Vitræna til lausnar vanda !

Nú hrannast kreppuskýin við loft á þessu nýbyrjaða ári. Atvinnuleysisvofan ygglir sig meira með hverjum degi. Allir iðnaðarmenn landsins og verktakar  horfa með kvíða fram á veginn. Engar framkvæmdir eru í sjónmáli þetta árið. Stjórnvöld gera ekki eitt sem neinu máli skiptir. Vesaldómur þessarar ríkisstjórnar er alger og skilningsleysi á vanda þjóðarinnar þvílíkt að engum tárum tekur. Þetta ráðleysislið kaus fólkið yfir sig í vitleysiskasti og þunglyndi í kjölfar skrílsuppþota á vegum VG síðastliðinn vetur. Því má segja að þetta sé mátulegt á þjóðina og henni hæfilega í rass rekið.En fórnarlömb vesaldómsins  eru líka börn og ungmenni þessa lands.Þeim á að bjóða uppá skertan skóladag til þess að draga saman í opinberri þjónustu. Það á að loka deildum á sjúkrahúsum, fækka í lögreglunni,  flæma lækna  úr landi,  fækka aðgerðum, lengja biðlista, skerða kjör hinna minnstu bræðra. Margir  tæknimenn sem vettlingi valda flykkjast úr landi til að reyna að bjarga sér og sínum.   En ríkisstjórnin siglir  fullum seglum í evrópubandalagsmálum, loftslagsmálum , utanríkisþjónustu og lúxusflakk forsetans er samt við sig. Ekkert getur bjargað ríkissjóði nema mikill fólksflótti létti á atvinnuleysistryggingasjóði og hann er í fullum gangi sem betur fer. Hér ríkja Móðuharðindi af mannvöldum sem fyrr.Ef hér sæti fólk við völd sem hefði minnsta hugmynd um hvað það er, sem drífur eitt þjóðfélag áfram, þá myndi það byrja á því að tvöfalda fjárlagahallann með því að setja atvinnu-aukandi framkvæmdir á stað. Flýta virkjunum og stóriðju til ársins í ár frekar en að stefna að stórfelldum innflutningi vinnuafls árið 2012 til 2013 eins og nú stefnir í með heimskulegri áætlanagerð.   Stinga mætti uppá því við þjóðina að öll föst laun í landinu yrðu lækkuð um 5 -10 % til kostnaðarlækkunar en hækkunar á atvinnustigi.  Fresta mætti öllu fæðingarorlofi feðra um einhver ár og stytta orlof kvenna.  Kyrrsetja mætti erlendar innistæður eins og jöklabréf, helst með sérsamningum um háa vexti og fastar endurgreiðslur sem við yrði ráðið. Borga ekkert vegna Icesave í bili, styrkja gengið og afnema höftin.

Maður hét Hjalmar Schacht. Hann var Ríkisbankastjóri og foringi í að leysa kreppuna  í Þýskalandi  á fjórða áratug síðustu aldar. Ráðist var í byggingu Autobahnana- og líka hervæðinguna,- sem útrýmdi atvinnuleysinu.  Roosewelt var líka á svipuðum nótum í Bandaríkjunum með New Deal.  Þá máttu vextir í Þýskalandi  ekki vera hærri en 4.5 % skv. Versalasamningunum.  Schact stofnaði félag sem ríkið átti, sem hér Málmarannsóknafélagið. Þetta félag gerði ekkert nema gefa út sexmánaða skuldabréf“ Mefo“ með hærri vöxtum og síðar framlengjanlegum til þriggja mánað í einu.  Þeim mátti skipta hvenær sem var fyrir Ríkismörk en auðvitað voru vopnaframleiðendur látnir taka við þeim sem borgun og halda á þeim.  Einnig píndi hann erlenda birgja til að taka greiðslur í Ríkismörkum og Mefo  þannig að létti á gjaldeyrisskortinum og þannig var hægt að reka ríkissjóð með meiri halla en annars.   En enginn vissi nema Schact hversu mikið af Mefo var gefið út og þetta kom ekki inn í ríkisreikninginn beint.  Þetta er svona form af einkakreppuvíxlunum sem ég hef verið að stinga uppá að stofnaðir yrðu hérlendis til að vega upp á móti getuleysi stjórnvalda og bankanna.  En enginn vildi skilja  hvað ég var að fara svo engar undirtektir fékk ég.

Til viðbótar verða heimilin að fá að lengja öll verðtryggð lán sín sem þess óska og setja næstu gjalddaga afturfyrir.  Það er gamla krónan sem getur bjargað okkur núna útúr kreppunni ef nokkuð getur það ef henni er blandað saman við íslenskt hugvit og útrásaranda, sem andhverfa þess sósíalíska barlóms og ræfildóms sem nú  grúfir yfir þjóðlífinu. Allt hefur verið kyrfilega svikið sem kratarnir þvældu um skjaldborgina um heimilin, enda byggir hún a´grundvallarmisskilningu um eðli skjaldborga, þær eru alltaf slegnar um kúgarann til að forða honum frá reiði lýðsins.

Kreppan verður þeim mun verri og dýpri sem þetta lið situr lengur við völdin. Þetta er sjálfspynding íslensku þjóðarinnar, - þjóðlegur masókismi-, að bíða eftir því að núverandi Alþingi komi með einhverja vitrænu til lausnar vandanum.

Athugasemdir

[Ómar Bjarki Smárason, 3.1.2010 kl. 22:47]

Eina ráðið til að mæta niðurskurði ríkisstjórnarinnar er að fækka þjóðinni. Ásættanlegasta leiðin til þess er að hjálpa fólki að komast úr landi. Aðrar aðferðir koma vart til greina, en væntanlega mun niðurskurður í heilbrigðiskerfinu stuðla að þessu markmiði á beinan hátt, þó væntanlega verði ekki mikið um það fjallað á opinberum vettvangi.

Ríkisstjórn sem er með tvö mál á dagskrá þ.e. ESB aðild og það að þvinga breytta Icesave samningaí gegn, gegn vilja meirihluta þjóðarinnar, kemur vitanlega engu í verk. Henni er fyrirmunað að hugsa jákvætt og hennar eina ráð er að hækka skatta í prósentum án þess að það er líklegra til að skerða þá krónutölu sem í ríkiskassann kemur.... Þetta er líklega kallað "hagfræði".... eða hvað....?

[Sigurður Þórðarson, 3.1.2010 kl. 22:55]

Áætlun seðlabankans gerir ráð fyrir tæplega 2% fjölgun  næstu 20 árin

[Halldór Jónsson, 3.1.2010 kl. 23:00]

Já Sigurður, hvernig heldur þú að þessi 2 % verði á litinn ?

Já Ómar, þú skilur þetta alveg enda skýrleikspiltur

[Ómar Bjarki Smárason, 3.1.2010 kl. 23:15]

Enda tók ég fyrrihlutapróf í "bankaskólanum"... Kannski maður hefði átt að sækja um Seðlabankastjórastólinn.... en ákvað að gera það ekki, því mér leiðist að vinna í verkefnum þar sem ekkert mark er tekið á því sem maður gerir eða segir....!

[Ágúst H Bjarnason, 4.1.2010 kl. 09:52]

Mér er gjörsamlega fyrirmunað að skilja þörfina á nýju "háskólasjúkrahúsi". Hver er arðsemin? Hvað á að gera við núverandi byggingar við Hringbraut og í Fossvogi, byggingar sem er  það stórar að það þarf að hafa margar deildir lokaðar mánuðum og árum saman?

Nú eru menn allt í einu farnir að tala um "háskólasjúkrahús" í stað "hátæknisjúkrahús", enda hefur verið bent á að núverandi sjúkrahús eru sannkölluð hátæknisjúkrahús á heimsmælikvarða.

Hvers vegna að eyða fjármunum og kröftum í svona gæluverkefni?

[Halldór Jónsson, 4.1.2010 kl. 11:04]

Sæll frændi og gleðilegt ár.

Ein athyglisverðasta röksemdafærslan fyrir Háskólasjúkrahúsi hljóðaði einhvernvegin svona:

1.Byggingar gamla spítalans eru orðnar gamlar og úreltar, það er ómögulegt að reka nútíma spítala í svo gömlum húsum.

2. Það er ekki hægt að byggja nýjan spítala á Vífilsstöðum af því að þá erkki hægt að samnýta byggingarnar,

3. Spíítalinn þarf að vera nálægt bæði flugvellinum og Háskólanum.

4. Fari Flugvöllurinn þá verða bara notaðar þyrlur.

Maður skildi þörfina fyrir að finna Alfreð Þorstenssyni verkefni við hæfi og áhuga Davíðs að eyða símapeningunum í flottan spítala eftir að hann hafði lent þangað sjálfur. En nú? Símapeningarnir búnir og gott betur. Alfreð farinn og Davíð líka.Og svo eru læknarnir líka að fara úr landi, deildir að loka vegna samdráttar. Þá er tilvalið að byggja ?

Er einhver þörf fyrir skynsemi ?

[Ágúst H Bjarnason, 4.1.2010 kl. 12:37]

Sæll aftur  frændi og gleðilegt ár.

Sjálfsagt hafa menn gild rök fyrir þessu, en mér fannst einhvern vegin að nauðsynlegt sé að forgangsraða verkefnum og nota það takmarkaða fjármagn sem við höfum í verkefni sem skila fljótt arði og gjaldeyri. Láta önnur verkefni bíða í fáein ár, en nota tímann til að vanda vel allan undirbúning. Svo auðvitað að gæta þess að mörg stórverkefni lendi ekki á sama tíma.

Mér skilst að ætlunin sé að nýta gamla húsnæðið við Hringbraut áfram með breyttu skipulagi, ásamt nýja húsnæðinu, þannig að etv. má segja að nýi spítalinn komi í stað "Borgarspítalans".