BLÁTT framundan !

Alveg gengur fram af mér að hlusta á nýkratann Benedikt Jóhannesson halda því fram í útvarpi í messugerð evrópubandalagssinna fyrir hádegi á  sunnudag, að krónan sé ónýt. Nauðsyn sé þess vegna að ganga í Evrópubandalagið og fá seðlabanka Evrópu til að  styðja við fastgengi krónunnar plús mínus fimmtán prósent.Hvernig skyldi Benedikt ganga að sannfæra Íra og Spánverja um ágæti þess að hafa gjaldmiðil Þýskalands, þessa núverandi en tímabundna  efnahagsstórveldis,  sem kreppugjaldmiðil efnahagslegs öngþveitis í þessum  veikari löndum ? Hvað værum við Íslendingar að gera ef við værum að taka upp  Evru eða evrubundna krónu  núna?  Skipta yfir í evru eins og Benedikt og  Kratar vilja?Við værum að skera peningalegar eignir allra Íslendinga niður við trog. Dæma þjóðina til varanlegrar fátæktar. Staðfesta helmingun allra peningalegra verðmæta Íslendinga.

Íslenska þjóðin,sem er núna á fleygiferð með jákvæðan vöruskiptajöfnuð uppá 5-10 miljarða á mánuði, er að ná hruninu til baka. Samkvæmt þessum kenningum Kratanna, ættu landsmenn  þannig að festast í afleiðingum  þessa þjóðhættulega áróðurs og sætta sig við varanlega eignaupptöku.

Hér ætlaði ég að setja inn línurit úr excel sem sýnir eftirfarandi gengistölur frá Seðlabanka vs. ártal . En hvernig sem ég reyndi tókst mér ekki að fá bloggið til að taka við myndinni. En tölurnar eru þarna og af þeim má sjá að gengið í dag er ekki það sem það verður eftir 3 ár. Það er kolvitlaust í dag. En það atriði gerir ekki krónuna ónothæfa hvað sem Benedikt, Villi Egils og aðrir evruspekingar segja. 

USD
DAGS	MIÐ
1988	c
1989	57,219357
1990	58,305943
1991	59,116693
1992	57,59738
1993	67,823745
1994	69,93176
1995	64,788152
1996	66,684136
1997	70,979838
1998	71,121204
1999	72,420361
2000	78,8718
2001	97,762862
2002	91,456923
2003	76,756194
2004	70,120796
2005	62,85788
2006	69,776546
2007	64,016048
2008	88,073935
2009	123,431827

.  vLesandinn dragi jafnandi línu frá 1989 -2009 í línurit sem sýnir miðgengi dollars miðað við íslenska krónu. Það er ólíklegt en að gengi dollarans gagnvart þessum „ónýta gjaldmiðli“ íslensku krónunni verði langt frá 90 kr. á næstu 2-3 árum.Getur auðveldlega orðið betra.Ólíklega verra.Lesandi góður. Viltu taka það sem þú átt í lífeyrissjóði og skipta því út fyrir dollara í dag ? Eiga þá aðeins dollaratölu  til elliáranna ? Eða viltu bíða og sjá hvort dollarinn kemur ekki niður aftur áður en þú skiptir?Það er ómetanlegur styrkur þegar slíkt áfall ríður yfir sem nú hefur gerst, að þjóð eigi eigin gjaldmiðil sem hún getur fellt tímabundið og síðan styrkt á ný með ábyrgri hegðun. Hvað gerðist hér 2002 ? Getur það ekki gerst aftur ?Íslensk þjóð hefur orðið ein af ríkustu þjóðum heimsins síðan lýðveldið var stofnað. Með íslensku krónunni !  Þegar við höfum borið gæfu til að sýna ábyrgð gagnvart krónunni, þá hefur okkur vel vegnað. Þegar við höfum látið undan uppþotsöflunum hefur krónan fallið og allir tapað meiru en þeir héldu að þeir væru að græða. Nú vaða kratarnir uppi með allskyns gylliboð ef við látum glepjast af Guðinum í Brüssel.

Það mun aftur vora ef við berum gæfu til að þrauka og vinna. Látum ekki heimsendaspámenn, birókrata, BrüsselKrata, eða önnur ógæfuöfl trylla okkur. 

Þessi ömurlega ríkisstjórn verður ekki langlíf og þá mun aftur vora.

Það er BLÁTT  framundan

Athugasemdir

[Halldór Jónsson, 18.10.2009 kl. 22:17]

Þessi ömurlegu andskotans forrit frá Microsoft eru öll jafn leiðinleg og óþjál. Þau gera helst aldrei neitt af þvi sem maður vill án vandræða og kúnsta. Maður verður að trikka þau til að þau fúnkeri. Aldrei neitt vingjarnlegt.  Og versna með hverri nýrri útgáfu. Til dæmis er hægt að fá forrit frá Addin com sem setur gamlan skipanaborða á Word 2007 þannig að maður getur notað það. Svo mikið hafa skipanaborðarnir breyst að maður stendur klumsa þegar maður er nýbúinn að skipta.

Eina forritið sem batnar með hverri útgáfu er Autocad frá Autodesk. Alltaf ljúfara og hlýðnara með hverju árinu, kann alltaf það gamla en bætir við nýju. Þetta Microsoft er þöngulhausaverksmiðja sem versnar með hverju ári og hverri útgáfu. Þetta segi ég auðvitað af því ég er hoppandi vondur núna, en geri mér grein fyrir að það er til lausn á öllu þó að hún hafi ekki tekist hjá mér í kvöld. Og vissulega er margt gott hjá þeim líka og líklega er það ég sem er klaufinn í kvöld. En þetta á að vera ljúft og einfalt. Það skilur Microsoft ekki.

[Björn Emilsson, 18.10.2009 kl. 22:34]

Blessadur Halldor

Profadu Googel Crome,  documents.  

En annad, alvarlegra mal.  tegar tyrkir er komnir inn i ESB..  gud blessi island.. eda islam

[Bjarni G. P. Hjarðar, 18.10.2009 kl. 23:06]

Þurfum við alvöru Sjálfstæðismenn ekki að sameinast Frjálslynda flokknum? Til dæmis er Benedikt dæmigert afkvæmi Sjálfstæðismanns af gamla skólanum þó maður nefni ekki Ólaf Stephensen. Kíkið á http://www.aftonbladet.se/nyheter/article5975421.ab

[Elle_, 19.10.2009 kl. 21:06]

Alltaf er það jafn óskiljanlegt þegar Evrópusinnar vilja að land gangist inn í heilt ríkjasamband og undir öll lög þess með þeim rökum að styrkja gjaldmiðil eða taka upp Evru.   Rökleysuna fann ég einu sinni inni í síðu Evrópusamtakanna og víðar.  Og viss liðsforingi hefur líka haldið þessu fram lengi, innan lands og utan.  Maður les það og langar að hverfa af skömm.