, jafnvel þótt við eigum ekki að borga í raun og jafnvel þótt um stjórnarskrárbrot sé að ræða sem fólgið er í þessum ólögum!

Með þessum afskiptum sínum á vettvangi fjölmiðla hefur Bjarni ungi tekið að sér á mjög svo virkan hátt að berjast fyrir því, að þessi smánarlög verði hér að fullum veruleika. Hann samsamar þannig málstað flokks síns með Icesave-svikamyllu stjórnvalda og hagsmunum erlendra kúgunarafla. Svo illa er fyrir flokknum komið.

PS. Gunnar Jónsson, dr. juris, segir í viðtali á Útvarpi Sögu, að með afstöðu Bjarna Benediktssonar sé hann að reyna að bera kápuna á báðum öxlum, "þó að það geti kostað sjálfstæði þjóðarinnar."

[Elle_, 1.9.2009 kl. 10:47]

Ég veit vel hvað ég var harðorð, Halldór, enda erfitt hitamál.   Og það beindist ekki beint gegn þér þó.  Finnst bara óhæfir gjörningar Bjarna þessa Ben óverjanlegir.  Við búum ekki í flokkaveldi, heldur lýðveldi og hann getur ekki svipt okkur lýðræði þó hann glaður vildi.  Hann ræður ekki hvað forsetinn gerir nú fyrir alþýðu landsins.   Fólkið í landinu er ekki óhæfara og vitlausara en Bjarni Ben og enn síður Jóhanna Sig. og co.  Við erum fullfær um að velja hvort við viljum fjárkúgun eður ei og þurfum enga drottnara og andfélagslega pólitíska flokka til að velja það fyrir okkur.

Og ég skal svara eins og ég get:  Já, við 1 + 2 + 4.  Get þó ekki enn verið viss um hitt.  Og held við getum vel lifað án AGS ógnarvaldins og skilyrtu peninganna þeirra.  Og held við ættum að koma þeim handrukkurum burt sem skjótast.   Er viss um að við getum glæsilega verið án EES og já sagt f-off við alla kúgara.  Höfum ekkert með þannig óvini að gera.  Munum að um 92% af hinum stóra heimi er fyrir utan EU.  Persónulega vil ég ganga í NAFTA.  Og gera milliríkjasamninga við allt önnur lönd en Breta, Hollendinga, Þjóðverja etc.  Það óttast ég ekki að Bretar og Hollendingar sæki okkur fyrir dóm ef við getum fellt Icesave, því við skuldum þeim ekki það sem þeir vargar heimta af okkur.  

[Halldór Jónsson, 1.9.2009 kl. 11:07]

Jón minn, hvort ertu að tala um samning  Svavars eða fyrirvarasamninginn núna ? Þetta er tvennt ólíkt. Hann er svo mikið breyttur að ég held vel geti verið að Bretar og Hollendingar felli hann í stað þess að samþykkja alla fyrirvarana eins og þeir verða að gera ´ður en nokkuð annað gerist.

ElleE, ég var mjög hallur unndir 1+2+4 og nú er þjóðarnauðsyn að auka veiðar en þá sannar Hafró sig að vera náttröll og auðvitað helfrosið í fyrrunni um að verna smáfisk og geyma fisk í sjónum, veiða ekki makríl eða fiskinn sem veður allstaður upp á öllum flóum og fjörðum Þeir gætu eins búið á tunglinu og stjórnað fiskigöngum þar.

Ég vil ganga í NAFTA. ég vil vingast við Kínverja og Rússa, ég vil ekki fara í þrælabandalagið ESB, ég trúi á þjóðina og sérstöðu landsins, við er með mesta möguleikana sjálf ef við værum ekki svona heimsk eins og fram kemur í síðustu kosningum

Skrif Björns Birgissonar eru dæmi um það hvaða vanda er við að fást í þjóðfélaginu.

[Björn Birgisson, 1.9.2009 kl. 11:36]

Alltaf góður Halldór!

[Jón Valur Jensson, 1.9.2009 kl. 12:15]

Þú heldur sitthvað, Halldór, en sérðu ekki, að Bretar og Hollendingar hafa það í höndunum – ef forsetinn yrði svo ófarsæll að staðfesta þessa andstjórnarskrárlegu lagasetningu – að fullyrða, að þar með hafi Íslendingar formlega viðurkennt, að þeir skuldi þeim risafjárhæðir vegna þessara Icesave-innistæðna? Sérðu ekki, að "fyrirvarasamþykktin" byggir á svavarssamningnum og vísar til hans? Sérðu nú, hve mikið er undir því komið, að Ólafur Ragnar skirfi ekki undir? Og ætlarðu að byggja á haldi þínu einu saman um það, "hvort fyrirvararnir haldi"?!

Og hver er afstaða þín: Viltu að forseti Íslands synji þessum lögum staðfestingar sinnar, eða fylgirðu þar Bjarna unga, hlýðinn í því efni sem öðru í þinni flokkshollustu?

[Halldór Jónsson, 1.9.2009 kl. 12:32]

Nei Jón Valur,

Þetta er einhliða nauðasamningur sem skrifað er undir at gunpoint. Fyrir rétti er slíkur samningur einskis virði og dómur myndi taka fullt tillit til þess úr hvaða stöðu fórnarlambið er neytt til undirskriftar.

Ég vil ekkert hafa með Óla forseta að gera, hvorki nú né síðar.

[Jón Valur Jensson, 1.9.2009 kl. 15:57]

Nú, allt í einu "at gunpoint"? Áttu þá líka við, að hlutleysi Bjarna unga & Co. hafi verið þvingað fram með byssustingjum eða ígildi þeirra, en að Árni Johnsen og Birgir Ármannsson hafi annaðhvort verið of fattlausir til að ná því eða gæddir slíku yfirburða-hugrekki, að þeir voru reiðubúnir að taka við byssustingjum í bakið?

Svo spurði ég ekki, hvort þú vildir eitthvað hafa með Ólaf forseta að gera; en þú veizt nú samt, að hann er þarna í ákveðnu hlutverki, og hvort viltu, að hann synji þessum dýrkeyptu ólögum staðfestingar sinnar, eða geri það, sem Bjarni þinn myndi gera í hans stöðu?

[Halldór Jónsson, 1.9.2009 kl. 16:42]

Óli á ekki að skipta sér af neinu, allt slíkt er o hefur verið til bölvunar, eins og afskipti hans af fjölmiðlafrumvarpinu. Þetta fígúruembætti á að leggja niður eða gera það að minnsta kosti skaðlaust því  svona kall eins og Óli getur alltaf slysast í það.

[Jón Valur Jensson, 1.9.2009 kl. 17:06]

Á hann þá sem sagt að vera aðgerðalaus þegar honum verður færð þessi hörmulega lagasetning? Gleddu mig og segðu JÁ! – og hirtu ekki um, þótt Bjarni snökti.

[Anna Sigríður Guðmundsdóttir, 1.9.2009 kl. 17:16]

Björn. Íslendingar vilja helst fá allt fyrir ekki neitt. Hver hefur ekki talað um hvað íslendingar græddu á EES?

Það þykir til dæmis frekar lítils virði að vinna sjálfboðastörf til að hjálpa fátæku fólki á Íslandi. Það er ekki sagt upphátt en látið í það skína að það sé nú ekki svo virðingarvert. Hverjir fá t.d. orður fyrir slíkt á Íslandi? Ég bið um dæmi!

Kanski er ég bara svo illa upplýst í þessu ágæta og þróaða skólakerfi sem er víst búið að vera á Íslandi í áratugi?

Ef þú mætir á ráðstefnu og ert ekki titlaður sem einn af þeim stóru gráðumanneskjum, eru því miður of margir sem trúa því að þá sé manneskan ekki svo merkileg. Þetta er hrokamenning sem leiðir ekki neitt gott af sér.

Halldór. Takk fyrir þetta svar. Kærleikurinn er númer eitt. Enginn getur lifað án hans. Þess vegna eru peningar gagnslausir fyrir þann sem ekki þykir verður kærleika, einhverra hluta vegna. Til dæmis börn sem missa af samvistum við foreldra vegna sjúkdóma og fátæktar. Þú getur mokað endalaust peningum í þannig börn, en þeir peningar eru einskis virði fyrir þau. Svo eru þau jafnvel sökuð um vanþakklæti þegar þau meta kærleikann meir en peninga!

Margir hafa misst heilsu vegna vinnuálags, stéttarskiptingar og mismununar sem er ekki gott fyrir neinn. Síst af öllu börnin. Sumir hafa ofgert sér og misst rétt til skilnings og kærleika. (Nota fyrst og henda síðan þegar búið er að nota og þykir í lagi). Fangelsin eru full af svona fólki. Hvar er mannúðin?

Sumir hafa þurft að vinna of mikið fyri nauðsynjum á meðan aðrir hafa ekki þurft að skila miklu.

Ég geri mér ágætlega grein fyrir að það þarf peninga til að lifa. Þess vegna þarf að taka tillit til bæði verkamanna og atvinnurekenda. En það verður að vera sanngirni í þeim framkvæmdum. Þrælavinna hefur viðgengist á Íslandi í áratugi.

Stéttarskipting er eitur fyrir hverja sjálfstæða þjóð. Allir eru jafn mikilvægir.

Óréttlæti getur ekki þrifist í svo fámennu landi sem Ísland er. Það þarf að taka tillit til allra stétta á sanngjarnan hátt.

Sanngirni er það sem maður getur sjálfur sætt sig við, sem maður ætlast til af öðrum. Mér hefur fundist þú vilja sanngirni. Í því styð ég þig.

[Elle_, 1.9.2009 kl. 23:00]

Anna kemur þarna með fullt af góðum punktum um foreldralaus börn og  fátækt og þrælavinnu í landinu.  Nú lækka og lækka vinnutekjur foreldra og þó voru þeir lægstlaunuðu með alltof lágar tekjur miðað við lengd vinnutíma.   Þetta verður að laga.  Langur vinnutími foreldra kemur langmest niður á börnunum og ófyrirgefanlegt að foreldrar vinni myrkranna í milli.

[Halldór Jónsson, 1.9.2009 kl. 23:09]

Því miður, gjaldþrota land býður ekki uppá annað.

[Jón Valur Jensson, 1.9.2009 kl. 23:14]

Áttu nokkuð erfitt með að svara MÉR, Halldór minn?

[Jón Valur Jensson, 2.9.2009 kl. 01:03]

Takið svo eftir því, að 82% kjósenda Sjálfstæðisflokksins í nýrri/nýlegri Gallupkönnun (sbr. HÉR) sögðust ANDVÍG ríkisábyrgð á Icesave, en einungis 9% fylgjandi henni!

[Jón Valur Jensson, 2.9.2009 kl. 01:05]

Einungis 9% voru á því að segja "hvorki né" eins og Bjarni ungi gerði!

[Halldór Jónsson, 2.9.2009 kl. 06:49]

Jón Valur

Viltu fá það svar að ég telji best að þessi lög gildi eins og þau voru samþykkt og úr því sem komið er þá er það já.

Það breytir því ekki að ég vona að lagaleiðin sé könnuð hvort við getum hrundið ábyrgðinni af okkur. Ég tel að við höfum engum rétti fyrir gert með þessum samningi sem við skrifum undir grátamdi eins og Árni á Kópavogsfundinum,

Eftir 7 ár verða komin önnur viðhorf, aðrir menn,önnur staða í þjóðfélaginu. Þá sjáum við til.

Ég held að þjóðin hafi ekki viljað fylgja mér og þér í að fara í styrjöld við öll vestræn ríki, sem eru sosum öngvir sérstakir vinir  okkar eins og við sjáum. ÉG held að samningurinn sé þí ásættanlegur biðleikur í erfiðri stöðu.

Bjarni ungi vex að visku með hverju árinu héðan í frá og þú átt eftir að binda við hann vonir þó að illa liggi á þér núna. Sjáðu bara hitt dótið í ESB-landráðaflokkunum sem  valkost ? 

[Jón Valur Jensson, 2.9.2009 kl. 08:33]

Já þitt er sorglegt, Halldór. Ég hélt þú værir einn af hörðu nöglunum í flokknum, en þú reynist standa sossunum næst. Þu ert ekki einu sinni fulltrúi þeirra 9% sjálfstæðismanna sem vilja heia hlutlausir eins og Bjarni, heldur í hinum 9 prósenta hópnum, sem standa særilátir gegn 82% meginstraumnum í flokknum! Að minnsta kosti á það við um grasrót flokksins, hina almennu kjósendur, en vel tamda Valhallarliðið er kannski auðsveipt sínum formanni. Það á þó ekki við um marga máttarstólpa flokksins eins og Kjartan Gunnarsson.

Það veljið ekki laga- og dómstólaleiðina með því að samþykkja ríkisábyrgð, afsala ykkur skaðabótakröfu vegna hryðjuverkalaga Breta og hafna þvi að láta Breta sækja rétt sinn hér, ef þeir vilja. Þú hefur ekki hugsað þetta mál nógu djúpt, Halldór Jónsson.

[Jón Valur Jensson, 2.9.2009 kl. 09:43]

PS. Þarna átti að standa: sem vilja heita hlutlausir eins og Bjarni.

Svo talarðu um "að fara í styrjöld við öll vestræn ríki," vel mataður á hræðsluáróðri Steingríms og Jóhönnuliðsins með hjartað í buxunum. Öðruvísi mér áður brá í þorskastríðunum, gæti þjóðin sagt. En fjarri lagi er, að andinn sé almennt gegn okkur, þótt tvær aggressívar ríkisstjórnir hafi ráðizt á okkur og misnotað bæði Evrópubandalagið og AGS til þess sama (þvert gegn stofnskrá AGS, eins og Eva Joly gagnrýndi harðlega). Fjendur okkar hafa gersamlega tapaðan málstað að verja, um leið og menn fara að beita sér hér í kynningu á rétti okkar og órétti Bretanna. Leiðari brezka blaðsins Financial Times 11. ágúst sl. (sbr. HÉR á Mbl.is) ber sízt vitni um, að hörkustefna Breta njóti samstöðu slíkra málsvara viðskiptalífsins þar í landi. Þú munt einnig kunnugur og greinarskrifum þýzka stórblaðsins Die Zeit (þar 31. ág. 2009 og seinni hlutinn hér, og þar átti ég athugasemd).

Þessar þjóðir hafa ekkert leyfi til að fara í viðskiptastríð við okkur, og sæmst er þér sem öðrum að standa á rétti okkar. Sjálf tilskipun Evrópubandalagsins frá 1994 gefur okkur fullan rétt í þessu máli, eða ætlarðu kannski að fara að andmæla því líka?!

Ég á bágt með að ímynda mér nokkurt mál, sem gæti orðið þessum Evrópuríkjum til jafnmikillar hneisu eins og það að fara í viðskiptastríð við okkur þvert gegn sínum eigin tilskipunum. Þeir vita betur en svo, herrarnir þar, þótt þeir hafi leyft Hollendingum og Bretum að komast upp með þetta, en trúa þó vitaskuld ekki eigin augum þegar þeir skoða smánarsamninginn sem hér var gerður og auðsveipni sósíalistanna hér og meðreiðarsveina þeirra.

[Halldór Jónsson, 5.9.2009 kl. 00:51]

Ég dáist að baráttuanda þínum Jón Valur, þú gefst ekki upp þó Óli forseti hunzi þig eftir að þú margtrúðir á hann og hrósaðir. Sjaldan launar kálfur ofeldið.

 En þú ert á villigötum ef þú heldur að þú náir einhverju fram með að stofna sérvitringaflokk eins og Atti Kitta Gauju eða Jón Magnússon eða Þór Sari gerðu eða þú og Borgarflokkurinn eða Þjóðvarnarflokkurinn eða Þjóðvaki.

Þessi klofningsöfl koma engu til leiðar. Það verður að ganga í takt. Það verður að vera óskorað fulltrúalýðræði án afskipta einhvers Óla Priks  , Ein Volk, Ein Reich, Ein Führer hét það einu sinni og þá voru allir svona kallar eins og þú bannaðir með Pastor Niemöller, manstu eftir honum, þvílíkri  hetju sem hann var ?  

Þessar helvítisprédikanir þínar Jón minn Valur skila hvorki þér né áheyrendum þínum neinu. Komdu heldur með kreatívar tillögur um framtíðina sem þú hýýtur að geta með öllum þínum gáfum og lærdómi.

[Jón Valur Jensson, 5.9.2009 kl. 02:43]

Þakka þér andsvarið, Halldór minn, en ég er eins og Kolbítur þessa dagana, svo er af mér dregið, og treysti mér ekki til fangbragða við þig á andlega svellinu þessa stundina; undi mér heldur betur áðan við Hamsun, Tómas Sæmundsson smávegis og svo hann Grím minn Thomsen, þótt snarað hefði fram nauðsynlegri greiningu á Spanjólasnakki um það sem þeim þar kemur ekkert við: íslenzk fiskveiðiréttindi. Kalla máttu skáldavitjun mína flótta, en ég kalla hana kærkomna hvíld frá eilífum stormbeljanda og baráttu við flögð og forynjur á vinstri vængnum. Þó er ég ekki á leið í Sjálfstæðisflokkinn og læt mér ekki detta það í hug; fremur flytti ég þúsund nauðsynlegar iðrunarpredikanir, ef þú veizt hvað það er. Bara eitt að lokun: ég ætla ekki að sundra, heldur sameina. Vale!