Lán í óláni fyrir Háskólann !

Lengi hef  ég ekki lesið  annað eins forardíki vitlausra og vondra hugsana frá einum manni en Nirði P. Njarðvík í grein sem birtist  í Baugstíðindum í dag. En það rit sem er gert út fyrir fé skattborgaranna, og er aðalvettvangurinn fyrir skítkast í allt sem Sjálfstæðisflokknum tengist. Grein Njarðar  trónir auðvitað þar á miðopnu þar sem sérstakir gæðingar Bónusveldisins og Samfylkingarinnar fá einir að skrifa.

Hann gerir tvo af helstu stjórnmálaflokkum þjóðarinnar, Sjálfstæðisflokk og Framsóknarflokk, ábyrga fyrir öllu sem í þeirra stjórnartíð gerðist með þessum orðum:  

...“ verða nú vitni að framgöngu tveggja forystumanna stjórnarandstöðunnar,þeirra Bjarna Benediktssonar og Sigmundar Davíðs Gunnlaugssonar, formanna mestu spillingarflokkanna - þótt þeir hafi ekki ráðið persónulega fyrri tíð. En þeir hafa tekið við forystu og þar með ábyrgð þessara stjórnmálaflokka. „....

Er þessi maður með öllum mjalla ?

Ber ég sem flokksmaður í Sjálfstæðisflokknum ábyrgð á öllu sem gerst hefur í hans stjórnartíð ? Er það mér að kenna hvernig þessi fjöldahreyfing hefur ráðið ráðum sínum og hverjir hafa verið kjörnir þar til forystu?  Hef ég verið flokksmaður í spillingarflokki alla ævina þegar ég hélt að ég væri í heiðarlegum stjórnmálaflokki sem ætlaði að gæta sjálfstæðis þjóðarinnar fyrst og fremst og „vinna í innanlandsmálum að þjóðlegri og víðsýnni umbótastefnu á grundvelli atvinnufrelsis og einstaklingsfrelsis með hagsmuni allra stétta fyrir augum „?

 Nú kemur þessi maður fram og segir að ég sé bara fífl, sem hafi með spillingu minni valdið hruninu. Væntanlega beri þá ábyrgð á falli Lehmansbræðra, alþjóðlegri lánsfjárkreppu, Icesave ‚ Jóni Ásgeiri, Tenghuiz, Kaupthingi  og þar fram eftir götunum.

Fyrir mörgum árum var maður uppi í Þýskalandi sem hét Adolf Hitler. Hann steig ekki í vitið en hafði hæfileika til að láta dæluna ganga svo að menn trúðu stundum heimskuvaðlinum. Hans aðalkenning var að Júðar væru í heild sinni óalandi og óferjandi og skyldu því verða drepnir. Allir ! Hafði ekkert með að gera hvernig þessi eða hinn var innréttaður. Það var nóg að vera fæddur Júði og í gasklefann með hann.

Einhver kann að halda  að tími svona fífla væri liðinn með almennri upplýsingu. En það er greinilega ekki.

Hugsið ykkur ! Prófessor Emeritus !

Það er þó lán í óláni  fyrir Háskólann.  

 

Athugasemdir

[Predikarinn - Cacoethes scribendi , 26.10.2009 kl. 23:15]

Heyr heyr.

[Billi bilaði, 27.10.2009 kl. 04:34]

Leir, leir.

[Dolli dropi, 27.10.2009 kl. 10:30]

Í ljósi skrifa þinna er mér bæði ljúft og skylt að tilvitna, að sjálfs þín skoðun á eigin persónu í líki fífls á fullkomlega við rök að styðjast.

Reyndar var það ekki á þann hátt sem ég las grein Njarðar, en þú ert vísast manna dómbærastur sjálfur á eigin „verðleika"

Þetta sífellda vænistal sjálfstæðismanna um að einstaklingar annarrar skoðunar en sjálfir þeir séu ekki með öllum mjalla, eru gjörsamlega fáránlegar. 

Vísan þín til gyðinga sem júða er niðrandi og síst til þess fallin að varpa rýrð þinni á þann sem þú þykist ætla.

[Óttar Felix Hauksson, 27.10.2009 kl. 12:25]

Þú hittir naglann á höfuðið. Hvernig geta Sjálfstæðis- og Framsóknarflokkur borið ábyrgð á falli Lehmansbræðra, alþjóðlegri lánsfjárkreppu, Icesave ‚ Jóni Ásgeiri, Tenghuiz, Kaupthingi  og þar fram eftir götunum. Minnir sannarlega á Gyðingaáróður Hitlers. Þetta sýnir betur en margt annað hvernig skrílmennskan á greiðan aðgang að Baugsmiðlunum, ekki aðeins DV. Grunnhyggnin ríður ekki við einteyming hjá prófessornum. En varðandi delluna í Nirði P. Njarðvík,  hvert er lánið í óláninu fyrir Háskóla Íslands? 

[Gústaf Níelsson, 27.10.2009 kl. 13:58]

Að hann skuli vera próf. emeritus, þ.e. eftirlaunaprófessor, sem er hættur kennslu. Þá getur hann ekki spillt ungviðinu lengur Óttar.

En við hverju búist þið frá gömlum kommúnista, sem alla sína hunds og kattar tíð hefur hatast út í þjóðfélagið sem ól hann. Það væri eitthvað bogið við hann ef hann skrifaði öðru vísi.

[Sævar Helgason, 27.10.2009 kl. 22:31]

 Frábær pistill hjá Nirðri P Njarðvík. En ég skil vel að undan svíði hjá Sjálfstæðismönnum og Framsóknarmönnum. 

[Kristinn Sigurjónsson, 28.10.2009 kl. 01:07]

Það er sama hvaða tólum og tækjum er beitt, það verður ekki skafið af íhaldinu og framsókna að þeir hafa og gera enn, staðið vörð um kvótagjöfina til nokkurra útvalda.    Þeir gáfur bankana einkavinum sínum.   Þeir skáru eftirlit með fjármálageiranum við nögl og úthlutuðu til vina sinna.    Allt þetta varð til þess að Ísland fór eins og það fór.   Það er ekki hægt að kenna Lehman bræðrum um fall íslenska bankakerfisins.    Íhaldið hefur alla tíð staðið vörð um sérhagsmuni sína og sinna manna (sjá  http://kristinnsig.blog.is/blog/kristinnsig/entry/856939/)

Að gefnu tilefni af því sem á undan hefur verið skrifað, þá tel ég mig til frjálshyggjumans og vill samkeppni í samfélaginu og ég hvorki versla við Bónus, Hagkaup, né er áskrifandi að stöð 2, reyndar ekki að Mogganum heldur, enda kominn í hendur kvótakónga

[Halldór Jónsson, 28.10.2009 kl. 11:56]

Kristinn

Ég er að mörgu leyti sammála þér um margt sem í stjórnartíð Sjálfstæðisflokksins hefur gerst. Stefna flokksins í sjávarútvegsmálum hefur verið barin í gegn í sjávarútvegsnefnd landsfundar þar sem minni kallar en sameinað LÍÚ veldið hafa orðið undir og líka í atkvæðagreiðslum á fundinum sjálfum. Kvótakerfið hefur verið stefna flokksins án þess að neinn einhugur ríki um hana innan flokksins. Andstaðan hefur ekki verið nægilega skipulögð og þar sem 1600 fulltrúar þurfa að sinna fjölmörgum málum en LÍÚ liðið bara einu, þá fer þetta svona.

Bankavæðingin skrifast mjög á fyrirmenn flokksins og þá á Davíð og svo Halldór Ásgrímsson. Ég held að hvorugur hafi séð fyrir til hvers þetta myndi leiða. Ég og flestir flokksmenn voru  áhorfendur og gátum ekkert gert. Nú horfum við uppá það að okkur, sem flokksmönnum sé kennt um þetta allt, ekki bara Davíð.

Það sem ég vil að þú hugleiðir er það, að stjórnmálaflokkur getur ekki kollektívt verið dæmdur í útlegð fyrir axarsköft forystumanns á einhverjum tíma.

Það hefur ekkert að gera með hugsjónagrundvöll flokksins sem er miklu eldri en forystumaðurinn á hverjum tíma. Menn ganga í flokk á grundvelli hugsjónanna og kjósa þá menn til forystu sem þeir treysta best til að vinna hugsjónunum framgang.

Ef þeir klikka einhversstaðar geldur flokkurinn þess í kosningum og slátrar þá venjulega forystumönnunum sjálfur.

Þú og aðrir megið ekki falla í þá gildru að útskúfa Sjálfstæðisflokknum fyrir einstök mistök forystmanna, sem er jafnvel búið að setja frá. Flokkurinn er stærri en hvaða flokksmaður sem er. Það er jafnt á komið fyrir okkur báðum eins og kemur fram í síðustu tveimur línum þínum.

Ég treysti því að Sævar lesi þetta.

[Elle_, 28.10.2009 kl. 12:35]

Halldór, ég gef ekkert fyrir pistil Njarðar og þó ég styðji alls ekki stefnu Sjálfstæðisflokksins í bankamálum, fjárhagsmálum, skattamálum, stóriðjumálum, útvegsmálum etc. 

Það er líka þannig að þó nokkrir sem aldrei hafa stutt Sjálfstæðisflokkinn hafa þurft að þola persónuárásir sem Sjálfstæðismenn fyrir að gagnrýna harðlega núverandi óstjórn og vera andvígur ICESAVE.  Og ekki síst fyrir að ræða við ykkur. 

Mannstu eftir Andspillingu eða Þór J. sem kom hingað inn og tróð óháðu fólki inn í Sjálfstæðisflokkinn og þvert gegn þeirra vilja?!?  Hann hefur farið víða um og troðið fólki inn í flokkinn í þeirra óþökk og síðast í gær í bloggsíðu Svans og þar stendur lygin enn. 

[Elle_, 28.10.2009 kl. 12:48]

Vil bara bæta við að eins og þú gerðir Halldór, hefur Svanur núna fjarlægt verstu persónuárásir Andspillingar eða Þórs J. úr pistlinum.

[Halldór Jónsson, 29.10.2009 kl. 23:15]

ElleE mín, ekki æsa þig yfir svona aðilum eins og andstillingu, hann dæmir sig sjálfur hver sem hann er.