Nýtt fjölmiðlafrumvarp

og að þessu sinni andhverfa hins fræga frumvarps Davíðs á árunum er lagt fram.

Pressan birtir aðsenda greina frá Páli Magnússyni útvarpsstjóra:

"Banki þjóðarinnar, Landsbankinn, hefur frá hruni afskrifað á kostnað almennings milljarða á milljarða ofan vegna fjölmiðlareksturs Jóns Ásgeirs Jóhannessonar. Því til viðbótar berast reglubundnar fréttir af því að ríkisbankinn semji æ ofan í æ um endurfjármögnun á þessum rekstri - til að tryggja áframhaldandi eignarhald og yfirráð Jóns Ásgeirs á 365, sem er langstærsta fjölmiðlafyrirtæki landsins.

Ofan á þetta bætist að nú liggur fyrir Alþingi ríkisstjórnarfrumvarp sem árlega mun flytja 300-400 milljónir króna af auglýsingatekjum frá RÚV beint í vasa 365 og Jóns Ásgeirs, sem fyrir er með um 60% af heildarauglýsingamarkaðnum á Íslandi.

En þar með er ekki allt upp talið. Það liggur líka fyrir ríkisstjórnarfrumvarp sem fjallar um eignarhald á fjölmiðlum og tryggir að ekki verður hreyft við einsmanns eignarhaldi Jóns Ásgeirs á meira en helmingi íslenskra fjölmiðla, sé miðað við veltu.

Af hverju stendur ríkisvaldið þennan grimmilega og grímulausa vörð um hagsmuni og ítök Jóns Ásgeirs Jóhannessonar? Skuldar þjóðin honum eitthvað? Skulda stjórnmálaflokkarnir honum eitthvað?"

Er ekki nokkuð ljóst ef menn lesa Fréttablaðið hvað Samfylkingin skuldar Jóni Ásgeiri? En það ber nýrra til ef frá RÚV kemur svona kvörtun þar sem sú stofnun hefur legið undir talsverðu ámæli fyrir þjónkun sína við sama stjórnmálaflokk.

Má skilja bréf Páls Magnússonar þannig að honum finnist Samfylkingarspillingunni misskipt? Nýtt fjölmiðlafrumvarp skilji RÚV eftir útundan?

Stjórnarskrármálið

er mál sem Jóhanna Sigurðardóttir vill setja í algeran forgang á Alþingi.

Skyldi þetta mál brenna meira á venjulegum þingmönnum en fyrirsjáanleg fjárhagsskelfing sem skilanefndir Glitnis og Kaupþings eru að undirbúa fyrir þjóðina?

Hinar furstalega fjárdekruðu skilanefndir þessara banka ætla að greiða út 78 milljarða arðgreiðslu af skuldsettum gjaldeyrisforðanum í hagnað til erlendra vogunarsjóða sem Steingrímur J. í óendanlegri fjármálasnilld sinni gaf erlendum vogunarsjóðum. Almenningi til huggunar uppfylla bankarnir 16 % CAD eftir greiðsluna.

Í hvaða skáldsögu lifir maður?

Ætlar Alþingi að setja Stjórnarskrármálið framar þessu máli?

Kynjavetur

í pólitík er framundan.

Á Alþingi eru mörg stórvirki stjórnarinnar framundan. Hún er að sínu leyti svipuð DonKíkóta að hleypa á spretti til að stinga lensunni í vindmylluspaðann og heldur sig þannig vera að marka tímamót í sögu þjóðarinnar.

Látum svo vera að hún taki frá tíma í stjórnarskrárfarsann. Við eitthvað verða börnin úr 101 að rísla sér. En að þingmenn skuli halda að samþykkt rammaáætlunar í orkunýtingarmálum hafi einhvern tilgang eða skipti einhverju máli til framtíðar lýsir aðeins barnaskap stjórnarliðsins.

Auðvitað fer þessi rammaáætlun beina leið í ruslakörfuna með stjórnarskrárfrumvarpinu um leið og umboði þessa búsáhaldaþings er úti. Það verður að fara sérstaka uppþurrkunarferð um lagabreytingagólf stjórnarinnar og taka það vitlausasta til baka þegar eftir kosningar ef við Íslendingar þá berum yfirleitt gæfu til að bera hönd fyrir höfuð okkar.

Framundan eru flugeldasýningar fáránleikans í pólitíkinni. Þær byggjast á bardaga við vindmyllur þar sem hvítfextur öldungur hleypir fram með brugðna lensu til þess að fara flugferð inn í söguna. Við óskum riddaranum góðrar ferðar þó að við þurfum að skúra eftir atburðinn að liðnum kynjavetri.

Hrægammabankarnir

Íslands-og Aríonbanki eru fleirum en Lilju Mósesardóttur íhugunarefni. En þessir tveir bankar eru að komast eða eru komnir í eigu óprúttinna vogunarsjóða eða hrægamma eins og Lilja nefnir þá.

Þessir bankar standa því greinilega gegn hagsmunum íslenskra heimila þrátt fyrir fagurgala um annað í auglýsingum sínum. Geðleysi Íslendinga skýrir svo velgengni þeirra á markaði sem fylkja sér um þá eins og ekkert hafi í skorist.

Lilja veltir fyrir sér hvað sé til ráða gegm snjóhengjuvandanum sem uppgjör gömlu bankanna ber með sér. Hún segir meðal annars:

"Hrægammasjóðir munu við slit þrotabúa Glitnis og Kaupþings, eignast Arion banka og Íslandsbanka. Það dugar ekki að keyra þrotabúin í gjaldþrot því hrægammarnir munu kaupa hlut þrotabúanna og ríkisins í nýju bönkunum til að tryggja stöðu sína. Á Alþingi er frumvarp til umfjöllunar sem veitir fjármálaráðherra leyfi til að selja eignarhlut ríkisins í nýju bönkunum. Frumvarpið er skýrt merki um að stjórnvöld átta sig ekki á hættunni sem stafar af hrægammasjóðum. Á meðan hver og einn hrægammasjóður er minnihlutaeigandi í nýju bönkunum eru þeir hæfir eigendur samkvæmt íslenskum lögum. Hins vegar er ljóst að bankar í eigu margra hrægammasjóða munu ógna fjármálastöðguleika þjóðarbúsins. Hrægammasjóðirnir munu sem eigendur bankanna beita öllum tiltækum ráðum til að hámarka endurheimtur og flýja með fé sitt út úr hagkerfinu um leið og tækifæri gefst...."

Hvaðan kemur Lilju sú viska að sjóðirnir muni kaupa hluti föllnu bankanna í nýju bönkunum? Fá menn ekki úthlutað úr þrotabúum eftir niðurstöðutölu eigna og skulda?

Enn segir Lilja:

"Ég er þeirrar skoðunar eftir að hafa kynnt mér sögu hrægammasjóða að það þjóni engum tilgangi að semja við þá. Þeir munu ekki fást til að semja um að fá aðeins rétt rúmlega það sem þeir greiddu fyrir kröfurnar þar sem þeir hafa engra hagsmuna að gæta hér á landi. Ef alþjóðaþrýstingur myndast á þá að semja við okkur, þá er alltaf hætta á að þeir flyti kröfurnar sem þeir hafa samið um lækkun á yfir í nýtt eignarhaldsfélag (sbr. Líbería). Nýja eignarhaldsfélagið kemur svo með kröfu um fulla endurgreiðslu krafnanna.

Marinó G. Njálsson hefur lagt til að ríkið yfirtaki kröfur á þrotabú föllnu bankanna með eignarnámi. Eignarnámsvirðið sem ríkið þyrfti að greiða fyrir kröfurnar yrði sennilega mun hærra en verðið sem hrægammasjóðirnir greiddu fyrir þær. Eignarnámið fælir hrægammasjóðina frá bankakerfinu en ekki frá landinu, þar sem þeir eiga kröfur á önnur fjármálafyrirtæki, aflandskrónur og ríkisskuldabréf sem borið hafa háa ávöxtun frá hruni. Ísland losnar ekki undan hrægammasjóðunum nema með því að taka upp nýkrónu. Hrægammarnir sitja þá uppi með kröfur og eignir í gömlum krónum sem þeir þurfa að skipta yfir í nýkrónu á gengi sem endurspeglar verðið sem þeir greiddu fyrir upphaflegu kröfuna og lita sem enga ávöxtun eftir hrun."

Ég viðurkenni að ég skil ekki tillöguna um þörf fyrir nýkrónuna. Ég held að þetta sé ekki vandamál ef við sýnum fyllstu hörku í uppgjöri þrotabúanna sem verða til þegar við lýsum gömlu bankana gjaldþrota og ekki seinna en strax. Og jafnframt held ég að við ættum alvarlega að athuga þær forsendur sem nýju bankarnir fá að stjórna hagkerfi Íslands áfram með rafkrónuútgáfu til framtíðar. Nóg er nú samt af óvinum heimilanna.

Lilja á hinsvegar allar þakkir skildar fyrir að kanna þessi mál hrægammasjóðanna og bætast í hóp þeirra sem vilja fara í slag við þetta lið af hörku en ekki lúta fáranlegri leiðsögn Steingríms J. sem afhenti þeim ótakmarkað skotleyfi á heimilin í landinu. Afrekaskrá þessa manns í fjármálasögu þjóðarinnar er löngu orðin of löng. Þjóðin þolir ekki hrægammabankapólitík hans í fjármálum mikið lengur.

Valddreifing

er tískuorð róttæklinga sem þeir nota við öll möguleg og ómöguleg tækifæri.

Það táknar eiginlega aðeins það að færa vald frá kjörnum fulltrúum til þeirra sem ekki hafa verið kjörnir til þess. Allskyns ullarpeysu- og úlpulið vélar um málin í krafti minnihlutasjónarmiða. Svo talar þetta fólk um gegnsæi til viðbótar svo að við athugum ekki hvað er að gerast.

Takið eftir orðinu næst þegar þið heyrið það og setjið á ykkur hver notandinn er.

Múslímatrú

er eitthvað sem venjulegt fólk veltir ekki mikið fyrir sér. Meðfram vegna þess að það hefur ekki áhuga. En þeir sem kynna sér málið eru ekki allir jafn hlutlausir.

Valdimar H. Jóhannesson sá mikli baráttumaður er með bloggsíðu. Hann skrifar þar ítarlega um Islam. Ég tilfæri hér nokkuð úr grein hans þar sem mér kemur innihald pistilsins nokkuð á óvart líklega vegna vanþekkingar á málinu.

Valdimar segir svo meðal annars:

........" Saudi Arabía er meðal hörmulegustu íslömsku ríkjanna. Þar ráða lögum og lofum svokallaðir Wahhabi múslímar sem fara í einu og öllu eftir fyrirmælum íslam eins og þau birtast í helstu trúarritum múslíma, Kóraninum, viðurkenndum hadíðum (frásagnir aðallega af orðum og athöfnum Múhammeðs) og opinberri ævisögu Múhammeds , Sirah Rasul Allah.

Wahhabi múslímar fá því ráðið að umtalsverður hluti af feiknarlegum olíutekjum landsins renna til trúboðs múslíma um heim allan. Þeir hafa staðið fyrir byggingu moskva og madrassa (kóranskóla) í tugþúsundatali, ekki síst á Vesturlöndum, þar sem fólk er unnið á band róttækustu íslam trúar, þ.e. að fylgja íslam í einu og öllu. Þeir eru núna að hefja starf í Ýmishúsinu.

Yfirlýst stefna klerka íslam er að kúga allan heiminn undir íslam og Sharíalög sem innihalda ómanneskjulegan hrylling. Öll réttarkerfi íslam, sem er all mörg, eiga hryllinginn sameiginlegan. Sem dæmi um ofurvald íslam yfir islömskum ríkjum má taka viðhorf þeirra til mannréttinda. Öll 57 ríkin sem eru í OIC (Organisation of Islamic Cooperation) hafa neitað að skrifa undir Mannréttindasáttmála SÞ en skrifuðu 1990 undir Kairó yfirlýsingu um Mannréttindi í íslam (Cairo Declaration on Human Rights in Islam) sem hefur Sharíalög til grundvallar. Þessi yfirlýsing á ekkert sameiginlegt með sáttmála SÞ......"

Í niðurlagi segir Valdimar:

"Misskilningur er að halda að íslam sé eingöngu trúarbrögð. Íslam er ekki trúarbrögð til einkanota fyrst og fremst heldur stjórnarfyrirkomulag fyrir heiminn og eftir það til ástundunar fyrir einstaklinga. Íslam er alræðisstefna alveg sambærileg við nazisma og kommúnisma en aðeins hættulegri með meiri hvata til óhæfuverka, með 1.5 milljarð manna á bak við sig og 14 alda reynslu í kúgun, tortímingu og þjóðarmorðum auk trúarofstækis. Fráleitt er að leyfa hér starfsemi þessarar hryllilegu hugmyndafræði sem er í yfirlýstu stríði gegn okkur og stefnir á að rústa samfélag okkar.

Stjórnarskráin styður bann við iðkun íslam hérlendis. 63. gr. hennar segir: "Allir eiga rétt á að stofna trúfélög og iðka trú sína í samræmi við sannfæringu hvers og eins. Þó má ekki kenna eða fremja neitt sem er gagnstætt góðu siðferði eða allsherjarreglu."

Enginn getur efast um að íslam stríðir gegn góðu siðferði og allsherjarreglu. Þess vegna á að stöðva alla starfsemi í nafni íslam hérlendis. Sértaklega þá starfsemi sem er að hefjast Í Ýmishúsinu. Forsvarsmenn þar eru orðaðir við ýmis af verstu ofbeldisöflum heimsins. Að leyfa starfsemi þeirra hér jafngildir að leyfa óvinarher að reisa hér bækistöð aftan víglínunnar...."

Ég segi fyrir mig að ég varð nokkuð hugsi yfir þessum orðum Valdimars. Erum við að fljóta sofandi að feigðarósi með því að ýta undir starfsemi og trúboð múslíma á Íslandi ? Þeim fjölgar hér ár frá ári með stuðningi okkar.

Þetta eru ekki trúarbrögð í þeim skilningi sem við leggjum í orðið heldur heilt stjórnmála-heimspekikerfi sem beinlínis boðar kollvörpun og kúgun.

Múslímatrú er ekki bara trú.

Berlusconi í betrunarhúsið

fyrir skattsvik segja þeir.

Ætli ákæran á hendur honm sé ekki runnin undan rifjum álíka stórmenna eins og sendu Geir Harrde fyrir Landsdóm á Íslandi? Þeirra Steingríms J., Magnúsar Orra og hveð þeir allir hétu dánunennirnir. Fyrir upplognar sakir og ímyndaðar sem eru sjálfsagt alveg eins grundvallaðar á öfund yfir kvenhylli og ríkidæmi Sylvíos heldur en réttlætistilfinngu Peppone borgarstjóra.

Örflokkar hafa tröllriðið stjórnmálalífi Ítalíu árum saman eftir stríð. Sífelld stjórnarskipti og bull. Þessvegna hefur löngum lítið gengið hjá Ítölum þar sem ótal hendur skipta stundum á þinginu sem verður máttvana og maðksmogið af hrossakaupum og fríðindaverslun, þar sem þórar og guðmundar þjóta um vellina í von um bitlinga í skiptum fyrir fylgispekt.

Vonandi verður í nýrri stjórnarskrá Íslands þrengdir þeir kostir sem örflokkar hafa á því að komast á þing. Fjórflokkurinn er meira en nóg fyrir Íslendinga, fleiri sérvitringar í enn fleiri hópum hafa engu til leiðar komið nema veseni.

Færum þröskuldinn upp í 7-10 % fyrir framboð til að koma manni á þing. Lítum til Bandaríkjanna sem hefur gengið hvað best af því að þar eru flokkar fáir sem máli skipta. Ítalía eftirstríðsáranna er andstæðan í hina áttina. Ísland hefur stefnt á Ítalíuleiðina seinni árin.

Berlusconi er einn þeirra fáu sem hefur getað komið einhverju skikki á þessa blóðheitu þjóð. Hann á sér auðvitað marga öfundarmenn sakir kvennhylli sinnar og peninga sem sitja um hann. Vonandi fær Sylvío hrundið þessum ásökunum vegna Ítalíu sem varla hefur það betra með Berlusconi í betrunarhúsi heldur en í brjóstvörninni.

Tilgangsleysi flokksbrota

endurspeglast í öllu atferli þeirra á Alþingi.

Þegar rúllukragapeysan hélt innreið sína á Alþingi með Þór Saari seig virðing þess niður merkjanlega. Nú koma þingmenn í pontur eins og slátrarar með flakandi frá sér í hálsmálinu. Og spekin og málflutningurinn eftir því.Ætli Jón Ólafsson, sá "alheimskjaftur" hafi séð þetta fyrir sér þegar hann fékk þingmenn til að hætta að ávarpa hvorn annan með svívirðingum og nafngiftum og nota heldur hæstvirtur osfrv. Það er alveg hægt að svívirða menn án þess að brúka munnsöfnuð. Og virðing fæst aðeins með virðulegri framgöngu. Einar Magg sagði við mig að Kristin Ármannson myndi verða góður Rektor "því það rífur enginn kjaft við séntilmann"

En burt séð frá hálstauinu þá hefur líklega aldrei jafn ósamstillt mannval setið á Alþingi Íslendinga eins og nú. Enda er brautarsagan(track-record)eftir því. Flest stóru tökin enda bara sem vitleysa eins og almenningur er búinn að lýsa skoðun sinni á í skoðanakönnunum um virðingu þingsins.Nú á að bjóða almenningi uppá enn ein skrípafarsann með því að fara í stjórnarskárumræður meðan Róm brennur.

Hluti af þessu vandamáli er tætingslið allskyns nýrra framboða sem komast inn ef þeir ná 5 % atkvæða. Þessi þröskuldur er greinilega of lágur. Flokkahlaup fólks inni á þinginu er eitthvað sem á algerlega að koma í veg fyrir. Þingmaður sem getur ekki verið í sínum gamla flokki á að hypja sig af þingi. Kjósendur hans varðar ekkert um sannfæringu hans lengur.

Svo eru það fjármál flokkanna. Þeir eiga ekki að fá krónu af opinberu fé. Heldur eiga þeir alfarið að vera kostaðir af frjálsum framlögum félagsmanna og fyrirtækja. Og skandall er að þingið sé að ákveða eftirlaun og kjör sjálft.

Fjármál flokka og frambjóðenda koma engum við nema þeim sjálfum frekar en saumaklúbba. Þeir mega upplýsa það sjálfir ef þeir vilja. Þetta vilja litlu flokkarnir auðvitað ekki því enginn vill styrkja neinn sem ekki er líklegur til árangurs. Svo horfa menn uppá sprenghlægilegar fjárdeilur þegar litlu flokkarnir klofna og þeir sem fara vilja fá hlut í ránsfengnum.

Litlir flokkar á Alþingi eru bara til bölvunar. Burt með þá.

Hvaða kennitölur ?

fá þeir nýju mennirnir okkar sem komu á fölsuðu skilríkjunum með Norrænu?

Hvar halda þeir sig núna? Hvað verður gert við þá? Veit það einhver? Verður almenningur upplýstur reglulega um þetta?

Ég hef ekki fengið neinar brúklegar leiðbeiningar hvernig ég get skipt um kennitölu úr því að það er ekki lengur refsivert á grundvelli jafnræðisreglunnar. Ef þessir þurfa ekki nýjar kennitölur af hverju ekki aðrir?

Ég hef áður sagt það að mér finnst íslenskar kennitölur órúklegar því þær innihalda viðkvæmar persónuupplýsingar. Eins og um aldur manns og afmælisdag.

Það er pínlegt fyrir flotta eldri dömu að þurfa að básúna út kennitölu sína yfir fulla biðstofu af fólki sem kumrar inni í sér af misjöfnum ástæðum. Hvað varðar fólk um aldur þess sem það er að afgreiða? Utan kannski í Ríkinu og í bíó sem sem má þá sanna með öðrum hætti.

Kennitala við öll tækifæri er heimtuð með frekju af allskyns afgreiðslufólki sem kemur það ekkert við hvað maður er gamall.Og ef kennitalan er eitruð(gömul) þá mætir manni merkjanleg fyrirlitning eða vorkunnsemi.

Þurfum við ekki nýjar kennitölur sem innihalda ekki fæðingartölur nema dulkóðaðar eins og var í tilfelli Íslenskrar Erfðagreiningar þegar hún ætlaði að hjálpa okkur á heilbrigðissviðinu.

Aldur manns og afmælisdagur er einkamál sem blaðamönnum kemur ekki við.

Öðruvísi kennitölur takk.

Velkomnir allir vinir!

og velkomnir allir hinir!

"Lögreglan á Seyðisfirði handtók tvo karlmenn sem voru grunaðir um að framvísa fölsuðum vegabréfum við komuna til landsins með ferjunni Norrænu í morgun. Annar mannanna hefur játað sök.Mennirnir, sem fóru um borð í Norrænu í Danmörku, mega búast við að verða ákærðir vegna málsins. Þeir eru á miðjum aldri og segjast vera frá Georgíu að sögn lögreglu.Þeir framvísuðu tveimur grískum vegabréfum við landamæraeftirlit á Seyðisfirði, en við frumskoðun taldi lögreglan að þau væru fölsuð. Annar mannanna játaði svo við skýrslutöku að hafa framvísað fölsuðu vegabréfi sem fyrr segir.Mennirnir eru nú í haldi lögreglu á meðan unnið er að rannsókn málsins og beðið staðfestingar frá sérfræðingum um að vegabréfin séu fölsuð."

Nú setjum við þá á Fit og nestum þá upp með peninga frá okkur í nokkur ár meðan þeir bíða þess að verða íslenskir ríkisborgarar. Það á ekki að setja þá í fangelsi fyrir skjalafals.

Mig vantar ný skilríki og nýja kennitölu. Án þess get ég ekki fengið vinnu í Noregi. Getur einhver reddað þessu fyrir mig?. Þetta hlýtur að vera refsilaust samkvæmt jafnræðisreglu Samfylkingarinnar?.

Nýr passi óskast og nýtt ökuskírteini! Það ætti að duga í Nojarann.