Þjóðin kallar á Davíð !

Reykjavík síðdegis spurði 16.þessa mánaðar hver það væri sem fólk treysti til að sameina þjóðina og leiða hana útúr efnahagsþrengingunum.

37 % treysta Davíð Oddssyni best

 5 % treysta Jóhönnu Sigurðardóttur

 7 % treysta Steingrími J. Sigfússyni

 5 % treysta Sigmundi Davíð

 

Síða var spurt hver væri best til þess fallinn að leiða þjóðina út úr efnahagskreppunni ?

41 % treysta Davíð Best

18 % treysta Jóhönnu best

 14 % treysta Sigmundi Davíð best

 14 % Steingrími

Það er bara einn galli á þessu. Davíð er ekki í boði. Enginn veit hvað átt hefur fyrr en misst hefur.

Nema við gætum fengið kosningar og fengið Davíð í framboð aftur.

Hvað segja nú vinstri menn? Vilja þeir fylgja Davíð og hans stefnu í Icesave, borga ekki erlendar skuldir óreiðumanna  eða Steingrími J. og Jóhönnu  og skrifa undir og borga ? 

98 % landsmanna vill líka vísa erlendum glæpamönnum úr landi. 61 % vill ganga úr Schengen samstarfinu. Fleira forvitnilegt er að fylgja á vef Bylgjunnar. En i stuttu máli er höfundur þessa pistils ánægður með að þessi skoðanakönnun fellur mjög að þeim sjónarmiðum sem haldið hefur  verið á lofti á þessari síðu.

 Líklega hefur ekki fækkað í þeim hópi sem biður um Davíð eftir viðtalið við Fjármálaráðherrann nú í í kvöld.

Þjóðin er greinilega að kalla á Davíð aftur !

 

Athugasemdir

[Baldur Hermannsson, 1.10.2009 kl. 21:10]

Þú ert stórkostlegur maður, Halldór Jónsson. Hefurðu alltaf verið svona gáfaður?

[Magnús Þór Jónsson, 1.10.2009 kl. 21:11]

Eru það lausnir Íslands?

Gamlir stjórnmálamenn sem eru hættir.

Á þá ekki líka að fá Steingrím og Jón Baldvin með....

Ja glæst er vor framtíð, þjóðin mín!

[Halldór Jónsson, 1.10.2009 kl. 21:22]

Baldur, velkominn aftur, ég hef saknað þín sárlega úr bloggheimum.

Ég var ekki spurður í þessari könnun og hef þannig séð ekkert að gera með þetta, hvursu gáfaður sem þér finnst ég annars vera.

Þar sem ég er sjálfur gamall Magnús, þá finnst mér ég ekkert vitlausari heldur en sumir sem eru þarna niðri á Alþingi. Ég held að Davíð sé heldur ekki neitt vitlausari en margir þar inni.

[Andri Geir Arinbjarnarson, 1.10.2009 kl. 21:33]

Halldór,

Þegar þjóðir eru í vanda kalla þær eftir sterkum leiðtoga.  Þessu "sterku" leiðtogar eru ekki allir eins.  Þjóðverjar völdu Hitler á meðan Bretar völdu Churchill.  

[Óskar Helgi Helgason (IP-tala skráð) 1.10.2009 kl. 21:55]

Heill og sæll; Halldór - sem og, þið aðrir hér á síðu !

Sé slangur Íslendinga; ekki á hærra menningar stigi en þetta, að vilja fá einn aðalhönnuðanna (Davíð Oddsson), inn á sviðið á ný, að þá telst nú vart  almennilegt þjóðlíf, á vetur setjandi, hér á Fróni, verkfræðingur góður.

Kannski; Frakkneskir, hefðu átt að fá einhverja kuklara til, að blása lífi í Sólkonunginn; Loðvík XIV., á sinni tíð, svo notið hefðu nokkru lengur, dýrðar ljóma hans ?

Nei; í Guðanna bænum, gamli spjallvinur. Mættum við fremur, biðja um heiðarlegt og ærlegt vinnandi fólk, úr framleislu greinunum, eftir það, sem á undan er gengið, hérlendis.

Með beztu kveðjum; sem jafnan, úr Árnesþingi /

Óskar Helgi Helgason 

[Júlíus Björnsson, 1.10.2009 kl. 22:10]

Churchill.   Þetta var einmitt sem komi í í sambandi við Davíð. Þeim hluta almennings sem trúir sínum eigin augum og neyðist til að treysta á eigin dómgreind fer hraðfölgandi með degi hverjum að mínu mati, þökk forgansröðu hinna ábyrgðarlausu, ef, ef, ef, ef fræðinga. 

[Júlíus Björnsson, 1.10.2009 kl. 22:11]

sem kom upp í hugann

[Ómar Bjarki Smárason, 1.10.2009 kl. 22:11]

Ertu nú búinn að gleyma Flokksformanninum, Halldór. Heitir hann ekki Bjarni Benediktsson.....?  Nýkjörinn og lítt spilltur, gerir maður ráð fyrir....

[Katrín, 1.10.2009 kl. 23:36]

Merkilegt hve fólk er uppsigað við leiðtoga, það mætti halda að það þyki eitthvað óeðli mannsins að  kalli eftir leiðtoga. Lengi vel var Ingibjörg Sólrún leiðtogi samfylkingarinnar..en nú er sú tíðin horfin og kannski þessa vegna láta Sossarnir sem leiðtogi sé óþarfur.

Davíð nýtur trausts margra...það hlýtur að vera sárt þeim sem enga slíka menn eiga. 

[Halldór Jónsson, 2.10.2009 kl. 00:11]

Herr Kollege Andri

Þjóðverjar völdu ekki Hitler, hann fékk aldrei meira en 38 % held ég. Hann bara rændi völdunum. og eftir það hélt hann völdunum í óþökk Þjóðverja. Churchill var kosinn. Ekki rugla þessu saman.

 Ég skil ekki af hverju þið haldið allir að ég stjórni þessu eitthvað. Ég gerði ekki þessa könnun, sá hana fyrst í dag. Og varð bara hissa eins og þið. Bjarni er minn formaður og þingmaður. Davíð er bara leigupenni á Mogganum sem stendur. Ég á nú ekki von á því að hann langi fram aftur.

En maður skyldi aldrei segja aldrei, mér datt heldur ekki í hug að kallinn myndi fara á Moggann.

[Baldur Hermannsson, 2.10.2009 kl. 00:14]

Skemmtileg tilviljun, að þeir eru jafnmargir, Þjóðverjarnir sem völdu Hítler, og Íslendingarnir sem völdu Ólaf Ragnar.

[Elle_, 2.10.2009 kl. 00:39]

Hvaða 2% ætli hafi EKKI viljað glæpamennina úr landi?!   

[Baldur Hermannsson, 2.10.2009 kl. 00:44]

Þeir sjálfir vitanlega.

[Júlíus Björnsson, 2.10.2009 kl. 00:46]

Í Mein Kampf kemur fram að Hitler sagist myndi vinna á því að með beina máli sínu [áróðri] til meðalmannsins sem gagnrýnir aldrei neitt. 38% í Þýskalandi á þeim tíma. Mein Kampf ritað hann í fangelsi fyrir uppgöngu sína. Því miður var ekki tekið mark á honum.

[Jenný Stefanía Jensdóttir, 2.10.2009 kl. 02:43]

98% vill senda erlenda glæpamenn til síns heima, að öðru leyti er ég ekki þjóðin.

[Júlíus Björnsson, 2.10.2009 kl. 03:14]

EU yfirstéttin tekur ekki svona létt á því sem kallast formsatriði af almenningi þar og elítunni hér.

Íslendingum var gert að gera hreint í sínum garði og uppræta hér efnahagshryðjuverkastarsemi allavega hvað varðaði þann hluta hennar í EU.

Íslenskur almenningur býr við á mælikvarða USA og EU breytilega bólguvísutölu á íverum sínum, sem eru hornsteinar menningarsamfélaganna á menginlöndunum. 

Þar gilda breytilegir stöðuleikavextir fasteignavísitölu á heimarkaði samkeppnilánastofnunar eða oftast  fastir í ljósi stöðuleikans.

Samhengið er mjög  eðlilegt að skilja í anda sígildar frjálshyggju.

Neysluverð hækkar. Bólguvísital vex. Kaupmáttur minnkar. Fasteignir lækka í verði. Stöðugleika vísitala lækkar.  Kaupmáttur vex. Laun standa í stað.

Hér gildir.

Neysluverð hækkar. Bólguvísitala vex. Kaupmáttur minnkar. Stöðuleika vísitala=Bólguvísital hækkar. Kaupmáttur minnkar meira. Skattar hækka og kaupmáttur minnkar en meira.

Þetta finnst yfirstéttunum í UK, Þýskalandi, og Frakklandi fyndið.

Þetta er nýjast útgáfa millifærslu nú ræna þeir bara sparifé bundnu í fasteignum. Raunvaxtakarfan til lengri tíma litið hefur aldrei lækkað þegar upp er staðið eftir 25 ár.  

Frjálshyggja er á undanhaldi hjá ráðmönnum enda skilja þeir ekki einfaldleika í fræðunum þessi á Íslandi sannanlega.

Það er munur á frjálshyggjum. Sú sígilda byggir á skynsemi.

[Kommentarinn, 2.10.2009 kl. 10:39]

38% sem kusu Hitler segiði? Það eru nú fleiri en segjast treysta Davíð í þessari könnun... Annars er þetta svipað fylgi og Dabbi kóngur hefur verið með í kosningum... Davíð er svona eins og fótboltalið. Þú heldur með þínu liði sama hvernig því gengur og auðvitað styður maður sitt lið hversu heiðarlega sem það spilar! 

[Baldur Hermannsson, 2.10.2009 kl. 10:46]

Hvenær hefur Dabbinn dævað?

[Gunnar Rögnvaldsson, 2.10.2009 kl. 12:04]

Takk fyrir þetta Halldór, gaman að heyra

Davíð Oddsson virkar best í ríkisstjórn. En þegar hann er ekki í henni þá hefur hann þau áhrif að því meira sem ríkisstjórnin sem hann er ekki í keyrir útaf veginum sem hann lagði fyrir þjóðina, því meira aukast áhrif hans og því meiri líkur eru á að hann komi aftur til að koma bílnum uppá veginn á ný:

Ergo: því fjandsamlegri sem ríkisstjórn Steinhönnu Evrópusambandsdóttur er vegagerð Davíðs Oddssonar, því meiri líkur eru á að hún verði sett í grjótmulningsvél vegagerðar hans og notuð í uppfyllingu.

Þetta eru náttúruvísindi.

Davíð verður að koma aftur því þeir í Steinhönnu eru próflausir og kunna ekkert á vélarnar. Þeir eru þessutan hræddir og vilja fara heim til mömmu.

[Andri Geir Arinbjarnarson, 2.10.2009 kl. 12:06]

Halldór,

Hvaða forsætisráðherrar og forsetar á Íslandi hafa fengið meir en 38% atkvæði kjósenda.  

[Halldór Jónsson, 2.10.2009 kl. 14:37]

Fyrirgefið, ég hef gert foringjanum rangt til. Hann fékk 43.6 % atkvæða 1933.

 Takk Gunnar rögnvaldsson. Þetta eru meistaralegar samlíkingar og nafngiftin SteinHanna er flott og fer í annálana. 

Væri ekki gaman að sjá Óla forseta skipa þjóðstjórn núna undir forsæti Davíðs sem hlutlauss aðila til að redda þjóðinni´frá þeim hryllingi sem Skallag´rimur kynnti í gærkvöldi ?

[Gísli Baldvinsson (IP-tala skráð) 2.10.2009 kl. 16:18]

Ég myndi persónulega og flokkslega fagna innkomu Davíðs í stjórnmál. En... myndi formaður Sjálfstæðisflokksins fagna? (er hann ekki með 60% traust eigin flokksmanna?)

[Baldur Hermannsson, 2.10.2009 kl. 16:22]

Davíð mun hafa gífurleg pólitísk áhrif sem ritstjóri Moggans.

[Óskar Helgi Helgason (IP-tala skráð) 2.10.2009 kl. 16:59]

Komið þið sæl; á ný !

Halldór; og þið önnur ! 

Megi Davíð Oddsson - Halldór Ásgrímsson - Jón Baldvin Hannibalsson - Geir H. Haarde - Ingibjörg S. Gísladótttir - ´Steingrímur J. Sigfússon og Jóhanna Sigurðardóttir, ALDREI þrífast.

Óþverra hyski; hvert kom okkur - áður bjargálna, á vonarvöl !

Megi þau aldrei; úr hreinsunareldi komast !!!

Með beztu kveðjum; samt, úr Árnesþingi /

Óskar Helgi Helgason

 

[Baldur Hermannsson, 2.10.2009 kl. 17:05]

Er ekki eilífur suddi og slydda á ykkur þarna í Árnesþingi?

[Héðinn Björnsson, 2.10.2009 kl. 17:08]

Bendi fólki á að EKKI er hægt að nota svona skoðanakannanir á netinu til að segja neitt til um hvað þjóðin er líkleg til að finnast um nokkuð mál.

[Baldur Hermannsson, 2.10.2009 kl. 17:12]

Jú Héðinn, ég held að þessi könnun sé nokkuð marktæk.

[Finnur Bárðarson, 2.10.2009 kl. 17:15]

Hef aldrei skilið þessa þörf fyrir einhvern sem togar mann áfram. Ég þarf engan leiðtoga. Ég fer mínar eigin leiðir.

[Baldur Hermannsson, 2.10.2009 kl. 17:28]

Kannski ertu sjálfur ágætis  leiðtogatýpa sem hefur einhvern veginn trénast upp í lífsbaráttunni og stjórnar núna bara konunni og kattarkvikindinu.

[Óskar Helgi Helgason (IP-tala skráð) 2.10.2009 kl. 17:33]

Komið þið sæl; aftur og enn !

Baldur, forni spjallvinur !

Sólardagar koma; hér um slóðir, sem betur fer, en þá eru eitrunar áhrif ógeðfelldra og viðurstyggilegra stjórnamála manna, víðs fjarri - sem betur fer, þá slíkir dagar koma, spjallvinur kær.

Með beztu kveðjum - sem þeim, áður og fyrri /

Óskar Helgi Helgason 

[Baldur Hermannsson, 2.10.2009 kl. 17:42]

Gott Óskar, það er alla vega ófært á Hellisheiðinni - og í stjórnarráðinu geisa stormar sundrungar, sviksemi og lyga. Heill þér Árnesingur.

[Jens Guð, 2.10.2009 kl. 23:33]

  Er það ekki dálítið djarft að leggja út af skoðanakönnun þar sem þátttakendur velja sjálfa sig í úrtak?  Alveg burt séð frá þessari könnun þar sem 63%  merkja ekki við DO sem trausts verðan.  Skoðanakannanir á borð við þá sem Bylgjan stendur fyrir hefur hingað til illa rímað við úrslit í kosningum.  Í besta falli birtist þar hverjir eru hlustendur Bylgjunnar.  Sjálfur kann ég einfalda aðferð til að dæla inn atkvæðum í svona könnun.  Tek þó fram að ég hef aldrei notfært mér það en hef lent í þannig skemmdarverkum í skoðananakönnunum á minni bloggsíðu.  Ég var með músíkskoðanakönnun þegar skyndilega eitt dæmið fékk 1000 atkvæði á örfáum sekúndum. 

[Offari, 3.10.2009 kl. 10:22]

Þesar tölur koma mér reyndar á óvart. Ég gæti vel treyst Davíð til að leiða þjóðina út úr kreppuni (ef hann fengi að vera einræðisherra) En ég gæti ekki treyst Davíð til að sameina okkar þjóð. Hann er of umdeildur til þess. Ég tel hann vel hafa vilja en útrásarvíkingunum tókst svo ærlega að skella skuldini á hann að sá helmingur sem trúir þeim og Samfylkinguni  hatar hann.

[Baldur Hermannsson, 3.10.2009 kl. 10:48]

Fólinu Offara er ekki alls varnað.

[Kolbeinn Pálsson, 3.10.2009 kl. 21:41]

Davíð er einfaldlega maður meðal drengja.

Vandi okkar Íslendinga er að við erum mínus forustusauð. Við höfum engann sem við eða útlendingar virða neins í stjórn, okkur vantar mann: við höfum bara ólögráða og hrædda drengi.

Hvaða pólitikus getum við treyst til að halda af einurð og festu á málstað Íslands sama hvað á dynur.

[Baldur Hermannsson, 3.10.2009 kl. 21:53]

Kolbeinn, you don´t win anything with boys......

[Júlíus Björnsson, 4.10.2009 kl. 02:32]

Fólk sem er ekki læst á fjármál á mælikvarða EU þar einn leiðtoga sem er læs.

Ég hef ekkert á móti því að fá eitt hörkutól nokkur ár.

[Elle_, 4.10.2009 kl. 20:42]

Offari: "Hann er of umdeildur til þess. Ég tel hann vel hafa vilja en útrásarvíkingunum tókst svo ærlega að skella skuldini á hann að sá helmingur sem trúir þeim og Samfylkinguni  hatar hann."

Gat ekki sagt það skýrar.