Strokumerin bönduð

og folöldin tjóðruð á tímamótafundi VG. Allir starfsmenn Óðinsvéa sendir á vettvang vegna stórtíðindanna. Kettirnir mala nú allir í flokkskörfunni og sleikja sig og hvorn annan.

Ekki varð mikið úr yfirlýsinga-og hjásetuliðinu þegar formaðurinn hvessti sjónir sínar á þau. Minnir á þegar Bjarni Ben sagði einu sinni við okkur fýlupokana í gamla daga: "Munið það piltar, þótt við séum vondir eru aðrir verri." Svo skal víst böl bæta að bíði ei annað verra. Og allt er betra en íhaldið segja menn á vinstri bæjunum.

Steingrímur getur því haldið áfram að safna eftirlaunapunktum ráðherra og semja um Icesave. Strokumerin hefur verið bönduð, en  fékk hún enga hafra? 

Modus Gudridensis

heitir réttareglan sem nú verður beitt á þá sem rífa kjaft í Kópavogi .

Bæjarfulltrúar mega héreftir hafa hvern þann munnsöfnuð uppi um menn og málefni sem þeir kjósa. Leiti einhver réttar síns vegna svigurmæla bæjarfulltrúa skal Bæjarsjóður Kópavogs bera  kostnaðinn ef einhver reynir að reka réttar síns.  

Guðríður Arnardóttir lætur Bæjarsjóð Kópavogs borga málskostnað sinn vegna ummæla hennar um fólkið í Frjálsri Miðlun  sem þótti að sér vegið.   Guðríður var sýknuð í undirrétti en Hæstiréttur á eftir að fjalla um málið.  Guðríður ætlar samt að fyrirskipa Bæjarsjóði Kópavogs að greiða fyrir sig útlagðan kostnað af málinu umfram dæmd málsvarnarlaun. Það nægir henni ekki af hafa tvöfaldað laun sín sem bæjarráðsmanns með því að stofna annað yfirbæjarráð.

Þetta þýðir að Guðríður getur barist í pólitík og sagt hvað sem er við andstæðingana. Bæjarsjóður borgar fyrir hana. Andstæðingarnir borga sjálfir.  Munu ekki ráðherrarnir þá ekki  geta gert líka? Steingrímur J. getur stefnt mér og öllum sem skrifa ljótt um hann?   Tapi hann máli borgar ríkissjóður?  Tapi ég slíku máli , þá borga ég?

 Forseti Bandaríkjanna má ekki verja sig gegn neinum ummælum og hann má líka segja það sem honum sýnist án þess að honum verði stefnt fyrir það. En hann er sá eini opinberra starfsmanna sem verður að sæta þessu. Þetta gildir ekki fyrir almenna bæjarstarfsmenn eða fulltrúa ríkisins eða í hernum. Menn  eru ábyrgir fyrir því sem þeir segja eða gera  í vinnutíma eftir almennum reglum.

Er ekki Kópavogur aftur kominn í forystu eftir að erfðahyllingunni lauk? Nýtt hugtak í persónurétti opinberra starfsmanna?   Modus Gudridensis?

Hvenær félagi Svavar

verðurðu búinn að skrifa doktorsritgerðina um Icesave sem ekki tókst? 

 Í Baugstíðindum dagsins skrifar þú :

....."Staðreyndin er sú að ríkisstjórnin hefur komið öllum sínum málum í gegnum þingið. Forsetinn breytti að vísu farvegi Icesave-málsins; um það mun undirritaður fjalla síðar. En ríkisstjórnin kom Icesave-málinu í gegnum þingið með venjulegum meirihluta. Það er kjarni þess máls....."

Hvenær ætlarðu að sýna okkur fram á að það hafi verið alger heimska hjá okkur að skrifa ekki undir samninginn sem kenndur er við þig?

Áríð litur vel út

 frá sjónarhóli félaga Svavars. Hann fer mikinn í Baugstíðindum og allt að ískrar í honum af ánægju yfir ástandinu:

........"Ríkisstjórnin situr og það bendir ekkert til annars en hún sitji út kjörtímabilið;

......"Verkefnin fram undan eru vissulega erfið, en léttari en áður. Það er styttra í land. Icesave-málið klárast. Matarbiðraðirnar verða að hverfa. Efnahagslífið þarf að rífa upp. Kjarasamningar þurfa að takast...."

Í gegn um bitlinga-og eftirlaunagleraugu kommisars Svavars Gestssonar lítur veröldin skiljanlega vel út. Það verður bara að skrifa undir taxtahækkanir til þeirra sem hafa vinnu. Þá fer allt í gang og engin verðbólga. 

Okkar vinsæla ríkisstjórn  hefur tryggan 31 atkvæðis meirihluta til áframhaldandi góðra verka. Stjórnarandstaðan situr bara hjá því hún þorir engu.  Gjaldeyrishöft og leiðsögn sovétagfræðinnar. Landflóttinn léttir líka á  vanda atvinnuleysisngasjóðs.

Já, árið lítur bara vel út fyrir  félaga Svavari.

Eignakönnun

og peningaskipti eru greinilega komin í undirbúning hjá ríkisstjórninni. Frá Óðinsvéum berast nú frásagnir af gjaldmiðilsskiptunum 1983. Þá var aðeins skipt um seðla.

Í fyrri peningaskiptunum um miðja öldina síðustu var aðeins skipt hjá aðilum sem voru með framtaldar krónur. Þá var hátt reitt til höggs af kommúnistunum gegn millistéttinni. Margir voru sagðir hafa framið sjálfsmorð þegar peningar þeirra urðu skyndilega verðlausir.

Nú er enn lag að ráðast gegn neðanjarðarhagkerfinu, sem þrátt fyrir fagurgalann um að allir vinni dafnar allstaðar og heldur lífi í landanum í mörgum skilningi.

Það er byrjað á að tala um öll þessi núll sem við burðumst með. Við eigum svo erfitt með að telja og við berum ekki næga respekt fyrir seðli sem er  minni en fimm evruseðill. Allt gamalkunnugt bull fyrir okkur sem eldri erum.

Með eignakönnun halda kommarnir að þeir geti gefið peningamönnum og skattsvikurum gúmmoren á kassann. Þeir gleymdu því þá að þeir voru ekki síst úr þeirra eigin röðum. Með sífelldu tali um hversu krónan sé ónýtur gjaldmiðill fá svona hugmyndir byr undir báða vaængi. Aldrei gefst betra tækifæri en nú þegar sovétríkið ræður yfir hér um bil öllu atvinnu-og fjármálakerfinu eins og nú er.

En eignakönnun er afbragð frá sjónarhóli komma og krata til að greiða millistéttinni högg til viðbótar því sem greitt var við afnám íslenskrar bankaleyndar með skattstofuvæðingu  bankakerfisins .

Tímamótafundur

vinstri grænna á að eiga sér stað í dag. Þar á að ná samhljómi um að styðja fyrstu hreinu vinstri ríkisstjórn Steingríms og Jóhönnu áfram til góðra verka.

Gamli Hjörleifur skrifar svo í Mogga:

"....Vinstri grænir sem komu óspjallaðir frá hruninu og gerðust burðarás í ríkisstjórn fyrir tveimur árum, hafa ekki megnað að veita samtímis forystu í vandasömum ráðuneytum og halda lifandi glóðinni í lýðræðislegu og stefnumarkandi flokksstarfi, sem margir höfðu átt hlut að, m.a. í aðdraganda alþingiskosninganna 2007. Það ásamt því að bregðast yfirlýstri stefnu um andstöðu við aðild að Evrópusambandinu er meginástæðan fyrir því ósætti innan VG sem blasað hefur við alþjóð nú í meira en ár. Á hvoru tveggja þarf að verða gagngerð breyting eigi flokkurinn að halda styrk til frambúðar samtímis því að umhverfismálin þurfa að fá meira vægi í stefnumörkun hans en hingað til.  "

Hvernig verður þessi gagngerða breyting í dag?

Blasir ekki leiðin greiða við?  Fórna því minna fyrir meira. Sætta kettina og folöldin við áframhaldandi dýrð formannsins á ráðherrastóli? Hvað er eitt Evrópusamband í hlutfalli við það?

Verður þetta enn einn tímamótafundurinn í viðbóta hjá VG?

 

Lok, lok og læs

og allt úr stáli. Gjaldeyrishöftin verða hér áfram næstu fimm ár í það minnsta.  Hvernig er hægt að skilja frétt um framvirka gjaldeyrissamninga milli Seðlabanka og Íslandsbanka öðruvísi?:

"Seðlabankinn keypti nú annars vegar gjaldeyri fyrir 24,6 milljarða króna, og gerði hins vegar samning um framvirk viðskipti fyrir alls 47,9 milljarða króna við Íslandsbanka. Síðarnefndi samningurinn felur það í sér að á næstu fimm árum mun Íslandsbanki greiða Seðlabankanum jafnvirði þessara tæpu 48 milljarða í erlendri mynt. Seðlabankinn greiðir Íslandsbanka sömu upphæð í íslenskum krónum. "

Hversvegna skyldi Íslandsbanki gera svona samning ef það væri ekki til að tryggja honum hagnað? Er frjálst og haftalaust gengi  líklegt á næstu árum?

Á Íslandi er lok, lok og læs og allt úr stáli og framtíðin björt undir Sovét-veldi Seðlabankans hjá Steingrími og Mávi.

Steingrímur er að meika það

sem mér hvað þá Davíð Oddssyni hefur aldrei tekist. Að minnka samstöðu og áhrif vinstrimanna varanlega,

Indriði á Skjaldfönn skrifar svo: "... Ég hef kosið vinstriflokka í öllum kosningum sem ég hef haft rétt til að taka þátt í og stutt þeirra málstað og þeirra hugmyndir. Þetta er mitt Ungverjaland og hér lýkur minni samfylgd og mín um stuðningi.“

Ja hérna.  Allir, ekki bara íhaldið,  eru að sjá að það er ekki heil brú í vinstra liðinu sem hæst galar. Kommatittirnir eru svo sjálfstæðir að þeir rekast ekki saman í þessum kattaflokkum. Þeir eru þess vegna ekki stjórntækir eins og Jóhönnu hlýtur vera farið að gruna.

Steingrímur er bara að takast það sem mér og öðrum íhaldsfósum  tókst aldrei. Að eyða trúverðugleika og samtakamætti vinstrimanna varanlega. Þeir virðast ætla að verða bara sjálfdauðir eins og pestarrolla á Skjaldfönn. Ekki einu sinni setjandi í bláar tunnur til útflutnings!

Nú er Steingrímur alveg að meika með því að fjölga vinstri flokkunum verulega.

Frábær ræða Forsetans

doktors Ólafs Ragnars Grímssonar. Flutningurinn frábær og fágaður.

Silkimjúk orð geta sannlega verið  svipunni þyngri. 

Frábær ræða Forseta vors.

Ríkisstjórn með réttar áherslur?

Atvinnumál og skuldavandi heimilanna er þremur fjórðu hluta þjóðarinnar efst í huga samkvæmt 800 manna úrtaki um þessi áramót.

Minna en 8 af hundraði hafa áhuga á Evrópusambandsaðild. Minna en 2 % á stjórnarskránni.

Ríkisstjórn með réttar áherslur?