Reginn enn !

 Framkvæmdastjóri Regins kom á skjáínn og var galvaskur að hann myndi ná inn milljarði af peningunum mínum aftur sem hann ætlar að byggja með  bíó fyrir Árna Samúelsson.

Vill hann ekki gera svo vel að leggja áætlunina á borðið.

1. Í hverju stendur húsið núna?

2. Hvað verður húsaleigan hjá Árna ?

3. Hver er kaupandinn að húsinu og hvert er söluverðið og kjörin ?

4. Hvernig rökstyður hann bíóskort í Grafarvogi ?

5. Hversu margir bíógestir verða þarna árlega ?

 

Ég, sem eigandi fjárins á kröfu á svörum herra forstjóri Regins.

Athugasemdir

[Bjarni Kjartansson, 26.10.2009 kl. 09:46]

Ég vil, að þetta hús fari svipaða leið og hús þeirra brauðstritara, sem ekki ná að greiða af þeim,--á uppboð,-- það er lágmarkskrafa heimilisfeðra og mæðra, sem eru að missa íbúðir sínar í kjaftinn á bönkunum og löffunum, sem spilað hafa á Verðtrygginguna og vextina, að eitt verði yfir alla látið ganga.

Eftir uppboð liggur væntanlega fyrir ,,markaðsverð" á húsinu /höllinni og út frá því mætti skoða verðmat hinna íþrótta húsanna sem svipað er statt um, og risið hafa víða um land.

Ef menn ekki fara að viðurkenna heimilin sem grunneiningu og  byggingastein þjóðfélagsins, er illa fyrir okkur komið í græðginni.

mibbó

[Halldór Jónsson, 26.10.2009 kl. 11:04]

Ja nú líkar mér við þig Bjarni, bara gamli sjálfstæðismaðurinn kominn upp aftur. Tek undir hvert orð hjá þér núna.

Ef þú gætir nú bara orðið svo skynsamur að leyfa þjóðinni að ráða með Reykjavíkurflugvöll, sem er 85 % á móti því að leggja hann niður, þá væri góð von með þig !

[Bjarni Kjartansson, 26.10.2009 kl. 15:32]

Bretinn setti þennan blett á Rvík og hann SKAL burt.

Vinir landsins vildu völl á Álftanesi og sögðu þann stað bestan.

Undir það tók Agnar Kofoed Hansen og fl flugkappar.

Líklega væri hann enn þar og í góðri sátt manna á meðal hefðu Bretaómyndirnar ekki komið og eyðilagt allt.

Mibbó

afar fastur á stefnuskrár Íhaldsins frá svona um það bil miðja öldina og ögn nær í tíma.

Með HEIMILIN sem grunneiningu og djásn Flokksins

[Halldór Jónsson, 26.10.2009 kl. 22:06]

Bjarni,

skoðaðu skoðanakönnunina til hægri. Þarf ekki flokkurinn atkvæði næst? Til þess verður hann að hafa þig og Gísla Martein bakatil meðan kosið er.