Gjaldeyrishöftin þýða kreppa

áfram ef þeim verður haldið svona.  Ef við fáum ekki markaðsgengi og gjaldeyrisfrelsi þá sekkur atvinnulífið dýpra í svartholið.  Kyrrstaða eða afturför  ríkir hér áfram næstu ár. Eftirtaldar hugleiðingar eru settar saman af mikilli svartsýni, það skal viðurkennt.  Ég er ekki viss um að þær séu upplífgandi né uppbyggilegar. En mér sýnast horfurnar í þjóðlífinu vera dekkri en áður. Og ekki megum við heldur gleyma hvaða öfl stjórna landinu og ætla að gera það áfram. Það er ekki neinna stórra útspila að vænta af núverandi ríkissstjórn sem virðist ekki samstíga um neitt nema að hanga.

Vöruskiptajöfnuður landsins er hagstæður um meira en 100 milljarða  á ári og útflutningsaðilar hljóta að græða. Þetta gengi krónunnar er ekki eðlilegt til lengdar sé litið til meðalárferðis.  Skyldi Már í Seðlabankanum ætla að safna þessum afgangi  saman í svona 5 ár í viðbót svo hann geti borgað jöklabréfin á núverandi gengi? Manni hefur skilist að hann telji eins líklegt að höftin verði hér lengi enn.  Þessi leið er auðvitað ein leið. En  hún er en harðsótt og hryllilega leiðinleg og langdregin, því  atvinnuástandið mun ekki batna á meðan.

 Hér er lunginn úr atvinnulífinu á framfæri ríkisins og fyrirtækjalistinn er langur. Spilling grefur um sig í fjármálakerfinu eins og ávallt þegar höft ríkja.  Mest allt bankakerfið er ríkisvætt og pólitískt stýrt.  Flest öll nýsköpun  er stopp í þjóðfélaginu um þessar mundir utan útgerðar og stóriðju sem auðvitað gengur vel á þessu gengi.  Þetta stopp heldur  áfram að versna þó Steingrímur segi að landið sé að rísa. 

 Fólksflóttinn heldur áfram. En fólksflóttinn er ekki endilega það versta. Því  hvað væri ástandið slæmt ef allt þetta fólk væri ekki farið úr landi? 25 þúsundir atvinnulausar og enn lengri biðraðir að bíða eftir mat? Og kannski vorum við orðin allt of fjölmenn fyrir fiskveiðiþjóð?

Ef við létum gengið steypast duglega niður fyrir aflandsgengið með handstýringu, gætum við þá neytt eigendur erlendra innistæðna til að taka við uppgjöri á því gengi?  Eða binda innistæðurnar að öðrum kosti til lengri tíma hjá okkur.  Væri þetta ekki klár byssubófahegðun heillar þjóðar?  Líklega myndi einhver segja það. En hvað skal gera? Yrðum við ekki að setja neyðarlög frá Alþingi til að gera þetta?  Hreinsa út?. Eða getum við það ekki ?  Ekki yrðum við vinsælir í Evrópu af þessari aðgerð en hvað er til bragðs að taka?  Þessi kreppa mun að öðrum kosti vara hér árum saman og getur ekki nema versnað af sjálfri sér.  Er kannski hægt að ná böndum á jöklabréfin með hótunum einum á bak við tjöldin?

Þjóðfélagið myndi hiksta verulega um stund við svona aðgerðir, verslanir myndu loka á meðan gengið væri með þessum hætti, fyrirtæki stöðvuðust mörg hver og óróleiki yrði í samfélaginu. Þetta yrði að vera leifturaðgerð ef hún ætti að takast. Hugsanlega veit ég ekki eitthvað um þessi mál sem ég þyrfti að vita áður en ég fabúlera svona.  En maður hlýtur að mega hugsa hið óhugsanlega.

En ef ógn jöklabréfanna færi hinsvegar frá með svona snöggu falli, þá myndi alger stöðvun innflutnings og eftirspurnar eftir gjaldeyri, flugfarseðlum, bensíni og öllu öðru í kjölfar gengisfellingarinnar hafa skjót áhrif á gjaldeyriseftirspurnina sem yrði nánast engin. Gengið myndi því styrkjast fljótt aftur og sjokkið liði frá. Markaðsgengi myndi myndast aftur og þjóðfélagið færi aftur að starfa eðlilega. Kannski er einhver leið til önnur en þessi til að sigla þessu í höfn? En ef svo er ekki, þá er langt kuldaskeið framundan.

 En  það mun ríkja  hér kreppa svo lengi sem genginu er handstýrt með núverandi hætti. 

 

Refsivist eða hvíldarheimili?

Nú á að byggja nýtt fangelsi á Íslandi. Ekki er vitað eftir hvaða staðli á að byggja. En miðað við þær myndir sem maður hefur séð frá LitlaHrauni þá eru þar hugguleg einbýli með flatskjám og tölvum uppmubleruð á besta hátt. Brasilíski læknirinn og morðinginn sem hér var lýsti því sem fimmstjörnu-hóteli miðað við brasílísk fangelsi og vildi með engu móti fara heim.  Þarna er sagður aðgangur að líkamsræktarstöðvum, andlegri og líkamlegri hjúkrunarþjónustu, helgarleyfum og hvaðeina.

Í amerískum bíómyndum sér maður að fangar eru geymdir í stálbúrum, jafnvel tveir eða fleiri í klefa. Venjulega boðar myndin að  þarna sé um harðsoðna glæpamenn að ræða sem eigi vistina skilið. Í Bandaríkjunum fara menn í ævilangt fangelsi eftir þriðja refsidóm. Þar eru fangelsi byggð af einkaaðilum eftir stöðlum og einkarekin. Hvergi eru fleiri fangar en í Bandaríkjunum sem trúa því að glæpamenn eigi að vera í fangelsum til að vernda borgarana fyrir þeim.

Í þriðjaríki Hitlers voru glæpamenn setti í búðir, Konzentrationslager. Þjóðfélagið var friðað fyrir misendismönnum og borgararnir voru svo til óhultir á götum Þýskalands. Þessu mundu gamlir ´Þjóðverjar lengi eftir.  Þessar búðir voru gaddavírsgirtar raðhúsalengjur úr timbri og aðbúnaður í lágmarki eða þar fyrir neðan þegar á leið. Enda hefur þjóðin vart talið að glæpamenn ættu að hafa betri aðbúnað en hermennirnir á vígstöðvunum. Stríðsfangar voru einnig geymdir í slíkum búðum beggja vegna víglínanna og fengu meðferð samkvæmt Genfarsamþykktum eftir atvikum.  Hefði þriðjaríkið ekki notað þetta búðaform  til þjóðernisofsókna  hefði það sjálfsagt ekki fengið á sig samheitið útrýmingarbúðir og formið fengið framhaldslíf.

Ég veit til ungs manns sem liggur mállítill,  minnislítill og örkumla eftir að dæmdur hrotti á reynslulausn eða í helgarleyfi sparkaði svo í höfuð hans að höfuðkúpan brotnaði og blæddi inn á heilann. Fjölskylda hans á að hugga sig við að gerandinn sé farinn í framhald afplánunar á LitlaHrauni. Árin þar verða sjálfsagt ekki mörg hjá honum.

Hérlendis er gamalt fólk sem enga björg getur sér veitt vistað undir súð í margbýli. Þar fær það að bíða dauðans sem þökk fyrir að hafa stritað alla ævi í þjóðfélaginu án þess að gera flugu mein. Margt fólk úr þessum flokki fær engin úrræði í velferðarþjóðfélaginu, sem sig svo kallar. Þjóðfélag sem ekki getur verndað borgara sína fyrir innbrotum og þjófum og ofbeldisárásum þekktra og dæmdra misyndismananna. Maður spyr sig hversvegna þetta fólk á að hafa verri lífskjör en glæpamenn? Af hverju eiga glæpamenn að búa við meiri lífþægindi en margir af okkar minnstu bræðrum sem enga hafa sakað?

Það er sögð löng bið eftir afplánun í þjóðfélaginu. Nýtt fangelsi verður mörg ár í byggingu. Af hverju má ekki reisa búðir úr timbri á lóðinni við LitlaHraun og koma glæpamönnum þar inn í gæslu? Það þarf enga danska arkitekta eða samkeppni til að teikna þetta, módelin eru til við flestar laxveiðiár landsins. Fjórðungur fanganna á LitlHrauni eru úr erlendum þjófagengjum sem hér starfa á grundvelli  EES og Schengen.  Eiga þeir  kröfu á einhverja annarskonar vistun  hjá okkur en þeirra bíður í heimalöndum sínum?

Spurningin er hvort eða hvenær ofbeldisglæpamenn eigi að fara í refsivist eða á hvíldarheimili?  

J,B. í útrás

ekki viskítegundin heldur Jón Baldvin

Jón Baldvin þenur sig nú yfir heila opnu í Reykjavík Grapevine sem er ágætis rit á ensku fyrir útlendinga. Þar vandar hann ekki IP-flokknum  kveðjurnar og ekki  hvað síst Mr. Oddssyni og Mr. Ásgrímssyni, sem kom inn í stjórnina eftir að Jón tapaði kosningunum og datt út úr Viðeyjarstjórninni.  

Með réttu eða röngu skammar hann þá sérstaklega fyrir að verja kvótakerfið með kjafti og klóm og svo skammar hann Mr.Oddsson fyrir peningastefnu Seðlabankans fram að hruni sem ég tek undir.  Hann lýsir Íslendinga orðna úrhrök í alþjóðasamfélaginu vegna hrunsins sem verði svo að þora að biðja Norðurlönd eða Evrópusambandið að hirða hræið. Ég  lít ekki þannig á málið og vil ekki borga Icesave..

Jón þessi þáði sendiherrastarf í Washington úr hendi Mr. Oddssonar og fór með það eins og hann hafði vit til þar til að Bandaríkjamenn voru sagðir hættir að hafa húmor fyrir hans pólitísku  „dumme bemærkninger" og hann var fluttur til Finnlands þar sem hans sendiherraferill endaði víst. Á opinberu eftirlaunaframfæri er hann svo líklega það vel haldinn að hann getur skrifað skemmtipistla fyrir okkur hin um það hversvegna  hlutirnir fóru eins og þeir fóru, farið á kostum í silfri Egils með álíka ræður og þar fram eftir götunum.

En í Grapevine  núna segir hann það beint út, að Alþingi hefði átt að minnsta kosti, burtséð frá ákæru á Mr. Haarde,  að samþykkja vítur á þessa yfirmeistara hrunsins , Mr. Ásgrímsson og Mr. Oddsson. Það hefði nægt til að banna þeim aðgang að opinberum embættum um alla framtíð. Og það hefði átt að lagaskylda flokka þessara manna til að útmá allar minjar um störf þeirra. Aðeins að þessu loknu ættu þessir flokkar einhvern tilverurétt.

 „Traust er ekki sjálfgefið, það verður að vinna til þess" klykkir þessi gamli kommúnisti út með. Líklega hefur kommúnisminn aldrei elst alveg af honum Jóni ef grannt er skoðað í ljósi þessarar yfirlýsingar. Og víst er að lýsingin á Hvamms-Sturlu ætti betur við ýmsa aðra en áminnstan Mr. Oddsson ef marka má álit lesenda í skoðanakönnun minni hér á síðunni þar sem Mr. Oddsson hefur traust þriðjungs þjóðarinnar og þrefalt við þá sem næstir koma. Án þess að Mr. J.B sé nefndur þar.

Líklega hefur Ísland ekki orðið fyrir annarri eins ógæfu eins og að láta þennan Jón Baldvin koma okkur undir EES samningana.  Tilskipanir og bullið sem við höfum orðið að taka eða þóst verða að taka upp hafa skaðað samfélagið varanlega og átt meiri þátt í hruninu en nokkurt annað. Án fjórfrelsisins hefði hrunið tæknilega aldrei getað átt sér stað.  

Án þessa fjórfrelsis sætum við ekki uppi með, til viðbótar við hrunið,  Schengen, Rarik-Orkusöluna, HS-Orku, Evrópustaðla(eftiröpun Bandarískra staðla að mestu) eyðilagt umhverfi flugmála, ónýtan skipaiðnað og runan heldur áfram endalaust.

 Þetta var líklega allt partur af stærra plani kratanna og gömlu kommúnistanna eins og Jón er fulltrúi fyrir, að koma Íslandi í Evrópusambandið. Jón Baldvin og kratar ásaka núna aðra Íslendinga um kjarkleysi til að samþykkja ekki EU þegar þeir sjálfir þora ekki að taka ábyrgð á sjálfstæðu Íslandi heldur vilja leggja það niður. Og ekki þarf lengi að leita til að finna hvaða flokkur er helsti þrándur í götu landsöluliðsins.

Ýmsu hefur maður vanist að heyra frá Jóni Baldvin í gegnum tíðina. Hann er oftar en ekki skemmtilegur orðhákur sem maður tekur hæfilega alvarlega. En meginstefið er jafnan um það hvað hann sé sniðugur í pólitík en aðrir vitlausir í besta falli.  Allt sé ómögulegt sem gert er eftir að  kjósendur höfðu hafnað honum alfarið og honum komið úr landi í þægilegt djobb

En núna segir hann IP-flokkinn blákalt hafa stundað skipulagða mútustarfsemi til að kaupa upp atkvæði og hafa notað Borgarstjórn Reykjavíkur til að koma sér upp skipulögðu kunningjasamfélagi til að tryggja völd sín hvað sem það kostaði. Það er eins og R-listinn hafi aldrei komið til Reykjavíkur ? Var maðurinn erlendis?

Jón er bersýnilega að reyna að búa til einhverja mynd af sjálfum sér sem einskonar „retired Statesman" og lætur Grapevine mynda sig í þannig stellingum.  Statesman  verður nú Jón Baldvin aldrei í mínum augum. En hann veit að svoleiðis kallar  fara oft að reyna að breyta sögunni sér í hag og segja hana eins og þeir vildu að hún hefði skeð. Þess vegna fer hann mikinn og treystir á að menn hafi bara fuglsminni í pólitík.   Hann þarf þess ekki mín vegna.

 Ég man hann frá byrjun sem blóðrauðan kommúnista í Menntaskóla, skemmtilegan fjörkálf og fyllibyttu eins og við hinir vorum líka, seinna  mikinn skylmingamann í pólitík sem hneigðist  samt meira til hagfræðilegrar  skynsemi eftir því sem árin liðu. Og skemmtilegur hefur Jón Baldvin alltaf verið hvað annað sem um manninn má segja.  En umfram allt er Jón Baldvin sem stjórnmálamaður ósvífinn valdabraskari með rýtinginn í erminni  sem einskis sveifst til að koma sér og sínum málum í gegn.

Núna virðist þessi fjörkálfur samt búinn að tapa trúnni á frjálst Ísland í flokki þjóða. Ef hann fær ekki björgun frá Norðurlöndunum  þá er hann  genginn í björgin í Brüssel eins flestir kratar um þessar mundir.

En ég sé ekki að Jón Baldvin batni neitt sjálfur þó hann hendi svona skít á útlensku í áðurtalda kollega sína sem reyndust honum betri en öngir þegar hann féll út úr pólitíkinni.  Hans hlutur sjálfs batnar ekkert við það þó hann sé að ásaka Mr. Oddsson um daglegar sögufalsanir í Morgunblaðinu.

 Hvað þá að alhæfa um óhæfi Sjálfstæðisflokksins vegna einhverrar upploginnar kollektívrar sektar hans.  ?  Stjórnmálaflokks sem hann þekkir ekki frekar en kötturinn. Ber Samfylkingin í dag einhverja ábyrgð Á Gúttóslögunum 1932? Er stjórnmálaflokkur í dag sá sami og hann var fyrir tuttugu árum? Hvernig getur hann Jón bullað svona og ætlast til að einhver hlusti á hann?

Sjálfstæðisflokknum í dag treystir fólkið í landinu  svona þrisvar til fjórum sinnum betur en það hefur yfirleitt treyst krata-og kommúnistaflokkum Jóns Baldvins Hannibalssonar. Stjórnmálaflokkar eru samtakamáttur fólksins á hverjum tíma, sífellt breytilegir eftir hverjir mynda þá hverju sinni. Sjálfstæðisflokkurinn hefur ekki þurft að breyta grunnhugmynd sinni frá 1929. Það er hún sem kallar á fólkið til flokksins. Ekki þokulúðrar sem enginn veit fyrir hvað standa né merkin þýða.

Þessi útrás J.B. skilar ekki miklu.

Er BSRB burðarás hagkerfisins?

 Í sunnudagsútvarpinu heyri ég útundanmér í formanni BSRB boða það að nú verði að sækja kjarabætur handa opinberum starfsmönnum.

Hvað er þessi kona að biðja um?

Fleiri krónur í öruggu umslögin? Eftirlaunatryggðu kjörin verði bætt með fleiri krónum. Stöðugum krónum krónum ef ekki bara evrum. Hvað með okkur hin sem höfum ekki vinnu ?

Í fyrri færslu minni stóð :

"Ef ráðamenn hugsuðu eitthvað þá myndu þeir auðvitað nota gengið sem skiptimynt í "komandi kjarasamningum" sem eru auðvitað bara samningar um verðbólgustigið,  þar sem gengi evrunnar er bara einn takki í Seðlabankanum hjá Mávi. Það er einkenni  sovéska hagkerfisins  að því er algerlega miðstýrt. Stöðugleiki er á kínverskum launamarkaði þar sem hann er tryggður með byssustingjum. Svo halda börn eins og ritstjórinn að hægt sé að tryggja kaupmátt til eilífðar?..."

 Hvort væri betri kjarabót fyrir þjóðina, að opinberir starfsmenn fái 30 % kauphækkun eða evran verði lækkuð í  120 kr og þar með allt verðlag á bensíni, innfluttri matvöru, flugfargjöldum osfrv. ? Í áföngum ef ekki vill betur?

Er það hægt að kippa tappanum út núna og allt kerfið hreinsað með gríðarlegu snöggu og skammvinnu gengisfalli?  Er það ekki viðhald jöklabréfavandamálsins sem er undirstaða haftanna?

Eða er þeim núna meðvitað viðhaldið samkvæmt  áætlun kommúnistanna um að halda þjóðinni í höftum og kúgun sem lengst? Sem þreytir þjóðina til þess að játast undir ok Evrópusambandsins?  

Eru opinberu starfsmennirnir í BSRB burðarásar hagkerfisins ?

Lesið Reykjavíkurbréfið!

Reykjavíkurbréf Morgunblaðsins er afbragðsgott að mínum dómi. Þar eru dregnar fram staðreyndir sem ríkisvædd fjölmiðlunin skautar yfir og Baugspressan skrumskælir við öll tækifæri.

 Þar stendur m.a.:

 ......"Og auðvitað er við þessa kyndugu kenningarsmíð horft framhjá því að fyrsti bankinn sem fór í þrot var ekki einkavæddur sl. tvo áratugi en átti rót í sameiningu tveggja einkabanka við ríkisbanka sem gerð var laust fyrir árið 1990 þegar þau Steingrímur og Jóhanna sátu saman í ríkisstjórn og blessuðu þann samruna og vegsömuðu. Og sú blessun var auðvitað í lagi, því sú sameining setti ekki Glitni á höfuðið frekar en einkarekstrarform hinna bankanna tveggja.

Glitnir fór fyrstur í þrot og hinir tveir drógust með enda kom í ljós að allir bankarnir þrír höfðu verið rændir innan frá og sérstakur skjólstæðingur Samfylkingarinnar skuldaði yfir þúsund milljarða króna í öllum bönkunum og hafði einnig náð í tugi og hundruð milljarða frá öðrum, svo sem sparisjóðum og lífeyrissjóðum. Ekki er vitað um neinn einstakling í samanlagðri sögu mannkyns sem skuldaði slíkt hlutfall af eigin fé stærstu bankanna í einu landi annars vegar og heildarframleiðslu þjóðar hins vegar. (Gustuk væri að láta Heimsmetabókina vita af þessu).

Og ekki er seinna vænna að heyra höfundinn skýra frá því, að eftirlaunafrumvarpið, sem honum hefur verið velt uppúr árum saman kunni að hafa fleiri skýringar en auragræðgi hans eins. 

Þar stendur svo í niðurlaginu:

....." Hann hefur allt fram til þessa stillt sig um að gera grein fyrir tilurð þess máls og aðdraganda og mun enn um hríð stilla sig um það. En honum er þó nær óskiljanlegt að Geir H. Haarde hafi aldrei upplýst um tilurð málsins og hverjir höfðu að því allt frumkvæði, ekki síst eftir að SJS lagði á hann hendur í þingsal og þóttist svo árum síðar vera með brostið hjarta í brjóstinu eftir að hafa haft forystu um að draga »heiðursmanninn« Geir H. Haarde fyrir landsdóm, fyrirbæri sem best á heima í Þjóðskjalasafninu og starfar eftir lögum sem sjálfur saksóknari Alþingis telur sig ekki geta brúkað. "

Það hefur nefnilega verið hald margra manna að kommúnistar séu manna frekastir til fjár og yfirleitt engir eftirbátar annarra að ná sér í fríðindi.

Það er nauðsynlegt að lesa Reykjavíkurbréf Davíðs Oddssonar, sem þriðjungur landmanna treysir enn best til góðra verka sbr. skoðanakönnun mína hér til hliðar á þessari síðu. Þrefalt fleiri en treysta Steingrími J. Sigfússyni.  

(Það er eiginlega nauðslynlegt að lesa Reykjavíkurbréfið allt þrim sinnum þó að þessar tilvitnanir hér verði látnar duga í einfaldri útgáfu af tillitsemi við Moggabloggið. Fyrstu athugasemdir beindust að þumalputtum mínum þegar ég var aðskeyta úr Word.)

Á bara Morgunblaðið að borga skuldir sínar?

Gylfi Arnbjörnsson forseti ASÍ er látinn þeyta  Evrópulúðurinn í leiðara Baugstíðindanna í dag. Þar skrifar ritstjórinn í sínum venjulega stíl:

„Gylfi bendir á það sem ætti að vera orðið augljóst fyrir þjóð sem áratugum saman hefur búið við óstöðugt efnahagsumhverfi, þar sem umsamdar kjarabætur hafa horfið út í buskann þegar gengi krónunnar hefur fallið: "Það er engin launung að það efnahagsumhverfi og gjaldmiðill sem byggt verður á þarf að vera eitthvað traustara en það sem tíðkast hefur hingað til svo að tryggt verði að það sem vinnist hverfi ekki aftur tíu árum seinna.""

Svo segir ritstjórinn frá sjálfum sér:

„Þetta er lykilatriði við gerð kjarasamninga. Þar dugir ekki að horfa til skamms tíma, heldur verður að skoða allt umhverfi vinnumarkaðarins til lengri tíma. Launahækkanir munu enga þýðingu hafa ef ný dýfa gjaldmiðilsins tekur þær aftur af fólki.Allt tal um að skapa íslenzkum almenningi sambærileg lánakjör og fólk í nágrannalöndunum býr við, með lægri vöxtum og afnámi verðtryggingar, er sömuleiðis út í bláinn ef við ætlum áfram að búa við lítinn, sveiflukenndan gjaldmiðil.

Þess vegna ætti það að vera skýr krafa bæði verkalýðshreyfingar og vinnuveitenda að ríkisstjórnin haldi áfram vegferð sinni í átt til ESB-aðildar og upptöku evrunnar. Engum hefur tekizt að sýna fram á betri kost til að tryggja stöðugleika. Hinir mörgu spádómar um hrun evrunnar og upplausn evrusvæðisins eru ótímabærir. Þeir sem telja að allt sé að fara til fjandans á evrusvæðinu mættu gjarnan skoða aðeins betur hvernig okkur hefur farnazt hér á krónusvæðinu.

Svo kemur hinn skríbentinn á miðopnunni, sem blaðið keppist við að hampa sem formannsefni Sjálfstæðisflokksins og kallar  fulltrúa Evrópuarmsins, Þorsteinn Pálsson. Hann skrifar :

 

„Færar leiðir eru nokkrar. Gylfi Zoëga hagfræðingur segir í nýlegri fræðigrein að líklegast sé að tvö kerfi standi af sér áföll: Annars vegar krónan í skjóli gjaldeyrishafta og hins vegar evra með aðild að Evrópusambandinu. Þetta hlýtur þó að fara nokkuð eftir því hvaða markmið menn setja sér. Minni áhersla á stöðugleika fjölgar leiðunum en eykur líkur á áföllum.

Stöðugleikamarkmiðið er helsta kappsmál launþega. Atvinnufyrirtækin horfa á stöðugleika og samkeppnisstöðu. Fyrir hrun var ekkert tillit tekið til samkeppnishæfni venjulegra fyrirtækja við framkvæmd peningastefnunnar. Fyrir þá sök sætti hún gagnrýni frá talsmönnum þeirra og launþega. Hins vegar voru hluthafar í eignarhaldsfélögum og bönkum afar ánægðir meðan ævintýrið stóð sem hæst.

Króna með gjaldeyrishöftum getur tryggt stöðugleika. Hún dregur á hinn bóginn úr hagvexti og rýrir kjörin. Þremur árum eftir að hrun krónunnar fór af stað eru enn engar horfur á útflutningshagvexti. Eigi að tryggja stöðugleika með krónu án beinna hafta þarf gífurlega öflugan gjaldeyrisvarasjóð og margs konar takmarkanir á bankaviðskiptum og útlánastarfsemi ásamt með mun harðari aðhaldsaðgerðum í ríkisfjármálum. Við getum þá þurft að velja milli gjaldeyrisvarasjóðs og mikilvægra velferðarviðfangsefna.

Evran krefst einnig viðvarandi aðhaldssemi í stjórn peningamála og í ríkisbúskapnum. Hún kallar þó ekki á að velferðarverkefnum verði fórnað fyrir gjaldeyrisvarasjóð. Á hinn bóginn þarf vinnumarkaðurinn að sýna fram á sveigjanleika þegar breytingum á samkeppnisstöðu verður ekki mætt með gengislækkunum.

Öllum leiðum fylgja þrautir. En hjá valinu verður ekki komist. Þrautirnar verða mestar ef þegja á málið í hel með staðhæfingum um að önnur mál séu nú brýnni. Þeir sem þannig tala segja ekki satt og ráða ekki heilt."

 

Hvar bjuggu þessir spekingar allir árin 1990-2008 ?  Var ekki hér stöðugt gengi og allgóður stöðugleiki með krónu og frjáls gjaldeyrisviðskipti árum saman. Kaupmáttur stórjókst vegna þjóðarsáttar og minni verðbólgu. Ef ekki hefði verið fyrir skipulagða glæpastarfsemi í fjármálakerfinu hefðu Íslendingar komist vel af með sína krónu. Og svo var heimskreppan ekki búin til á Íslandi af Sjálfstæðisflokknum einum.

Krónan okkar getur alveg náð sér ef jöklabréfin klárast því  vöruskiptajöfnuðurinn  er hagstæður um 100 milljarða á ári. Þetta er ekki til frambúðar auðvitað og launþegar munu ekki sætta sig slíkar einhliða pyndingar endalaust eins og vöruverðið er af þessum sökum. Við getum valið um verðbólgu eða raunkjarabætur með þolinmæði.

Ef ráðamenn hugsuðu eitthvað þá myndu þeir auðvitað nota gengið sem skiptimynt í "komandi kjarasamningum" sem eru auðvitað bara samningar um verðbólgustigið,  þar sem gengi evrunnar er bara einn takki í Seðlabankanum hjá Mávi. Það er einkenni  sovéska hagkerfisins  að því er algerlega miðstýrt. Stöðugleiki er á kínverskum launamarkaði þar sem hann er tryggður með byssustingjum. Svo halda börn eins og ritstjórinn að hægt sé að tryggja kaupmátt til eilífðar?

Hinsvegar er ömurlegt að vita til þess að peningar almennings eru notaðir til að halda þessum gjaldþrota fjölmiðli, Fréttablaðinu,  á lífi bara af því það hentar ríkisstjórn Samfylkingarinnar

 Hversvegna á bara  Morgunblaðið að borga skuldir sínar ?

Ríkið hætti að leggja til spilapeninga

Framtakssjóðs Íslands. Þessi sjóðir er að spila fjárhættuspil með lífeyrir landsmanna. Fyrir hverja?

Finnboga Jónsson og Ragnar Önundarson svo einhverjir séu nefndir. Og allskyns kommissarar aðrir sem ég kann ekki að nefna. Þessir menn eru upp á kaup og fríðindi við að fjárfesta í Icelandair. Flugrekstri sem er einna hættulegasti bísness í heimi. Munum við ekki eftir því þegar Hannes Smárasons ætlaði að kaupa American Airlines eða hvað það hét amerískt flugfélag? Nú spila lífeyrissjóðirnir með hlutafé Icelandair og samkeppniseftirlitið sér enga tengingu skyldra aðila hjá þessum mönnum eftir því hvoru megin borðsins þeir sitja.

Hvað eru þessir menn að gambla með lífeyririnn minn?

Og þeir eru líka að gambla með ríkispeninga. Ég á að borga stórhækkaða skatta svo þeir hafi spilapeninga frá ríkinu. Í stað þess að ríkið gæti tekið staðgreiðsluna strax af lífeyrisiðgjöldunum sem alltaf er verið að borga inn, þá mætti leysa öll vandamál ríkissjóðs með að innheimta þetta strax hjá  þeim og minnka tapsáhættuna af þeim afglöpum sem komið hafa svona handvaldir að lífeyrissjóða braski með peninga lífeyrisþeganna.

Lífeyrissjóðirnir mínir töpuðu einhverjum 600.milljörðum undir stjórn einhverra þorgeira og hrafna sem ég kaus aldrei til þess. Þetta  kom út sem lækkun á lífeyri mínum. Öllu sem svona fósar tapa því tapa ég og þú.  Af hverju eigum við að hætta okkar lífeyri við það að reka Húsasmiðjuna ? Eða Icelandair? Eða Pennan? Eða bíohús fyrir Árna?  Eða fara að leggja vegi og bora göng ? 

Hverskonar vitleysa er þetta.? Af hverju á ég, RÍKIÐ, að leggja til spilapeninga í pólitískum Matador þessarar guðsvoluðu ríkisstjórnar, sem stendur á bak við þetta allt?

Sókn er besta vörnin

sagði Napóleon og skipaði lífverði sínum fram í opinn dauðann í Waterloo orrustunni.

Jóhanna er að leggja fram eftirfarandi áætlun fyrir Ísland til 2020 en þá ætlar hún að láta af völdum:

byggir á velferð, þekkingu og sjálfbærni. Meðhöfundur er kratanefnd undir forsæti Dags B. Eggertssonar.

Áætlunin er eftirfarandi:

• Að minnka hlutfall örorkulífeyrisþega af íbúafjölda úr 8,4% í 7,0% árið 2020.

Hvernig er það best? Vinna gegn langlífi þessa hóps?

• Að lækka hlutfall atvinnulausra (> 12 mán.) niður fyrir 3% árið 2020.

Hvernig? Stuðla að því að enn fleiri flýi landið og atvinnuleysið?

• Að auka jöfnuð á Ísland með lækkun Gini stuðuls fyrir ráðstöfunartekjur í um 25 árið 2020.

Ég veit ekki hvað þessi Gínistuðull er en líklega mætti segja að stefna á lækkun BigMac vístölunnar gæfi sama árangur. Göfugt markmið um leið og menn hækka álögur á bensín og hækka virðisaukaskatt.

• Að bæta stöðu jafnréttismála þannig að gildi jafnréttisvísitölunnar global gender gap index verði nálægt 0,9 árið 2020.

Ég veit heldur ekki hvað þessi útlenska þýðir en ég held að þetta sé framhald á þeirri stefnu að ávallt skuli ráða konu ef karl og kona sækja um embætti.

• Að auka vellíðan og góða andlega heilsu þannig að meðaltal mælinga, samkvæmt WHO 5 kvarðanum8 hækki úr 64 árið 20099 í 72 árið 2020

Ég kann heldur ekki á þennan útlenska kvarða en ég finn að mér líður því verr sem Jóhanna situr lengur og þess meira sem ég hlusta á Dag B. Eggertsson og aðra krata.

• Að hlutfall Íslendinga á aldrinum 20‐66 ára sem ekki hafa hlotið formlega framhaldsmenntun fari úr 30% niður í 10% árið 2020.

Landflóttinn sér fyrir því að þeim neðarlega í þessum aldurshópi mun stórfækka. Hlutfall hinna eldri í þessum hópi hækkar þá menntun hópsins sem eftir er. Þessi hópur  gagnast landinu lítið  þar sem hann er að hætta störfum vegna elli og verkefnaleysis.

• Að 4% af landsframleiðslu sé varið til rannsókna, þróunar og nýsköpunar og að hlutfall framlags fyrirtækja í samkeppnissjóði og markáætlanir sé 70% á móti 30% framlagi ríkisins.

Det kommer an på silla sagði Otto Wathne þegar menn vildu ræða framfarir við hann. Enda hvorki Jóhanna eða  Dagur B. fædd þá.

• Að Ísland verði meðal 10 efstu þjóða árið 2020 í rafrænni stjórnsýsluvísitölu og rafrænni þátttökuvísitölu sem mæld er af Sameinuðu þjóðunum.

Líklega markmið sem er á góðri leið að nást. Íslendingar eru langtum framar í að tileinka sér nýjungar en landluktir Miðevrópubúar, sem Jóhanna heldur að séu allur  heimurinn. Íslendingar eru Ameríkumenn að flestri hugsun og fljótir að tileinka sér nýjungar.

• Að hátækniiðnaður skapi 10% af landsframleiðslu og 15% af útflutningsverðmætum árið 2020.

Kunst kommt nicht vom Wollen sondern Können sagði dr. Josef við Söru Leander. Hvernig í veröldinni ætlar Dagur B. að ná þessu fram? Veit hann hvað hátækni er? Veit hann hvaða hátækni kemur til greina?

• Að notkun vistvæns eldsneytis í sjávarútvegi verði a.m.k 20% árið 2020 og að 20% alls eldsneytis í samgöngum verði vistvænt.

Dýrari orka með metanólblöndun  þýðir meiri ríkisvitleysu og skattlagningu þar sem þetta eldsneyti er ósamkeppnisfært. Batterítæknin er enn ekki orðin nægileg til að flotinn geti gegnið á rafmagni.

• Að Ísland taki að sér sambærilegar skuldbindingar og ríki Evrópu gagnvart loftslagssamningi Sameinuðu þjóðanna árið 2020.

Stórskaðlegt fyrir framþróun landsins. Loftslagsmálin eru rekin á röngum forsendum og fölsunum niðurstaða. Stórfyrirtæki svíkja út stórfé úr sjóðum EU til að dæla kolsýru niður í hafið. Gervivísindin koma í veg fyrir að þáttur sólarinnar í loftslagsbreytingum  sé metinn rétt.  

• Að vistvæn nýsköpun og afurðir hennar verði helsta vaxtargreinin næsta áratug, með 20% árlegan vöxt í veltu sem tvöfaldist fyrir 2015, miðað við 2011.

Þetta er algengt og almennt orðað Bullshit og það sem menn kalla Pipedreams á ensku. Flott ef það næðist en hvernig ætlar þessi ríkisstjórn að stuðla að þessu ? Hverja á að skattleggja til að styrkja óskilgreind verkefni á þessu sviði?

 

• Að árið 2020 gangi 75% nýrra bifreiða, undir fimm tonnum að þyngd, fyrir vistvænu eldsneyti.

Ætlar ríkisstjórnin að framleiða bíla?

• Að hlutfall innlendrar matvöru í neyslu landsmanna aukist um 10% fyrir árið 2020.

Bravó. Auðvelt með innflutningshöftum til viðbótar gjaldeyrishöftunum hjá Mávi.

• Árið 2020 verði færni íslenskra grunnskólanemenda sambærileg við 10 efstu þjóðir samkvæmt OECD

Skyldi eiga að banna heimsku ? Skyldi eiga að fækka nemendum á kennara? Eða fjölga nemendum í sérkennsluskólum?

Að stjórnmálamenn skuli eyða tímanum í svona rugl í stað þess að sinna vandamálum líðandi stundar gengur fram af manni.

 Í stað þess að  að hugsa um atvinnumálin til að stöðva landflóttann þá einbeitir ríkisstjórnin sér að aðildarviðræðum við Evrópusambandið.

Í stað þess að reyna að koma í veg fyrir að fólk missi heimili sín er ríkisstjórnin að hugsa um breytingar á stjórnarskránni.

Í stað þess að reyna að örva fólk til dáða og framtaks hækkar ríkisstjórnin skatta.

Dagur B Eggertssson verður seint ættfærður við Valdimar Atterdag.

Dagur er kominn að kvöldi þegar maður er búinn að lesa boðskapinn. En sókn er auðvitað besta vörnin eins og Napóleon vissi manna best. Hvað sem hún kostar.

Stjórnlagaþingsfarsinn

siglir seglum þöndum þrátt fyrir að annmarkar á kosningunni eru svo miklir að þjóðin getur ekki annað en afskrifað þessa tilraun fyrirfram. 

Stjórnlagaþingið og þjóðfundurinn var auðvitað aldrei neitt annað en kolómerkileg kratabrella  ríkisstjórnarinnar.  Búið er auk þess að kæra kosninguna sem virðist líka vera meingölluð og hvergi endurspegla þjóðina.  Ennfremur er kerfið sem notað var ekki sniðið fyrir meira en 500 frambjóðendur og hafði aldrei verið prófað með þeim fjölda.  Meirihluti kjósenda úr hópi þess minnihluta kjóesenda sem kaus  fékk því engann fulltrúa kjörinn. Þjóðin sjálf á því engan fulltrúa á þessu stjórnlagaþingi sem undir því nafni rís þannig ekki, Því fólkið í landinu sniðgekk kosninguna meðan háskólagengið og ríkisstarfsmenn  keyrðu sitt fólk inn. 

Þegar þing er kosið hlutfallskosningu, er yfirleitt gerð krafa um lágmarkshlutfall kjósenda, til að listi fái  mann. 5% eru oft sett sem þröskuldur.  Í löndum einmenningskjördæma getur vel farið svo, að meirihluti kjósenda hefur ekki kosið neinn þeirra, sem náðu kjöri. En þá eru líka kosnir listar og kjósendur, sem ekki fengu mann kosinn, hafa þá  kosið flokk, sem fékk fulltrúa eftir atkvæðum. Um þetta fæst góð sátt. Með einstaklingsframboðum til stjórnlagaþings var enginn flokkur í kjöri. Þar standa því 56% kjósenda frammi fyrir því, að enginn þeirra, sem þeir kusu , náði kjöri. Flokkadrættir eiga því eftir að verða á þinginu því án flokka og skipulags getur ekkert svona þing starfað.

 Þjóðin er auðvitað engan vegin sátt við þetta.  Og ekki batnar það þegar mjög umdeildur maður eins og Þorvaldur Gylfason hefur blindast svo af kosningu sinni, að honum finnst honum allt vald fært á himni og jörðu. Boðskapur hans er núna sá  í Baugstíðindum dagsins að Alþingi komi ekkert við hvað hann og þingfélagar hans muni setja fram. Hann muni senda það beint til þjóðarinnar.

Ég persónulega mun næsta lítið  gefa fyrir slíkan fyrirfram kynntan boðskap Þorvaldar frá þessu þingi því núna hef ég  áttað mig á því hvernig   fremur fámennur hópur  úr Samfylkingunni, Háskólanum og fjölmiðlunum   mestan part náði þinginu undir sig.

Þorvaldur Gylfason er búinn að gera Stjórnlagaþingið að farsa áður en það er byrjað.      

 

Múslímainnrásin

stendur með fullum þunga um alla Norður-Evrópu.

Múslímar frá Arabalöndunum flæða inn í þjóðfélögin og valda gríðarlegum spjöllum á samfélögunum vegna ómenningarlegs ofsa síns, heimtufrekju og yfirgangs.  Enn sem komið er hafa varnir verið litlar mestmegnis vegna gersamlegrar andstöðu kratafólks við allt sem nefnast þjóðleg gildi og þjóðerni. Þeir æpa rasistar og nasistar að öllum þeim hreyfa andmælum.  Órökstudd staðalímynd þeirra er að þessi nöfn séu óþolandi með öllu fyrir alla, alltaf.   Alþjóðahyggja kommúnista á sinni tíð er enn á lífi og Evrópusambandið er helsta gróðrarstía. hennar. Á grundvelli hennar er búið að stórskaða samfélög vestrænna ríkja sem hafa vanrækt að innlima útlendingana í samfélög sín.

Í Hollandi nærri þrefaldaði Geert  Wilders fylgi flokks síns í síðustu kosningum. Hann vill fara að taka á málefnum múslímskra innflytjenda af ábyrgð og festu og hætta að láta þá kúga innfædda.  Um margt eru andspyrnumenn eins og hann of seint upp risnir. Víða er ógæfan skeð og þjóðfélögin eru komin í stórvandræði. Ég hef spurnir af einni konu sem býr í Essen í Þýskalandi. Í skóla barnsins hennar eru 20 % barnanna múslímar. 80 % foreldranna þora ekki að mótmæla neinu í skólanum vegna ótta við múslímska minnihlutann, sem hótar ofbeldi við minnstu tilefni.

Mjög víða  gengur Múslímafólk á aðra með yfirgangi og frekju, sem innfæddir þora ekki að svara vegna hættunnar á að verða fyrir ofbeldi. Í Danmörku og Svíþjóð  eru sögð vera  heilu hverfin í borgum sem lögreglan fer ekki inní og enginn innfæddur heldur, því þar eru lágmenningarleg múslímasamfélögin allsráðandi og hafa engin önnur lög en sín eigin.

Þetta fólk er margt ekki komið til Evrópu til að samlagast gistiþjóðunum heldur til þess að hafa gott af þeim, ræna úr velferðarkassanum og mynda þrýstihópa. Auðvitað eru líka margir ærlegt fólk og vinnusamt sem fengur er að. En ef þessu heldur áfram munu óhjákvæmilega rísa upp þjóðernissinnar um öll lönd sem munu ekki beita fortölum fyrst fremur en krossfararnir gerðu á fyrri tíð í Jerúsalem.

Geert Wilders er því aðeins einn hinna fyrstu af hópi stjórnmálamanna sem munu verða meira áberandi í Evrópu á næstu árum. Enoch Powell var á sínum tíma hrópaður niður í Bretlandi þar sem hann var á undan sínum tíma með að sjá vandamálin koma sem aðrir sáu ekki. Nú eru þau komin og ekki verður mikið lengur undan vikist.

Þeir sem reyna að tala á móti hjarðhegðun Múslíma á Vesturlöndum eru flestir að leggja sig í lífshættu þar sem þetta fólk lítur ekki á morð og hryðjuverk samkvæmt vestrænum siðareglum. Er nærtækt að minnast á Jyllandsposten, Salman Rushdie, morðsins á Theo í Hollandi og fleiri slíkra mála.

Þetta fólk er auðvitað oftlega að flýja hingað unda villimennsku ráðamanna sinna, fátæktinni og lágu menningarstigi sem ríkir víðast í Arabaheiminum.  Ísrael stendur í stöðugri styrjöld umkringt Arabaþjóðum.  En af hverju er Ísrael eins og græn vin í eyðimörk séð utan úr geimnum?.Sýnir þetta muninn á þjóðfélögunum á svæðinu ?  Þetta sést vel á Google-Earth og sýnir muninn á uppgræðslu og rányrkju. En flestir fjölmiðlar okkar fordæma alltaf Ísrael einhliða fyrir grimmd en spyrja aldrei um hvað hinir hafi gert.

Hingað eru sagðar komnar tvær hreyfingar múslíma sem hvorug vill vita af hinni. Báðar vilja byggja moskur og önnur er þegar búin að kaupa hús undir starfsemi sína sem enginn veit hver er, hvað þá hvaðan peningarnir komu.  Íslendingar fljóta sem fyrr sofandi að feigðarósi og gera ekkert til að koma í veg fyrir vöxt vandamálsins af skipulögðum innflutningi framandi múslímakynstofna.

Það er enginn að tala um að beina einhverjum ráðstöfunum gegn trúnni Islam sérstaklega enda getur það líklega orðið mönnum  frekar óhollt.   Íslendingum er yfirleitt sama hvað fólk hugsar eða hverju það trúir. En þeim er ekki öllum sama um land sitt og þjóð.  Því verður slík viðleitni og ráðstafanir að beinast að þjófélagslegum ástæðum innflytjenda og samlögun þeirra að Íslendingum.

 Íslendingar verða að sýna einhverja hugsun í því hverjir fá að koma hingað og hverjir ekki og hversu margir.  Við getum ekki bara gefið landið si svona til hvers sem það vill þó við gætum áreiðanlega fengið hundraðþúsund innflytjendur frá Súdan hingað á morgun. 

Múslímainnrásin er hinsvega í fullum gangi meðan við bara hugsum.