Sagittarius RÍSANDI !

Mig langar að kynna fyrir ykkur efni bókar sem ég hef þýtt og sett á markað. Mynd af kápunni er hér á síðunni. Bókin fæst í bókabúðum og kostar 4.390. Að sjálfsögðu er ég tilbúinn að sendast með bókina ef einhver vill það og má þá gefa það upp í athugasemdum með þessari færslu.

Mér fannst þessi bók áhrifamikil og þeir fáu sem hafa lesið hana ennþá eru því yfirleitt sammála. Enda er bókin löngu heimsfræg og væri það ekki ef hún stæði ekki undir því.

Hún heitir Sagittarius Rising á ensku og vísar í stjörnukort höfundarins. Mér þótti rétt að láta nafnið á bogmanninum halda sér til tengingar við frumgerðina. Ef maður googlar Cevil A. Lewis þá geta menn séð mynd af drengnum þegar hann fer í stríðið. Myndin sem er í bókinni er tekin þremur eða fjórum árum seinna og sýnir fullorðinn og breyttan mann sem við er að búast.

Mér fannst athyglisverðast við bókina hversu Lewis tekst að færa lesandann aftur í tímann og gera heiminn eins og hann var þá ljóslifandi. Það er nefnilega miklu styttra síðan að þessir atburðir gerðust en maður gerir sér grein fyrir. Eftir styrjöldina fór H1N2 um heiminn og tók fleiri en en styrjöldin gerði. Núna fer frændinn H1N1 um heiminn og ein stökkbreyting vírussins getur breytt honum í þann fyrri. Heimurinn er því hættulegur eins og hann hefur alltaf verið. 

Þetta verður víst ekkert gróðabrall hjá mér en ég vona þó að nægilega mörg eintök seljist til að borga prentið. Meira væri auðvitað hvatning til að halda áfram í þýðingum á flugbókum og útgáfu. Eitthvað verðu maður að gera annað en að blogga úr því að byggingariðnaðurinn er steindauður og verður það lengi enn. En sagt ég vona að enginn verði svikinn af Cecil Lewis og frásögnum hans.

Aftan á bókinni er þessi texti:

" Æskudraumar Lewis voru um flug. Hann laug til um aldur og sótti um inngöngu í Royal Flying Corps 1915. Hann fór einflug eftir einnar og hálfrar klukkustundar kennslu og sendur yfir til Frakklands 1916 með 13 klukkustunda flugreynslu. Lífslíkur flugmannsnýliða í Frakklandi voru þá 3 vikur. Nærri 10 milljónir hermanna féllu í Styrjöldinni Miklu 1914-1918 og 7 miljónir óbreyttra borgara til viðbótar.

Lewis tekst með góðra manna hjálp að afla sér frekari flugreynslu og verða að flugmanni, áður en hann er sendur í orrustur. Hann lifir af hætturnar, sem voru ekki minni af flugvélunum sjálfum en byssukúlunum. Hann flýgur stríðið á enda og oft í fremstu víglínu. Lewis elskar flugið sjálft og það er honum uppspretta fegurðar og lífsfyllingar. Hann sér í bólstraskýinu glitrandi hallir og ókunn lönd með dölum og giljum, hann sér fegurð himinsins og foldarinnar fyrir neðan úr margra mílna hæð, þaðan sem stríðið er ekki lengur sýnilegt. Hann gleðst yfir valmúanum, blómstrandi úr sprengigígunum, sem þekja sviðna eyðimörk orrustuvallanna í Flanders og lævirkjanum, sem flýgur óvænt upp og syngur skerandi yfir drynjandi fallbyssudunurnar.

Lýsingar Lewis eru svo ljóslifandi á köflum, að lesandanum finnst hann kominn til þessara tíma sjálfur. Hann skynjar það tryllta afl, sem beitt er í stríðsrekstrinum., getur heyrt fyrir sér til hundrað flugvélahreyfla og vélbyssuskothríðar í hringleikahúsi Richthofens, fallbyssugnýinn sem heyrist frá Frakklandi til Englands á kyrrum kvöldum, séð fyrir sér leitarljósin á næturhimninum yfir myrkvaðri London og gul eiturgasskýin yfir skotgröfunum, skynjað lyktina af útblæstri hreyflanna, angan blómanna og gróðursins við Somme. Og skilið það og undrast hversu lítið mannlífið sjálft hefur breyst frá tíma frásagnarinnar.

Þegar þessi bók var skrifuð 1936 var skapað sígilt bókmenntaverk. Hún er talin ein besta minningabók úr hernaðarflugi allra tíma. Bókin hefur aldrei verið úr prentun síðan þá. Kvikmyndin ‘Aces High’ var byggð á henni 1976. Georg Bernard Shaw lýsti Lewis þannig: ‘Þessi prins meðal flugmanna átti heillandi líf í öllum skilningi; Hann er hugsuður, herra orðanna og hérumbil ljóðskáld.’

Lewis hlaut Óskarsverðlaunin 1938 fyrir kvikmyndahandrit sitt að Pygmalion(My fair Lady), sem byggt er á samnefndu verki Shaw. Lewis var einn af stofnendum BBC 1922 og fyrirlesari þar fram yfir nírætt. Hann gekk aftur í RAF 1940 og flaug fyrir gamla kóng sinn alla seinni heimsstyrjöldina, alls fimmtíu og þremur flugvélategundum í meira en þúsund flugstundir en það er önnur saga.

Þetta er bók fyrir karlmenn á þroskaaldri, bók um hetjudáðir, hrylling, vináttu, fegurð, rómantík. Og lýsingar Lewis á fluginu sjálfu eru einstakalega sannar.

Þessi bók lætur engann ósnortinn enda fjallar hún fremur um lífið en ekki dauðann. Lewis segir: ‘Lifðu hátíðarlega, höfðinglega, hættulega,-öryggið aftast!’  "

Ég vona að bloggarar fyrirgefi mér að auglýsa bókina svona hérna, en Mogginn var svo elskulegur að leyfa þetta.

Ég sný mér svo aftur að því að rífa kjaft um pólitík eins og venjulega.

Athugasemdir

[Karen Elísabet Halldórsdóttir (IP-tala skráð) 23.10.2009 kl. 17:08]

snilldargjöf fyrir erfiðu pakkana.....nú þarf ekki að gefa öfum, pöbbum og frændum peysu í jóla og afmælisgjöf.  Þetta er fantagóð bók og ég er ekkert hlutdræg 

[Halldór Jónsson, 23.10.2009 kl. 17:12]

Takk Karen

Þekkirðu fleiri  sem eru búinr að lesa bókina ?

[Halldór Jónsson, 23.10.2009 kl. 17:13]

Prófarkalesarinn var ánægður og prentararnir voru orðnir æstir í vinnunni !

[Gunnar Rögnvaldsson, 23.10.2009 kl. 19:06]

Innilega til hamingju með bókina Halldór. Megi salan gang vel. Þetta hljómar spennandi.

Ég mun skaffa mér þessa bók þegar ég flyt heim til Íslands á næstunni (sennilega ekki fyrr en eftir áramót því seint gengur kofasalan mín hér enda markaðurinn steindauður.)

Bestu óskir

[Halldór Jónsson, 23.10.2009 kl. 21:19]

Gunnar minn, er það ekki allt of langt þangað til? Látttu mig fá adressuna og ég sendi þér hana, hún gæti verið útseld !

Getur verið að það sé skárra hér en þarna fyrir þig þegar Íslendingar eru að flytja út. Ertu að setjast í helgan eða ætlarðu að koma í pólitíkina með mér ?

[Gunnar Rögnvaldsson, 23.10.2009 kl. 21:43]

Helagn stein ? Hvað er nú það Halldór minn? Já ég kem í pólitíkina með þér. Það eru ekki nema nokkrir mánuðir til flutninga. Þakka gott boð. Fann ekki póstfangið þitt en sendu mér endilega mail á:

tilveraniesb hjá mac.com

og ég sendi þér um hæl adressu og details

svo bið ég Seðlabanka Íslands um að útbúa tékka handa þér fyrir bók og sendingarkostnaði.

Allt að gerast hér!

[Ómar Bjarki Smárason, 23.10.2009 kl. 22:16]

Gott framtak hjá þér, Halldór.... Ætlarðu að selja bókina í Smáralind eða Kolaportinu....?

Næst gætirðu að skrifa skáldsögu um "Sögu íslensku steypunnar"... Hún myndi seljast vel....

[Halldór Jónsson, 24.10.2009 kl. 00:02]

Ómar Bjarki,

Bókin er til dæmis í Eymundsson í Smáralind og öðrum slíkum um allt land, Kolaportið er bara í útsölur. Og ég hef aldrei trúað á útsölur í desember. Sérstaklega þegar um einstæða bók er að ræða eins og þessa.

Eru að kenna mér úm alkalíið ? Það stæðu nú einhverjir nær slíkum skrifum en ég.

Árni minn, passaðu að ljóti kallinn komi ekki og taki þig fyrir að hugsa ekki nógu hlýlega til Sjálfstæðisflokksins, sem þú átt svo margt gott að gjalda.

[Ágúst H Bjarnason, 24.10.2009 kl. 07:32]

Einhver minnist á þessa frábæru bók hér:

http://frettavefur.net/Forum/viewtopic.php?pid=20667#p20667

[Halldór Jónsson, 24.10.2009 kl. 09:29]

Takk fyrir þetta Ágúst frændi, þú ert engum líkur

í fróðskapnum. Þetta þótti mér gaman að sjá , þarn ertu með mynd af mínum manni öðrum frá vinstri þar sem hann liggur með félögunum æi grasinu að bíða eftir Zeppelínunum og Gotha flugvélunum sem komu aldrei aftur á björtum degi. En Gotha vélarnar fóru að koma í stórum stíl á biksvörtum nóttum, og hentu sprengjunum á miðbæ London af mikilli nákvæmni. Lewis og félagarnir leituðu að þeim en fundu þá aldrei.Engin Gotha flugvél var skotin niður.

Ég er mikið búinn að velta því fyrir mér hvernig Þjóðverjarnir fóru að þessari snilldar navigasjón, í bikmirkri og fyrir tíma radíovitanna. Hvað dettur þér í hug frændi ? 

[Halldór Jónsson, 24.10.2009 kl. 09:34]

Já frændi Ágúsr, ég sé á vefnum ykkar módelmanna að þú talar um Keflavíkurflugvöll sem Arnarflugvöll ? Þetta hef ég ekki heyrt en hvaðan kemur þetta. Stórum fallegra nafn líka.

[Halldór Jónsson, 24.10.2009 kl. 09:35]

Waiting for the Zeppelins and the Gothas.  (Shades of pictures of Battle of Britain squadrons)  Right to left: Capt CJQ Brand, Capt T Gran (Norwegian), Lieut RGH Adams, Lieut GR Craig (white scarf), Lieut CC Banks, Lieut LF Lomas, Lieut CA Lewis (author of "Sagittarius Rising", sitting with his back towards us), unknown.

Þetta er textinn sem átti að fylgja myndinni að ofan.

[Ágúst H Bjarnason, 24.10.2009 kl. 09:57]

Sæll Halldór.

Arnarvöllur er tiltölulega nýr flugvöllur með malbikuðum brautum nærri Seltjörn. Þar hafa jafnvel fyrrastríðs flugvélar verið að athafna sig. Reyndar ekki í fullum skala.  Það er Flugmódelfélag Suðurnesja sem á heiðurinn af þessum flugvelli, en ekið er að honum frá Grindavíkurvegi.

Myndin hér fyrir neðan er af Avro 504K í Vatnsmýrinni árið 1919.

 

En myndin h´r fyrir neðan er tekin 75 árum seinna, nákvæmlega á sama stað. Avro 504K klár í loftið. Cecil Faber var enn við stýrið. Eða næstum því. Sjá hér.

Nú er klukkan orðin 17.00 laugardaginn 3ja september 1994. Mótorinn sem er 62ja rúmsentimetra (4 hestöfl) er kominn í gang í Vatnsmýrinni. Í dag er flugmaðurinn Skjöldur Sigurðsson, en fyrir nákvæmlega 75 árum var það Cecil Faber. Höfuð flugmannsins í sætinu er skorið út eftir mynd af Cecil Faber, og er hægt að hreyfa það með fjarstýringunni!. Jóhannes Jakobsson smíðaði módelið sem er í mælikvarða 1:4.

 

Avro á flugi yfir Reykjavík á myndinni hér fyrir neðan.

Módelið er nú varðveitt í húsakynnum Flugmálastjórnar. Mig minnir að minnismerki hafi verið afhjúpað í tilefni dagsins á þeim stað sem menn töldu að fyrsta flugið hefði farið fram.

 

Svona varðveita flugmódelmenn flugsöguna

[Ómar Bjarki Smárason, 24.10.2009 kl. 12:17]

Var nú frekar að hugsa um hasarinn í sölunni frekar en alkalí...... það er örugglega hægt að færa þetta í hasarbúning, en líklega yrðirðu þá að skrifa undir dulnefni....

[Katrín, 24.10.2009 kl. 20:03]

Til hamingju með bókina Halldór. Vildi gjarnan biðja þig um að senda mér eitt eintak fyrir þann  elsta.  Sé að þetta er einmitt bók fyrir hann.  Hvert er netfangið þitt gamli vin??

[Anna Sigríður Guðmundsdóttir, 24.10.2009 kl. 20:47]

Halldór. Gamlar staðreyndir verða aldrei til annars en góðs. Sérstaklega ef maður getur tengt þær nútímanum og framtíðinni. Gangi þér vel með söluna. Ég skil að þetta er hugsjóna-þýðing. Ef við lifum ekki eftir okkar eigin hugsjón erum við að svíkja okkur sjálf mest. Svo lærum við af öðrum með samskiptunum og góða viljanum.

[Pétur Halldórsson (IP-tala skráð) 25.10.2009 kl. 14:10]

Ég óska þér til hamingju með þessa bók, tel að þú hafir unnið mikið þrekvirki þarna að þýða bók á rúmum tveim mánuðum, held að það séu ekki margir sem geti unnið slíkt afrek.

Ég vil stinga upp á þeirri hugmynd að halda útgáfu hátíð og "lánsa" þessu með miklum stæl, þar sem þú býður til þin mikils metna bókaorma og rithöfunda kannski.

Þú þekkir nú nokkuð marga sem gætu þegið slík boð og hjálpað duglega með að koma bókinni á framfæri. Því þarna er nú bók sem margir telja merkilega.

Ég get vel hugsað mér að fá eintak af þessari bók.

[Halldór Jónsson, 25.10.2009 kl. 19:02]

Pétur, ég held að útg´´afan hafi ekki ráð á að kaupa svo mikið bernnivín. En bókina geturðu fengið.

[Pétur Halldórsson (IP-tala skráð) 25.10.2009 kl. 21:44]

Hvaða hvaða.  Einhver sagði "you will have to spend some, to earn some" Annars þarf ekkert að eyða miklu í brennivín til að hóa saman góðu fólki og fagna útgáfunni.

Fréttblaðið væri ekki lesið nema af því að það er borið út frítt.