www.Piratebay.se

er svokölluð sjóræningjasíða sem gerir eigendum allskyns efnis kleyft að miðla þeim til hvers sem er.

Hugbúnaðareigendur segjast vera fúlir yfir þessu og segja þetta rýra tekjur sínar. Einokunarsjoppan Microsoft er auðvitað fremst í flokki. Þeir eru búnir að koma þessu svo langt að Norðmenn eru að hugsa um að ráðast á frelsi netsins eins og Kínverjar og svoleiðis einræðisþjóðir. Annars sker Microsoft hugbúnaður sig úr með leiðinlegt viðmót ef maður ber hann saman við góðan arkitektúr eins og til dæmis hjá Autodesk og Bentley.Endalausar uppfærslur buna yfir notendur en ég þekki engann sem sér framfarir verða af þessum töfum sem þetta áreiti veldur.

Samt er þessi sjóræningjastarfsemi  alls ekki alslæm. Autodesk til dæmis væri ekki svona markaðsráðandi  ef milljónirnar gætu ekki þjálfað sig í meðferð Autocad og Revit með sjóræningjaútgáfum af þessum hugbúnaði sem kostar annars milljónir. Þegar menn kunna á forrit skapast fyrst grunnur til kaupa löglegar útgáfur þegar menn fara að selja afurðirnar. Hver þorir að kaupa hugbúnað fyrir stórfé og uppgötva svo að meðferð hans hentar bara ekki?  Miklu skynsamlegra væri fyrir þessa risa að hafa eftirlit með því að atvinnumenn greiði fyrir afnot. Þau viðurkenna þetta í reynd með því að leyfa stúdentum  afnot og líka að heimila 30 daga kynningarniðurhal. En 30 dagar duga fyrir fáa til að læra á flókið apparat eins og til dæmis Revit, þar sem menn verða seint nógu góðir í meðferð þess og í fyrsta lagi mörgum mánuðum seinna.

Á piratebay fá menn allan fjandann, klám, bíómyndir osfrv. Stórkostleg veröld fólks sem vill bara hjálpa náunganum um aðgang að hlutum sem honum eru ófáanlegir öðruvísi. Þetta stuðlar að aukinni menntun í heiminum.

Noregströllin heimsku, afkomendur Dofrans, virðast ekki skilja þetta heldur ráðast gegn svona starfsemi. Vonandi fá þeir ekki marga liðsmenn á Íslandi til að taka þátt í þessari aðför að frelsi einstaklingsins. Bjóðum www.piratebay.is velkominn til landsins.

"Gengið

 breytist ekki þótt sé skipt um nafn á mynt. Í Vogunarsjóða samhengi er kannsk betra að hér séu seld evru bréf til fjámagna Íslenskan fjármálgeira, en til að markaðsetja evrur hér þar að kaupa þær hjá útgefanda. " 

Svo mælir Júlíus Björnsson meðal ýmissa annarra orða. En þarna er kjarni málsins samt þegar Íslendingar fara að tala eins og Þorsteinn Pálsson og aðriri evruspekingar um að íslenska krónan sé ekki gjaldgeng mynt.

Ef við tækjum upp evru þá tekur skamma stund að koma gengi hennar í þá stöðu sem við sjáum í Grikklandi, Spáni og Kýpur. Til þess eigum við nóg af hagsmunasamtökum lífeindafræðinga, hjúkrunarfræðinga, ljósmæðra, rafiðnaðarsambandið, kennara osfrv. Svokallaðir viðsemjendur fá snemma í verkfalli þau fyrirmæli að skrifa undir vegna þjóðarhags. Allt þetta þekkjum við án þess að taka tillit til þess og höldum áfram að tala um upptöku veru og eilíft líf.

Gengi krónunnar okkar mun í fyllingu tímans ráðasta af hegðun okkar sjálfra. Hugsum til baka til 1990 þegar þjóðarsáttin var þvinguð í gegn af Einari Oddi og Guðmundi Jaka og Ólafur Ragnar var neyddur til að afturkalla nýgerðan samning við BHM sem þeir höfðu þvingað í gegn. Steingrímur Hermannsson reyndi að grobba sig af því að hann hefði gert þjóðarsáttina en það er fjarri því. Hann aðrir pólitíkusar voru bara neyddir til að spila með. Á næstu rúmu áratugum sáum við dollarann sveiflast mörgum sinnum úr meira en hundrað kalli niður í fimmtíukall eða svo. Nú erum við með handstýrt gengi og getum hreinlega gert miklu meira en við gátum þá. Við gætum hreinlega leyst vandamálin með skuldavanda heimilanna með pennastrikum og kjarki. En við gerum það ekki af einhverjum ástæðum.

Gengið er bara spurningin um inn og út. Hvert meira er á naglanum ofnmegin eða gluggamegin eins og sagt væri um viðskiptin á loftinu í Aðalstræti hjá Silla og Valda. Þeir vissu alveg hvert gengið yrði. SÍS fékk alltaf að vita það fyrr en aðrir kramarar hvað til stóð svo þeir  gætu leyst út sínar erlendu kröfur fyrir gengisfallið, sem var í þá daga Nordals aðeins gengisfall en aldrei gengishækkun eins og síðar varð á dögum Davíðs. 

Síðasta aldarþriðjung hafa Íslendingar upplifað allar tegundir af hagstjórn. Sína bestu og verstu tíma. Því miður höfum við ekkert lært um gengismál á þessum tíma.  Nýjar kynslóðir stjórnmálamanna taka við án þess að leiða hugann að grundvelli gengisins. 

Fyrrum forsætisráðherra formælir krónunni

þegar Þorsteinn Pálsson segir í Fréttablaðinu í dag  að við Íslendingar eigum ekki gjaldgenga mynt.

Fyrir hvað erum við að kaupa influtta vöru? Bíla, flugvélar, virkjanir? Hvernig getur fyrrverandi forsætisráðherra Íslands og Sjálfstæðisflokksins látið þetta út úr sér? Mitt í stjórnarmyndunarviðræðum gamla flokksins hans sjálfs.

Íslenska krónan er merkileg mynt. Henni má skipta í hvaða gjaldmiðil sem er. Kaupa það sem hugurinn girnist. Verðtryggð er hún sterkasti gjaldmiðill heims. Fyrir hrun vildu allar þjóðir koma hingað með sínar myntir og skipta við okkur. Við uggðum að vísu ekki að okkur þega glæpamenn tóku yfir fjármálakerfi okkar og leiddu okkur í hremmingar. Og hafa merkilega sloppið með það að mestu leyti  til þessa dags.

Ég hef í dag hugsað til baka til sjónvarpsþáttarins þegar Steingrímur Hermannsson og Jón Baldvin afsögðu ríkissstjórn Þorsteins Pálssonar í beinni útsendingu. Ég varð talsvert  fúll þá.

En sáu þeir eitthvað sem ég sá ekki þá í fari fyrrverandi forsætisráðherra? 

85 hælisleitendur frá áramótum

sem koma óhikað á fölsuðum skilríkjum eins og einn þeirra upplýsti í sjónvarpi.

Sá frómi maður er að koma hingað frá Ítalíu. Á fölsuðum pappírum. Af því að hann er hommi fór hann frá Nigeriu þar sem hann segir að kynvilla sé illa séð. Í Nigeríu búa 170 milljónir manna á landsvæði sem er tíu sinnum stærra en Ísland. Örugglega milljón myndi vilja koma til Íslands ef þeim væri boðið.Hversu marga negra myndi íslenskt samfélag þola áður en tæki verulega í ?

Hversvegna í veröldinni eigum við að vandræðast með þennan mann? Hvað varðar okkur um það  þó að hann vilji ekki fara til Ítalíu? Hann valdi að fara þangað í upphafi. Hann brýtur íslensk lög og skýtur upp kollinum hérna. Hann á ekkert erindi við okkur heldur á að senda hann beint til baka. Og án frekari vífillenginga. Strax næsta dag ef ekki samdægurs. Hversvegna erum við að ergja okkur og hann líka á einhverju japli, jamli og fuðri?

Hann er hommi og vill fá að vera hommi. Ef hann ekki má vera hommi í Nigeríu(tölfræðilega er hann varla eini homminn í landinu) kemur okkur það ekkert við. Við eigum ekki að þurfa að leysa hans hommavandamál. Hann verður að hegða sér heima hjá sér eins og þar er leyfilegt. Þetta er hans land og það er ekki okkar mál þó einhver þar hafi lamið hann fyrir hommeríið. Það er hans að berjast fyrir réttindum sínum þar. Ekki hér.

Mér finnst að allir sem koma hingað skilríkjalausir eða á fölsuðum skilríkjum eigi að fara umsvifalaust til baka. Hvað regluverk sem er að baki því að það leiðir til uppsöfnunar þessa fólks á að afnema.Punktur.

85 hælisleitendur á svona tímabili verða að þrjúþúsund manna hópi á 10 árum.  Það er beinlínis hlægilegt þegar fólk frá ferðamannalöndum kemur hingað og þykist vera ofsótt og heimtar hæli hér.

Okkur vantar ekki hælisleitendur sem nýja borgara. Íslenskur ríkisborgararéttur er dýrmæt eign. Förum sparlega með hana.  

Óvinir fólksins

eru hrægammabankarnir Íslandsbanki og Arion banki.  Hvernig er hægt að túlka árásir þessara banka á hugsanlegar fyrirætlanir stjórnmálaflokka sem nú reyna stjórnarmyndun öðruvísi? Þessir flokkar hafa fengið umboð fólksins til þess að mynda hér starfhæfa ríkisstjórn sem líklega mun reyna að örva atvinnulífið með því að lækka gjöld. Að ásaka þá fyrirfram um að stefna þjóðinni í verðbólgu er lúalegt athæfi.

Greiningardeildir þessarra útlendu fyrirtækja reyna að gera skattalækkanir totryggilegar því þær muni valda tafarlausri  verðbólgu ef drápsklyfjum er í hinu smæsta létt af almenningi. Þeir muni hækka vexti í kjölfarið og fella gengið með haustinu.

Ef til eru tilræðismenn við þjóðina þá eru það þessir bankar. Þeir reyna að grafa undan ófæddum stjórnvöldum þjóðarinnar með því að finna hugsanlegum ráðstöfunum allt til foráttu og boða landsmönnum heitara helvíti en þeir hafi í verið til þessa þar sem verðbólga hefur loks hjaðnað og gengi styrkst.

Mér finnst það geðlurðuháttur Íslendinga að þeir skuli versla við þessa óþjóðlegu banka sem þannig ráðast gegn framfarasókn þjóðarinnar áður en hún hefst. Það eru til fleiri valkostir í bankaviðskiptum en að hossa hrægamma-og vogunarsjóðum sem búa að baki Pótemkin-tjöldunum sem á eru letruð  nöfnin Íslandsbanki og Arion banki.

Það eru óvinir fólksins sem reyna að kæfa óséðar efnahagsráðstafanir í fæðingu sem  þjóðin hefur falið stjórnmálamönnum sínum að gera með skýru umboði.  

Fordómar gegn vindmyllum ?

þar sem þær geti verið truflandi fyrir augu einstakra sumarhúsaeigenda? Það var niðurstaða hinnar vísu sveitarsjórnar skeiða-og Gnúpverjahrepps.

Eftir margar ferðir og kynnningar, teikningar og gagnaöflun, á fyrirhuguðum vindmyllum sem stóð yfir í meira en hálft ár og athafnamaður að sunnan ætlaði að reisa fyrir eigin reikning og án allra styrkja á eigin landi í Vorsabæ, þá  tókst sveitarstjórninni að skjóta sér á bak við það að skortur væri á samhæfðri vindmylluáætlun fyrir landið í heild og því væri ekki veitt byggingaleyfi fyrir einkamyllum í Vorsabæ.

Á eigin landi ! Fyrir eigin reikning! Hvílíkt afspyrnu ofbeldi opinbers stjórnvald gegn athafnasemi einstaklingsins. Gæti Norður Kórea ekki verið fullsæmd af svona yfirvöldum?  Þau sömu yfirvöld leyfðu  Landsvirkjun óaátalið að reisa sínar vindmyllur við Búrfell þar sem þær mala gull dag og nótt við góðan orðstír. Þeir kunnu að frugta sig fyrir yfirvöldunum á Skeiðunum í gamla daga þó þeir hafi reist stein á Áshildarmýri til að reyna að sanna eitthvað annað.

Svona fjandskapur við eigin skattþegna, eins og þessi sveitarstjórn sýnir,  er óskiljanlegur venjulegu fólki. Koma beinlínis í veg fyrir byggingar og framkvæmdir sem hefðu skilað sveitarfélaginu ómældum fjárhæðum. Eftir höfðinu dansa limirnir og líklega lýsir þetta íbúunum best sjálfum að kjósa svona lið yfir sig. Voru það ekki forfeður þeirra núlifandi á Skeiðunum sem riðu til Reykjavíkur til að mótmæla símanum 1904? Eftir stendur keypta landið í uppnámi. Væri úr vegi að eigandinn myndi stefna sveitarfélaginu til skaðabóta fyrir sviknar væntingar um faglega afgreiðslu í stað þess tilfinningalega flautaþyrilsháttar sem sveitarstjórnin sýndi í öllu þessu máli?

Vindmyllur eru algerlega afturkræfar orkulindir. Maður losar 100 bolta sem festa þeim niður og bingó, ekkert sést eftir. Vatnsvirkjanir eins og Kárahnjúkar eru hinsvegar að valda miklum breytingum í umhverfinu og má minna á Lagarfljót í því sambandi.

 Og við héldum að hún hefði leyst orkuskortinn okkar í eitt skipti fyrir öll með þeirri virkjun.  En hvað kemur á daginn?

Í tilkynningu frá Landsneti segir núna:

"Síðustu daga hefur Landsnet þurft að skerða afhendingu rafmagns til nærri allra kaupenda svokallaðrar skerðanlegrar raforku á Norður- og Austurlandi og er allt útlit fyrir að það ástand muni vara áfram í þessum landshlutum næstu vikurnar. Ástæðan er lélegur vatnsbúskapur stærstu vatnsaflsvirkjana í landshlutunum og takmörkuð flutningsgeta Byggðalínu til að flytja rafmagn frá Suðvesturlandi til Norðausturlands.

Lág vatnsstaða í lónum stærstu vatnsaflsvirkjananna fyrir norðan og austan er ástæða þess að nær allir notendur skerðanlegrar raforku á Norður- og Austurlandi hafa frá aðfararnótt síðastliðins mánudags, 6. maí, þurft að sætta sig við skerðingu á afhendingu rafmagns. Áfram er búist við lélegum vatnsbúskap í þessum landshlutum þar sem ekki er útlit fyrir leysingu og snjóbráðnun að nokkru marki á næstunni.  Því gerir Landsnet áfram ráð fyrir skerðingum á næstu vikum til kaupenda á skerðanlegrum flutningi raforku.

Helstu notendur skerðanlegs flutnings eru rafhitaveitur og iðnfyrirtæki.  Stærsti hluti iðnfyrirtækja eru fiskvinnslufyrirtæki en raforkunotkun þeirra hefur aukist verulega á síðustu misserum vegna frekari rafvæðingar en verksmiðjurnar hafa unnið að því að hætta að mestu notkun olíu.  Frá aðfaranótt mánudags hefur samanlögð aflskerðing á Norður- og Austurlandi verið allt að 60 MW, mestmegnis á Austurlandi, en það er u.þ.b. þriðjungur af heildaraflþörf dreifiveitna á þessum svæðum. Fyrirséð er að raforkunotkun fiskvinnslufyrirtækja muni aukast enn frekar til lengri tíma litið en erfitt verður á næstu árum að anna þeirri notkun á mestu álagstímum og/eða þegar flytja þarf mikið rafmagns milli landshluta. 

Til að anna afhendingu forgangsorku fyrir norðan og austan er flutningsgeta Byggðalínunnar nýtt til fulls.  Jafnframt hefur Landsnet gripið til þess ráðs að fresta tímabundið öllum viðhaldsverkefnum sem fyrirhuguð voru á raforkukerfinu í þessum mánuði, til að tryggja full afköst kerfisins og þar með afhendingaröryggi forgangsorku á þessum landsvæðum. Vegna mjög takmarkaðrar flutningsgetu Byggðalínunnar er hins vegar lítið svigrúm til að bregðast við með umfangsmiklum raforkuflutningum milli landshluta þótt orkan sé vissulega til staðar.  Landsnet hefur undanfarin ár unnið að undirbúningi styrkingar flutningskerfisins en slíkt tekur langan tíma.  Staðan sem nú hefur komið upp sýnir vel hve mikilvægt er að hraða slíkum aðgerðum eins og kostur er...."

Þarna hafa menn það. Engar vindmyllur fyrr en samræmd vindmylluáætlun fyrir landið og miðin hefur verið gerð. Og hver skyldi svo eiga að kosta þá áætlun? Sveitarstjórn Skeiða og Gnúp.?

Og ekki vilja menn kjarnorkuver eða hvað?  

Vilja menn heldur vera rafmagnslausir á Austurlandi?

20 vindmyllur af nýjustu gerð gætu leyst þessi 60 MW sem þá vantar fyrir austan. Kostnaður 5-10 milljarðar?  Vatnsaflsvirkun.  hvar sem hún á að rísa, kostar kannski 300 milljónir á MW. Kostnaðurinn er kannski ekki svo mjög frábrugðinn. En vindmyllur eru algerlega græn orka. Þær  menga ekki Lagafljót.

Verða Íslendingar ekki að hætta að hafa fordóma þegar kemur að vindmyllum?

Góður Gröndal !

í Mbl. í dag. Fyrir yður villuráfandi pólitíska sauði sem forsmáið boðskap Davíðs með því að lesa eigi boðskap hans á hverjum degi, tel ég óhjákvæmilegt að birta hér grein Þóris S. Gröndal fyrrum fisksala í Flórídu eins og hún birtist í Mbl. í dag.

Þórir segir:

"Mörg kristin lönd vilja eigna sér yður, kæri Guð. Hérna í henni Ameríku kalla margir landið sitt »Guðs eigin land« og þeir prenta »Við treystum Guði« á dollaraseðlana sína. Þeir minnast samt ekkert á yður í þjóðsöng sínum fyrr en í fjórða erindinu, sem næstum aldrei er sungið, en þar er sagt það sama, sem þeir prenta á peningana sína.

 

Ef litið er á bræðraþjóðirnar á Norðurlöndum, sjáum við, að engar þeirra nema Færeyingar minnast á yður í þjóðsöngvum sínum. Og þeir nefna yður aðeins fjórum sinnum. En fyrst kastar tólfunum, þegar kemur að þjóðsöngnum okkar, »Guð vors lands«, en hann er bókstaflega allur tileinkaður yður, svo þér getið nú verið heldur betur ánægðir með það.

 

En það er með þjóðsönginn eins og »faðirvorið« okkar; í báðum tilfellunum þúum við yður en þérum okkur sjálf. Ekki er ég nógu fróður til þess að geta útskýrt þessa áráttu, en ég vona bara að þér takið það ekki illa upp. Sjálfur get ég ekki skilið af hverju við sýnum yður ekki sömu virðingu og þjóni yðar páfanum í Róm eða jafnvel biskupi Íslands.

 

Fyrst ég er kominn með yður á línuna, langar mig rétt að drepa á nokkra hluti varðandi okkar ástkæra land. Þrátt fyrir allt og allt, kæri Guð, þá er þessi litla þjóð þakklát fyrir að þér hafið haldið verndarhendi yfir henni í aldavís. Og ekki má kvarta yfir því, að það hafi ekki gengið býsna vel í gegnum tíðina, þótt bakslög hafi komið af og til. Það síðasta var náttúrulega alvarlegt, en það var þegar óvinur yðar, Skrattinn, náði völdum í vestrænum heimi á fyrsta áratug aldarinnar. Hann blindaði mannfólkið af eigingirni og græðgi og það dansaði darraðardansinn í vímu í nokkur ár, en svo sprakk allt og margir hafa átt um sárt að binda síðan.

 

Við vorum í stuttri heimsókn á Íslandi um daginn, og ég verð að segja, að allir sem við hittum, virtust hafa það bara fínt, þótt sumir hafi haft allt á hornum sér En góður Guð, það er í þjóðareðlinu að kvarta og býsnast yfir öllu. Þér vitið bezt, hvernig við Íslendingar erum; getum aldrei komið okkur saman um neitt. Vitanlega gera stjórnarvöldin mistök, en það eru oft mistök, sem lýðurinn vill að séu framin. Að gera gat á fjall fyrir norðan frekar en að byggja spítala í Reykjavík. Eða reisa glermenningarhús við höfnina í stað þess að kaupa tvær björgunarþyrlur.

 

En minn kæri, þjóðin vill vel að mestu leyti. Sjáið þér bara, hve gestrisin og góð hún er að taka við þreyttum og örvæntingafullum hælisleitendum. Eða hvað hún er áfjáð í að leyfa útlenzku fólki, sem býr í þrengslum úti í hinum vonda, mengaða heimi, að koma og njóta þess að sjá og upplifa okkar ástkæra og tæra land og yndislegu náttúru. En eins og við er að búast, þá eru einhverjir geðillir landar, sem segja, að ferðamannastraumurinn sé orðinn of mikill og hraður. Þeir vilja setja á ferðamannakvóta til að vernda náttúruna. Alveg eins og við höfum fiskikvóta til að vernda fiskistofnana.

 

Og nú erum við búnir að kjósa nýtt Alþingi, og biðjum yður að blessa það og láta þingmennina bera gæfu til að birta gáfulega hluti á fésbókarsíðum sínum. Og svo koma nýir ráðherrar og embættismenn, sem þurfa að ferðast um allan heiminn í opinberum erindagjörðum. Það er mikil kvöð fyrir þessa sendiboða okkar að þurfa að standa í þessum þeytingi frekar en að vera heima að stunda sín störf og vera með sínum fjölskyldum, eins og þeir ábyggilega myndu kjósa. En við vitum, að það er skylda okkar Íslendinga að láta heimsbyggðina njóta áhrifa okkar og verka. Ekki viljum við, að leiðtogarnir eyði stjórnvizku sinni eingöngu á sína eigin landsmenn.

 

Ég veit ekki, hvað yður finnst, Guð minn, en allt þetta tal á Fróni um það, að við getum ekki stýrt okkar kæra landi, finnst mér út í hött. Mér finnst, að landinu hafi bara verið vel stjórnað. Tölur og kannanir utan úr heimi sýna það: Við erum hamingjusamasta þjóð í heimi, meðal þeirra langlífustu, eigum heimsmeistarann í crossfit, erum með minnsta barnadauðann, með mestu tölvunotkunina, með flesta á fésbók, bara svo nokkuð sé nefnt. Þjóð, sem afrekar allt þetta, getur ekki hafa verið illa stjórnað.

 

Vitanlega eru nokkur stórmál, sem valdið hafa ágreiningi og bíða lausnar. Fyrst má nefna stjórnarskrármálið og flutning Reykjavíkurflugvallar. Þessi mál eru ekki ósvipuð; við erum með ágætis stjórnarskrá, sem dugað hefir okkur vel í marga áratugi. Nú vilja sumir leggja hana niður og búa til nýja. Sama er með flugvöllinn; hann hefir gert mikið gagn í 70 ár, en einhverjir vilja nú leggja hann niður og búa til nýjan uppi á Hólmsheiði. Þar er nú verið að byrja að reisa flott fangelsi uppá það allra bezta. Mér skilst, að það eigi að vera einhvers konar listasafn líka. Verðugt heimili fyrir útrásarvíkinga ef einhvern tíma verða dæmdir og sekir fundnir. Svo má náttúrulega ekki gleyma aðalmálinu; hvort við ætlum að ganga í Evrópusambandið. Ég get trúað, að við eigum eftir að deila um það í langan tíma. Jafnvel svo langan að sambandið sjálft liðist sundur og líði undir lok áður en við getum ákveðið okkur. Þakka yður spjallið, góður Guð. "

Hvað sem manni finnst um Davíð og Morgunblaðið þá má þakka fyrir þegar maður les svona snilldarpistil eins og þennan sem lýsir okkur á þann hátt sem varla nokkurn getur stuðað. Bæði einlægan og kíminn.

Ég sendi Þóri  mínar bestu þakkir og bið að heilsa flugfreyjunni hans henni Erlu sem kann að segja frá einni flugferð með Dagfinni Stefánssyni fyrir margt löngu sem fær hárin til að rísa. Vonandi kemur hún þessum flugfreyjusögum á blað einhverntíman. Allavega ætti hún ekki að vera hjálparlaus með pennann hans Þóris sér við hlið.

En Þórir er konsúll Íslands í Neðri-Flórídu ug vinnu þar mikið og óeigngjarnt starf fyrir land og þjóð. Því þó þjóðin sé ekki stór hafa sumir þegnar lag á því að rata í hin mestu ævintýri meða útlendra og þurfa á brári aðstoð að halda.

Þá er ekki ónýtt að geta leitað til slíks höfðingja sem hinn góði  Gröndal er.

 

 

 

Sérstaða Íslendinga

kemur víða fram. Við virðumst líta allt öðruvísi á glæpastarfsemi en aðrar þjóðir.

Hversvegna skyldu Íslendingar til dæmis halda að fyrirtæki getið framið glæpi eins og sér?

Valitor, Borgun og fleiri  fyrirtæki hafa sætt sektum hjá einhverri Samkeppnisstofnun sem vandséð er að hafi einhverntímann fengið dómsvald skv. stjórnarskrá Íslands. Brotum gegn Íslendingum þegnum og eignarétti þeirra er svarað með því að fyrirtækin eru sektuð en þeir ábyrgu stjórnendur, sem gáfu skipanirnar fá stöðuhækkun.

Brot Valitors fólust í svonefndri undirverðlagningu. Í þeirri háttsemi felst í aðalatriðum að markaðsráðandi fyrirtæki selur vörur undir kostnaðarverði. Í viðskiptum færsluhirða og söluaðila er gerður greinarmunur á annars vegar debetkortum og hins vegar kreditkortum. Er verulegur munur á meðferð þessara korta í viðskiptum og uppgjöri vegna þeirra. Leiðir þetta til þess að verðlagning færsluhirða gagnvart söluaðilum vegna þessara tveggja kortategunda er mismunandi.

Háttsemi Valitors fólst í því að fyrirtækið verðlagði þjónustu sína í færsluhirðingu vegna debetkorta undir breytilegum kostnaði á árunum 2007 og 2008. Með þessari undirverðlagningu var félagið líklegra til að fá samninga við söluaðila um færsluhirðingu vegna kreditkorta sem talin er arðsamari þjónusta.

Háttsemi VALITORS? Í hvaða skóla gekk fyrirtækið. Hvernig datt því þessi háttsemi  í hug?  Hver kenndi því Guðsótta og góða siði? Var það haldið AHD? Fékk það ekki viðeigandi greiningu?

Bernie L. Madoff stofnaði fyrirtækið Bernard L. Maddoff Investment Securities LLC í Bandaríkjunum 1960 og var stjórnarfomaður þess þar til hann var handtekinn 11.desember 2008.Fyrirtækið vr í fremstu röð markaðsleiðandi fyrirtækja á Wall Street sem fór framhjá sérfræðifyrirtækjum og verslaði beint við verðbréfasala. Bró'ðir hans Peter var regluvörður fyrirtækisins. Starfsemi fyrirtækisins  leiddi til taps 18 billjóna dollara sem þegnarnir áttu.

Bernard Madoff var dæmdur í 150 ára fangelsi 29 júní 2009.

Af hverju voru þeir að pönkast á Madoff karlinum? Nánast jafnaldra mínum. Eða þá bróður hans Peter sem fékk 10 ár. Var ekki fyrirtækið ábyrgt fyrir svikunum? Gátu þeir ekki bara sektað fyrirtækið?

Skyldu þeir vera taldir hæfir í Bandaríkjunum til að gegna ábyrgðarstöðum hjá fjármálafyrirtækjum? Á Íslandi hinsvegar væri slíkt líklega talið sjálfsagt. 

Hér er forstjóri VALITORS á þeim tíma sem brotin voru framin, Höskuldur H.  Ólafsson, bankastjóri Arion banka eftir að fyrirtækið VALITOR var sektað fyrir glæpi sína undir hans stjórn. Brotinu var lýst sem ásetningsbroti.

Hefur Monika Caneman stjórnarformaður Arion banka verið spurð um hvaða siðferðiskröfur séu gerðar til stjórnenda bankans? Eða aðrir stjórnarmenn ? Skilja menn almennt hvernig stjórn þessa banka er valin? Hverjir eru eigendur bankans?   Varðar nokkurn um þetta yfirleitt? Ég var hluthafi í þessum banka fyrir hrun. Ég á ekkert í Arion banka. Kemur mér þetta nokkuð við? Nei í rauninni ekki. 

En mér finnst sérstaða Íslendinga stundum merkileg. 

 

Hvaða ráðstafana?

finnst fólki hæfa að grípa til gagnvart þremur bræðrum sem ræna öðrum manneskjum og hafa þær í þrældómi í 10 ár?

Er ráðlegt að beita samtalsmeðferð? Samfélagsþjónustu? Fangelsi? Eða öðru?

Hvaða ráðstafanir eru eiginlega við hæfi? 

 

 

Skúbbið!

er það sem menn þrá um þessar mundir. Menn hafa væntingar til þess að þeir Sigmundur og Bjarni komist að einhverju því samkomulagi sem rofið getur þá möru sem troðið hefur þjóðina síðastliðið kjörtímabil.  Framkvæmdaleysi, ráðleysi, mannleysi. Mikið er ég orðinn mæddur og langeygður eftir því að eitthvað gerist. Atvinnulífið taki kipp. Það komi eitthvað skúbb!

 Það eru ýmis teikn á lofti í heiminum þó að enn sé allt sé í mínus í Evrópu vegna þeirra heimagerðu vandamála sem ESB skrímslið framleiðir handa fólkinu.  Landið er farið að rísa vestur í Bandaríkjunum og atvinnulausum fækkar í fyrsta sinn í langan tíma. Dowið rýkur upp og gullið lækkar.

 Einkennistrjám Kópavogs, byggingarkrönum (áður voru það loftlínur á staurum),  er að fjölga stórlega og slá bjarma á sjóndeildarhringinn þegar maður fer í Salalaugina á morgnana . Menn spá og spekúlera víða. En  það er eins og eitthvað vanti. Okkar vantar forystu sem talar kjark í okkur og boðar okkur möguleika til lífs og starfa en ekki bara nýja skatta eins og sérstaka sykurskattinn sem leggst þungt á landann.

Það er vonandi að frá Þingvöllum komi hressir ungir menn sem eru fullir bjartsýni en ekki bölmóði sem maður fékk sífellt hjá Homo Thistilfjordensis og  öllum þeim villikattafansi.

Það vantar nefnilega skúbbið!