Hættum að röfla!

Í grein Helga Áss Grétarssonar kemur fram heili sannleikurinn um Icesave. Allt mótmálaþruglið og filibusterinn á Alþingi er bara sýndarmennska. Mótmæli InDefence tilgangslaus, allt tilgangslaust.

Helgi segir : 

"Eftir að lög um ríkisábyrgðinatóku gildi íbyrjun september sl.hófust viðræður íslenskrastjórnvalda viðbresk og hollenskstjórnvöld, enda ljóst að fyrirvararAlþingis voru gerðir einhliða viðsamninga sem þegar voru undirritaðir.Þegar viðræðurnar voru áfrumstigi var af hálfu stjórnvaldasettur á laggirnar hópur ráðgjafasem hafði það verkefni með höndumað finna leiðir til að samrýma íslensklög við þá viðaukasamninga sem

hugsanlega yrðu gerðir við bresk..."

Steingrímur J. og Jóhanna Sigurðardóttir eru búin að skrifa undir og samningur Svavars Gestssonar, sem nennti ekki að hanga lengur yfir þessu, er í gildi.

 Við erum að borga hundraðmilljónir á dag í vexti af þessum samningi. Það er ekkert við þessu að gera, það er sama hvað við óskum þess að hafa aldrei kosið þetta lið á þing. Þau eru búin að kaffæra þjóðina, dæma hana til eilífrar þrælkunar þessi skötuhjú.

Þau nota fólkið til að leiða athyglina frá sér sjálfum. Meðan þjóðin þrasar og pexar um Icesave hvort forsetinn osfrv. þá er þetta gerður hlutur. Búið spil.

Hættum að líta á þessi ríkisstjórnarhjú eins og við erum að gera. Sem leiðtoga sem eru að reyna að hjálpa þjóð sinni í vanda.

Þeirra hjálpræði er komið fram og við skulum bara gera okkur það ljóst. Skoða allt þeirra framferði í því ljósi. Engir stjórnmálamenn í sögunni hafa unnið annað eins á henni eins og þessi skötuhjú.

Byrjum að borga. Hættum að röfla!

Evrubábiljan.

Gunnar Rögnvaldsson greinir hugtakið um sameiginlegu myntina skemmtilega á sinni síðu. Á einfaldan hátt lýsir hann muninum á því að taka upp evru og tengja sína mynt evrunni. Þá hafa menn nefnilega Eject-hnapp á stjórnvelinum eins og maður sem er á hljóðfrárri orrustuþotu. 

Skrif Gunnars urðu mér kveikja að athugasemd á hans síðu:

Bretar og Danir eru drengir góðir og vinfastir og veita jafnan þeim sem betur mega sín. Þessvegna hafa þeir báðir eject hnapp á sinni mynt.

Það skilja krataaularnir okkar ekki, hvorki nýkratar úr Sjálfstæðisflokknum frá síðasta landsfundi né gömlu þrískiptingarkratarnir. Þeir tala alltaf um Framsókn og Íhaldið sem helmingaskiptaflokkana. En það var alltaf þrískipting því kratarnir sátu alltaf að öllu bírókratíinu, Tryggingastofnun, ráðuneytum,bönkum.

Þegar kratarnir og kommarnir eru að hakka á Sjálfstæðisflokknum, þá gleyma þeir alltaf þessu. Ali-kratinn(Ali-bacon, Ali-skinka ?) þrífst á því opinbera. Um leið og hann fer sjálfur að græða peninga gengur hann í Sjálfstæðisflokkinn, í andanum að minnsta kosti þó hann reyni auðvitað að sjúga spenann í gegnum gamla flokkinn. Alþýðubankinn, Alþýðuhúsið, Alþýðubrauðgerðin,Völlurinn, -eru einhverjir búnir að gleyma þessu öllu þegar þeir þvæla um helmingaskiptaflokkana ? Þeir fengu sko sinn skammt og fá enn. Ætlaði ekki Ingibjörg Sólrún að ná sér í spena ? Svona eru þeir allir, hugsa bara um að koma sér sjálfum þægilega fyrir. Þá eru hugsjónirnar fljótar að gufa upp.

Evrubábiljan án eject-hnappsins væri sjálfsmorð fyrir svona villimannaþjóð eins og Íslendinga, sem "varðar ekki neitt um þjóðarhag" eins og einn verkalýðsgreifinn og vinstrigepillinn sagði.

Sagittarius Rísandi

www.agbjarn.blog.is bloggvinur minn og frændi, Ágúst H. Bjarnason rafmagnsverkfræðingur og loftslagssérfræðingur, sem hefði átt meira erindi á Kaupmannahafnarráðstefnuna en Svandís Svavarsdóttir á mínu viti, hefur lesið bókina sem ég baslaðist við að gefa út. Ágúst birtir á bloggsíðu sinni fróðleik um höfundinn Cecil Lewis. Það er líka snertill inná raunveruleg kvikmyndaskot í litum, ótrúlega góð, frá þessum tíma. Þar geta menn séð kallana ljóslifandi og umhverfið sem Cecil Lewis er að lýsa.

Takk fyrir frændi þessa fyrirhöfn, án ef kveikir þetta í einhverjum að lesa bókina, sem ekki margir hafa keypt enn sem komið er. En ég þarf ekki að hrósa Lewis sérstaklega, hann hefur talað fyrir sig sjálfur því bókin Sagttarius Rísandi hefur aldrei verið úr prentun síðan 1936,

Snertill á agbjarn er hér til hliðar. Kíkið á þetta.Þið sjáið ekki eftir því. 

Leppríki Þýskalands.

Ung stúlka , Birna Björg Halddórsdóttir, skrifar athyglisverða grein í Mbl. um hvernig hún upplifir Evrópusambandið.

Það er nefnilega að renna upp fyrir mörgum, að ESB er aðeins nýtt nýlenduveldi Þýskalands. Það sem Hitler tókst ekki tókst þeim sem á eftir komu;  Adenauer  Erhard og Kohl. Iðnaðarvél Þýskalands er búin að ná tökum á Evrópu, og er nú búið að gera tugi landa  að nýlendum sínum. Frakkland er orðið leppríki án þess að vita það sjálft þar sem það hefur aldrei geta stjórnað þegnum sínum eins og Þjóðverjar hafa getað. Það lifir í skugga þýska arnarins og étur úr hreiðri hans.

Mörg lönd hafa látið glepjast af því að halda að þeir geti haldið uppi sömu mynt og Þýskaland. Það geta engin ríki í Evrópu keppt við Þýskaland að framleiðni. Írar, Spánn, Grikkland, Finnland eru dæmi um hvernig þetta fer. Allstaðar eru það kratar sem hafa prakkað þjóðirnar inná sínar ranghugmyndir sem sitja núna uppi með tóma sjóði og bullandi atvinnuleysi því framleiðnin er svo miklu minni en í Þýskalandi.

Þjóðverjar eru hinsvegar á góðrii leið með að útrýma sjálfum sér með því að hætta barneignum og flytja síðan inn þræla frá óþjóðunum. Það fólk tekur hinsvegar aldrei við þjóðfélaginu því múhameðsmenn munu ekki ná valdi yfir vélinni nema til að drepa á henni. Því fer þetta eins og í gamla Rómaveldi, að skattlöndin sigra keisaradæmið. Þýskaland fer niður og áhrif þess minnka, en Barbararnir gera innrásir og rupla og ræna því sem eftir er.

Grípum niður í Birnu Björgu Halldórsdóttur:

" ÉG HEF lengi átt bágt með að sjá hvers vegna ungt fólk ætti að vilja ganga í Evrópusambandið og hvað það hefur að sækja þangað. Því meira sem ég les um ESB, því erfiðara á ég með að sjá að sambandið þjóni hagsmunum ungs fólks sérstaklega. Reyndar er ég þeirrar skoðunar að það skipti afar litlu máli hvað maður er gamall, það er alltaf jafnömurlegt að búa í ríki innan ESB. .....

.....Og fyrst lág skólagjöld eru efst í huga ungra Evrópusinna, mætti í því samhengi rifja upp að Ísland myndi alltaf borga meira til samneyslu og styrkjakerfis ESB en það fengi frá ESB, væri Ísland þar inni. Þetta er vegna þess að framlög miðast við þjóðartekjur á mann - og á Íslandi eru þær langt yfir meðallagi innan ESB. .....

Hversu miklu þurftum við að fórna fyrir inngönguna í »fyrirheitna landið« sem Eiríkur Bergmann og félagar lofuðu okkur? Fiskurinn í sjónum er ekki lengur okkar - heldur kvóti í eigu sjómanna í Bretlandi, Portúgal, Spáni og víðar, allar landbúnaðarvörur koma aðsendar frá Evrópu því það eru engir bændur á Íslandi lengur, Alþingi er að mestu leyti valdalaust og við erum ennþá að bíða eftir evrunni þar sem við uppfyllum ekki ennþá Maastricht-skilyrðin. Og hvað fengum við í staðinn?

Unga fólkið greiðir lægri skólagjöld en áður en það skiptir engu máli því það fær enga vinnu. Atvinnuleysið er 8,3%, tvöfalt hærra hjá ungu fólki en samt er það undir meðaltali innan Evrópusambandsins. Við eigum þrjú atkvæði af 350 í ráðherraráðinu sem er innan við 1% og 5 atkvæði af 750 á Evrópuþinginu í Brussel sem er um 0,6% atkvæða. Við erum langminnsta ríkið í Evrópufjölskyldunni - en við erum ekki einu sinni litli bróðir heldur bara litli puttinn á litla bróður.

Við hugsum kannski oft til þess hvernig það væri að vera komin út úr sambandinu en leiðin þangað út er svo torveld og löng að við nennum því ekki. Að auki hefur ríki sem segir sig úr sambandinu enga milliríkjasamninga og það tekur mörg ár að koma þeim á aftur. Við einfaldlega þorum ekki.

Hver er svo staðan í dag? Það er staðreynd að fjöldi ungs fólks íhugar landflótta - ef það er ekki farið nú þegar. Með öðrum orðum er gríðarlegur spekileki yfirvofandi. Ef þetta burðuga unga fólk flýr land í unnvörpum er okkur mikill vandi á höndum.

Til eru stjórnmálamenn - æðstu ráðamenn þessa lands - sem halda því fram að aðild að Evrópusambandinu sé lausnin á vandamálum okkar og muni tryggja að unga fólkið haldist heima. Þeir ýta undir ýmsar mýtur sem eiga sér litla stoð í raunveruleikanum.

Þeir vilja halda því fram að Ísland muni ná góðum samningum við sambandið - að viðræðurnar verði bara eins og hlaðborð sem hægt er að velja girnilegustu réttina og sleppa hinum. Í sögu ESB hefur engin þjóð hlotið heiðursaðild að bandalaginu nema kannski gamla Kola- og stálbandalagið (sem við tilheyrum að sjálfsögðu ekki).

Engin smáríki hafa fengið að beygja, hvað þá brjóta reglur ESB og það er óskhyggja að halda að Ísland fengi varanlegar undanþágur frá sameiginlegu fiskveiðistefnunni, landbúnaðarstefnunni, tollastefnunni eða öðru reglugerðafargani. Það verður ekki samið - ESB er heilsteyptur pakki sem þjóðir taka við í heild sinni eða sleppa með öllu.

Ástæðurnar fyrir því að ganga ekki í ESB eru svo margar og veigamiklar að hvorki evrurökin, lág skólagjöld né loforð jafnaðarmanna um ódýrar kjúklingabringur duga til að réttlæta aðild.

Erum við virkilega tilbúin að fórna fullveldinu, fæðuöryggi, samningsfrelsi og umráðum yfir auðlindunum fyrir þetta ? Ég á mjög bágt með að trúa því.

Ef það er einlægur ásetningur ráðamanna okkar að ganga inn í Evrópusambandið, myndi ég heldur vilja vera níræð en nítján ára svo ég þyrfti að horfa sem styst upp á Ísland sem sjávarþorp í Evrópu.

Framundan er löng og ströng barátta. Lýðræðislega kjörnir fulltrúar okkar kusu að sækja um aðild að Evrópusambandinu, þvert á þjóðarvilja; við töpuðum kannski orrustunni en stríðið en ennþá í fullum gangi. Sjáum nú til þess að þjóðin kjósi rétt loksins þegar samningurinn verður lagður fyrir hana. Það gerum við með upplýstri umræðu því vel upplýst þjóð kýs gegn ESB-aðild. Gerum það fyrir unga fólkið og komandi kynslóðir því það eru þau sem erfa landið."

Maður fyllist von um að þjóðin eigi möguleika á að átta sig á Vefurum Keisarans í Samfylkingunni þegar maður les svona skrif frá ungri konu. Við hinir eldri, sem eigum að geta áttað okkur á sögulegu samhengi Evrópusögunnar sjáum í hendi okkar hvert stefnir með Evrópusambandið. Það fer um það eins og breska heimsveldið, það deyr innanfrá.

Látum ekki kratana blekkja okkur með fagurgala. Við erum ríkasta þjóð í Evrópu ef rétt er á haldið og eyðileggjum það ekki eins og margar Evrópuþjóðirnar hafa gert með óhóflegum innflutningi óskylds fólks.

V.Kratahjalið er bull og blekking. Eins og Birna Björg segir er langt í Evruna hjá okkur fyrr en við erum búin að borga Icesave fyrir Steingrím. Hver vill skipta sínu fé núna á 300 krónum fyrir Evru ef það væri í boði ? Og ef ekki nún, þá hvenær? Og á hvaða gengi ?

Við Íslendingar eigum langtum meiri möguleika einir og sér heldur en verða nýlenda Þýskalands

Ó Ó Ó Ó !

Ég datt um afbragðsskrif hjá Agnesi Bragadóttur á Mogganum um mál sem mér er stundum hugstætt. Hégómagirnd og snobb sem er Íslendingum svo inngróið frá því þeir fruktuðu sig sem mest fyrir dönskum búðarlokum. Það er eins og þjóðin hafi unun af því að láta berja sig. Einhver Hólmfasts-komplex sem fer ekki burt.

Agnes segir:

"Það hefur að mínu mati verið þakkarvert hversu lítið Ólafur Ragnar Grímsson, forseti Íslands, hefur látið á sér bera í íslensku þjóðlífi að undanförnu. Meira að segja á sjálfan fullveldisdaginn, 1. desember sl. var það látið nægja að hafa hann í viðtali í Ríkisútvarpinu, eldsnemma um morguninn, en þar sagði hann m.a. að hann teldi að við Íslendingar þyrftum alls ekki á öllum þeim erlendu lánum að halda sem við værum að sækjast eftir. Svo komu fréttir utan úr heimi, þar sem hinn mjög svo sjóaði og reyndi forseti var að leggja Barack Obama, forseta Bandaríkjanna, lífsreglurnar, því vitanlega kann ábúandinn á Bessastöðum þetta allt miklu betur en einhver óreyndur Bandaríkjaforseti.

En þótt ég hafi verið þakklát fyrir hlédrægni forsetans, þá er ekki endilega öruggt að sama máli gegni um þá, sem þurfa að heilsa honum og kveðja, þegar hann ákveður að leggjast í víking til annarra landa, en eins og kunnugt er hefur hann fyrir margt löngu áunnið sér titilinn „Klappstýra útrásarvíkinganna“. Að vísu er það nú svo, eftir bankahrun og gjaldþrot útrásarvíkinganna, að forsetinn getur ekki lengur komið fram í því gervi, en hann er vitanlega ekki af baki dottinn, situr reyndar rammfastur við sinn keip og hefur gerst klappstýra sjálfs sín.

Forsetinn hélt síðasta sunnudag til Vínarborgar, sem væri vart í frásögur færandi, nema vegna hégómans og pjattsins, sem fylgdi þeirri brottför hans af landi, eins og fylgir öllum hans brottförum.

Einum þriggja handhafa forsetavalds, þ.e. annað hvort forseta Alþingis, forsætisráðherra eða forseta Hæstaréttar, ber að fylgja forsetanum út í flugvél á Keflavíkurflugvelli og kveðja hann og hirða við brottför hans „valdasprotann“. Sama pjatt og fíflagangur fylgir svo vitanlega heimkomu forsetans. Handhafinn þurfti sem sé að rífa sig upp á rassgatinu kl. 5 á sunnudagsmorgun, láta aka sér til Keflavíkur, á kostnað okkar skattgreiðenda, til að kveðja ábúandann, sem kom vitanlega akandi frá Bessastöðum í límósínu forsetaembættisins á okkar kostnað, í fylgd sérstakrar bifreiðar sem flutti farangur forsetans á okkar kostnað, og vitanlega einnig í fylgd lögreglubíls á okkar kostnað, því ekki gengur að forsetinn sé óvarinn fyrir skrílnum, að ganga sex á sunnudagsmorgni! Vitanlega duga ekki minna en fjórir bílar og bílstjórar við það ofurverk að koma forsetanum úr landi.

Eftir dægilegt kaffispjall með forsetanum í Leifsstöð, þar sem þjóðmál öll eru vitanlega krufin til mergjar og niðurstaða fengin í því hvort forsetinn ætli að leyfa þjóðinni að kjósa um það hvort hún greiðir hundruð milljarða skuldir, langt inn í ókomna framtíð, skuldir sem hún ber enga ábyrgð á, fylgir handhafinn forseta að inngangi flugvélarinnar. Allir aðrir farþegar eru þá komnir í sæti sín og geta því einbeitt sér að því að gleðjast yfir inngöngu forsetans, sem flugstjórinn „á“ að taka á móti og fylgja til sætis.

Ef marka má njósnir sem mér hafa borist úr embættismannakerfinu, þá þykir mörgum nóg um, hversu langt forsetinn seilist til þess að ríghalda í eldgamlan og úreltan prótókoll, sem var víst komið á fyrir mörgum áratugum, þegar utanför forseta taldist til tíðinda.

Við hvers konar þjóðfélagsskipan viljum við eiginlega búa í þessu landi? Er það boðlegt og eðlilegt að á sama tíma og þorri launþega hefur þurft að taka á sig umtalsverðar launaskerðingar, mörgþúsund manns ganga um án atvinnu, erlendar skuldir þjóðarbúsins hrannast upp, nánast á hraða ljóssins, og stjórnvöld sjá enga aðra leið færa til að bæta stöðu galtóms ríkissjóðs en að auka skattpíningu borgaranna nánast til ólífis, að forseti Íslands kosti okkur skattborgarana stórfé, bara við það að koma sér frá Bessastöðum til Keflavíkur?

Hér er a.m.k. um útkall þriggja bílstjóra, á næturvinnutaxta, að ræða. Ekki veit ég hvort bílstjóri lögreglubifreiðarinnar var í sérstöku útkalli eða ekki. Þá er ótalinn eldsneytiskostnaður, að ekki sé nú talað um öll óþægindin, bæði fyrir handhafa forsetavalds, bílstjórana og lögreglumennina.

Ef um einhverja höfuðnauðsyn væri að ræða, væri þetta allt rétt og skiljanlegt. En hér er um úrelt, hallærislegt fyrirkomulag að ræða, þar sem forsetinn reynir aftur og aftur að gera sig gildandi, langt umfram tilefni og hann sjálfur verður bara hallærislegastur af öllum, að hanga á ósiðnum eins og hundur á roði. "

Við Íslendingar  létum yfir okkur ganga meðan venjulegt og grandvart fólk var á Bessatöðum. Þó flest okkar gæfum ekki túskilding fyrir þetta embætti.  Framboð Ólafs Ragnars breytti hinsvegar miklu meðal þjóðarinnar gagnvart embættinu og margir hafa aldrei sætt sig við veru hans þar. Þessi "alþýðumaður" samdi sig hinsvegar svo fljótt að yfirstéttarsiðum að undrum hefur sætt. Svo hefur hann þjónað eðli sínu, sem hann lýsti sjálfur eftirminnilega á Alþingi, á þann veg að, að Bandaríkin skipa ekki lengur sendiherra hér á landi eftir móðganir Ólafs í þeirra garð. 

Vera Ólafs Ragnars á Bessatöðum hefur látið ljós renna upp fyrir þjóðinni hversu gersamlega þetta prump-embætti er úr takti við allt sem hér er að gerast. Lýsing Agnesar færir mér sannfæringu fyrir því að þetta embætti á að leggja niður. Mér finnst  Ólafur bæði Óþarfur, Óhóflegur, Óþolandi.

Burt með þetta embætti.

Ó Ó Ó Ó !

Mínarettur hér?

Ég hef verið að velta fyrir mér afstöðu Svisslendinga til þess að banna mínarettur við moskurnar í Sviss. Þeir sögðu að múslímarnir yrðu með bænagaul  og allskyns ýlfur úr turnunum og trufluðu vegfarendur með því. Hinir segja þetta hreina lygi, þetta væru bara kennileiti svo menn fyndu húsin..

En það urðu umræður í  Sviss um það hvort múslímar ættu yfirleitt nokkuð erindi inní vestræn samfélög. Þetta væri  svo miðaldaleg forneskja sem fylgir þessu fólki , að aðspurðir Svisslendingar virtust vera þeirrar skoðunar að svo væri ekki.  Þeir nefndu til heiðursmorð, umskurnir kvenna og álíka hættulega vitleysu sem þessu fólki fylgir. Þeir krefjast þess gjarnan  að sjaríalög gildi fyrir þá en ekki landslög. Aðspurðir Svisslendingar voru ekki á því.

Hér hafa múslímar verið að heimta að fá að reisa mosku. Sitt sýnist hverjum um það þó að hér séu enn byggðar kirkjur.  Múslímar við Háskóla Íslands vilja endilega fá að reka upp rassinn í átt frá Mekka inni  í Háskólakapellunni  og krefjast jafnréttis  við særingamenn af öðrum trúflokkum. Maður veltir fyrir sér hvort slík starfsemi eigi heima í stofnun sem kallar sig Háskóla ? Er það á verksviði  Háskóla að vera með deildir sem kenna fornaldarmystík og særingar, andatrú og stjörnuspeki meðan Svandís berst við hnattræna hlýnun í Kaupmannahöfn ?

Ég hallast að því að múslímar geti verið heima hjá sér að trúa því sem þeir vilja. Þeir passa ekkert inn í þjóðfélagið hér frekar en í Sviss með einhverja fornaldar háttsemi.  Þeir eiga að láta okkur í friði með sínar bábiljur.  Við höfum enga þörf fyrir villimannasiði eins og kenndir eru við þá.  Annaðhvort fara þeir eftir landslögum eða pilla sig. Ég held að meirihluti sjái ekki eftir þeim og telji líka betra fyrir þá að vera meðal síns fólks frekar en hér. Þeir láti okkur í friði og við þá.

Vilja einhverjir  mínarettur hér ?!

Lifum við af ?

Hvað svartsýni er þetta annars með  stjórnarfarið í landinu?

Sjáið þið ekki hvernig stjórnvöld eru að gera allt sem þau geta til þess að berjast gegn atvinnuleysi?. Þau eru að hækka alla skatta og gjöld svo að daglega bætist í þann hóp sem flýr land. Það eru þegar farnir 9000 manns. Hvernig haldið þið að væri með atvinnuleysið ef þetta fólk hefði ekki létt á atvinnuleysistryggingasjóði með því að fara ? Og straumurinn heldur áfram daglega sem betur fer.

Ég átti tal við einn vin minn sem lét fæturna ráða og fór til Noregs. Skildi konu og börn eftir á Íslandi. Fékk vinnu eins og skot, borgar 25 % í skatt af því að hann á fjölskyldu á Íslandi. Vinnur í 3 vikur eins og hestur og kemur heim í viku. Hann ætlar aldrei að koma heim aftur í djöfuls baslið og vitleysuna.

Steingrímur J og Indriði eru bestu liðsmenn Sjálfstæðisflokksins um þessar mundir. Fylgi hans vex dag frá degi, er farið yfir 40 % í könnun Reykjavík síðdegis. Fyrir hvert ár sem þeir kumpánar sitja við völd  fáum við 4-6  ár án vinstristjórnar að því loknu. Bólusetningu eins og við fengum eftir Denna-stjórnirnar fyrir 1990. Það er bara að þrauka og bíða að birti á ný.

En það verður óneitanlega meira að borga fyrir okkur ræflana sem eftir sitjum og komumst ekki í burt vegna hrumleika, kjarkleysis og elli. Ömurlegt ef maður þarf að drepast frá þessu ástandi Fjallkonunnar.

Kannski lifum við þetta bara ekki af að sjá þá kumpána hrökklast frá ?

Framtíð BYR.

Ég gerði mér ferð upp í BYR í Kópavogi til þess að sjá hvort forsíðufréttin í Baugstíðindunum á mánudaginn var hefðu komið af stað áhlaupi á sparisjóðinn. Ég gat ekki séð annað en allt væri með kyrrum kjörum enda yfirlýsing íslenska ríkisins í tíð Geirs Haarde um innistæðitryggingar í gildi ennþá. En ekki lengi, því Steingrímur J. ætlar að vinna skemmdarverk á því trausti almennings sem öðru með því að afnema hana. Þess vegna hafði þessi vaxtalækkun Seðlabanka lítil áhrif þegar hún er samfösuð stórhækkuðum fjármagnstekjuskatti sama manns. En þessi atlaga Baugsveldisins tókst ekki sem betur fer og allt var með kyrrum kjörum. En eitthvað þarf að gera varðandi framtíðina.

Skemmdarverk Steingríms J. og VG  mun lengi sjá stað í efnahagslífi þjóðarinnar. Brjálaðar skattahugmyndir, skemmdarverk á hagsmunum Íslands í Kaupmannahöfn, skemmdarverk á orkufrekum framkvæmdum, ríkisvæðing atvinnulífsins, allt eru þetta miklir viðsnúningar frá öllu sem við áður þekktum. Og til viðbótar er Steingrímur höfuðgerandi, með Jóhönnu auðvitað,  í því að hneppa þjóðina í óbærilegan skuldavanda með heimskulegum samningnum um Icesave, sem hann og Svavar Gestsson gerðu og ríkisstjórnin undirritaði sem er bindandi og gerður hlutur, hvað svo sem fjasað er um á Alþingi um ríkisábyrgð eða ekki. Skaðinn af Icesave er skeður, við erum komnir í þrældóminn Íslendingar, búnir að vera hvað sem forsetinn eða Indefence fólkið gerir. Það er aðeins hægt að taka Icesave málið upp á pólitískum grundvelli  með nýjum samningum. Það verður ekki gert með þeim samningamönnum sem síðast komu að málinu hvað þá núverandi ríkisstjórnarflokkum. Þess eina jákvæða við þeirra stjórnarsetu er það að því lengur sem þeir sitja við völd, þeim mun lengra tímabil mun líða þar til að fólkið kýs aftur yfir sig vinstri stjórn. Síðast höfðum við átján ára hlé frá Steingrími J, næsta verður vonandi ekki styttra. Að því leyti er Steingrímur besti maður Sjálfstæðisflokksins að hann gerir  allt sem hann getur til þess að lengja þetta tímabil.

En ég ætlaði að tala um BYR. Vitað er að fyrirtækið er í tröllahöndum. Þar situr stjórn sem að meirihluta tengist fjármálgerningum sem eru til rannsóknar hjá sérstökum saksóknara. En í þeim seldu stjórnarmenn verðlausa stofnfjárpappíra til pappírsfélags fyrir fúlgur sem þeir tóku beint úr sjóðum bankans sem þeir áttu að gæta. Litlir bankamenn voru nýlega dæmdir í tukthús fyrir að vinna vinnuna sína og reyna að fegra stöðu bankans sem þeir unnu hjá án þess að taka neitt fyrir það sjálfir. Stórlaxarnir úr bankahruninu og stjórnarmennirnir úr BYR valsa allir keikir um. Einn þeirra ósvífnustu, Bjarni Ármannsson,  gerir meira að segja milljarða kröfur í þrotabú gamla Glitnis sem líkindi eru þó meiri fyrir að hann hafi stórskaðað í sinni þýlyndistíð við Jón Ásgeir og þá fósa alla.

 Endurskoðandi BYR  situr sem fastast eftir að hafa orðið uppvís að gerð ársreiknings fyrir BYR sem stórkostlega hlýtur að hafa fegrað niðurstöðurnar fyrir síðasta aðalfund og þagað um önnur atriði því bankinn var umsvifalaust kominn á hausinn skömmu síðar. Sparisjóðsstjórinn, steig til hliðar svona til að fegra útlitið, en situr bara bakatil og stjórnar í gegnum lögfræðing bankans Jón Finnbogason, þess sama sem úrskurðaði umboð Karenar Millen gilt á síðasta aðalfundi BYR  og hélt þar með gömlu klíkunni í stjórnarmeirihluta. Þeim stjórnarmeirihluta treysta fáir almennir stofnfjáreigendur og greinilega ekki Steingrímur J. heldur þar sem ekkert hefur bólað á áhuga á að moka 10 milljörðum inní þennan sjóð þar sem gamla gengið situr þarna allt inni, hvað sem sérstökum saksóknara og rannsóknum hans á viðskiptunum við Exeter líður. Flestir stofnfjáreigendur sem ég hef hitt telja að Það verði að hreins út úr stjórninni í BYR og endurreisa trú og traust á stjórnendum bankans ef sparisjóðahugsjónin á að eiga möguleika á að lifa.

Ég hef reynt að fá undirtektir við það að almennum stofnfjáreigendum í BYR verði veitt lán til að kaupa aukið stofnfé í BYR á sömu kjörum og VBS og Saga Capital fengu til að redda sér. Þá gætu stofnfjáreigendur hugsanlega safnað liði til að styrkja BYR án aðkomu ríkisins. En auðvitað eru þeir hremmdir eftir síðustu orrustur og ófúsir til nýrra átaka eins og sveitungar Þórðar  kakala urðu. Vandamálið í BYR er hinsvegar hvernig stórir óprúttnir aðilar hafa traðkað á sparisjóðahugsjóninni og notað illa fengin völd sín til að ræna BYR og rupla með þeim afleiðingum að hann situr stórskaddaður eftir. Og það sem verra er að þeir krókarnir fá að valsa ennþá með völdin þrátt fyrir tengsli sín við fjársvik af miklu umfangi. Ætli ríkissjóður hugsi sér að þeim verði afhentir 11 milljarðar og þeir fái bara áfram að leika lausum hala, sparisjóðsstjórinn, endurskoðandinn og allt það? Af hverju ekki að setja þarna inn alvöru bankamann sem fólk getur treyst ?

 Þó að ríkisbankarnir séu löngu búnir að hirða stofnfjárbréfin í BYR af stórlöxunum í veðköllum þá halda þeir áfram með atkvæðisrétti sína eins og ekkert hafi í skorist og greiða sjálfsagt atkvæði á næsta fundi samkvæmt því. Litlu mennirnir eru að verða uppgefnir á þessu ástandi þó að þeir hafi haldið áfram að veita viðnám í Exeter málinu og jafnvel uppskorið hótanir um lögreglukærur frá lögfræðingi gangsteranna fyrir.

Stofnfjáreigendur eiga sér sparisjóðahugsjónina fyrir draum. Þeir vilja að BYR lifi. En þeir vilja tryggja að krókarnir yfirgefi musterið svo að fyrirtækið verði hafið upp yfir allan vafa og verði heiðarlegt og trúverðugt fyrirtæki aftur. En það er eins og að Steingrímur J. hafi ekki neinn áhuga á öðru en ríkisvæðingu eða lokun. Annað skilur hann auðvitað ekki. Því er ekki mikil von til þess að BYR verði endurreistur til þess hlutverks sem hann átti að vera, banki og vinur fólksins sem átti hann, ekki spilaborð víxlaranna í musterinu. Það þarf að stinga út. 

Þá getur BYR átt framtíð.

Svandís á barnum í Köben.

Orð blaðamanns Mbl. í gær um loftlagsráðstefnuna voru:

„Sem betur fer hefur umhverfisráðherra sýnt þá staðfestu að lýsa því yfir að Ísland muni ekki sækja um undanþágur frá samningnum sem nú er í burðarliðnum úti í Kaupmannahöfn. Ísland hyggist vera þjóð meðal þjóða og axla sína ábyrgð, rétt eins og aðrir, enda höfum við feyki næg tækifæri til að draga úr losun okkar. Sé rétt á spöðum haldið felast í þeirri áskorun dýrmæt sóknarfæri því hún knýr okkur til að taka næstu skref inn í framtíðina og þróa nýjar lausnir sem bæði efnahagurinn og umhverfið geta grætt á.

Nú er greinilegt að efnahagur ríku þjóðanna á að græða á kostnað vanþróuðu ríkjanna. Þau ríku fá 2.67 tonn á móti 1.44 tonnum þeirra verst settu. Danir eru nefnileg drengir góðir og vinfastir og veita jafnan þeim sem betur mega sín.

Vonandi kemur bráðum skeyti frá okkar Svandísi um það hvernig henni gangi að drekka með Dönum.Ætli hlutföllin verði 2.67 sjússar á móti hverjum 1.44 sem blámennirnir fá ?

 Guð blessi Svandísi á barnum í Köben.

Það dimmir enn !

 

Morgunblaðið skrifar leiðara um Icesave málið:

 

Þar stendur meðal  annars:

„Pukrið hefur einkennt Icesave-málið frá upphafi. Það bendir til að dómgreind forsvarsmanna ríkisstjórnarinnar hafi þrátt fyrir allt verið í bærilegu lagi framan af. Þeir skynjuðu að málið þyldi ekki dagsins ljós. Þeim var jafnljóst að sannleikurinn myndi drepa fyrir þeim málið.

Hálfsannleikurinn yrði því að duga. Og hálfsannleikur oftast er óhrekjandi lygi eins og skáldið benti á. Þetta er svo sem allt nógu vont. En nú er komið á daginn að það voru samsæri í gangi. Sjálfur ráðuneytisstjórinn í fjármálaráðuneytinu var í makki með háttsettum fulltrúa Alþjóðagjaldeyrissjóðsins, einhvers konar nútíma rentukammerherra sjóðsins gagnvart Íslandi.

Þar kemur fram að mennirnir við báða enda tölvupóstanna sem á milli fóru gerðu sér fulla grein fyrir því að það orkaði mjög tvímælis hvort bak þjóðarinnar mundi halda skuldaklyfjunum eða brotna undan okinu. Og trúnaðarmaður Íslands segir í sínum póstum að ekki sé hægt að láta þjóðina frétta af ráðabrugginu fyrir kosningar og verði jafnvel að bíða með að sýna á spilin þar til töluvert eftir kosningar. Og hann lagði til að póstarnir færu á slóðir sem minnst hætta væri á að almenningur fyndi. Svo halda sumir talsmanna vinstri grænna því fram að kosið hafi verið um málið í alþingiskosningunum í apríl sl. . Ótal ástæður hafa verið færðar fram fyrir því að óhjákvæmilegt sé orðið að binda afgreiðslu Kjósendum var þá með öllu hulið að þá var í gildi samkomulag sem getur ekki annað en flokkast undir samsæri gegn þjóðinni."

Svo mörg voru þau orð.

Hvað er eiginlega í gangi ?

Steingrímur J.Sigfússon og Jóhanna Sigurðardóttir eru búin að skrifa undir samninginn við Breta og Holllendinga sem þeir Svavar Gestsson og Indriði H. Þorláksson gerðu fyrir hönd íslenska ríkisins. Þetta fjas á Alþingi er bara um einhverja ríkisábyrgð á þessum óbærilega samningi sem við erum búin að fullgilda. Máið er tapað samkvæmt samningnum.

Það er eina vonin að taka málið í heild aftur upp á pólitískum grundvelli með milliríkjasamningi. Fá það viðurkennt að minnsta kosti að við verðum dæmdir hér á Íslandi og borgum í íslenskum krónum. Þær getum við prentað sjálfir og eytt skaðabótunum með verðbólgu eins og Þjóðverjar gerðu eftir fyrra stríð.

Vont, en það venst.

Þessi ríkisstjórn er að svíkja okkur inn í Evrópusambandið og beitir til þess öllum ráðum. Hið valdasjúka VG hafði þá aldrei neina sannfæringu, aðeins blinda valdagræðgi sem það er reiðubúið að selja allt annað fyrir. Og völdin er það að nota til þess að koma austur-þýsku hagkerfi á fót á Íslandi undir alræði kommúnista .

Það skýrist fyrir mér á hverjum degi sem líður. Ríkisyfirtökur fyrirtækja, kerfisbundin atlaga að kjörum almennings með skattaálögum en viðhald og aukning ríkisrekstrarins, gegn sparnaði með fjármagnssköttum,  gegn orkuframkvæmdum,  milljarðasóun  á loftlagsráðstefnunni í Kaupmannhöfn, sem er ráðstefna undir gervivísindalegu yfirskyni  fyrir kokkteilhænsni  heimsins, sem sóla sig þar á sveita alþýðu þáttökulandanna , ráðstefna  sem er byggð á beinum fölsunum grunngagna sem heimurinn, utan Íslands auðvitað,stendur agndofa frammi fyrir.

Svo leyfir blaðamaður Mbl. Sér að skrifa:

„Sem betur fer hefur umhverfisráðherra sýnt þá staðfestu að lýsa því yfir að Ísland muni ekki sækja um undanþágur frá samningnum sem nú er í burðarliðnum úti í Kaupmannahöfn. Ísland hyggist vera þjóð meðal þjóða og axla sína ábyrgð, rétt eins og aðrir, enda höfum við feyki næg tækifæri til að draga úr losun okkar. Sé rétt á spöðum haldið felast í þeirri áskorun dýrmæt sóknarfæri því hún knýr okkur til að taka næstu skref inn í framtíðina og þróa nýjar lausnir sem bæði efnahagurinn og umhverfið geta grætt á. [e-mail]

Er hægt að finna nokkurs staðar, utan veggja Stjórnarráðsins,  svo mikla forheimskun og blindu  sem þetta skrif  ?

Það dimmir enn.